ރާއްޖޭގައި ފަރުނީޗަރާއި ގޭތެރެ އަށް ބޭނުންވާ ގިނަ ސާމާނު ވިއްކާ މުޅި ހޯމްކެއާއިން "ޖަޒީރާ ރާއްޖެ" ނަމުގައި ދިވެހިވަންތަ ތަށިމުށިތަކެއް މާކެޓަށް ނެރެފި އެވެ.
މިއީ މިފަދަ ގޮތަކަށް ދިވެހި ޑިޒައިންތަކަކަށް ރާއްޖޭގައި ތައާރަފް ކުރި ފުރަތަމަ ތަށިމުއްޓެވެ. މި ތަށިމުށިތަކުގެ ޑިޒައިން ތައްޔާރުކޮށްފައިވާ، ރާއްޖޭގެ ދިވެހި ވަންތަކަން ދައްކުވައިދޭ ހިރިގަލާއި ތުނޑުކުނަލާއި ތެޅިގާ އަސްލަކަށް ބަލައިގެންނެވެ. މި ހިތްގައިމު ޑިޒައިންތަކުން ގޭގޭގެ ފާރުތަކަށް ދިވެހިވަންތަކަން ގެނެސްދޭނެ އެވެ.
ދިވެހިވަންތަ ޑިޒައިންތަކުގެ ތަށިމުށިތައް ކުރިއަށް އޮތްތަނުގައި ވެސް މާކެޓަށް ނެރޭނެ ކަމަށް މުނިހޯމް އެންޓަޕްރައިސަސް އިން ބުނެ އެވެ.
މުނި އެންޓަޕްރައިސަސް އިން ބުނީ މި ތަށިމުށިތައް ގެސްޓްހައުސްތަކާއި ހޮޓާތަކާއި ރެސްޓޯރެންޓްތަކާއި ރިސޯޓުތަކުގެ ފާހާނާ އާއި ސިޓިން ރޫމުގައި ވެސް ޖެހޭނެ ކަމަށެވެ. ގޭތެރެ ރީތިކުރުމާއި އާސާރީ ގޮތްތަކެއް ގެންނަ ނަމަ ބުރަ މަސައްކަތްތަކެއް ކުރަން ޖެހެ އެވެ. އަދި ހިރިގަލުގެ ޑިޒައިންތައް ގެނައުމަށާއި ތުނޑުކުނާގެ ޑިޒައިންތައް ގެންނަން ބޭނުން ނަމަވެސް އެކަމުގެ ޓެކްނިކަލް މީހުން ބޭނުންވެ އެވެ.
މިފަދަ ބުރަ މަސައްކަތް ކުރުމުގައި ރާއްޖޭގެ ނާޒުކު ފަރުތަކާއި ތިމާވެއްޓަށް ވެސް ގެއްލުން ލިބޭ އިރު މުނިހޯމް އިން ރައްޔިތުންނަށް ފޯރުކޮށްދޭ މި ޓައިލްސްތަކަކީ މިކަންކަން ކަމަށް އޮތް ވަރަށް ބޮޑު ހައްލެއް ކަމަށް އެ ފިހާރައިން ބުނެ އެވެ.
އެ ފިހާރައިން ބުނީ ތަށިމުށިތަކާ އެކު މި ތަކެތި ޖެހުމަށް ހާއްސަ ސިމެންތިއެއް ވެސް ތަރާއަފްކޮށްފައިވާ ކަމަށެވެ.
އަމީނީ މަގު ހައުސިން މިނިސްޓްރީ ކުރިމަތީގައި ހުންނަ މުނި ހޯމްކެއާ ލިވިން ސެންޓަރުން ވިއްކާ މި ތަށިމުށިތައް، މިކަހަލަ ތަށިމުށި އާންމުކޮށް ވިއްކަން ހުންނަ އަގުގައި ލިބޭނެ އެވެ.