15 ސެޕްޓެމްބަރ 2019 - 07:18
5 comments
ޑާކް ރެއިން އެންޓަޓައިންމަންޓުން ހުކުރު ދުވަހު ފާހަގަކުރި އެތަނުގެ 12 ވަނަ އަހަރީ ދުވަހާ ދިމާކޮށް އިތުރު އާ ދެ ފިލްމެއް އިއުލާންކޮށްފި އެވެ.
އަލަށް އިއުލާންކުރި ދެ ފިލްމުގެ ތެރެއިން އެއް ފިލްމަކީ މި އަހަރުގެ ފުރަތަމަ ފިލްމު "ނިވައިރޯޅި" ގެނެސްދިން މޫމިން ފުއާދުގެ "ބައިސާ" އެވެ. އޭނާ ލިޔެ، ޑައިރެކްޓްކުރާ ފިލްމުގެ ބަތަލާ އަކީ ފިލްމީ ދާއިރާގައި މިހާރު އެންމެ ބޮޑަށް ކުރިއަމުން އަންނަ އަދި އެންމެ ވިދާ އެއް ބަތަލާ ނުޒުހަތު (ނުޒޫ) ޝުއައިބެވެ.
"ބައިސާ" އާ ބެހޭ އިތުރު ތަފުސީލެއް އަދި ހާމައެއް ނުކުރެ އެވެ.
We would like to use this opportunity to reveal some exciting Projects that are in varying stages of the Production process. They are #November by Aishath Fuwad & @Tholman_79, #Balhindhu by @IbrahimHoodh & Baisaa by Moomin Fuad. Will be announcing 2
— Dark Rain Ent (@DarkRainEnt) September 13, 2019
more Projects in the works. pic.twitter.com/SYaK1sSeim
ޑާކް ރެއިނުން އިއުލާންކުރި ދެވަނަ ފިލްމަކީ މި އަހަރު އެޅުވި ދެވަނަ ފިލްމު "ގޮށްރާޅު" ގެ ޑައިރެކްޓަރު އަހުމަދު ޝިނާންގެ "ބަނޅިދު" އެވެ. މި ފިލްމުގެ ސްކްރީންޕްލޭ ލިޔެފައި ވަނީ އިބްރާހީމް ހޫދެވެ. މި ފިލްމާ އިތުރު ތަފުސީލެއް ވެސް ޑާކް ރެއިނުން އަދި ނުދެ އެވެ.
އެކަމަކު މިދިޔަ އަހަރު ޑާކް ރެއިނުން ވަނީ ޝިނާން ދެން ހަދާނީ ބިރުވެރި ފިލްމެއް ކަމަށް ބުނެފަ އެވެ. އޭނާ ޑައިރެކްޝަނަށް ނުކުތީ ވެސް ބިރުވެރި ފިލްމަކުންނެވެ. އެއީ 2016 ގައި ފާތުމަތު ނަހުލާއާ ގުޅިގެން ގެނެސްދިން "4426" އެވެ.
@DarkRainEnt @mogerdre @shifauchippe @ahmedshinan @SharkkoAmmaday @IbrahimHoodh @aboshafyu @Tholman_79 pic.twitter.com/Ei2PdXwnga
— Dark Rain Ent (@DarkRainEnt) September 13, 2019
މި އަހަރު "ގޮށްރާޅު" އާއި "މާމުއި" ގެނެސްދިން ޑާކް ރެއިނުން އިއުލާންކޮށްފައިވާ ފިލްމުގެ ތެރޭގައި އަލީ (ޗިއްޕެ) ޝިފާއު ޑައިރެކްޓްކުރާ ލޯބީގެ ފިލްމު "ނޮވެމްބާ" ހިމެނެ އެވެ. މިދިޔަ އަހަރު އިއުލާންކުރި މި ފިލްމުގެ މައިގަނޑު ކާސްޓުންނަކީ ޖުމައްޔިލް (ޖުމަލް) ނިމާލާއި މަރިޔަމް (މަޖޫ) މަޖުދާގެ އިތުރުން ކުރީގެ އެކްޓަރު އިސްމާއީލް ވަޖީހެވެ.
ޑާކް ރެއިނުން ބުނެފައިވާ ގޮތުގައި "ނޮވެމްބާ" ގެ ޝޫޓިން ފެށުމުގެ ތައްޔާރީތައް މިހާރު ވަމުން އަންނަ އިރު، މި ފިލްމަކީ މާލެ އާއި ސިންގަޕޫރްގައި މަންޒަރުތައް ނަގާނެ ފިލްމެކެވެ. މި ފިލްމުގެ ސްކްރީންޕްލޭ ލިޔެފައި ވަނީ "މާމުއި" ގެ ވެެސް ސްކްރީންޕްލޭ ލިޔުނު އައިޝަތު ފުއާދު ތައުފީގާއި އަހުމަދު ތޮލާލެވެ.
