ޑރ. ބްރޫސް ވިދާޅުވީ، ރާއްޖޭގެ ޓޫރިޒަމް ހުޅުވައިލުން އަވަސް ނުވަތަ ލަސްކަމަށް ދަންނަވަން ދަތި ކަމަށް. އެކަމަކު، ވިދާޅުވީ، މިއީ އެންމެ ރަނގަޅު ވަގުތު ކަމަށް ވެސް ވެދާނެ ކަމަށް.
ޑރ. ބްރޫސް ސްޓޯވާ ،މިއަދުގެ މީޑިއާ ބްރީފިން ގައި ވާހަކަ ދައްކަވަނީ.
03 ޖޫން 2020 - 16:28
27 comments
ކޮވިޑް-19 ޖެހިފައިވާ މީހަކަށް ފަރުވާ ދޭނެ ގޮތްތައް ރާއްޖޭގެ ރަށްރަށުގައި މަސައްކަތް ކުރާ ޑޮކްޓަރުންނަށް ކޮންމެވެސް ވަރަކަށް އެނގޭނެ ކަމަށާއި އެހެންވެ، ޓޫރިޒަމް ހުޅުވައިލުން ގޯހެއް ނޫން ކަމަށް ޑޮކްޓަރުންނާއި ނަރުހުންނަށް ކްރިޓިކަލް ކެއާގެ ތަމްރީނު ދެއްވުމުގައި އިސްކޮށް އުޅުއްވި ދެކުނު އެފްރިކާގެ ތަޖުރިބާކާރު ޑރ. ބްރޫސް ސްޓޯވާ މިއަދު ވިދާޅުވެއްޖެ އެވެ.
ރާއްޖޭގެ ސިއްހީ ހިދުމަތްތެރިންނަށް ތަމްރީނު ދެއްވުމުގައި ކުރެއްވި ތަޖުރިބާއާ އެކު، ކޮވިޑް-19 އަށް ރާއްޖެ ތައްޔާރުވެފައި ވަނީ ކިހާވަރަކަށް ކަމަށް ދެކެވަޑައިގަންނަވަންތޯ "މިހާރު"ން ސުވާލު ކުރުމުން އޭނާ ވިދާޅުވީ "އަންނާނީ ކޮން ކަމެއް ކަން" ކޮންމެވެސް ވަރަކަށް އެނގޭ ޑޮކްޓަރެއް ނެތް ރަށެއް މިހާރު އޮންނާނެ ކަމަށް ދެކެވަޑައިނުގަންނަވާ ކަމަށެވެ.
"ގާބިލުކަން އިތުރު ކުރުމުގެ ގޮތުން ބަލާ ނަމަ އަޅުގަނޑަކަށް ހީއެއް ނުވޭ ހުރިހާ ރަށެއްގައި ތިބި ޑޮކްޓަރުންނަށް ވެސް މައުލޫމާތު ނުދެވި އޮތް ހެނެއް. އެހެންވީމާ އެ ބޭފުޅުންނަށް އެނގިވަޑައިގަންނަވާނެ އަންނަން އުޅެނީ ކޮންކަމެއްކަން [ކޮވިޑް-19 ޖެހިގެން ކުރިމަތިވާނީ ކޮން ކަމެއްކަން]،" ނޭޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) ން ބޭއްވި މީޑިއާ ބްރީފިންގައި ޑރ. ބްރޫސް ވިދާޅުވި އެވެ.
އެ ހޭލުންތެރިކަމާ އެކު ދެން އެންމެ މުހިއްމު ކަމަކީ އޭނާ ވިދާޅުވި ގޮތުގައި މީހެއްގެ ހާލު ބޮޑުވެ، އޮކްސިޖަން ދޭން ޖެހިދާނެ ހާލަތަކަށް ބޭނުންވާ ވަރަށް އޮކްސިޖަން ހުރުމެވެ.
