ރޭޓާ މާލެ ކުންފުނީގެ މެނޭޖިން ޑިރެކްޓަރުގެ މަގާމުގައި ހުންނެވި އިބްރާހިމް ރަޝީދު (މާމިގިލީ އިބޫ) ނޫސްވެރިންނަށް މައުލޫމާތު ދެނީ--ފޮޓޯ:ނިޝާން އަލީ/ މިހާރު
10 އޯގަސްޓް 2020 - 16:06
9 comments
ތިލަފުށި ހިންގަމުން އަންނަ ގްރޭޓާ މާލޭ އިންޑަސްޓްރިއަލް ޒޯން ލިމިޓެޑްގެ ހިއްސާގެ ބައެއް އެޗްޑީސީއަށް ދީފި އެވެ.
އެކަމަކު ގްރޭޓާ މާލޭ އިންޑަސްޓްރިއަލް ޒޯން ލިމިޓެޑް، އެޗްޑީސީގެ ސަބްސިޑަރީ ކުންފުންޏަކަށް ހެދީ ކަމެއް ނުވަތަ ގްރޭޓާ މާލެ ކުންފުނި އުވާލައި އެކުންފުނީގެ މަސްއޫލިއްޔަތުތައް އެޗްޑީސީ ނެގީކަން ސާފުވާ ގޮތެއް ނުވި އެވެ. މި ބަދަލާ ބެހޭ ގޮތުން ފިނޭންސް މިނިސްޓްރީން އަދި އެއްވެސް މައުލޫމާތެއް ނުދެ އެވެ.
ނަމަވެސް ގްރޭޓާ މާލެ ކުންފުނީގެ މެނޭޖިން ޑިރެކްޓަރު އިބްރާހިމް ރަޝީދު (އިބޫ) ވިދާޅުވީ ކުންފުނި އުވާލިކަން ސާފުނުވިޔަސް އެ ކުންފުނީގެ ހިއްސާއިން ބައެއް އެޗްޑީސީއަށް ބަދަލުކުރަން ސިޓީއެއް ލިބިވަޑައިގެންފައިވާ ކަމަށެވެ.
"އެހާ ބޮޑަކަށް މިކަން ސާފެއް ނުވޭ. އަޅުގަނޑުމެންނަށް ލިބިފައިވާ ސިޓީގައި އޮތީ ޝެއާއަށް ބަދަލު ގެންނަން ކުންފުނީގެ ބޯޑު އޮފް ޑިރެކްޓަރުންގެ އަދަދަށް ބަދަލު ގެންނަން،" އޭނާ ވިދާޅުވި އެވެ.
އެ ކުންފުންޏަށް ޕީސީބީން ފޮނުވި ސިޓީގައިވާ ގޮތުން ކުންފުނީގެ ޑިރެކްޓަރުންގެ އަދަދު ހަތަކުން ފަހަކަށް މަދުކުރަން ޖެހެ އެވެ.
މި ބަދަލު ގެންނަ އިރު އިބޫއާ ގުޅޭ ކޮރަޕްޝަންގެ ތުހުމަތުތަކެއް މިދިޔަ އަހަރުގެ ފަހުކޮޅު ފެންމަތިވެ، ރައްޔިތުންގެ މަޖިލިހުން ވެސް އެކަން ތަހުގީގުކޮށް، ރިޕޯޓެއް ތައްޔާރުކޮށްފައިވެ އެވެ. އެގޮތުން ތިލަފުށި ފަޅުތެރޭގައި އޮތް ބޯޓެއް ބާ ދަގަނޑަށް ހަދައި، ނަގަން ޕާކަވަން ނަމަކަށް ކިޔާ ކުންފުންޏާ ހަވާލުކުރީ ކޮރަޕްޝަނަށް މަގުފަހިވާ ގޮތަށް ކަމަށް، ތަހުގީގަށް އެނގިފައިވެ އެވެ.
މަޖިލިހުގެ އެސްއޯއީ ކޮމިޓީން ނިންމީ ބޯޓް ނައްތާލުމުގެ ހުއްދަ ފިނޭންސް މިނިސްޓްރީން ނުދެނީސް ގަވައިދާ ހިލާފަށް އިބޫ އަމަލުކުރައްވާފައިވާ ކަމަށެވެ. އެކަމަކު އެ ހުރިހާ ތުހުމަތެއް ވެސް އޭނާ ދޮގުކުރައްވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރައްޔެތު.
11 August 2020
ޔަ މިން ވެރިކަމުގަ އެޗްޑީސީ އަކީ ވަކި ދައުލަތެއް. ޢެތަން އުވާލާ
އުދުހޭ
11 August 2020
ކައިގެންނޭ ފުރާނީ... ނުކައެއް ނުފުރާނަމޭ...
