މަނާ އެއްޗެއް އަތުލަން އުޅުމުން ޖަލުގައި ހަމަނުޖެހުން ހިނގައި ތިން އޮފިސަރަކަށް އަނިޔާވެއްޖެ

މާފުށި ޖަލު: ހަމަނުޖެހުން ހިނގައި ކަރެކްޝަންސްގެ ތިން އޮފިސަރަކު ވަނީ ޒަހަމްވެފައި. -- ފައިލް ފޮޓޯ: މިހާރު

06 މާޗް 2020 - 09:51

ޖަލުގައި ގެންގުޅުން މަނާ އެއްޗެއް ގެންގުޅޭތީ ގައިދީންގެ އަތުން އެ އަތުލަން އުޅުމުގެ ތެރޭގައި ހަމަނުޖެހުން ހިނގައި ތިން އޮފިސަރަކަށް އަނިޔާވެފައިވާ ކަމަށް މޯލްޑިވްސް ކަރެކްޝަނަނަލް ސާވިސަސް އިން ބުނެފި އެވެ.

ކަރެކްޝަންސް އިން ބުނީ ހަމަނުޖެހުން ހިނގާފައި ވަނީ ހިންމަފުށީ އައްސޭރި ޖަލުގައި ކަމަށެވެ. ހަމަނުޖެހުމުގައި ތިން އޮފިސަރަކަށް އެކި ވަރުގެ އަނިޔާތައް ލިބުނު ކަމަށް ބުންޏަސް އޭގެ ތަފްސީލެއް ކަރެކްޝަންސަކުން ހާމަކޮށްފައެއް ނުވެ އެވެ. އަނިޔާވި އޮފިސަރަކު މާލެ ގެނެސް އައިޖީއެމްއެޗްގައި ފަރުވާ ދީފައިވާ ކަމަށް ވެސް ކަރެކްޝަނުން ބުންޏެވެ.

"ލަސްތަކެއްނުވެ މިހާދިސާވަނީ ކޮންޓްރޯލްކޮށް އާންމުހާލަތަކަށް ގެނެސްފައި. މި ހާދިސާގައި ގައިދީއަކަށް އަނިޔާވެފައި ނުވޭ. މިކަމާ ގުޅިގެން އަޅަންޖެހޭ އިތުރު ފިޔަވަޅުތައް އެޅުމުގެ މަސައްކަތް ކުރެވެމުން އެބަދޭ،" ހަމަނުޖެހުން ހިނގިކަން ހާމަކޮށް ކަރެކްޝަންސް އިން ކުރި ޓްވީޓްގައި ބުނެފައިވެ އެވެ.

މީގެ ދުވަސްކޮޅެއް ކުރިން ޖަލުގައި ސިލްސިލާކޮށް ހަމަނުޖެހުން ހިންގާފައިވެ އެވެ. ގައިދީންގެ ހައްގުތައް ނުލިބޭ ކަމަށް ބުނެ ހަމަނުޖެހުން ހިންގި ނަމަވެސް ކަރެކްޝަންސް އިން އޭރު ބުނެފައި ވަނީ ހަމަނުޖެހުން ހިންގަނީ ޖަލަށް ވެއްދުން މަނާ ތަކެތި އަތުލައި، އެފަދަ ތަކެތި ވެއްދުން ހުއްޓުވަން އެޅި ފިޔަވަޅުތަކާ ގުޅިގެން ކަމަށެވެ.

ކަރެކްޝަނަލް ސާވިސް ގައިދީން އައްސޭރި ޖަލު

7 ކޮމެންޓް, 24 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ތތދދ

07 March 2020

މަނާ ތަކެތި ވެއްދޭނީ ވެސް ތި ޖަލުތަކުގަ ތިބޭ މީހުނަށް. ދެން ވައްދާފަ އަތުލަންށޭ އެހެން އެއްޗެކޭ ކިޔާފަ ބޮޑެތި ހަމަ ނުޖެހުން ހިންގަންވީ. ކަންކަމުން މީހުންގެ ވިސްނުން ދުރު ކުރުވަން ކޮންމެސް ކަމެއް ކުރާނެ... މިހާރު މިއުޅެނީ އެހެން ވާހަކައެއް ފެންމަތި ކޮށްލެވޭތޯ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޭބަ - ލިވާ

06 March 2020

އޮފިސަރުން ނިދާފަ ތިއްބަ ތަ ގައިދީން އެ މީހުންނައް އަނިޔާ ކުރީ. ކޮބާ އެ މީހުން ކުރި އަނިޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަބަރު

06 March 2020

ޖަލު މީހުންގެ ހައްގަކީ ކޮބާ؟ މިއީ ބޮޑު ސުވާލެއް. މިބުނާ ހައްގަކީ ތަފާތު އެއްޗެއް. ހުޅަނގު މީހުން ގައިދީން ޖަލުގައި ބައިތިއްބާ ފެންވަރުގައި ދިވެހިން ބައިތިއްބާނަމަ ޖަލަށްލާ މަގުސަދު ދިވެހިންގެތެރޭ ހާސިލުނުވާނެ. ދިވެހިންގެ ތެރޭ އާންމުކޮށް ކައިއުޅޭ ކާނާ ދީފަ ސިއްހީގޮތުން ސާފުތާހިރު ހެދުމަކާއި ތަނެއް ދެއްކީމަ ނިމުނީ. ބަލިވެއްޖެނަފަ ފަރުވާ ދޭންވާނެ. އާއިލީ މީހުނާ ދޭތެރެދޭތެރެއިން ބައްދަލުވާންވާނެ. ނިމުނީ. ޖަލަށް ދާންޖެހުނު ސަބަބު އިހްސާސްވާންޖެހޭނެ.