ޑރ. ބްރޫސް ވިދާޅުވީ ރާއްޖޭގެ ޓޫރިޒަމް އަލުން ހުޅުވައިލުމަކީ ރަނގަޅު ކަމެކޭ ނުވަތަ ގޯސް ކަމެކޭ މިވަގުތު އެއްވެސް މީހަކަށް ނުބުނެވޭނެ ކަމަށާއި އެކަމަކު އޭނާ ވިދާޅުވާނީ ހުޅުވައިލުމަކީ ރާއްޖެ އަށް އެންމެ މަސްލަހަތު ހުރި ގޮތަށް ވެސް ވެދާނެ ކަަމަށެވެ. އެ ވިސްނުމާ އެކު ޓޫރިޒަމް އަލުން ހުޅުވައިލުމުން ކަންތައްތައް ގޯސްވާ ނަމަ، އެ ހާލަތަކަށް ބެކަޕް ޕްލޭނެއް ބޭއްވިދާނެ ކަމަށް އޭނާ ވިދާޅުވި އެވެ.
"އެކަމަކު އަޅުގަނޑު ދެކޭ ގޮތުގައި މުހިއްމު ކަމަކަކީ ގައުމަށް ކޮންމެވެސް ވަރަކަށް ފައިސާ ހޯދުން. ތިޔަ ބޭފުޅުންގެ އާމްދަނީގެ ބޮޑުބައެއް ބަރޯސާ ކުރަނީ ޓޫރިމަށް ކަމަށް ވާތީ. އެހެންވީމާ އަޅުގަނޑެއް ނުދަންނަވާނަން ހުޅުވައިލަން މާ އަވަހެކޭ ވެސް މާ ލަހެކޭ ވެސް. މިއީ އެންމެ ރަނގަޅު ވަގުތު ކަމަށް ވެދާނެ،" ޑރ. ބްރޫސް ވިދާޅުވި އެވެ.
ސަރުކާރުން މިހާރު ނިންމާފައި ވަނީ ޓޫރިޒަމް އަންނަ މަހަށް ހުޅުވައިލުމަށެވެ. ކޮވިޑް-19 ފެތުރުން ކޮންޓްރޯލް ކުރުމަށްޓަކައި ރާއްޖޭގެ ބޯޑަރު ބަންދުކުރީ މިދިޔަ މާޗް 27 ގަ އެވެ.
އޭނާ ވިދާޅުވި ގޮތުގައި، ކޮވިޑް-19 ފެތުރޭ ގަންނަ ބިރުން އަރައިގަތުމަކީ ވެސް މުހިއްމު ކަމެކެވެ. އެހެންވެ، ގިނަ ގައުމުތަކެއް އަންނަނީ ހުޅުވަމުން ކަމަށް ވިދާޅުވި އެވެ. އެ ގައުމުތަކުން ހުޅުވައިލަމުން އަންނަނީ އެހެން ކަންތައް ނުކޮށްފި ނަމަ ކޮވިޑް ނޫން އެހެން ބަލިތައް ފެތުރުމާއި ބަނޑުހައިހޫނުކަން ފަދަ އެހެން ބޮޑެތި ކަންތަކާ ކުރިަމތިވާނެތީ ކަަމަށް ޑރ. ބްރޫސް ވިދާޅުވި އެވެ.
އޭނާ ވިދާޅުވީ، ރާއްޖެއަށް މުހިއްމީ ޕާސަނަލް ޕްރޮޓެކްޝަން އިކްއިޕްމެންޓް (ޕީޕީއީ) ހުރުމާ އެކު އުސޫލުތައް ހަރުދަނާވުން ކަމަށެވެ.
