ވިޔަފާރި / ޕެޓްރޯލް

އެސްޓީއޯ އިން ވިއްކާ ޕެޓްރޯލްގެ އަގު މި އަހަރުގެ ތެރޭގައި ހަތަރުވަނަ ފަހަރަށް ހެޔޮކޮށްފި

މާލޭގެ އިންޑަސްޓްރިއަލް ވިލެޖް ސަރަހައްދުގައި ހުރި ފިއުލް ޝެޑުން ސައިކަލަކަށް ޕެޓްރޯލް އަޅަނީ. --- ފޮޓޯ: މިހާރު

މުހައްމަދު ޔާމީން، މިހާރު

14 ޖުލައި 2019 - 23:26

5 comments

އެސްޓީއޯ އިން ވިއްކާ ޕެޓްރޯލްގެ އަގު މާދަމާ އިން ފެށިގެން އަގުހެޔޮ ކުރަން މިރޭ ނިންމައިފި އެވެ.

އެ ކުންފުނިން ބުނީ މާދަމާ އިން ފެށިގެން ޕެޓްރޯލްގެ އަގުން 1ރ. ހެޔޮ ކުރަން ނިންމާފައިވާ ކަމަށެވެ. އެހެންވެ، ޕެޓްރޯލް ލީޓަރެއް ދެން ލިބޭނީ އެސްޓީއޯ އިން ބުނި ގޮތުގައި 10.13ރ. އަށެވެ.

މިއީ އެސްޓީއޯ އިން ޕެޓްރޯލްގެ އަގު މި އަހަރުގެ ތެރޭގައި ހެޔޮކުރާ ހަތަރު ވަނަ ފަހަރެވެ. އެކަމަކު، މިފަހަރު ޑީސަލްގެ އަގު ހެޔޮކޮށްފައެއް ނުވެ އެވެ. ޑީސަލް ލީޓަރެއް މިހާރު ވިއްކަނީ 11.97ރ. އަށެވެ.

We have reduced the price of our petrol by MVR1.00 per litre, effective tomorrow. This is our 4th fuel price reduction this year. pic.twitter.com/Ug4zWRaDhp
— STO Plc (@stoplc) July 14, 2019

އެސްޓީއޯ އިން މިރޭ ކުރި ޓުވީޓު.

އެންމެ ފަހުން ތެލުގެ އަގު ހެޔޮކުރީ މިދިޔަ މަހު އެވެ. އެ ފަހަރު، ޑީސަލް ލީޓަރަކުން 78 ލާރި ހެޔޮކޮށްފައިވާ އިރު ޕެޓްރޯލް ލީޓަރަކުން 26 ލާރި ވަނީ ހެޔޮކޮށްފަ އެވެ.

އާންމު ގޮތެއްގައި ތެލުގެ އަގަށް ބަދަލު ގެންނަނީ ބައިނަލްއަގުވާމީ ބާޒާރުގައި ތެލުގެ އަގަށް އަންނަ ބަދަލާ ގުޅިގެންނެވެ.

އެސްޓީއޯ ފިއުލް ސަޕްލައިސް މޯލްޑިވްސް ޕެޓްރޯލް ޕެޓްރޯލް ޝެޑްތައް ތެލުގެ އަގު ތެޔޮ

5 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބުލްބުލާ

15 July 2019

ޔާމީނު ވެރިކަމަށް އައިސް ޖެއްސީ ޑަމީއަކީ ހުރިހާއެއްޗެއް އަގުބޮޑުކުރުން ދެން ކެންޕޭން ކުރާ ދުވަސްވަރާ ކާރިވީމަ އަގުހެޔޮ ކުރަންފެށީ "އެމަނިކުފާނުގެ ހެޔޮފުޅުކަމުން" މިބޯޑު އަޅުވައިގެން ތިބެ.