ސްޕޯޓްސް މިނިސްޓަރު މަހުލޫފު (ކ-2) އާއި އޮލިމްޕިކް ކޮމިޓީގެ ސެކްރެޓަރީ ޖެނެރަލް މަރުޒޫގު (ވ-2) އަދި ބިޑް ކޮމިޓީގެ މެމްބަރު އަންދު (ކ) މިއަދުގެ ބައްދަލުވުމުގައި. --ފޮޓޯ: ސްޕޯޓްސް މިނިސްޓްރީ
20 ޖުލައި 2019 - 18:10
12 comments
އިންޑިއަން އޯޝަން އައިލެންޑް ގޭމްސް (އައިއޯއައިޖީ) 2023 ވަނަ އަހަރު ރާއްޖޭގައި ބޭއްވުމަށްޓަކައި ދިވެހި ސަރުކާރުން މިއަދު ރަސްމީކޮށް ބިޑްކޮށްފި އެވެ.
މި ގޭމްސް ރާއްޖޭގައި ބާއްވަން މޯލްޑިވްސް އޮލިމްޕިކް ކޮމިޓީން ހުށަހެޅި ހުށެހުޅަމަކަށް ރައީސް އިބްރާހިމް މުހައްމަދު ސޯލިހު މިދިޔަ ފެބްރުއަރީ މަހު އިޖާބަ ދެއްވުމާ އެކު، ރާއްޖޭން ވަނީ ބިޑުގެ މަސައްކަތް ފަށައިފަ އެވެ. އެގޮތުން ގައުމުތަކުގެ ތާއީދު ހޯދުމަށް ސްޕޯޓްސް މިނިސްޓަރު އަހުމަދު މަހުލޫފާއި ފޮރިން މިނިސްޓަރު އަބްދުﷲ ޝާހިދު ވަނީ މިދިޔަ ހަފުތާގައި ވަނީ ދަތުރުކުރައްވައިފަ އެވެ.
ބިޑް ހުށަހެޅުމަށްޓަކައި މޮރިޝަސްގެ އިންޓަ ކޮންޓިނެންޓަލް ހޮޓުގައި ބޭއްވި ރަސްމިއްޔާތެއްގައި ރާއްޖޭގެ ބިޑް ހުށަހެޅުއްވީ ސްޕޯޓްސް މިނިސްޓަރު މަހުލޫފެވެ. މި ސަރަހައްދުގެ ގިނަ ގައުމުތަކަކީ ފްރެންޗް ބަހުން ވާހަކަދައްކާ ގައުމުތަކަކަށް ވާތީ އޮލިމްޕިކް ކޮމިޓީން ރާއްޖޭގެ ބިޑުގެ ބްރޯޝާ ތައްޔާރުކުރީ ފްރެންޗް ބަހުންނެވެ.
ރާއްޖޭގެ އިތުރުން ބިޑްކޮށްފައިވަނީ މަޑަގަސްކަރަ އާއި ކޮމޮރޯސް އެވެ. ރާއްޖެ އަށް ތާއީދުކުރާނެކަން މިހާތަނަށް ކަށަވަރުކޮށްދީފައިވަނީ ސީޝެލްސް އިންނެވެ. މަޑަގަސްކަރައިން މީގެ ކުރިން ދެ ފަހަރު ގޭމްސް ބާއްވާފައިވާތީ، އަލަށް ބާއްވަން މަސައްކަތްކުރާ ގައުމަކަށް އެ ފުރުސަތު ދިނުމުގެ ގޮތުން ރާއްޖެ އަށް ތާއީދު ދޭން ރާއްޖޭން ވަނީ އެދިފަ އެވެ. ބިޑް ކާމިޔާބުކުރާ ގައުމެއްގެ ނަން އިއުލާންކުރާނެ ސީދާ ދުވަހެއް ނޭގެ އެވެ. އެކަމަކު މިހާރު ކުރިއަށްދާ އައިއޯއައިޖީ މިމަހުގެ 29 ގައި ނިމުމުގެ ކުރިން އިއުލާންކުރާނެ އެވެ.