ރާއްޖޭގެ ޑޮކްޓަރުންނާއި ނަރުހުން ކްރިޓިކަލް ކެއާއަށް ތައްޔާރުވުމަށް ޑރ. ބްރޫސް އިސްކޮށް ހުންނަވައިގެން ހިންގި ޕްރޮގްރާމްގައި ޑޮކްޓަރުންނާއި ނަރުހުން ހިމެނޭ ގޮތުން 400 އަށް ވުރެ ގިނަ މީހުން ތަމްރީނުކޮށްފައި ވެ އެވެ. ޓޫރިޒަމް މިނިސްޓްރީން ރާއްޖެ އަށް ގެނައި މާހިރުންގެ ޓީމުގައި އިސްކޮށް އުޅުއްވަނީ ޑރ. ބްރޫސް އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑޮނަލްޑް ޓުރަމްޕު
04 June 2020
ހޫ އިސް ދިސް؟
ރީތި މޫސަ
04 June 2020
މީދިވެހިންގެލޮލުގަ އަދުންއަޅުވަންވެގެންކުރިކަމެއް ދޮންމީހަކުލައްވާބުނީމަ ހީވަނީ ވަރަށްއެނގިގެންބުނާހެން ކޮންމެގޮތެއްވިޔަސް ދެންޓޫރިޒަމް ހުޅުވައިގެން ދިވެހިންނަށް ރަނގަޅުފުރުސަތުހޯދައިދޭބޭނުންނަމަ ކަންކަން ދިމާވީމަ މުވައްޒަފުންނަށް ވާނެއެއްޗެއްވާން ދޫކޮށްނުލާނެ ޒިންމާދާރު މިނިސްޓަރެއް ބޭނުންވާނެ
ޢާއިޝަތު
04 June 2020
ސިއްހީ ހިދުމަތްތެރިއެއްގެ ހައިސިއްޔަތުން މިބުނަނީ.،. ބައެއް ތަންތަނުގަ ބޭރުން ގެނެސް ލާފައެބަތިބި ހަމަ ގަމާރުން ކަހަލަ ޑޮކްޑަރުން.
ފަހުދު
03 June 2020
ރާވައިގެން ދޮން މީހެއްލައްވާ މީ ޓޫރިޒަމަށް ހުޅުވާލަންޖެހޭ ވަގުތު ކަމަށް ބުނާއިރު ތިޔަ ދޮންމީހާ ބުނީ މި ރާއްޖޭފައި ޓޫރިޒަމެއް ނުހިގާނޭ. ކާކު ގަބޫލު ކުރަނީ. އަހަރެމެން ގަބޫލު ކުރާނީ ދިވެހި ޑަކްޓަރުން ބުނާ އެއްޗެހި އެކަނި. ޥ ސަލާމް
ޗާލީ
03 June 2020
އިކޮނޮ މީއެއް އޮންނާނީވެސް ރައްޔިތުން ސަލާ މަތްތެރިކަ މާއިއެކު ތިބެގެން. މިހާރު ބަލި ފެތުރިފައިވާ ގައު މުތަކުން އަންނަ ކޮން މެ ޓުވަރިސްޓަކީ ބަލިނެތް މީހެއް ކަ މަށްދެކުން ރަނގަޅު ކަ މަކަށްވެސް ނުވާނެ. އެއަންނަ މީހުންގެ ފަރާތުން ބަލި އެހެން މީހުންގެ ގަޔަށް ނުފެތުރޭނެކަ މުގެ ގެރެންޓީއެއްވެސް ނޯންނާނެ. އެހާލަތުގައި އިތުރަށް ރައްޔިތުން ގޭގާ ބަންދުވެގެންތިބެ މަދު ޓުވަރިސްޓުންކޮޅެއް ގެނެސްގެން ލިބިދާނެ ޑޮލަރު ކޮޅަކަށްވުރެ ގެއްލު މާ ދަތި ބޮޑުވެދާނެ
އަހްމަދުކަލޯ
03 June 2020
ޗަކޮއި އަތުގަ ލާރިކޮޅެއް ހުރީމަ ތިޔަހެން ބުނެވިދާނެ މިއުޅެނީ ކާނެފަދަ ނެތިގެން ސަލާން ޖެހުމަށްވުރެން މަރުވުން މަށަށް މާރަނގަޅު ދެން ފްލައިޓުން ފައިބާ ތަނުން ޓެސްޓް ކުރެވޭނޭ ގޮތްތަށް އެބަހުރި 5 މިނެޓް ތެރޭ ނަތީޖާ ވެސް ލިބޭ
އަބޫބަކުރުބެ
03 June 2020
ޑރ ން ޓުއަރިޒަމްގެ ވާހަކަނުދައްކަބަލަ. ޑރ ން ދައްކާބަލަ ޑޮކްޓަރީވާހަކަ.
