އެމެރިކާގެ ތެޔޮ ފެކްޓްރީއެއް-- ފޮޓޯ:އޭއެފްޕީ
20 އެޕްރީލް 2020 - 19:37
12 comments
ވޭތުވެދިޔަ 21 އަހަރު ތެރޭ ނުދާ ވަރަށް ދުނިޔޭގެ ބާޒާރުގައި ސާފުނުކުރާ ތެލުގެ އަގު ވެއްޓިއްޖެ އެވެ.
މިއީ 1999 ވަނަ އަހަރަށް ފަހު ތެލުގެ އަގު މިހާ ބޮޑަށް ދަށްވި ފުރަތަމަ ފަހަރެވެ. މިއާ އެކު ތެޔޮ ފީފާގެ އަގު ވަނީ 14.99 ޑޮލަރަށް ދަށްވެފަ އެވެ. މި އަހަރުގެ ފެބްރުއަރީ މަހު ތެޔޮ ފީފާ އެއްގެ އަގު ހުރީ، 50 ޑޮލަރުގަ އެވެ. އެހެން ކަމުން މިދިޔަ ދެ މަސް ދުވަހުގެ ތެރޭގައި ތެލުގެ އަގު މިވަނީ 30 ޕަސެންޓަށް ދަށްވެފަ އެވެ.
އެންމެ ފަހުން ތެލުގެ އަގު އެހާ ބޮޑަށް ދަށްވި 1999 ވަނަ އަހަރު ތެޔޮ ފީފާއެއްގެ އަގު ވަނީ 16 ޑޮލަރަށް ވެއްޓިފަ އެވެ. މިގޮތަށް ދިމާވެފައި ވަނީ އެ އަހަރު ކުރިމަތިވި ފައިނޭންޝަލް ކްރައިސިސްއާ ގުޅިގެންނެވެ. އެހެން ނަމަވެސް 2000 ވަނަ އަހަރު އަނެއްކާ ވެސް ތެޔޮ ފީފާއެއްގެ އަގު ވަނީ 35 ޑޮލަރަށް އަރައިފަ އެވެ.
މިދިޔަ ހަފްތާގައި ވީޑިއޯ ކޮންފަރެންސްގެ ޒަރީއާ އިން އޯޕެކްގެ ގައުމުތަކުގެ މެދުގައި ބޭއްވި ބައްދަލުވުމުގައި ވަނީ ތެޔޮ އުފައްދާ މިންވަރު މަދު ކުރަން ނިންމައިފަ އެވެ. މިގޮތަށް ނިންމީ ކޮވިޑް-19 އާ ގުޅިގެން ދުނިޔޭގެ ބާޒާރުގައި ތެލުގެ އަގު ދަށްވުމާ ގުޅިގެންނެވެ. މިއީ މިހާތަނަށް ތެޔޮ އުފައްދާ މިންވަރު އެހާ ބޮޑުތަނުން ދަށްކުރަން ނިންމި ފުރުތަމަ ފަހަރެވެ.
މި އެއްބަސްވުމާ އެކު އަންނަ މެއި މަހުގެ އެއްވަނަ ދުވަހުން ފެށިގެން ދުވާލެއްގެ މައްޗަށް އުފައްދާނީ 9.7 މިލިއަން ފީފާގެ ތެލެވެ. މި ނިންމުމަށް ޖޫން 30 ގެ ނިޔަލަށް އަމަލު ކުރުމަށް ނިންމައިފައިވާއިރު ޖުލައި 1 އިން ފެށިގެން ޑިސެމްބަރުގެ ނިޔަަލަށް 7.7 މިލިއަން ފީފާ އަށް ދަށް ކުރާނެ އެވެ. އަދި އަންނަ އަހަރު ވެސް އެކި އަދަދުތަކުން ތެޔޮ އުފެއްދުން ދަށް ކުރުމަށް ވަނީ ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓޭންކަރު
20 April 2020
އުފައްދާވަރު ދައްކުރަނީ އަގުބޮޑުކުރަން ދޯ؟ ކީކޭ ބުނާނީ!!!
