މަހިބަދޫ ދާއިރާގެ އެމްޑީޕީގެ މެމްބަރު އަހުމަދު ތޯރިގް (ޓޮމް) މަޖިލިހުގެ ޖަލްސާއެއްގައި ވާހަކަ ދައްކަވަނީ. --- ފޮޓޯ: މަޖިލިސް
20 އޯގަސްޓް 2019 - 13:56
19 comments
ރާއްޖޭގެ ކަނޑުގެ ސަރަހައްދުގައި "ކަންނެލި ޖަގަހަތައް" ގާއިމު ކުރުމަށް ވުރެ، އުތުރާއި ދެކުނުގައި މަސް ފެކްޓަރީއެއް ގާއިމުކޮށްފި ނަމަ، މަސްވެރިކަމުގެ ސިނާއަތް ކުރިއަރާނެ ކަމަށް ރައްޔިތުންގެ މަޖިލިހުގެ މަހިބަދޫ ދާއިރާގެ ޕީޕީއެމް މެމްބަރު އަހުމަދު ތޯރިގް (ޓޮމް) މިއަދު ވިދާޅުވެއްޖެ އެވެ.
މަސްވެރިކަމުގެ ބިލަށް މަޖިލިހުގައި ބަހުސް ކުރައްވަމުން ތޯރިގް ވިދާޅުވީ ސަރުކާރުން ހުށަހެޅި ބިލަކީ 2004-2005 ވަނަ އަހަރު ފަރުމާކޮށްފައި އޮތް ފްރޭމްވޯކެއް ކަމަށެވެ. ބިލްގައި އޮތް އެއްޗެއް ސާފު ނުވާ އިރު، ބިލްގެ ކޮންމެ ބާބެއްގައި އޮތީ ފިޝަރީޒް މިނިސްޓްރީން ގަވައިދު ހަދާނެ ވާހަކަ ކަމަށް އޭނާ ވިދާޅުވި އެވެ. އަދި މަސްވެރިން ބޭނުންވާ ކަންތައްތައް ބިލްގައި ނެތް ކަމަށް ވެސް އޭނާ ވިދާޅުވި އެވެ.
"އަރިމަތީ ސުރުހީގައި ވަރަށް ރީތި އިބާރާތްތަކެއް އެބަހުރި. އޮފްޝޯ ޕްލެޓްފޯމްތަކަކާއި (ކަންނެލި ޖަގަހަތައް) ހެޔޮވެރިކަން ކުރުމަކީ ކިހިނެއް ކުރާ ކަމެއް ކަން ބިލްގައި ބުނެފައެއް ނުވޭ،" ތޯރިގް ވިދާޅުވި އެވެ.
މަސްވެރިންނަށް ހެޔޮ ކަމެއް ކޮށްދޭ ނަމަ، ބޮޑު ކަންނެލި ގަނެވޭނެ ދެ ފެކްޓަރީ ރާއްޖޭގެ އުތުރާއި ދެކުނުގައި އަޅަން ޖެހޭ ކަމަށާއި ކަންނެލި ޖަގަތައް ގާއިމުކޮށްގެން ވާނެ ފައިދާއެއް ނެތް ކަމަށް އޭނާ ވިދާޅުވި އެވެ. ތޯރިގް ވިދާޅުވި ގޮތުގައި މަސް ފެކްޓަރީތައް ގާއިމު ކުރަންވީ ހއ. އާއި އައްޑޫގަ އެވެ. އެތަނުގައި ތެލާއި ކޮއްތާއި އައިސް އަދި މަސް ގަނެވޭނެ ގޮތްތަކެއް ހަދަން ޖެހޭ ކަމަށް އޭނާ ވިދާޅުވި އެވެ. އޭނާ ވިދާޅުވި ގޮތުގައި އެއީ ބަޔަކަށް ރަށެއް ދީގެން ނަމަވެސް ކުރަންޖެހޭ ކަމެކެވެ.
"ޕްލެޓްފޯމްތަކެއް އެޅިދާނެ ވަރަށް ބޮޑެތި ހަރަދުކޮށްގެން. އެ މަސް ވިއްކަން 100 މޭލު ބޭރަށް ދާނެ މީހަކު ނުހުންނާނެ. އެންވެރިކަން ދިރުވާނީ ކިހިނެއްތޯ 100 މޭލު ބޭރުގައި؟ މި ކިޔަނީ އޭގެ ފުންމިން ނޭނގޭ ސަރަހައްދު،" އޮފްޝޯ ޕްލެޓްފޯމް ހަދަން ދެކޮޅު ހައްދަވައި ތޯރިގް ވިދާޅުވި އެވެ.
