އެމްޓީސީން މިދިޔަ އަހަރު ބޭއްވި އަހަރީ އާއްމު ޖަލްސާގައި އެ ކުންފުނީގެ ޑިރެކްޓަރުން-- ފޮޓޯ: އެމްޓީޑީސީ
30 ޖޫން 2020 - 23:05
19 comments
މޯލްޑިވްސް ޓޫރިޒަމް ޑެވެލޮޕްމަންޓް ކޯޕަރޭޝަން (އެމްޓީޑީސީ) އަށް 11 އަހަރަށް ފަހު ފައިދާވުމާ ގުޅިގެން ހިއްސާދާރުންނަށް ހިއްސާގެ ފައިދާ ބަހަން ނިންމައިފި އެވެ.
ހޯމަ ދުވަހު ބޭއްވި ކުންފުނީގެ ޑިރެކްޓަރުންގެ ބޯޑު ބައްދަލުވުމުގައި ވަނީ ހިއްސާއަކަށް 0.50 ލާރި ބަހަން އަހަރީ އާއްމު ޖަލްސާ އަށް ހުށަހަޅަން ނިންމައިފަ އެވެ. ހިއްސާގެ ފައިދާ ލިބޭނީ މިދިޔަ އަހަރުގެ ހިސާބުތައް ބަންދު ކުރާ ތާރީހާ ހަމައަށް ކުންފުނީގައި ރަޖިސްޓްރީވާ ހިއްސާދާރުންނަށް ކަމަށް އެ ކުންފުނިން ބުންޏެވެ.
އެމްޓީޑީސީން އެންމެ ފުރަތަމަ ހިއްސާ ވިއްކަން ފަށާފައިވަނީ 2007 ވަނަ އަހަރު އެވެ. އެ އަހަރުން ފެށިގެން 2014 ވަނަ އަހަރާ ހަމައަށް ހިއްސާއެއް ވިއްކަމުން އައީ 100ރ. އަށެވެ. ނަމަވެސް 2014 ވަނަ އަހަރުން ފެށިގެން ހިއްސާއެއްގެ މޫނުމަތީ އަގު 10ރ. އަށް ވަނީ ބަދަލުކޮށްފަ އެވެ.
މި ބަދަލާ އެކު ކުރިން ހިއްސާ ގަތް މީހުންގެ ހިއްސާތައް އެމްޓީޑީސީން ވަނީ އިތުރުކޮށްފަ އެވެ. އެހެންކަމުން 2014 ގެ ކުރިން ހިއްސާ ގަތް މީހުންގެ ހިއްސާއެއްގެ އަގަކީ 100ރ. ކަމަށް ބަލާ ނަމަ ހިއްސާއަކަށް ފައިދާގެ ގޮތުގައި ލިބޭނީ 5ރ. އެވެ.
މިދިޔަ އަހަރުން ފެށިގެން އެމްޓީޑީސީގެ ހިންގުން ރަނގަޅުވެ ކުންފުންޏަށް ފައިދާ ވަމުން އަންނަ ކަމަށް އެ ކުންފުނީގެ މެނޭޖިން ޑިރެކްޓަރު ތަޒްމީލް އަބްދުއްސަމަދު ވަނީ ވިދާޅުވެފަ އެވެ. އަދި މި އަހަރު ހިއްސާގެ ފައިދާ ބެހޭވަރު ވާނެ ކަމަށް ލަފާ ކުރެވޭކަމަށް ވެސް މިދިޔަ އަހަރުގެ އަހަރީ އާއްމު ޖަލްސާގައި އޭނާ ވިދާޅުވި އެވެ.
ތަޒްމީލް ވިދާޅުވީ އެ ކުންފުނީގެ އަމާޒަކީ ކުރިއަށް އޮތް އަހަރުތަކުގައި ވެސް މެދުކެނޑުމެއް ނެތި ހިއްސާގެ ފައިދާ ބެހުން ކަމަށެވެ. އަދި އެކަމަށް ކުރެވެން ހުރި މަސައްކަތްތައް ރާވައިގެން ކުރިއަށްދާ ކަމަށް ވެސް އޭނާ ވިދާޅުވި އެވެ.
