ބީއެމްއެލް ހެޑް އޮފީސް: އެ ބޭންކަށް މިއަހަރުގެ މިހާތަނަށް 724 މިލިއަން ރުފިޔާގެ ފައިދާއެއް ވަނީ ލިބިފަ އެވެ.-- ފޮޓޯ: ހުސައިން ވަހީދު /މިހާރު
25 ޖުލައި 2019 - 11:21
18 comments
ބީއެމްއެލް އަށް މި އަހަރުގެ ފުރަތަމަ ހަ މަސްދުވަހުގެ ތެރޭގައި ޓެކުހަށް ކެނޑުމުގެ ކުރިން 724 މިލިއަން ރުފިޔާގެ ފައިދާ ވެފައިވާ ކަމަށް އެ ބޭންކުން ބުނެފި އެވެ.
ބީއެމްއެލުން އިއްޔެ ނެރުނު ނޫސްބަޔާނެއްގައި ބުނެފައިވާ ގޮތުން މިއީ މިދިޔަ އަހަރުގެ މި މުއްދަތާ އަޅާ ބަލާއިރު ފަސް ޕަސެންޓުގެ ކުރިއެރުމެކެވެ. މިއީ މި މުއްދަތުގައި ލަފާ ކުރި މިންވަރަށް ވުރެ ރަނގަޅު ކުރިއެރުމެއް ކަމަށް ވެސް ބިއެމްއެލުން ބުންޏެވެ.
ބީއެމްއެލްގެ ކުއާޓާލީ ރިޕޯޓުތައް ދައްކާ ގޮތުގައި އެ ބޭންކަށް މި އަހަރުގެ މިހާތަނަށް ސާފު ފައިދާގެ ގޮތުގައި ވަނީ 528 މިލިއަން ރުފިޔާ ލިބިފަ އެވެ. މިދިޔަ އަހަރުގެ މި މުއްދަތުގައި އެ ބޭންކަށް ސާފު ފައިދާގެ ގޮތުގައި ލިބިފައިވަނީ 499 މިލިއަން ރުފިޔާ އެވެ.
ބީއެމްއެލުން ބުނީ އެ ބޭންކުގެ ހިންގުމުގެ ހަރަދު މި އަހަރު ބޮޑުވެފައި ވީނަމަވެސް ވިޔަފާރީގެ ދާއިރާތަކުންނާއި ބޭންކުން ދޫކުރާ ލޯނުތަކުން ކުރިއެރުން ލިބިފައިވާ ކަމަށެވެ. ބޭންކުގެ ރައުސްމާލުގެ ފުދުންތެރިކަން ގާނޫނުގައި ކަނޑައަަޅާފައިވާ މިންވަރަށްވުރެ މަތީގައި ހިފެހެއްޓިފައި ހުރި ކަމަށް ވެސް އެ ބޭންކުން ބުނެ އެވެ.
އެ ބޭންކުން ވަނީ މި އަހަރުގެ ފުރަތަމަ ހަ މަސްދުވަހުގެ ތެރޭގައި ތަފާތު އެކި ޕްރޮޖެކްޓްތައް ކުރިއަށް ގެންގޮސްފަ އެވެ. އޭގެ ތެރޭގައި ތައުލީމާއި، ކުޅިވަރާއި، ތިމާވެށީގެ ދާއިރާގެ އިތުރުން ހިލޭ ސާބަހަށް މަސައްކަތްކުރާ ޖަމިއްޔާތަކާ އެކު 50 ޕްރޮޖެކްޓެއް ހިންގި އެވެ. މީގެ އިތުރުން މުޖުތަމަ އަށް އެހީތެރިކަން ފޯރުކޮށްދިނުމަށް ހިންގާ 300 މިލިއަން ރުފިޔާގެ އިންވެސްޓްމަންޓް ޕްރޮގްރާމެއް ވެސް ބީއެމްއެލުން ވަނީ ކުރިއަށް ގެންގޮސްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޫސަބެހަހަހަހަހ
25 July 2019
ދެން އަވަހައް ހިއްސާ ބަހާބަލަ!
