އައްޑޫ ސިޓީގެ ނޭޗާ ޕާކު ސަރަހައްދު-- ފޮޓޯ: މިހާރު
29 ސެޕްޓެމްބަރ 2019 - 14:43
20 comments
އައްޑޫގައި ޓޫރިޒަމްގެ ބޭނުމަށް 4،000 އެނދު ތަރައްގީކުރަން ބޭނުންވާ ބިން ދޫކުރަން އަންނަ މަހު އިއުލާނު ކުރާނެ ކަމަށް ޓޫރިޒަމް މިނިސްޓްރީން ބުނެފި އެވެ.
ޓޫރިޒަމް މިނިސްޓްރީގައި ބޭއްވި ނޫސްވެރިންގެ ބައްދަލުވުމުގައި މިނިސްޓަރު އަލީ ވަހީދު ވިދާޅުވީ، ރައީސް އިބްރާހިމް މުހައްމަދު ސޯލިހު ކަނޑައަޅުއްވާފައިވާ ގޮތަށް "ރަށު ފަތުރުވެރިކަމަށް" އައްޑޫން ބިން ދޫކުރުމަށްޓަކައި ސިޓީ ކައުންސިލާއި މިނިސްޓްރީއާ ދެމެދު އެއްބަސްވެފައިވާ ކަމަށެވެ.
އޭނާ ވިދާޅުވީ، ރަށުގެ ރައްޔިތުންގެ އުންމީދުތަކާ އެއްގޮތަށް 4،000 އެނދުގެ މަސައްކަތް ކުރުމަށް ބިން ތައް ދޫކުރުމުގެ މަސައްކަތް ސިޓީ ކައުންސިލުން ކުރާނެ ކަމަށެވެ.
"މިއީ ވަރަށް ގިނަ ދުވަސްވީ، އައްޑޫ ރައްޔިތުންގެ އުންމީދުތަކެއް. އަމާޒަކީ ރައީސްގެ ވައުދާ އެއްގޮތަށް 8،000 އެނދު އައްޑޫއަށް އިތުރު ކުރުން. އޭގެ ދެ ބައިކުޅަ އެއްބައި ފުރަތަމަ އަހަރުގައި އެކަން ފެށުމުގެ މަސައްކަތް މިކުރެވުނީ،" އޭނާ ވިދާޅުވި އެވެ.
މިދިޔަ ޖުލައި 29 ވަނަ ދުވަހު ޓޫރިޒަމްގެ މާސްޓާ ޕްލޭން އެކުލަވާލުން އިފްތިތާހު ކުރުމަށް ބޭއްވި ޖަލްސާގައި ރައީސް ވަނީ ރާއްޖޭގެ 11 ރަށަކުން ގެސްޓްހައުސް ތަރައްގީ ކުރުމަށް ކަނޑައަޅާފައިވާކަން އިއުލާނުކުރައްވައިފަ އެވެ. މީގެ ތެރޭގައި އައްޑޫގެ ހަ ރަށެއް ވެސް ހިމެނެ އެވެ.
އައްޑޫ ސިޓީ ކައުންސިލްގެ މޭޔަރު އަބްދުﷲ ސޯދިގު (ސޯބެ) ވިދާޅުވީ، އައްޑޫގައި ގެސްޓްހައުސް ނުވަތަ ހޮޓާ ތަރައްގީ ކުރުމަށް ޓޫރިޒަމް މިނިސްޓްރީއާ އެކު ވީ އެއްބަސްވުމުގެ ދަށުން، ބިންތަކުގެ މައުލޫމާތު އަންނަ މަހު އާންމުކުރާނެ ކަމަށެވެ. އައްޑޫގައި އިންވެސްޓް ކުރުމަށް އިންވެސްޓަރުންނަށް ހުޅުވާލަނީ ރައްޔިތުންގެ މަޝްވަރާއާ އެކު ކަމަށާއި މިކަން ކާމިޔާބު ވުމުން ރާއްޖޭގެ ދެކުނުގައި ޓޫރިޒަމް ވަރަށް ބޮޑަށް ފުޅާވެގެންދާނެ ކަމަށް އޭނާ ވިދާޅުވި އެވެ.
"އިއުލާނު ކުރެވޭ އިރު ސަރަހައްދުތައް ތަރައްގީކުރާނެ ކޮންސެޕްޓްތައް އެކުލަވާލެވި އަދި ލޭންޑްސްކޭޕްގެ މަސައްކަތްތައް އަދި ބީޗް ތަރައްގީ ކުރުމުގެ މަސައްކަތްތައް ކުރެވޭނެ،" އޭނާ ވިދާޅުވި އެވެ.