"މިއީ އެމްޓީޑީސީގެ ހިއްސާގެ ފައިދާ ބެހުމުގެ ފެށުމެއް. މި ކުންފުނީގެ އުއްމީދަކީ ކުރިއަށް އޮތް އަހަރުތަކުގައި ވެސް ހިންގުން ރަނގަޅުކޮށް، މެދުނުކެނޑި ހިއްސާދާރުންނަށް ހިއްސާގެ ފައިދާ ބެހޭނެ ގޮތަކަށް ވިޔަފާރި ރާވައިގެން ކުރިއަށްގެންދިއުން،" ތަޒްމީލް ވިދާޅުވި އެވެ.
އެމްޓީޑީސީން ވަނީ މި އަހަރު ބާއްވާ އަހަރީ އާއްމު ޖަލްސާގައި އާއްމު ހިއްސާދާރުންގެ ތެރެއިން ފަސް ޑިރެކްޓަރުން ހޮވުމަށް ވެސް ހުޅުވާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަންނާޑި
01 July 2020
ރިސޯޓު ހަދަންނެގި ރައްޔިތުން ގެ ފަލުރައްތަކުން ހިއްސާ ގަތީމައި 11 އަހަރު ފަހުން ހިއްސާއަކަށް މި ލެބޭނީ 0.50 ލާރި ބައިރުފިޔާއެއް.
ބޯގަޅި
01 July 2020
ބަނގުރޫޓުވެގެން އަލުން ފައިސާހޯދު މައްޓަކާ ހިއްސާވިއްކަން ޖަހާ މަޅިއަކާ ވަރައްވައްތަރު، ސެއަރ ހޯލްޑަރުން ބިކާރީވެ މެނޭޖް މެންޓް މިލިއަނަރުންނައްވާ ކޮ މްޕެނީއެއް.
ތުނޑު ހަސަން
01 July 2020
ޢެންމެ ރަނގަޅު ގޮތަކީ ކުރީގެ އޮޑިޓަރ ޖެނެރަލް މާކުން ނައީމް ބުނިގޮތައް ތިކުންފުނި އުވާލާފައި ލިބޭ ފައިސާއެއް ހިއްސާދާރުންގެ މެދުގައި ބަހާލުން . މިއީ ހަމައެކަނި އޮތް ހައްލަކީ
ހޭހަން
01 July 2020
11 އަހަރަށްފަހު ހިއްސާގެ ފައިދާ ބަހަނީއޭ ބުނަން ލަދުކޮބާ. 0.50 މީތަ ފައިދާއަކީ. ތިތަނުންގަތް ހިއްސާގެ ފައިސާ ބެންކެއްގެ އެކައުންޓަކަށްލާފާ 11 އަހަރު ފަހުން ބަލާލެވުނުނަމަ އެނގޭނެ ތިމީހުން ތިދޭބޮޑުފައިދާ. ހެޔޮވާނީ ކިހިނެއް. ރައްޔިތުންއަތުގަހުރި މަދުފައިސާކޮޅުވެސް ކާލާފަ ހަމައެކަނި އެއެތިކޮޅު ދިނަސްހެވޭ ބުނީމަ އެވަރުވެސް ކޮށްނުދެވުނު. އަތުޖެހޭއެއްޗެއް ކާލުންފިޔަވާ ތިތަނުންވެސް ކުރާ އެއްކަމެއްނެތް. އާންމުގޮތެއްގާ މަރުނުވަނީސް ވަޅެއްނުލާނެ!