މިއަދުގެ ރަސްމިއްޔާތުގައި މަހުލޫފު ވިދާޅުވީ އައިއޯއައިޖީ އަކީ ދިވެހިންގެ ހިތްތަކާއި ގުޅިލާމެހިފައިވާ މުބާރާތެއް ކަމަށެވެ. އެގޮތުން މި މުބާރާތަކީ ރާއްޖޭން އެންމެ ފުރަތަމަ ބައިވެރިވި ބައިނަލްއަގްވާމީ ކުޅިވަރު މުބާރާތްކަމާއި ރާއްޖޭން ބައިނަލްއަގްވާމީ ފުޓުބޯޅައިގައި ޖެހި ފުރަތަމަ ގޯލް ޖެހީ މިމުބާރާތުގައިކަން މިނިސްޓަރު ފާހަގަކުރެއްވި އެވެ.
"ކަނޑުތައް ހުރަސްކޮށް މި މުބާރާތުގައި ބައިވެރިވުމަށް ރާއްޖޭން މި ސަރަހައްދުގެ އެހެން ގައުމުތަކަށް ދަތުރުކުރާތާ 40 އަހަރުވެއްޖެ. މިއީ ރާއްޖެއަށް މުބާރާތް ބޭއްވުމުގެ ފުރުސަތު ދޭންވީ ފަހަރު،" މިނިސްޓަރު ވިދާޅުވި އެވެ.
މި ގޭމްސް އަކީ އެފްރިކާގެ އިރުމަތީ ބިތުގައި، އިންޑިއާ ކަނޑަށް ނިސްބަތްވާ ގޮތަށް އޮންނަ ޖަޒީރާ ގައުމުތަކުގެ މެދުގައި 1979 ވަނަ އަހަރުން ފެށިގެން އަންނަ ބޮޑު ކުޅިވަރު ހަރަކާތެކެވެ. ގޭމްސް ބާއްވާފައިވާ ގައުމުތަކަކީ ރިޔޫނިއަން އައިލެންޑްސް، މޮރިޝަސް، މަޑަގަސްކަރަ އަދި ސީޝެލްސް އެވެ. މީގެ ތެރެއިން 1993 އަދި 2011 ވަނަ އަހަރު ގޭމްސް ބޭއްވި ސީޝެލްސް އަކީ ލައްކައެއްހާ މީހުން ދިރިއުޅޭ ރާއްޖެ ފަދަ ޖަޒީރާއެކެވެ.
މި އަހަރުގެ އައިއޯއައިޖީ ބާއްވަން 2015 ވަނަ އަހަރު ރާއްޖޭން ޝައުގުވެރިކަން ފާޅުކުރި އެވެ. އެކަމަކު ވަގުތު ނެތުމާއި ސަރުކާރުގެ މާބޮޑު އެއްބާރުލުމެއް ނުލިބުމުން ކުރިއަށް ނުދިއައީ އެވެ. ބައިނަލްއަގްވާމީ ކުޅިވަރު މުބާރާތްތައް ރާއްޖޭގައި ބޭއްވުމަކީ މި ސަރުކާރުގެ ރިޔާސީ ވައުދުތަކުގެ ތެރެއިން ހިމެނޭ ކަމެކެވެ.
