ހެންވޭރު އަބަދަށްފެހި މަގުގައި ހިނގި އަލިފާނުގެ ބޮޑު ހާދިސާ އަށް ފަހު، އެ ސަރަހައްދު ސާފުކުރުމުގެ މަސައްކަތް އިއްޔެ ކުރަނީ.---ފޮޓޯ: ހުސއިން ވަހީދު/މިހާރު
22 ސެޕްޓެމްބަރ 2019 - 10:47
10 comments
މިދިޔަ ހުކުރު ދުވަހުގެރޭ ހެންވޭރުގައި ހުރި ގުދަންތަކަކާއި ގެތަކެއްގައި ހިނގި ނުރައްކާތެރި އަލިފާނުގެ ހާދިސާއާ ގުޅިގެން ރައްޔިތުންގެ މަޖިލިހަށް ކުއްލި މައްސަލައެއް މިއަދު ހުށަހަޅައިފި އެވެ.
މަޖިލިހުގެ ކާށިދޫ ދާއިރާގެ މެމްބަރު އަދި ޑީއާރުޕީގެ ލީޑަރު އަބްދުﷲ ޖާބިރު ހުށަހެޅުއްވި މައްސަލަ 50 މެމްބަރުންގެ އިއްތިފާގުން މަޖިލިހަށް ބަލައިގަނެ، ބަހުސް ވަނީ ފަށައިފަ އެވެ. ބަހުސްގައި ގިނަ މެމްބަރުން ވިދާޅުވީ މާލޭގައި ހުރި ގުދަންތައް، މީހުން ދިރިނޫޅޭ ސަރަހައްދުތަކަށް ބަދަލުކުރަން ޖެހޭ ކަމަށެވެ. އަލިފާން އަވަހަށް ނިއްވޭނެ ނިޒާމުތަކެއް މާލޭގައި ގާއިމުކުރަން ޖެހޭ ކަމަށް ވެސް މެމްބަރުން ވިދާޅުވި އެވެ.
އަލިފާން ނިއްވުމުގައި ފުލުހުންނާއި ސިފައިން ބޭނުން ކުރާނެ ވަސީލަތްތައް ނެތުމުން އެކަމާ މެމްބަރުން ކަންބޮޑުވުން ފާޅުކުރެއްވި އެވެ. އަދި ހެލިކޮޕްޓަރުން ފޮގް ފަދަ ތަކެތިން އަލިފާން ނިއްވުމުގެ މަސައްކަތް ކުރެވޭނެ ވަސީލަތްތައް ގާއިމުކުރަން ވެސް މެމްބަރަކު ގޮވައިލެއްވި އެވެ.
މަޖިލިހުގެ ކާށިދޫ ދާއިރާގެ މެމްބަރު އަބްދުﷲ ޖާބިރު ވާހަކަ ދައްކަވަނީ. --- ފޮޓޯ: މަޖިލިސް
ދައުރުން ބޭރުން ބޭއްވި ދެ ވަނަ ޖަލްސާ އަށް ޖާބިރު ހުށަހެޅުއްވި ކުއްލި މައްސަލައިގައި، އަބަދަށްފެހި މަގުގައި ހުރި ގެތަކާއި ގުދަންތަކުގައި އަލިފާން ރޯވެ، 400 އަށް ވުރެ ގިނަ މީހުން ހާލުގައި ޖެހިފައިވާކަން ފާހަގަ ކުރައްވާފައިވެ އެވެ. އެހެންވެ، އެފަދަ ހާދިސާއެއް ތަކުރާރުވިޔަ ނުދިނުމަށް ރައްކާތެރިކަމާއި ސަލާމަތީ ފިޔަވަޅުތައް އެޅުމަށް މަޖިލީހުން ސަރުކާރަށް ބާރު އަޅަން ވެސް ގޮވާލި އެވެ.
ރިޔާސަތު ބެލެހެއްޓެވި، މަޖިލީހުގެ ނައިބު ރައީސް އަދި ގަލޮޅު އުތުރު ދާއިރާގެ މެންބަރު އީވާ އަބްދުﷲ ވިދާޅުވީ އެ މައްސަލައަށް މެމްބަރުންގެ މެދުގައި އެއް ގަޑިއިރުގެ ބަހުސެއް ކުރުމަށް ހަމަޖެހިފައިވާ ކަމަށެވެ.
