ގަމުގެ ފްލައިން ސްކޫލުގައި ބޭނުންކުރާ ބޯޓުތަކެއް ގަން އެއާޕޯޓުގައި.-- ފޮޓޯ: އޭއޭއޭ
16 ޖުލައި 2019 - 13:38
9 comments
އައްޑޫގައި ހުންނަ ފްލައިން ސްކޫލުގައި ޕައިލެޓް ޓްރެއިނިން ހަދަން ދޫކުރި ލޯނުން، ރާއްޖޭން ބޭރުގައި ކިޔަވަން ހަޔަ އެޑިއުކޭޝަން މިނިސްޓްރީން މިއަދު ހުޅުވާލައިފި އެވެ.
އޭޝިއަން އެކަޑަމީ އޮފް އެއަރޮނޮޓިކްސް (އޭއޭއޭ) ގައި ކިޔަވާ ދަރިވަރުންގެ ކިޔެވުން ނުނިމި ދިގުލައިގެންދާ މައްސަލައާ ގުޅިގެން އެ މިނިސްޓްރީން ނެރުނު ބަޔާނެއްގައި ބުނީ، އުސޫލެއްގެ ގޮތުން ރާއްޖޭގައި ކިޔަވަން ދޫކުރާ ލޯނުން، ރާއްޖެއިން ބޭރުގައި ކިޔަވަން ބަދަލުކޮށްނުދޭ ކަމަށެވެ. ނަމަވެސް އެ ދަރިވަރުންގެ ކިޔެވުން ކުރިއަށް ގެންދިއުމުގައި ދިމާވެފައިވަނީ ދަތިތަކަކީ އެ ދަރިވަރުންގެ އިހުތިޔާރުން ބޭރުގައިވާ ކަންތައްތަކެއް ކަމަށް ބުންޏެވެ.
"މި ދަރިވަރުންނަށް ލޯނަށް ދޫކޮށްފައިވާ ފައިސާ އިން ރާއްޖެއިން ބޭރުގައި ކިޔެވުން ފުރިހަމަކުރުމުގެ ފުރުސަތު ހުޅުވާލަމެވެ. މިގޮތުން ކިޔެވުން ފުރިހަމަކުރުމަށް އިތުރު ފައިސާއެއް ހަރަދުވާ ނަމަ، އެ ފައިސާ ހަމަޖައްސަންވާނީ ދަރިވަރުން އަމިއްލައަށެވެ،" ބަޔާނުގައި ބުންޏެވެ.
ލޯނު ނަގައިގެން ކިޔަވަން ފަށާއިރު، ކިޔަވަން ދާން ހުށަހަޅާ ތަނާ ބެހޭ ސައްހަ މައުލޫމާތު ހޯދައި އެއީ ދަރިވަރަށް އެންމެ ރަނގަޅު މަރުކަޒުކަން ކަށަވަރުކުރުމަކީ ލޯނު ފައިސާއިން ދެކޮޅު ޖައްސާ އަދި ކިޔެވުން ފުރިހަމަކުރުމަށްޓަކައި އެޅޭނެ ވަރަށް މުހިއްމު ފިޔަވަޅަކަށްވާތީ އެކަމަށް ވަރަށް ބޮޑަށް ސަމާލުކަން ދިނުމަށް އިލްތިމާސްކޮށްފައި ވެ އެވެ.
އެ ފުރުސަތުގެ ދަށުން ހަޔަ އެޑިއުކޭޝަނުން ލޯނު ނަގައިގެން ރާއްޖޭގައި ޕައިލެޓް ލައިސަންސަށް ކިޔަވަމުންދ އަންނަ ދަރިިވަރުން ރާއްޖެއިން ބޭރަށް ބަދަލުވާން އެދޭނަމަ، އެ ދަރިވަރަކު ކިޔެވުން ފުރިހަމަކުރުމަށް ދާން ބޭނުންވާ މަރުކަޒުގެ ޕްލޭސްމަންޓް ލެޓާ، ފީ ސްޓްރަކްޗާ އަދި އައިޑީކާޑުގެ ކޮޕީއާއެކު [email protected] އަށް މެއިލްކުރަން އެދިފައި އެވެ. އެގޮތަށް ދާ މަރުކަޒަކީ ސިވިލް އޭވިއޭޝަން އޮތޯރިޓީއިން އިތުރު ޓެސްޓަކާ ނުލާ މަތިން ދާ ބޯޓު ދުއްވުމުގެ ހުއްދައެއް ލިބޭ މަރުކަޒެއްކަން ޔަގީންކުރަން ވެސް އެދެ އެވެ.