މި ގޭމްސް އަކީ ބައިނަލްއަގްވަމީ މައިދާނުގައި ރާއްޖެ އަށް އެންމެ ކާމިޔާބު ކުޅިވަރު ހަރަކާތެކެވެ. އެގޮތުން ރާއްޖެ އަށް ބައިނަލްއަގްވާމީ މަލްޓި ސްޕޯޓްސް މުބާރާތެއްގައި ލިބުނު ފުރަތަމަ ރަން މެޑަލް ދުވުންތެރިޔާ ހަސަން ސާއިދު ހޯދީ 2015 ވަނަ އަހަރުގެ ގޭމްސްގައި 100 މީޓަރު ދުވުމުންނެވެ. މީގެ އިތުރުން ބެޑްމިންޓަނާއި ޓޭބަލް ޓެނިހުން ވެސް ވަނީ މި ގޭމްސްގައި މެޑަލްތަކެއް ހޯދައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުރާނަމަޖެހޭނެއޭ
20 July 2019
ރާއްޖޭގެ ރައްޔިތުން ވޯޓް ދީގެން ހޮވާފައި ހުރި ފޮރިންގް މިނިސްޓަރެއް ވެސް ނުހުންނާނެއޭ އަދި ޔޫތު މިނިސްޓަރެއް ވެސް ނުހުންނާނެއޭ ރައްޔިތުންގެ ވޯޓް އިން ރައީސް އާއި އެކު ނަން ޖަހައިގެން ހޮވިފައި ހުންނަ މީހެކޭ ނައިބް ރައީސް އަކީ އޭނާ އިހަށް ދުވަހު އޭނާގެ ރަށްކަމަށްވާ ފުވައްމުލަކަށް ގޮސް އެރަށު މީހުން ގާތު ބުނީ ރައީސް އިބޫ ކަންކަން ކުރާނީ ރައްޔިތުންގެ މަޝްވަރާ އާއި ލަފައާއި އެކުއޭ މަސްވެރިން ގާތުއެކަނި ނޫން ލަފާ ހޯދަން ޖެހޭނީ ޓެކްސްޕޭޔަރ މަނީ ވޭސްޓް
މިލިއަންޑޮލަަރަށޭ
20 July 2019
އައިއޯއައިޖީ ގޭމްސް ރާއްޖޭގައި ހޮސްޓް ކުރަން ސަރުކާރުން އެބިޑް އަށް ލޮބީ ކޮށްގެން ބިޑް ހުށައަޅަން ވެސް މިހާތަނަށް ދައުލަތުގެ ބަޖެޓުން ޚަރަދުކޮޮށްފިއޭ ފޮރިންގް މިނިސްޓަރާއި އަދި ޔޫތު މިިނިސްޓަރާއި އަދި ރައީސް މެން މޮރިޝަސް އަށް ގޮސް އެގައުމުގައި ތިބެގެން 5 މިލިއަން ޑޮލަރަށް ވުރެން މަތީ އަދަދެއް މިފައިސާ އެމްޓީސީސީ އަށް ދިންނަމަ އެމެން ގުޅިފަޅު އެއްކޮށް ހިއްކާނެއޭ މިފައިސާ އިން މާލެ ސައިޒުގެ ރިސޯރޓެއް ވެސް މާލެ ސަރަހައްުދުގެ ފަޅުން ހިއްކާލަނީ 2
ނުބޭއްވޭނެއޭ
20 July 2019
ރާއްޖޭން ރަސްމީ ކޮށް ބިޑް ހުށަައަޅައިގެން އައިއޯއައިޖީ މުބާރާތް ރާއްޖޭގައި ބާައްވައިގެން ނުވާނެއޭ ރައްޔިތުންގެ %95 މާލެ ސަރަހައްދުން ބޯހިޔާ ވައްސެއް ނުލިބިގެން ތެޅި ތެޅި ހަނާވަނީއޭ އެމެން ބޭންކްރަޕްޓް ވަނީއޭ މާލެ ސަރަހައްދުގެ ވިޔަފާރިވެރިން އެމެން އަމިއްލަ އިމާރާތެއް ނެތި ތަންތަނުގައި ކުއްޔަށް އުޅުން އެމެންނަށް ލިބުނު ހުރިހާ ފައިސާ އެއްވެސް ވަނީ މިކަމަށް ހުސްވެފައޭ މިކަން ނޫންތޭ ސަރުކާރުން ފުރަތަމަ ވެސް ހައްލު ކުރަންވީ މިކަން ނުކޮށް އައިއޯއައިޖީ