ރާވެރިބެ
21 April 2020
އުފައްދާވަރަށް ނުވިކޭ ތެޔޮ ރައްކާކުރާނީ ތިޔަ ޓޭންކަރުގަތަ؟
އެހެންތަ
20 April 2020
އެސްޓީއޯގެ ކެޕޭސިޓީ ހުރެއްޖެނަމަ މިއީ ތެޔޮ ގަނެ ރައްކާކުރަންވީ ވަގުތު.
ތުއްތުނާ
21 April 2020
ކީއްކުރަންތަ ؟...... ރައްކާކޮށްފައި ތެލުގެ އަގު ދުނިޔޭގެ ބާޒާރުގައި ބޮޑު ވުމުން ރައްޔިތުންނަށް އަގު ބޮޑުކޮށް ވިއްކަން ؟...... އެއްވެސް ބޭނުމެއްނެތް.......
ޢިބޫ
20 April 2020
ދިވެހިރާއްޖޭގައި 05ލާރި އަގުހެޔޮވިއްޔާ އަނެއްފަހަރު 05 ރުފިޔާ ބޮދުވާނެ ދެން އަގުހެޔޮވަައިރު ހެޔޮވަަނީ އަނެއްނާވެސް 10ލާރި 10 ޑޮލަރައް ފީފާއެއް ލިބުނަސް ހެޔޮ އަހަރުނިމޭއިރު 300މިލިއަން ރުފިޔާ ފައިދާވިކަމަށް ގޮވާނެ އެކަމަކު ބުަނީގެއްލުމުގަ އިއްކާވާހަކަ ރައްޔިތުންންށްޓަކާ
ތެލުލިކެއު
20 April 2020
ތެލުގެ އަގު ބޮޑުތަނަކުން ދަށަށް ދިއައިރުވެސް މިގައުމުގައި ތަކެތީގެ އަގެއް ހެވެއްނުވޭ ސަރުކާރުން ކުރާ ކަމެއްނެތް ރައްޔިތުން ފިތި ހަލާކުވަނީ ވިޔަފާރިތައް ފުޑިއްޖެ
ނިރު
20 April 2020
އަދި ދުނިޔޭގަ ތިބި ބަޔަކަށް ފެންނާނެ ފައިސާ އާ މުދަލަކީ އަގެއް އޮތް އެއްޗެއް ނޫކަން .... ﷲގެ ކުޅަދުން ވެރިކަން ނިކަން ދެކިބަލަ..
ސަމްސު
20 April 2020
އެކަމަކު އެންމެންވެސް އުޅެނީ މުދާ ފަހަތުން. ދެން ނިރުގެގޮތެއް ނޭންގޭ.
ޔަކީޒް
20 April 2020
ކަލޭ ހިތުން މޮޅު އެއްޗެކޭ ދޯ ތިބުނީ! ބަލަ ދުނިޔެގަ އުޅެވޭނީ ތިޔަ ބުނާ ފައިސާ އައި މުދަލާ އޮވެގެން. އިސްލާމު ދީނަކީވެސް ވިޔަފާރި ކުރުމަށް ބާރު އަޅާ ދީނެއް ކަން ގުރުއާނާ ހަދީސް ކިޔާ މީހަކަށް އެނގޭނެ. އިސްލާމު ދީނަކީ އެހެން ދީންތަކުގަ ފާދިރީންހެން ދުނިޔެއާ ދުރުވެ މަސައްކަތެއް ނުކޮށް ހައިރާތުން އެކަނި އުޅެން އަންގަވާފަ އޮތް ދީނެއް ނޫން.
1828
20 April 2020
އެކަމަކުވެސް ރާއްޖޭގައި ތެލުގެ އަގުހެވެއް ނުވޭ. ޓެކްސީގެ އަގު ހުވެެއް ނުވޭ.
1819
20 April 2020
މިއީ ރާއްޖެއޭ ބުރޯ
ކޯސްޓް
20 April 2020
ކުރިން ގަނެފަ ރައްކާކޮށްފަ ހުރި އެއްޗެއްގެ އަގު އެހާ ހެވެއް ނުކުރާނެ. އަގު ވެއްޓުނު ފަހުން ގެންނަ ބައި އަގުހެޔޮވެދާނެ ފަހަރެއްގަ.