އެމްއެސްއެސްގެ ފުރަތަމަ ބޯޓު އެމްޕީއެލް ބަނދަރާ ކައިރި ކުރަނީ-- ފޮޓޯ: އަހުމަދު އަވްޝަމް އިލިޔާސް/މިހާރު
09 އެޕްރީލް 2020 - 15:22
40 comments
އެސްޓީއޯ އިން އަލަށް އުފެއްދި ގައުމީ ޝިޕިން ކުންފުނީގެ ފުރަތަމަ ބޯޓު "އެމްވީ އައިބީރިއަން އެކްސްޕްރެސް" އަކީ އެއް އަހަރު ދުވަހަށް ކުއްޔަށް ހިފާފައިވާ ބޯޓެއް ކަމަށް މޯލްޑިވްސް ސްޓޭޓް ޝިޕިން (އެމްއެސްއެސް)ގެ މެނޭޖިން ޑިރެކްޓަރު އަބްދުﷲ ސައީދު (ކޮށީގޭ ސައީދު) މިއަދު ވިދާޅުވެއްޖެ އެވެ.
"މިހާރު"އާ ވާހަކަ ދައްކަވަމުން ސައީދު ވިދާޅުވީ ނޯވޭގެ މި ބޯޓު ގެންނަން ހަ މަސް ދުވަސް ނެގި ކަމަށެވެ.
މި ބޯޓުގެ ދަތުރުތައް ފުރަތަމަ ކުރަން ހަމަޖައްސާފައި ވަނީ މާލެ އާއި ކޮލަމްބޯއާ ދެމެދުގަ އެވެ. އެގޮތުން ކޮންމެ 10 ދުވަހަކުން ދަތުރެއް ކުރާނެ އެވެ.
ސައީދު ވިދާޅުވީ މި ދުވަސްވަރު ބޯޓު ހާއްސަކޮށްފައިވަނީ ކޮވިޑް-19 އާ ގުޅިގެން ދައުލަތަށް ބޭނުންވާ މުހިއްމު ތަކެތި ގެނައުމުގެ މަސައްކަތަށް ކަމަށެވެ.
ނަމަވެސް މި ހާލަތު ނިމުމުން، އެހެން ކުންފުނިތަކުން ބޭނުންވާ ޝިޕްމެންޓްތައް ވެސް ވިޔަފާރި އުސޫލުން ރާއްޖެ ގެންނާނެ ކަމަށް އޭނާ ވިދާޅުވި އެވެ.
އެމްވީ އައިބީރިއަން އެކްސްޕްރެސްގައި 20 ފޫޓުގެ 700 ކޮންޓެއިނަރު އެއްފަހަރާ އުފުލެ އެވެ.
ސައީދު ވިދާޅުވި ގޮތުގައި ކުރިއަށް އޮތް ތަނުގައި އެމްއެސްއެސްގެ އަމިއްލަ ބޯޓެއް ހޯދައި، 100 ޕަސެންޓް ދިވެހިން ވަޒީފާ އަދާކުރާ ކުންފުންޏަކަށް ހެދުމުގެ ވިސްނުން އެބަ ހުއްޓެވެ.
އެމްއެސްއެސް އަކީ އެސްޓީއޯގެ 99.99 ހިއްސާ އާއި ފިއުލް ސަޕްލައި މޯލްޑިވްސްގެ 0.01 ޕަސެންޓުގެ ހިއްސާއާ އެކު މިދިޔަ އަހަރުގެ މާޗު މަހު އުފެއްދި ކުންފުންޏެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަނބިލި
10 April 2020
ނާގާބިލު ޕާޓީ އެކްޓިވިސްޓުން ލައިގެން ކުރެވޭނީ ވައްކަން. ކުރަން އެނގޭނީވެސް ވައްކަން
ބަލްގިޝް
10 April 2020
ތިމައުލޫމާތު ނުލިބިގެން މިހުރީ. ތިހުރިހާކަމެއް ޕްލޭންކުރެވި ބޯޓެއް ގަތުމުގެ ހުރިހާކަމެއް ހިންގީ ކުރީ ސަރުކާރުން. އެހެންވީމާ އެހާއަވަހަށް ތިކަންކުރެވުނީ. އަދި ބައި އެޅޭކަންކަން ހުއްނާނެ ދޯ.