އޮޅާލާ
20 July 2019
އެއްގޮތަކަށް ވެސް ތިޔާ އައިއޯޖީ މުބާރާތް ރާއްޖޭގައި ބާއްވައިގެން ނުވާނެއޭ ރައްޔިތުންނަށް ފެންނަ ނުފެންނަ ވޯޓް ނުނަގާ އެނޫން އެއްވެސް ގޮތެއް އޮވެގެން ނުވާނެއޭ މިކަމުގައި ރައްޔިތުން ބޯހިޔާ ވައްސެއް ނުލިބިގެން ހަނާވަނީ ސްކޫލް ތަކުގައި ކިޔަވާދޭނެ ޕްރައިމަރީ ޓީޗަރުންގެ މުސާރަ ކޮޅުން %50 ބޮޑު ކޮށްލާނެ ފައިސާ އެއް ނެތް އެކަމަކު ކުނި ކާއެއްޗެހި ސްކޫލް ތަކަށް ހެދުނު ގެންދާ މީހުން މާލޭން ގޯތި ގަނެލަނީ އަޕްފްރަންޓް ކޮށް ފައިސާ ދައްކާފައި އަައިއޯޖީ މުބާރާތް
ބޭނުމަކީކޮބާ
20 July 2019
ރާއްޖޭން ރަސްމީކޮށް އައިއޯޖީ މުބާރާތް ހޮސްޓް ކުރަން ބިޑް ހުށައެޅީ އެކަމުގައި ރައްޔިތުންނާއި އެއްވެސް ގޮތަކުން މަޝްވަރާ ކޮށްގެން ނޫނޭ 2023 ވަނަ އަހަރު އަންނަންވާއިރަށް މާބޮޑަށް ތާހިރުވާނެ އެއް ނޫންތޭ މާލެ ސަރަހައްދުގައި އަމިއްލަ ގެދޮރު ނެތް އެކަކު ވެސް ނެތިވޭތޯ ބަލަން ގުޅިފަޅު ހިއްކާ ތިލަފުށި ހިއްކާ އެތަނާއި މާލެ އާއި ދެމެދު ބްރިޖް އަޅާ އަދި އެތަނުން ކޮންމެ މީހަކަށް 2000 އަކަފޫޓްގެ ގޯއްޗެއް މަހަކު 2 ހާސް ރުފިޔާގެ ކުއްޔަށް ދިނިއްުޔާ.
ބަބުރަންޖީ ހާޖީ
20 July 2019
މިކަން ކާމިޔާބުވެއްޖިއްޔާ މަހޭ ފިސާރި ފޯރިއެއް ހުންނާނެ އިގޭ.
ހަސަން އަސަދު
20 July 2019
މިއީ ސިޔާސީ ސްޓްންޓެކެވެ.ދިވެހިންނެވެ.މިކަން ދަންނާށެވެ.އައި.އޯ.ޖީ.ކީއްކުރަން ހެއްޔެވެ.މި ފަދަ ބައިނަލް އަޤުވާމީ މުބާރާތްތައް ބާއްވަން ރާއްޖޭ ކައިރި ކުރާވަރަށް އެއްވެސް ކުޅިވަރުގެ އިންފްރާސްރަކްޗައެއް ޤާއިމުވެފައި ނެތެވެ.ތަންކޮޅެއް ކުރިންވެސް މިޒާތަކަށް ބައިނަލް އަޤުވާމީ މުބާރާތެއް ރާއްޖޭގައި ބޭއްވިއެވެ.ވީ ވަރަކީ ހަމައެކަނި އެމުބާރާތުގެ ހުޅުވުން ބޭއްވުމެވެ.މަށަށްވެސް ރަގަޅީ ވީހާވެސް ރާއްޖެ ކުޅިވަރުގައި ކުރިޔަށް ދިއުމެވެ.