"މާލެ ސަރަހައްދުގައި މިހާރު ވެސް މަސް ފެކްޓަރީތައް އެ ހުރީ. މި ތިން ސަރަހައްދުގައި މަސްވެރިންނަށް މަސް ގަނެވޭނެ ގޮތަށް ތަރުތީބުކޮށްފިއްޔާ އެ ވާނީ ހެޔޮ ވެރިކަމެއް ކުރި ކަމަކަށް،"
ތޯރިގް ވިދާޅުވި ގޮތުގައި އެމްޑީޕީން 2008 ގައި ވެރިކަމަށް އައިސް މިފްކޯ އާއި ފެލިވަރާއި ކޫއްޑޫ ނަމުގައި ކުންފުނިތައް ހެދުމުގެ ސަބަބުން ބޮޑު ކަންނެލީގެ މަސްވެރިކަން އޭރު ކަނޑުއޮތްގިރީގައި ކުރަމުން ދިޔަ ކުންފުނި ވަނީ އިނދަޖެހިފަ އެވެ. ކަނޑުއޮތްގިރީގައި މިހާރު ސާޅީހަކަށް މުވައްޒަފުން ތިބެގެން ކުރާ ހަމައެކަނި ކަމަކީ އައިސް ވިއްކުން ކަމަށް ވެސް އޭނާ ވިދާޅުވި އެވެ.
"ބޮޑު ރަށެއް ނަގައިގެން ސާޅީސް މުވައްޒަފުން ލައިގެން ކަނޑުއޮތްގިރީގައި އައިސް ވިއްކުމުގެ ބޭނުމަކީ ކޮބައިތޯ؟ ކީއްވެތޯ ބޮޑުކަންނެލީގެ މާކެޓަށް، ކަނޑުއޮތްގިރި އަށް ނުވަތަ މިފްކޯ ވަދެގެން ނުދެވެންވީ؟ އެ ކުންފުނީގެ ރަނގަޅު މުވައްޒަފުންތައް ދެމިގަނެގެން ދިޔައީ ކީއްވެގެންތޯ؟" ތޯރިގް ވިދާޅުވި އެވެ.
ރާއްޖޭގެ ބޮޑު އާބާދީއެއް ބޮޑުކަންނެލީގެ މަސްވެރިކަން ކުރަމުން އައި ނަމަވެސް، މަހުގެ އަގު އެވްރެޖްކޮށް އުޅެނީ 50ރ. އާއި 35ރ. އާ ދޭތެރޭގައި ކަމަށް ތޯރިގް ވިދާޅުވި އެވެ. އަދި ކަންނެލި މަސްވެރިކަން ކުރާ މީހުން މިހާރު ކަންމަތީ ފިހާރަތަކަށް ދަރާފައި އޮތް ކަމަށް ވެސް އޭނާ ވިދާޅުވި އެވެ.
"ދިހަ ދުވަހަށް (މަހަށް) ގޮސް އެނބުރި އަންނަ އިރު އަނބިމީހާ އަތުގައި ފައިސާއެއް ނޯވޭ. މަހަށް ފުރައިގެން ދަނީ އެ މީހާ ގައިގައި ލާނެ ލޯޝަން ކޮޅެއް ވެސް ނެތް ވަރަށް އެމީހާގެ އަތްމަތި ދަތިވެގެން ހުރެ. ދިހަ ދުވަހު މަސައްކަތްކޮށްފައި އައިސް 1،000ރ.-2،000ރ. ލިބުނީމަ ކިހިނެއްތޯ ހިސާބު ޖަހަނީ؟" ރާއްޖޭގެ ގިނަ އަތޮޅުތަކުގެ ރައްޔިތުން ބޮޑުކަންނެލީގެ މަސްވެރިކަން ކުރާކަން ފާހަގަކުރައްވައި ތޯރިގް ވިދާޅުވި އެވެ.