އަލީ ރަސްގެފާން
10 April 2020
ދެންއަންނަ ސަރުކާރަކުން މިމީހުން ކުރަމުންދާ ވައްކަން ބަލާނެ. އީޔޫއިންންާ އެމެރުކާ ފިޔަވަޅު އެޅިޔަސް ދެންއަނަ ސަރުކާރަކުން ބަލާނެ ވައްކަންތަ. ޝާމިލްވާ މީހުން ޖަލައްވެސް ލާނެ. އިންޝާﷲ
އެމްޑީޕީމީހާ
10 April 2020
ފާޅުގާ ވައްކަން މިކުރަނީ. ދައުލަތުގެ ރިޒާވް ހުސްވަމުންދާގޮތް ދިވެހިންނަ އެގެން ޖެހޭ.
ތެދުވެރިޔާ
10 April 2020
ސަރުކާރު ކަޑަ.
މާ މާލި މީ
10 April 2020
ބޮޑު ރިސެޝަނެއް ބޯ މަތިވެފައި ވަނިކޮށް 1 އަހަރު ދުވަހުގެ ޓައި މް ޗާޓަރަށް ބޯޓެއް ހިފު މުން، ތިޔަ ކަ މުގައި އިސްކޮށް އުޅޭ މީސް މީހުންގެ ގާބިލުކަން ނެތްކަން، ވަރަށް ރަނގަޅަށް އެނގޭ. ކުރިއަށްއޮތް މަސްތަކުގައި، ޑެއިލީ ޗާޓަރ ރޭޓުތައް ވަރަށް ބޮޑަށް ދަށަށް ދާނެ. ވަޒީފާގެ ބޭނު މުގަ ނުވަތަ ކޮރަޕްޝަން ގެ ސަބަބުން ކުރިކަ މެއްބާވައޭ ހިތައްއަރާ.
އަލީ ލަތިއްޓޭ
10 April 2020
ކޮންމެ ކަމެއްވެސް ފެއްޓޭނީ ކޮންމެވެސް ހިސާބަކުން. ވީމާ ތިއީ ހަމަ އެންމެ ރަގަޅު ގޮތެއް. ގިނަ އެއަރލައިންތަކުގެ ބޯޓުތައްވެސް ހުންނަނީ ކުއްޔަށް ހޯދާފައި.
ޢަޒްރާ
10 April 2020
ކަށިނެތް ބަރަބޮލެއް ވެރިޔަކއް ލީމަ ވ ވާހަކަ ހުންނާނެ
ސޯނޫ
10 April 2020
އަހަރެން ހީކުރީ ގައުމީ ޝިޕިންލައިނޭ ކިޔާފަ މިހުރިހާ ފޮންޏެއް މިކެނޑީ ބޯޓެއް ގަނެގެން ކަމަށް މީ ހަމަ ރަނގަޅަށްވެސް މި ގައުމު ބަނގުރޫޓު ކުރަން އާ ބަޔެއް
ހެހެހެ
10 April 2020
މިބޯޓުގެ ފުރަތަމަ ވޮޔެޒުން ވެސް މިއީ ބޮޑު އޮޅުވާލުމެއް ކަމަށް ފަޅާ މިއެރީ. އެންމެ 50 އަކަށް ކޮންޓެއިނަރ ހިފައިގެން މާލެ އައިސް އަދިވެސް މި އުޅެނީ އޮޅުވާލަން. ފުރަތަމަ ދަތުރުން ވެސް ފެއިލް މިވީ.