ރާއްޖެ
25 July 2019
މިވަރަށް ފައިދާ ވާ އިރުވެސް ސްޓޫޑެންޓް ލޯނެއް ނުދައްކައިގެން ދުވާލަކު އެސް އެމް އެސް އެއް އެބަ ފޮނުވާ.
އެމްސް
25 July 2019
މިވަރުންވެސް، އިންޓެރެސްޓް ރޭޓް ދަށްކޮށް، ދިވެހިން ފެލުން ހުއްޓޭކަށް ނުވޭބާ؟
ބޮޑުމީހާ
25 July 2019
ތިތަނަށް ފައިދާ ލިބޭ ވަރު މަދު. ރައްޔިތުން ފެލާލައިގެން ވަނީ ތިވަރުތަ. -/50000 ލުއި ލޯނަށް -/75000 ނަގާ.
ޢައްޔު 1
25 July 2019
ތީ ރައްޔިތުންގެ ބޭންކް އެއް ނޫން...ލޯނުތަކުން ނަގާ އިންޓަރެސްޓް އެހާ ބޮޑު.
ފަހުދާ
25 July 2019
އަވަހަށް އައްޑޫ މަގު ހަދާ!
މުޙައްމަދު ހާން
25 July 2019
މަ މީ ތިތަނުން ވަރަށް ގިނަ ޙިއްޞާ ގަނެގެން އުޅޭމީހެއް، ތިކަމަށް ވަރަށް ގިން އިންތިޒާރު ތަކެއް ކުރެވިއްޖެ އަވަހަށް ޙިއްސާ ދާރުންނަށް ބަހާލަދީ، ބެންކް ހިންގުމުގެ ޚަރަދު ބޮޑުވާނެތަ ބޭކާރު ޚަރަދު ކުރަންޏާ، ފާޑުފާޑަށް އެކި އެކި ކަންކަމަށް ޚަރަދެއް ނުކުރެވޭނެ ، އިޖުތިމާއި ކަންކަމޭ ކިޔާގެން އެކަންކަމުން ނާޖާއި ފައިދާ ހޯދަށް ނޫލޭތި، އަވަސް ކުރޭ ތި ބަހާލަދީ. ތިޔަށް ބަރޯސާ ވެގެން އުޅޭތާ އެތަށް ދުވަހެއް ވެއްޖެ
އިލްޔާސް
25 July 2019
ސުކުރިއްޔާ، މަރުހަބާ ދިވެހިން ، މަރުހަބާ ދިވެހިބޭންކު، މަރުހަބާ މަރުހަބާ، ބީއެންއެލްއަށް މަރުހަބާ، މައުމޫނަށް މަރުހަބާ
ރަދީފް
25 July 2019
724 މިލިއަނުގެ ތެރޭގަ ރިބާ (އިންޓަރެސްޓް)ގެ ގޮތުގަ ކިތަށް މިލިއަން ހިމެނޭތަ؟؟
ކެސީނޯޖާބިރު
25 July 2019
މަރުޙަބާ، ބުނާނެ ސަރުކާރު އިސްޕީޑު ލަހޭ، ބަލަގަ މިހިރަ މިހިރަ ކަންކަމުން އެނގި ހާމަވަނީ ސަރުކާރުގެ ހަލުވިކަން، މުސަޅު އިސްޕީޑުގައި މިދަނީ، ކަންޒުކަހަބު ދުވެއްޔަކު ނޫން، ލަފާކޮށްފައިނެތް މިންވަރަށް ފައިދާ ހޯދުމުން އެނގެނީ އިގްތިސާދީ ރޮގުން މިސަރުކާރުން ހޯދަމުންދާ ކިރިއެރުމުގެ ސުޕީޑުގެ ހަލުވިކަމާ އަވަސްކަން