ފަހުދު
03 June 2020
އެކަމުންވެސް އެބަ އެގޭ އޭނަ ލައްވާ ބޮލުގަ ބަޑި ޖައްސައިގެން ބުނުވާފަ ވާކަން. ތީގެ ފަހަތުގައި ހުންނާނީ އެއްކަލަ މޮޔަ ސޮރު
ހަސަން ޓިސްޓް
03 June 2020
ހެލްތްސެކްޓާރއެއް އޮންނާނީ ގައުމުގަ އިކޮނޮމީއެއްވެސް އޮވެގެން.
ޓޮޓީ
03 June 2020
އަސަސީ ހުރިހާ ހިދު މަތެއްހެން ގާއި މުކޮށްފަ މިއޮތީ މާލޭގަ. މާލެއަށް ބަލި ފެތުރިފައި އެކަ މުން ސަލާ މަތްނުވެވި ގިނަދުވަސްތަކެއް ވެގެން ދާންޖެހު މުން ތަޅުލެވިގެން ތިބެންޖެހު މުގެ ސަބަބުން ދަރިވަރުންނާއި ވަޒީފާތަކާއި އާން މު ވިޔަފާރިއާއި ބޭސްފަރުވާ އާއި އެތެއްކަ މެއް މިއޮތީ ހުއްޓުން އަރާފައެވެ. އެތައް ހަރަދުތަކަކާ ގެއްލުންތައް ވަމަ މުންދާއިރު. ފުރަތަ މަވެސް ކުރަން އޮތްކަ މަކީ ބޭރުގެ އެހީއާއެކު ވީހާއަވަހަށް މިބަލި ރާއްޖެއިން ނައްތާލު މެވެ.
ތިދެންއަޖައިބު
04 June 2020
ރާއްޖޭން ބަލި ނައްތާލެވޭތަ އެއްކޮށް؟ އެހެން ގައުމުތަކަށްވެސް ނުވެގެން އުޅެނީ. ބައްޔާއެކު އުޅެމުން ރައްކާތެރި ފިޔަވަޅުތައް އަޅައިގެން ދިރިއުޅުމަށް ކުރާ މަސައްކަތްތައް ކުރެވޭނެ ގޮތް ހަދަންވީ. ބަލި ނެތިގެންދާނެ ދުވަހެއް ބަލަން ތިބޭނަމަ އެ ދުވަސް ވަރަށް ދުރުގައިވާނީ.
ހަސަންފުޅު
03 June 2020
ޑރ ބުރޫސް ދައްކަވަނީ ޑޮކްޓަރުން ދައްކާކަހަލަ ވާހަކަެއްނޫން. ޑޮކްޓަރުންގެ ޒިންމާއަކީ ބަލިން ރައްކާތެރި ކުރުމަށް މަސައްކަތްކުރުން. ބަލި ފެތުރިފައިނެތް ސަރަހައްދު ތަކަށް ބަލި ފެތުރިގެން ހިނގައިދާނެ ގޮތަކަށް ފުރުސަރު ހުޅުވާލުން ފައިސާގެ ބޭނުމުގައިވެސް ޑޮކްޓަރުން ލަފާއެރުވުމަކީ ޑޮކްޓަރުންގެ ސުލޫކާ ޒިންމާއާ ފުށުއަރާކަމެއް. އަޅާފާވާ ފިޔަވަޅު ތަކަކީ ޓުއަރިސްޜުންނަށް ބަލިޖެހިދާނެތީ އެކަނި އަޅާފައިވާ ފިޔަވަޅުތަކެްްނޫން
ޢެވީ
03 June 2020
ކޮވިޑުން ރައްކާތެރިވުމުގެ ސިއްހީ އާދަތަކަށް މީހުން އަހުލުވެރި ކުރަންޖެހެނީ ކޮންފަރާތަކުން؟ ބިދޭސީންތަށް އެއުޅެނީ ސުމާރެއްބެލުމެއްނެތި މަގުތަށް މަތީގައި! މަބުރޫކު އަރާ އަގަފަތަރާސީ ކޮއްލީމަ އެވީތަ! ގައިދުރުކަން އަތްދޮވުން މާސްކް މިތިނެތީގައި ހިފަހަޢްޓާ!އެވީ!