ގޮތަށޭ
20 July 2019
އައިއޯޖީ މުބާރާތް ރާއްޖޭގައި ރާއްޖޭގެ ބަޖެޓުން ޚަރަދުކޮށްގެން ބާއްވަން ޖެހޭނެ އެއްވެސް ރީޒަން އެއް މަމެންނަށް ނުފެނެއޭ އެކަން ކުރަން ޖެހޭނީ މާލެ ސަރަހައްދުގައި ތިބި ހުރިހާ ވިޔަފާރިވެރިންނަށް ގުޅިފަޅުން ބިންދީ އެތަން ތަަނަށް އެމެންގެ ވިޔަފާރި ބަދަލު ކޮށް ރާއްޖޭގެ ބަޖެޓް އަރަނިވި ދުވަހަކުންނޭ އެއްވެސް މީހެއްގެ މައިންބަފައިންގެ ތަރިކަ މުދަލެއް ނޫނޭ ސަރުކާރުގެ ބަޖެޓް ގައި ހުންނަ ފައިސާ އަކީ އެފައިސާ ޚަރަދު ކުރަން ޖެހޭނީ ކުރާ ޚަރަދު އަނބުރާ ލިބޭ
ބާއްވަންއުޅެނީ
20 July 2019
ރާއްޖޭން ރަސްމީކޮށް ބިޑް ހުށައެޅީ އެއީ އައިއޯޖީ ގައި ބައިވެރިވާން އެކަމަކު މާލެ ސަރަހައްދުގައި ފްލެޓްސް ތަަކަށް އެދި ފޯރމް ލާފައިވާ އެންމެންނަށް ފްލެޓްްސް ތައް ދޭނެ ކަމަށް ބުނެ އިއުލާން ކޮށްގެން ވެރިކަމަށް އައިސް ވެރިކަމަށް 9 މަސްދުވަސް ވެގެންދާއިރު ވެސް ރައްޔިތުންނަށް ތަފާތު ތާރީޚް ތައް ދީ އެއިން އެއްވެސް ތާރީޚް އެއްގައި އެއްވެސް ކަމެއް ނުކޮށް ބޭކާރު ޚަރަދުކޮށްގެން ރައްޔިތުންގެ ފައިސާ ދަމައިގަންނާނެ ގޮތެއް ބެލުމަށޭ އައިއޯޖީ މުބާރާތް ރާއްޖޭގައި
ރަދީފް
20 July 2019
ބޭކާރުކަމެކޭ ނުބުނަން މަމެން ނެތިން. މަރޭ އުފާކޮށްލަދޭން ސަރުކާރުން މިކަންކުރާނަމަ ދެން ކުރަންވީ. ވ.ވެދުން
ކެރިގެން
20 July 2019
ކެރިގެން މިބުނަނީ އެއީ ބޭކާރުކަމެކޭ. ޓީޓީ އަދި ބެޑްމިންޓަން އާއިފެތުމުން ކުރީފަހަރުގެ 9 މެޑެލް ހޯދައިދިނުމަށް ބޮޑުއެހީއެއްނުދިންނަމަ ޓީމް މާލެއައިހީ ސާއިދުގެ ރަންމެޑެލް އެކަނިކަހަލަ ގޮތަކަށް ހިފައިގެން. ފުޓްބޯޅައާއި ވޮލީ އަދިބާސްކެޓަކީ ނަމެއްގަދާ ބައެއް. ހަމަމަޖާކޮށް ވިޔަފާރިކުރުން އޮންނަނީ. އެމީހުންނަށްވެސް އެނގޭ އެމީހުންގެފެންވަރު. ކާމިޔާބު ހޯދާ ކުޅިވަރުތަކަށް އިސްކަންދީގެންއަދި ކާމިޔާބު ހޯދޭނެ ކުޅިވަރުތަކަށް އިސްކަންދީގެން ޚަރަދުކޮށް ކުރިއަރުވަންވީ.