މިހާތަނަށް 12 ފީޗާ ފިލްމު ގެނެސްދިން ޑާކް ރެއިނުން ނަން އިއުލާންކުރި ތިން ފިލްމަކީ ވެސް އަންނަ އަހަރު ބެލުންތެރިންނަށް ގެނެސްދޭން އަމާޒު ހިފާފައިވާ ފިލްމުތަކެވެ. އަދި ވަރަށް އަވަހަށް އިތުރު ދެ ފިލްމެއް ވެސް އިއުލާންކުރާނެ ކަމަށް އެ ސްޓޫޑިއޯ އިން ބުންޏެވެ.
ޑާކް ރެއިނުން މުނިފޫހިފިލުވުމުގެ ދާއިރާ އަށް ނުކުތްތާ 12 އަހަރު ފުރި، 13 ވަނަ އަހަރަކަށް މިސްރާބު ޖެހި އިރު، އެ ސްޓޫޑޯގެ އުފެއްދުންތަކަށް މިހާތަނަށް 52 އެވޯޑް ލިބިފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮއެނަލަ
18 September 2019
ގާތްގަޑަކަށް ކޮންމެ ދިވެހި ފިލްމަކަށް ދާމީހެއް އަހަންނަކީ. މިމީހުން ކުރިއަރައިގެން އައިގޮތް ހަމަ ތަފާތު. އެއްފިލްމަކަށް ވުރެ އަނެއްފިލްމް ރަގަޅު. މިހާރު ބުނެވޭނީ ޑާކްރެއިން ފިލްމުތައް ހަމަ ވަރަށް ތަފާތުވެފަ މޮޅޭ.
ފިލްމު ބަލާމީހެއް
15 September 2019
ހާދަ ގިނަ ފިލްމެއް އެއްފަހަރާ. އެންމެ ސިނަމާއެއް ހުރީ. އެކްޓަރުން މަދުކަމީ އެއްފިލްމެއްގެ ޝޫޓިންއަށް ތަނަކަށް ގޮއްސިއްޔާ އަނެއް ފިލްމު މަޑުޖެހޭ. މިލެވެލްގެ ފިލްމް އިންޑަސްޓްރީ އެއްއޮތީ. އެކަމަކު ކުރިއެރުން އެބަފެނޭ. ޚާޢްސަކޮށް އިލްޔާސްގެ ފިލްމް ވަރަށް ރަގަޅޭ ބުނަންޖެހެނީ. ޑާކް ރެއިންގެ އެއްޗެއްސަށްވުރެ މާ ފުރިހަމަ.
ސަމްސު
15 September 2019
ދުނިޔާވެސް ކާސްޓުކުރަންތަ މި އުޅެނީ.
ވާލުސޮރު
15 September 2019
ޑާކްރެއިންއަށް ދެރަ ބަހެއް ބުނަނީއެއްނޫން. އެކަމަކު މީޑިއާއިން އާދަޔާ ހިލާފު ސަމާލުކަމެއްދީގެން ކޮންމެ ފިލްމެއް މަމޮޅުކޮށްފަ ހުންނަނީ ހަގީގަތުގައި 3 ފިލްމެއްނޫނީ ހުރީ ހުސް ވައި ފިލްމު، ދެން ހުންނަނީ ކޮޕީކޮށްފަ
އޭނާ
15 September 2019
ތެދެއް. ޓެކްނިކަލީ ދިވެހި އެހެން ފިލްމުތަކަށް ވުރެ ރަގަޅުވިއަސް ވަރަށް ގިނަ މަންޒަރުތަށް ހުރޭ މާ އޯވާވެފަ ނޫނީ ގެންނަންޖެހޭ އަސްލު އެކުޓް ނުގެނެވި އެމަންޒަރެއް ބަލަމުންދާއިރު ބޮލަށް އުދަގޫވާ މަންޒަރު. ފިލްމު ނިމުނީމަ ހިތައް އަރަނީ "ރިއަލީ! އިޒް ދިސް ދަ ވަން ޔޫ އާ ހައިފިން އަޕް ސޯމަޗް؟" ގިނަ ފިލްމުތަކުގެ ސްޓޯރީ ޓެލިންގަ ހުސްކަމެއް ހުންނަ ކަމަށް ވަރަށް ބޮޑަށް ފާހަގަ ކުރެވޭ!!