ސޯބެ ވިދާޅުވީ، މިހާރު އޮތް ގަވައިދުގެ ތެރެއިން ގެސްޓްހައުސްތަކަށް ބިން ދޫކުރެވެނީ 5،000 އަކަފޫޓު ކަމަށާއި ސިޓީ ހޮޓާ ތަރައްގީ ކުރާނަމަ 10،000 އަކަފޫޓް ދޫކުރާނެ ކަމަށެވެ. އޭނާ ވިދާޅުވީ، ދޫކުރާ ބިމުގެ އަދަދު އެނގޭނީ އިންވެސްޓްމެންޓަށް ބެލުމަށް ފަހު ކަމަށާއި މުޅި ކޮންސެޕްޓްގެ މަސައްކަތް ނިމުމުން ބިމުގެ އަދަދު ޔަގީންވާނެ ކަމަށެވެ.
ސޯބެ ވިދާޅުވީ، މިހާރު އޮތް ގޮތުން ޓޫރިޒަމަށް ބިން ދޫކުރަން ކަނޑައަޅާފައިވާ ހަ ރަށުން ވެސް ބައި ހެކްޓަރުން ތިނެއް ބައި ހެކްޓަރާ ހަމަޔަށް ބިން ދޫކުރެވޭނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަޑަބައި
01 October 2019
މޭޔަރ އަދި މިނިސްޓަރަށް ވަރަށް ވެދުން ދެންނެވުމަށްފަހު ލިޔަމެވެ. ތިޔަ ވިދާޅުވާ ޕްލޭން ވުޖޫދު ވާނީ ސިޓީހޮޓަލާ ގެސްޓްހައުސް އަޅަށް ޖުމްލަ ދޫކުރައްވާނެ ބިމުގެ ޖުމްލަ ކަށަވަރު ވެގެންނެވެ. އިންވެސްޓްމެންޓްގެ ވާހަކަ ދައްކާނީ އޭގެ ފަހުންނެވެ. މަވެސއ އިންޓަރެސްޓްހުރީމަ ހަމަ މިހުރީ ތި ޕްލޭންގެ އިންތިޒާރުގައެވެ.
ޑުރެކިއުލާ
29 September 2019
އަނެއްހެން ބުނަންޏާ ކައުންސިލުން ހިންގާ ބިންކޮޅެއް ދޫކުރުމުގެ މަޝްރޫއެއް. ދައުލަތުން ބައިރުފިޔާވެސް ނުދާނެ. ދައުލަތުގެ ފައިސާ ހުރީ މާލެއާއި ހުޅުމާލެއަށް ރިޒާވްކޮށްފަ.
ސޯލްޓް
29 September 2019
އައްޑޫގައި މިހާރުވެސް ހިންގާ ޝަންގްރިލާ، ހެރެތެރެ އަކީ ވެސް ކާމިޔާބުކަމާއިއެކު ހިނގާ ތަންތަނެއް ނޫން. ވީއިރު ކިިހިނެއް ގެސްޓްހައުސްވެސް ހިންގާނީ. މިހާރުވެސް ރަޖިސްޓްރީކޮއްގެން ހިންގާއެއވެސްތަނެއް ކާމިޔާބެއްނޫން. އައްޑޫއަށް ރަގަޅުވާނީ ކޮއްމެވެސް އެހެންކަމެއް.
ސުވަދީވްޑެސްކް
29 September 2019
އޭރު އަބްދުއްﷲ ހަމީދު އެޓޯލް ޗީފަކަށް ހުރެ، ރަށުން ބޭރުން އައި ހާމިދު ޔޫސުފް ކިޔާ މީހަކު އަތޮޅުވެރިކަން ކުރި އިރު ވެސް މިއަށްތުރެ މާތާހިރުކޮށް ދިޔަހެން ހީވޭ. މުޅި ދެ ޑިކޭޑް ދުއްވާލީ (ޖީލެއް ހަފުސް ކޮށްފި) ޑިމޮކްރެސީ ގެނައި ޑީކްޓޭޓަރުންނޭ ބުންޏަސް ދޮގަކަށް ނުވާނެ. ޔާ ﷲ މިއޮތީ ވާދުވަހެއް ދައްކަވާފަ. މިކަމުން އަރައިގަނެ މިއަށްތުރެ ރަނގަޅު މާދަމައެއް ދައްކަވާށި.
ުޖނނނނ
29 September 2019
ދިރިއުޅެން ބިން ދޫކޮށްބަލަ
މަސްވެރިޔާ
29 September 2019
މޭޔަރު ހާދައަވަހަކަށް "އައްޑޫގައި އިންވެސްޓް ކުރުމަށް އިންވެސްޓަރުންނަށް ހުޅުވާލަނީ ރައްޔިތުންގެ މަޝްވަރާއާ އެކު" ކަމަށް ވިދާޅުވަނީ ކިތަކެއް ރައްޔިތުންނާއި މަޝްވާރާކޮއް ކިތަކެއް ރައްޔިތުންގެ ޚިޔާލު ހޯދާފައިތޯ؟ މާލޭގެ ކުޑަ ހޮޓަލެއްގެ ކޮޓަރިއެއްގައި ރައްޓެހިންނަށް ދައުވަތުދީގެން އެއްބުރު. އަތޮޅުގައި ހަމަ އެފާޑަކަށްބޭއްވި، އެއްވެސް ރައްޔިތަކަށް "މަޝްވަރާ" ކުރާނެ ފުރުސަތު ނުދީ ނިންމާލި ބައްދަލުވުން. ރައީސުލް ޖުމްހޫރިއްޔާގެ ސަމާލުކަމަށް ދަންނަވަން.