ތޯރިގް ވިދާޅުވި ގޮތުގައި ދެކުނުގެ އަތޮޅުތައް ފިޔަވައި އެހެން އަތޮޅުތަކުގައި މަސް ގަންނާނެ ފެކްޓަރީތަކެއް ނެތް އިރު، ބޮޑުކަންނެލި ވިއްކަން މަސްވެރިން ޖަމާވާން ޖެހިފައި ވަނީ މާލެ ސަރަހައްދަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތަމެންހިންގިއިރުތިރާގުނުހުރޭ؟؟
21 August 2019
މަސްފެކްޓަރީ އެންމެ ފުރަތަމަވެސް އަޅަން ޖެހޭ ރަށަކީ ހއ.ދިއްދޫ އެވެ. އޭރުވެސް އުތުރުގަމަސްކިރެން ނެތިގެން އަތޮޅު އިޙްތިޖާޖު ކުރި ވާހަކައަކީ އެންމެން ދަންނަ ކަމެކެވެ. މިހާރުވެސް އެޙާލަތު ބަދަލްކޮށްދޭން ރައީސް ނަޝީދު ދިއްދޫއަށް ކަމެއް ނުކޮށްދެ އެވެ. ރައީސް ނަޝީދު ވިދާޅުވީ މަސްއެޅުމުގެ އެ ޙަރަކާތަކީ އެއީ ތިމަންނަމެންގެ އިދިކޮޅު ހަރަކާތުގެ ފެށުމެވެ. ދިއްދޫ އަކީ އަތޮޅުގެ މެދުގައި ބޭރު ކަނޑޯޅީ އޮޅީގަ އޮތް މަސްފެކްޓަރީ ހަދަން އެއްވިނާގެ ރަށެެކެވެ.
ބޮމު
21 August 2019
ށ. ކީކިމިނީގައި ފެކްޓަރީއެއް. ނުހިނގާ. ފެލިވަރުގައި ފެކްޓެރީއެއް ހިނގަންވާގޮތަކަށް ނުހިނގާ. މާންދޫގައި ފެކްޓެެރީއެއް. ހިނގަންވާގޮތަކަށް ނުހިނގާ. މިވަރު މިރާއްޖެއަށް މަދުތޯއެވެ؟ ނުހިނގާނީ ސަބަބުތަކެެއް ހުރެގެނެވެ. ނުހިނގާސަބަބު ހޯދައި، އެތަންތަން ހިނގާގޮތް ނުހަދައި، އަނެއްކާވެސް އިތުރުކުރަންވީ ފެކްޓެރީހެއްޔެވެ؟ ވާގޮތް ނޭނގެނީކީނޫނެވެ. ވަރަށްސާފެވެ. ބިޑުގެ އެވޯޑު ކަލޭމެނަށެވެ. މިރާއްޖެ ހަލާކުމިވަނީ މިކަހަލަ ސިޔާސީއިން ގިނަވެގެނެވެ. ވަރުގަދަކަމެއް!
ބޯބުޅި
20 August 2019
ޓޮމު ކަލޭގެ ލަދު ކޮބާތޯ ތިވާހަކަދަށް ކަން ހާދަގޕތެށް ނެތޭ 05އަހަރު ކުރިކަމެށް ބުނެދީބަލަ ނާނަދުވަސްގިނައީ އަގަނުތަޅާ މަޑުންހުރޭ ކޮބާޖީއެސްޓީ ހަމަކުރޭ ދނލލ ދނލލ
ކަލޯގަޔާ
21 August 2019
ހޯއް ނުގޮވާ. ކުރިން ސަރުކާރަކުން މަސްވެރިންގެ ކަނޑުމަތީ ފިނިމައިޒާން އަޅާކަށް ނޫޅޭ. ތާކުން ތާކު ނުޖެހޭ ވާހަކަ ދައްކަންޏާ ޓޮމްވެސް އަނެއްކެއްވެސް އެވާހަކަ ދައްކާނެ، މިސަރުކާރުގައި މިއޮތީ ހުސްހަރަދު. އާމްދަނީއެއް އިތުރެއްނުވޭ، އެހެންތާ ވާނީ މިކަހަލަ ބޯގޯސް ބިލްތައް ފާސް ނުކުރެވިގެން އުޅެންޏާ
އަލިބެއްޔާ، އެކުވެރިސުވައިދީބް
20 August 2019
އިހަށް ކުރަންވެފަ ހުރި މުހިއްމު ކަންކަން ކުރިއްޔާ މާރަނގަޅު ވާނެ ނޫންތޯ... އާރާ ބާރު ލިބުމުން ހަގީގީ މަސައްކަތް ހަނދާން ނައްތާލާފަ އެހެނިހެން ކަންތައްތަކާ އުޅޭތަން ފެންނަނީ... އަތޮޅުތެރޭ ރަށްރަށައް އަރާ ވީ ވައުދާ ކަންކަން ނިންމަން ވައުދުވި ތާރީޚްތައް ހަނދާން ނައްތާލައިފި.
ޝޮކްތެރަޕީ
20 August 2019
ދިވެހިން ބާނާމަސް އިންޑިޔާގެ މުސްސަދިންގެ ޖީބު ބޮޑުކުރަންވެގެން ނަޝީދު އިސްނަގާގެން ބޭރުގެ މަސް ބޯޓުތަކަ ހޮޅުވާލީ ދިވެހިކަނޑުތަ.