އެކި ފަހަރުމަތިން ލޯނު ނަގައިގެން 96 ދަރިވަރަކު އަންނަނީ އައްޑޫ ފްލައިން ސްކޫލުގައި މިހާރު ވެސް ކިޔަވަމުންނެވެ. ލޯނު ނުނަގައި، އަމިއްލައަށް ފީ ދައްކައިގެން ކިޔަވާ ދަރިވަރުން ވެސް އެތަނުގައި އުޅެ އެވެ. ނަމަވެސް އެ ދަރިވަރުންނާ ގުޅޭގޮތުން މިނިސްޓްރީން އަދި ވަކިގޮތެއް ނުނިންމަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖާބިރު
17 July 2019
ސިވިލް އޭވިއޭޝަނުން އެއްޗެކޭ ކިޔާބަލަ! ކީއްވެ އޭ.އޭ.އޭ ގެ ކޯސްތައް ނުނިމި ލަސްވަނީ؟ އަޑުއިވޭ ތިޔަ އޮފީހުގަ އުޅޭކަމަށް ފްލައިންގ ސްކޫލުން ބައިއަޅާ ބަޔަކު.ސަރުކާރުން މި ޓްރެއިނިންގ ސްކޫލަށް އަދުލުވެރި ބަދަލެއް ދޭން ފެނޭ.
ފފފފ
17 July 2019
ސަރުކާރުން މިދެނީ ލޯނެއް. ޕައިލެޓް ޓްރޭނިނގ އަށް 180 ދަރިވަރުން އެދުނު. އެކަމަކު، 5 ދަރިވަރުންނަށް ލޯނު ދެވުނީ. މިސަރުކާރުން ކަމެއް ނުކޮށް ތިބިއްޔާ މާތާހިރުވާނެ.
ގުއިޓައްޕަން އައްޔައްޕާ
17 July 2019
ކިޔަވަން ލޯނުލިބޭވަރުވާނީ މުއްސަދިންގެ އަތަށްއުނގުޅި ބާވެފައި ހުރި ކުންފުނިތަކަށް މިލިއަނުން ދިވެހިހަޒާނާހުސްވަންދެން ލާރިދީ އެއްޗެއްއޮވެއްޖެނަމަ. މިކުންފުނިތަކަށް ބަދަލުދެނިއްޔޯ.
ވައުދު
16 July 2019
އަމިއްލަ އަށް ކިޔަވާ ކުދިންނައްވެސް ސަރުކާރުން ގޮތެއް ހޯދާދެއްވަންވީނޯންތޯ ދެރަނިކަމެތިން ތިން .ހަތަރު ލައްކަ ލޯނުނަގައިގެންވެސް ފަސް އަހަރު ހައަހަރުވާއިރުވެސް ނުނިމޭ ކިޔަވައޮދޭ ތަންތަނުން ބަލަނީ ކުދިން އިތުރު ކުރެވޭތޯ ޥީމާ އަމިއްލަ އަށް ކިޔާވާ ކުދިންނަށްވެސް އެހީއެއްވެދެއްވުން ރަނގަޅު
ފފފފ
16 July 2019
މިފަހަރު ލޯނު ލިބުން ފަރާތްތަކުގެ ލިސްޓް ހާމަކުރާނީ ކޮންދުވަހަކުންތަ؟
މަރޭމިތުރު
16 July 2019
ގިނަ މީހުންދާނީ މެލޭއަށްކަމަށް ބެލެވެނީ! ސަބަބަކީ މެލޭއިން ބަހުގައި ބެންކޮކަށް ދެވޭތީވެ!
ނުހޮވުނު މެންބަރު
16 July 2019
އެހެން ކޯސްތައްވެސް ހަމަ ދަތި އެބަހުރި ޑަކްޓަރުކަން ކިޔަވާ ކޯހުގައިވެސް އަދި މެޑިކަލް ބޯޑުގެ ހުއްދަވެސް ނުހޯދާ އުޅެނީ ޕައިލެޓްކޯސްވެސް ތި ދީލާލީ ބައަކާ ގުޅުން ހުރި ބަޔަކަށް ރަނގަޅު ގޮތް ހަދައިދިނުމަށް
މަރޭމިތުރު
16 July 2019
މެލޭށިއާއަށް ތކަމަށް ފޮނުވާކުދިން ތައިލެންޑައް ދޭ ބަހުގައި ގޮސް މަޖާކޮށްފައި އަންނަނީ މަށަށް އެނގޭތީ މިބުނަނީ! ގިނަ ކުދިން ދާނީ މެލޭއަށް.
ފފފފ
17 July 2019
މަރޭއަށް މެލޭޝިޔާ ކިޔަން ނޭނގޭކަން ފާހަގަކަ ކުރެވޭތީ ބުނެލަންތަ؟ "މެލޭޝިޔާ"