ރަދީފް
29 September 2019
ކަލޯ މުހަދަމަޏުކާނާއި މަޝްވަރާކޮށްލީމަ ނިމުނީ.
އިބިރިހިންބެއްޔާ
29 September 2019
އައްދިޔޯ 4،000 ބެޑް؟ ހާދަ ބައިވަރެއް؟ 4،000 ބެޑަކީ 2،000 ރޫމް. 4 ކޮޓަރީގެ ނަމަ 500 ވަރަކަށް ގެ. ރަށަކަށް 100 ގެވެސް ހަމަ ނުވޭ. އިންވެސްޓް ކުރާނެ މަގު ދައްކައިފިއްޔާ އައްޑޫ ރައްޔިތުން މިހާރުން މިހާރަށްވެސް 500 ވަރަކަށް ގޭގައި 4،000 ބެޑުހަދާނެ. މިނޫހުގަނެތަސް މޭޔަރު މާއަވަހަށް "ބިން ދޫކުރާނީ އައްޑޫ މީހުނަށް އެކަނި ނޫންކަމަށް" ވިދާާޅުވުމުން އަނެއްކާވެސް ޕާޓީކުދިންނަށް ބަހާލުމުގެ ޚިޔާލު ހުރިކަން މިއޮތީ ފަޅާއަރާފަ. ނޫނީ ކެމްޕޭނަށް އެހީތެރިކަންބާ؟
10ކޭ ސައީދު
29 September 2019
އެއްރޫމް އެޅުނަަސް ހެޔޮތާ.
ބޮޑުމީހާ
29 September 2019
ރަގަޅު ނިންމުމެއް
އުމަރުބެ
29 September 2019
ކީއްވެގެން 8000 އެނދަށް މިހާރު ހުޅުވާނުލަނީ؟ ކީއްވެގެން 4000 އެނދަށް މިހާރު ހުޅުވަނީ، ގިނަފަހަރު 8000 އެނދަށް ހުޅުވާލުމުން މާކެޓަށް އަންނާނީ 4000 އެނދުވަރު، ދެން މަޑުމަޑުން 8000 ހަމަވާނީ، އެހެންކަމުން މިހާރުން މިހާރަށް 8000 އެނދަށްވާވަރަށް ބިންދޫކުރަންޖެހޭނެ، އެނޫނީ އަނެއްކާ 4000 އެނދަށް ދޫކޮށްގެން 1000 އެދުވެސް މާކެޓަށް ނައަންނާނެ، އައްޑޫ ފީސިބަލްވާނީ 10000 އެނދު މިހާރުވެސް ހުރެގެން
އިބިރިހިންބެއްޔާ
29 September 2019
ފުރަތަމަ ބުރުން ކެޕިޓަލް ހޯދައިގެން ފަށަން ޖާގަބޭއްވީ.
މަސްވެރިޔާ
29 September 2019
މިކަންވެސް ކުރެވެންޖެހޭނީ ޤައުމުގެ ވަކިބަޔަކަށް. ކޮންޓްރޯލް ކުރެވެންވާނެ ނޫންތޯ. ރައްޔިތުންގެ މަންދޫބުންގެ ގޮތުގައި މިތިބެނީ ޕާޓީތަކުގެ ބާރުގަދަ ވެރިންގެ ނުފޫޒުން ހޮވޭ އެވެރިންގެ އަޅުން. ނިކަމެތި ރައްޔިތުން ތާއަބަދު ނިކަމެތި ރައްޔިރުންގެ ގޮތުގައި.
ޗަމްޕާ ކޯކްފުޅި
29 September 2019
އައްޑޫ ސިޓީ ކައުންސިލް ނޫނީ މާފެންވަރުގެ ޕްލޭން ކުރާ ބައެއް ނޫޅޭ. މިލިއަނުން ޕްލޭންތައް ހަދަން ޚަރަދުކޮށްފި. ވޭތުވެދިޔަ ދިހަ ފަނަރަ އަހަރު ދުވަސްތެރޭ ރައްޓެހި ދެ ކުންފުންޏަކަށް ލާރި ދިނުން ފިޔަވާ ކުރެވުނު އެއްކަމެއް ވެސް ހަރާމް.