އަނގަ ފޫޅު
11 August 2020
އެޗްޑީސީ އުވާލެވޭ ކަށް ނޯންނާނެ ތާއެވެ. ދަރަނި ވެރި ވެފައިވާ ކުންފުންޏެއް ވިއްޔާ އެވެ. ބިން ވިއްކާގެން ދަރަނި އަދާ ކުރަން އުޅެ އެކަމެއް ވެސް ނުވި ވިއްޔާއެވެ. ފްލެޓް ތަށް ވެސް ދެވޭ ގޮތެއް ނުވި ވިއްޔާއެވެ.
ނަގޫ ރޯޅި
11 August 2020
އެއްޗްޑީސީ ބަގްރޫޓް ވީ އެވެ.ހަޤީޤަތަކީ މިއެވެ. ދައުލަތުގެ އެހެން ކުންފުނި ތަކުން އެޗްޑީސީ އަށް މިހާރުވެސް އެތަށް މިލިޔަން ރުފިޔާގެ ލޯނެއް ނަގާފައި ވެއްޖެ އެވެ. މި އުޅެނީ ތިލަފުށި ހިއްކާކަށް ނޫނެވެ.މިއުޅުނީ ހުޅުމާލެ އިން އެޗްޑީސީ އަށް ސަލާމަތް ނުވެވިގެން ނެވެ.
ދޮންކޮޅު
11 August 2020
މީ މިސަރުކާރުގަ ހުރި އެން މެ ކޮރަޕްޓު އެކަކު. މީނަ ކަޓު ނަގަނީ ބެލު މެއް ނެތި.
ޙުސޭން
10 August 2020
މަށަށް ހީވަނީ އެޗްޑީސީ ހެން އުވާލަންވީ.
ދޫކޮށްލަންވީއޭ
10 August 2020
ދައުލަތުގެ ބަޖެޓަށް ފައިސާ ގިނަ އަދަދަކަށް ހޯދަން ބޭނުންނަމަ އެޗްޑީސީން ތިލަފުށި އަދި ގުޅިފަޅު ކޮމްޕެނީގެ ހިއްސާ ގަނެގެން އަވަހަށް ތިލަފުށި ހިއްކަން އެމްޓީސީސީ އަށް ދީގެން ތިލަފުށީގައި މިހާރު ނުހިއްކާ އޮތް ފަޅު އެއްކޮށް ހިއްކާލާ އެތަނުން ބިން ތައް އަކަފޫޓަކަށް މަހަކު 1 ރުފިޔާ އަށް 100 އަހަރުން ކުލި ހަމަވާނެ އުސޫލުން ކުއްޔަށް ދީ ނިންމާ އޭގެ ފަހުން ދެން އުތުރު ތިލަފަޅު ވެސް ހިއްކާ އެތަނުން ވެސް ގިނަ އަދަދެއްގެ ބިން ތައް ކުއްޔަށް ދޫކޮށްލަންވީއޭ މިއުސޫލުން
ރީއްޗަށްވެސް
10 August 2020
މާލެ ސަރަހައްދު ތަރައްގީ ނުކުރެވޭނެ ގްރޭޓަރ މާލެ ނަމުގައި ވަކި ކުންފުންނެއް އޮވެގެން ތިލަފުށި އަދި ގުޅިފަޅު މިދެތަން ވެސް ގެންދަންވީ އެޗްޑީސީގެ ބެލުމުގެ ދަށަށް ސަބަބަކީ އެޗްޑީސީ އަކީ ގިނަ އަދަދެއްގެ އާމްދަނީ ލިބޭ ކުންފުންނަކަށް ވާއިރު އެޗްޑީސީ އަށް ފަސޭހަވާނެއޭ ބީއެމްއެލް އިން ލޯން ނަގަން ތިލަފުށި ހިއްކަން އެއްގޮތަކަށް ވެސް އެޗްޑީސީން ރާއްޖޭން ބޭރު ބޭންކް ތަކުން ލޯން ނަގައިގެން ނުވާނެ މާލެ ސަރަހައްދުގެ ފަޅު ތައް ހިއްކަން އެކަން ކުރެވޭނެ އެމްޓީސީސީއަށް
ދެރަ
10 August 2020
ފެންވަރެއް ބެލުމެއް ނެތި، އާދައިގެ ވަޒީފާތައްވެސް ދޭނީ ކޮރަޕްޓް ކޮށް. ޕާޓީ ކުދިންނަށް، ބޮޑު މުސާރައިގަ.