ނަހޫ
01 July 2020
އަަސްލުވެސް. މަތާއީދު
ފުންއަސަރު
01 July 2020
ބައެއްގެ ލަދުހަޔާތުގެ ކަންފުޅެއްވެސް ނެތީއޭ. ކީތްތަވާނީ ތިބޭފުޅުންއަތުން ގަތް ހިއްސާތައް ތިބޭފުޅުން ހަމަ އެއަގުގަ ގަނެފަ ތިތަން އުވާލިއްޔާ. އޭރުން ހަމަގައިމުވެސް ހިއްސާ ގަތްމީހުން އުފަލުން ނަށާނެ. މިހާރު ތިތަނުގެ ހިއްސާއެއް ގަންނާނެމީހަކުވެސް ނުވޭ. އަތުގާހުރި ހިއްސާކޮޅު ވިއްކާލެވޭނޭގޮތެއްވެސް ނެތް. މަމެންނަށް ދެރަވަރުވާނީ މިވަރަށް. ބޮޑުމުސާރަ މަހުން މަހަށް ލިބެންޏާ ދެންވިސްނަންވީ ކޮންކަމަކާތޯ؟
ލަމް
01 July 2020
މި ބަދަލު އެމް.ޓީ.ޑީ.ސީއަށް ގެނެސްދެއްވި ކުރީގެ އެމް.ޑީ މަނަދޫ ޝުޖާއަށް ހާއްސަ ސުކުރެއް
ބޯގަޅި
01 July 2020
މިއުޅެނީކީ ތިޔަބުނާކަހަލަ ބަދަލެއް އައިސްގެނެއްނޫން، އެ މްޓީސީސީވެސް ޖަހާކަހަލަ މަޅިއެއް ޖެހޭތޯ!. އިތުރައް ސެއަރ ވިއްކަން ހުޅުވާލެވޭނީ ފައިދާވާކަ މައް ހެދިގެން.
ރަންދެލި
01 July 2020
މި ރާއްޖޭގައި ޓޫރިޒަމް ވިޔަފާރި ކޮށްގެން ބަނގުރޫޓުވި/ވާންއުޅޭ ފުރަތަމަ ކުންފުނި...
ޢެޓޮމް
01 July 2020
އަޅުގަނޑު 36000ރ 200 ހިއްސާ ގަތުމަށްފަހު 11 އަހަރު ވީއިރު އަޅުގަނޑު އެސައިމެންޓަކަށް 5 އަހަރުގެ އެނުއަލް ރިޕޯޓް ދިރާސާކުރުމުން އެގުނީ ޕްރޮފެޝަނަލް އެތިކުސް ނެތްކަމެވެ. އަދި ވެރިންގެ ސްޓޭޓް މަންޓުގަ ފައިދާ ނލިބެނީ ދައުލަތުން ޓެކުސް ނަގާކަމަށް ބުނެ ޑީލްތައް ފާޅުގައި ހަދަމުން ދިއުމާއި ރާއްޖެއިން ބޭރަށް ދަތުރުކުރުމާ ނުއަގުގަ އެސަޓްތައް ވިއްކުމާއި ދޯދިއާ އެގިރިމެންޓް ހެދުމެވެ.
ޓަކިބެ
01 July 2020
30 ރުފިޔާ އަށްދޭ ލުނބޯ ކިލޯއެއް ގަނެގެން ރަށުތެރޭ ހިނގާލިޔަސް ދުވާލަކު 10ރ ގެ ފައިދާއެއް މި މާލޭގަ ނުލިބޭނެ ގޮތެއް އެއީ ނެތްގޮތެއް. މިހެން މިބުނީ މިވެސް ބަންގާޅީން މި ލޮކްޑައުންތެރޭ ކުރި ވިޔަފާރިއެއްވީމަ.
މަޒް
01 July 2020
ލަދު ހަޔާތުގެ ކަންފުޅެއްވެސް ނެތީ.. ހިއްސާއަކަށް ބައިރުފިޔާ ބަހަން ނިންމައި އެކަން ތި އިއުލާން ކުރީ ވަރަށް މޮޅުކަމެއްކަމަށް ދޯ؟ އެއްވެސް ބޭނުމެއް ނެތްކަމެއް މިގައުމުގެ ކުންފުނިތަކުގައި ބުރަ މަސައްކަތްކޮއްގެން ހޯދާފައި ހުންނަ ފައިސާ އިންވެސް ކުރުން.. ދިރާގު، ބީއެމްއެލް މިހެން ގޮސް ކިޔާނެކަމެއް ނެތް.. ބިލިއަނުން ފައިދާވިޔަސް ބަހަނީ ހަމަ އެތިކޮޅެއް.. ހަމަ ހަޔާތް ކުޑައީ