މާރަނގާ - އައްޑޫ ސިޓީ
20 August 2019
އެމްޑީޕީގެ މެނިފެސްޓޯގައިނެތް ކަމުގައިވިޔަސް ތޯހިރުގެ ހުށަހެޅުމަށް މެންބަރުން ތާއީދުކޮށް އުތުރާއި ދެކުނުގެ އެއަރޕޯޓާއި ދުރުނޫން ހިސާބެއްގައި ގިނައަދަދަކަށް އީޔޫ ސްޓެންޑަރޑްގައި މަސްރައްކާކުރެވޭނެ ވަސީލަތްތަކާއިއެކުގައި އައިސްޕްލާންޓާއި، ތެޔޮސްޓޯރޭޖާއި، ފެނާއި، މަސްވެރިންނަށް ބޭނުންވާ އިތުރުފަސޭހަތައް ހިމެނޭ “ކެޔޮޅު ކޯއްޓޭތަކެއް” ނުވަތަ Fisherman Hut ޤާއިމްކޮށް މަސްވެރިން ތެލަށް ނުވަތަ މަސްކިރުވުމަށް ކުރާ ބޭކާރު ޙަރަދު ކުޑަކުރާންޖެހޭ.
ޢާދަނުބެ
20 August 2019
ޢެނިސިސް ވަސީމު ނޫނީ އެހެން މީހަކު މަސް ބޭރުކުރެވިގެންނުވޭ ފުރަތަމަ ތޯރިގުބުނާހެން އުތުރާއި ދެކުނުގަ އަޅަންވީ ކަންނެލި ބޭރުކުރާނެ ފެކްޓަރީތަށް މިހާރު ހދ އަތޮޅުން އައިސްކޮޅެއްނުލިބޭ މިގައުމުގަ ބެނުން މީހަކަށް މަސްބޭރު ކުރޭވޭނެގޮތް ހަދަންވީ ލައިސަންއެތް ދީފަ ހިކިމަސްވެސް ރޯމަސްވެސް
ވަޔަނަބ
21 August 2019
މިހާރުވެސް ތިކަން ކުރެވޭ!!
އަދީބު
20 August 2019
ބަރާބަރު ވާހަކައެއް. ޖަގަހައޭ ކިޔަފާއި ރައްޔިތު މީހާގެ ބޮލަށް ކަނޑާލުން ބަލައެއް ނުގަނެވޭ. ޖަގަހައޭ ބުނީމައި ސިފަވަނީ ވެސް ކުދި ކުދި ތަންތަން. ޚާއްޞަކޮށް ރައްޔިތުމީހާ އަމިއްލައަށް ކުރާ ނަމަ ބޮޑު ފެކްޓަރީއެއް ނޭޅޭނެ. ކިރިޔާ ދެކޮޅު ޖައްސާލެވޭނީ. އޭގެ ބަދަލުގައި ސަރުކާރުން ބޮޑުކަންނެލި ގަންނަން ފަށައިފިނަމަ ބޮޑު އަގުގައި އެ ވިއްކާލެވޭނެ. ސަރުކާރުން މަސް ނުގަނެވޭނަމަ ފިޝަރީޒް މިނިސްޓްރީ ވެސް އުވާލަން ފެނޭ. މެނިފެސްޓޯއާ ޚިލާފު ނުވޭ. ޒިންމާ ނަގާ.
އުމަރު ބޑދ
20 August 2019
މި ކަލޭގެ އާރާބާރުއޮތް ދުވަހު މިކަން ކަން ނުކުރީ ކީވެބާ؟މިވާހަކަ ނުދެއްކީ ކީވެބާ މިޔަދު އާރާބާރު ދިޔައީމަ ތިވާހަކަދެއްކުމުގެ އެއްވެސް މާނަޔެއްނެތް.މިހާރު ތިއުޅެނީ ލޮލުގަ އަދުން އަޅަންވެގެން
ޢަގަތި
20 August 2019
މިދިޔަ މަޖްލިސް ގަ ވެސް ތާރިޤް އެވާހަކަ ވަރައް ގިނައިން ދެއްކި، އިދިކޮޅު މީހުންނައް ވުރެ މާ ގިނައިން.
ސްޓޯރޭޖް ކެޕޭސިޓީ
20 August 2019
އަޅާ އިތުރުކުރަންވީ މަސް ފިނިކޮށްް ރައްކާ ކުރާނެ ސްޓޯރޭޖް. ބޭރު ގައުމުތަކަށް މަސް ވިއްކަންވީ ބުނިހާ އަގަކަށް ނޫން. އޭޝިއާގެ އެންމެ ވަރުގަދަ ސްޓޯރޭޖް ކެޕޭސިޓީ އަށް ވާންވީ.