އަލިފާނުގެ ހާދިސާގައި ހަތް އިމާރާތެއްގައި ރޯވެ، ދިވެހި އަންހެނަކު ވަނީ މަރުވެފަ އެވެ. އެ ހާދިސާއާ ގުޅިގެން ހާލުގައި ޖެހުނު މީހުންނަށް ވަނީ ވަގުތީ ހިޔާވަހިކަން ދީފަ އެވެ. އެ ހާދިސާގައި އެންމެ ފުރަތަމަ ރޯވީ ހ. ތިލަފުށީ ގޭގައި ހުރި ކެމިކަލް ގުދަނެއްގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލަމްބޫ
22 September 2019
ކަލޭމެން ދެން ފަށާ ގަރާރު ފާސްކުރަން. މިއޮތީވާ ގައުމެއް.
ޑުން
22 September 2019
ކުއްލި މައްސަލަ ވެއްދުން ނޫން ކަމެއް ވޭތަ
ދެރަވ
22 September 2019
މި މާލެއަކީ ބާވެފައިވާ މުންޑެއް މި މުންޑުގައި ފޮތި އެޅުމަށްވުރެ ކެޕިޓަލް ސިޓީ އެއް އަލުން ތަރައްޤީކުރުން މާރަނގަޅުވާނެ. މިއީ ދުނިޔޭގައި އަލަށް ކުރާކަމެއްނޫން. މާލޭ މީހުންނަށް ދެރަވާނެހެން ހީވާނަމަ ގެއަކަށް ގެއެއް ދީގެންނަމަވެސް ބިންބޮޑު ތަނަކަށް ބަދަލުކުރޭ. ފުށި ދިއްގަރު ފަޅު ނޫނީ ވ،އަތޮޅުގެ ބިޔަ ބޮޑު ފަޅެއް ހިއްކާފަ. އެއީ 29 ކިލޯމީޓަރުގެ ފަޅު އެބަހުރި. ކީއްކުރަންތަ މިހާލުގަ މިއުޅެނީ.
ގުނބޯހި
22 September 2019
މިހުންނަނީ ހައްލު ކުރާނެ ފުރުސަތު ލިބިމެ، ހަމަ މި ސިޔާސީ ބައިގަނޑުތަކުގެ އިހުމާލުން ހައްލު ނުކޮށް ހުއްޓަ ހިނގާ ހާދިސާ. ކޮންމެ ފަހަރަކު ބޮޑު ކަމެއް ހިނގާއިރަށް ތެޅިގަނެފަ ރައްޔިތުންނަށް މާ ހެޔޮއެދޭ ބައެއްކަމަށް ދެއްކެން އުޅޭ. ދުވަސްކޮޅަކުން ބޮނޑު ނަގުލަށް ގޮސް ނިމޭ. ހިތާމަޔަކީ އަދިވެސް ގިނަ ބަޔަކު ގުނބޯ ހެދޭތީ.
ގަރާރުމަޖިލިސް
22 September 2019
ވާރޭވެހި ހުއްޓޭއިރަށް ގަރާރުހުއްޓޭނޭ !
ލައްޗޭ
22 September 2019
މަޖިލީހަށް މައްސަލަ ހުށައަޅައިގެން ކަމެއް ހައްލު ވަންޏާ މިސަރުކާރުން އެކަންވާނެތާ. މިއަދު މިވެހޭ ވާރެވެހި ނިމޭއިރު މަގުތަކުގައި ފެންބޮޑުވުމުގެ މައްސަލަވެސް ހުށައަޅާނެކަންނޭނގެ
އަލިފާން
22 September 2019
ޔަގީން ކޮށް ދެއްވާ 1 މީހަކުކަން މަރުވީ، ވަރަށް ގިނަ ބަންގްލަދޭސް މީހުން އުޅޭސަރަހައްދެއް ތީ، އެތާގަ ދިރި އުޅުނުމީހުންގެ ރަޖިސްޓްރީ ހޯއްދަވާ ބައްލަވާ އެއްވެސްމީހކު މަދުތޯ، ނޫނީ އިންސާނުންގެ ކަށި ހުރިތޯ. ސުވާލު ހަމަ އުފެދެނީ!
ކަރީމުއްދީން ބާޝާ
22 September 2019
ދެން ތިކަން ތި ނިމުނީ.
މަހާރެހެންދި
22 September 2019
ތި ހާދިސާ ހިނގީ މާފަންނު އެލްސިއޯން ބޭކަރީ ހުންނަ ހިސާބުގަ ނަމަ، ތިބެން ޖެހޭނީ އަލިފާން އަމިއްލައަށް ނިމެންދެން ބަލަހައްޓައިގެން. އަލިފާން ނިއްވާ އެއްވެސް ވެހިކަލަކަށް އެ ހިސާބުގަ ހުންނަ ހަނި ގޯޅި ތެރެއަށް ވަދެވުމަކީ މުސްތަހީލު ކަމެއް.
ދިޔާ
22 September 2019
ޖާ ވަރެއް ނެތް