ރައީސް އިބްރާހިމް މުހައްމަދު ސޯލިހު، ނޭޝަނަލް އިމަޖެންސީ އޮޕަރޭޝަން ސެންޓަރަށް ކުރެއްވި ޒިޔާރަތެއްގައި އެޗްޕީއޭގެ މެޑިކަލް އޮފިސަރު ޑރ. ނަޒްލާއާ ވާހަކަފުޅު ދައްކަވާއިރު، އަރިހުގައި ހެލްތު މިނިސްޓަރު އަމީން.---ފޮޓޯ: ރައީސް އޮފީސް
17 އޯގަސްޓް 2020 - 18:19
22 comments
ކޮވިޑް-19 އާ ގުޅިގެން ހެލްތު މިނިސްޓްރީން ހިންގާފައިވާ މުއާމަލާތުތަކުގެ ތެރެއިން ފާހަގަވި އޮޅުވައިލުމާއި މަކަރާއި ހީލަތުގެ މައްސަލަތައް ތަހުގީގު ކުރަން ރައީސް އިބްރާހިމް މުހައްމަދު ސޯލިހު، އެންޓި ކޮރަޕްޝަން ކޮމިޝަން (އޭސީސީ) އާއި ފުލުހުންނަށް މިއަދު އަންގަވައިފި އެވެ.
ރައީސްގެ ތަރުޖަމާން އިބްރާހިމް ހޫދު "މިހާރު" އަށް ވިދާޅުވީ، ހެލްތު މިނިސްޓްރީގެ އިތުރުން ޓޫރިޒަމް މިނިސްޓްރީގެ އޮޑިޓު ރިޕޯޓުން ފާހަގަވި މައްސަލަތަކުގެ ތަހުގީގު އޭސީސީއާ ހަވާލު ކޮށްފައިވާ ކަމަށެވެ.
"ޓޫރިޒަމް މިނިސްޓްރީގެ އޮޑިޓު ރިޕޯޓުން ފާހަގަވި ކަންކަން ބަލަން ހަވާލުކުރީ އޭސީސީއާ އެކަނި. އެކަމަކު ހެލްތު މިނިސްޓްރީގެ އޮޑިޓުގެ މައްސަލަ ބަލަން ހަވާލުކުރީ ފުލުހުންނާއި އޭސީސީ ގުޅިގެން ހިންގާ ޖޮއިންޓް އިންވެސްޓިގޭޝަނެއްގެ ގޮތުގައި،" ހޫދު ވިދާޅުވި އެވެ.
"އިންވެސްޓިގޭޝަން ކުރިއަށް ދާ ވަރަކުން އިތުރު ފިޔަވަޅުތައް ފެންނާނެ."
އެނގިފައިވާ ގޮތުގައި، މި މައްސަލައިގައި މި ނޫން އިތުރު ބައެއް ފިޔަވަޅުތައް ވެސް ބައެއް ބޭފުޅުން އަމިއްލަ ގޮތުންނާއި ސަރުކާރުގެ ރަސްމީ ނިޒާމުގެ ތެރެއިން އަޅަމުން ގެންދާނެ އެވެ. އޭގެ ތަފުސީލެއް އަދިއެއް ނުލިބެ އެވެ.
ހެލްތު މިނިސްޓްރީގެ އޮޑިޓު ރިޕޯޓުން ފާހަގަވި އެންމެ ބޮޑު ކަމަކީ ކޮވިޑާ ގުޅިގެން ރާއްޖެ އަށް ބޭނުންވާ 75 ވެންޓިލޭޓަރެއް ގެންނަން ދުބާއީގެ އެގްޒެކިއުޓާސް ޖެނެރަލް ޓްރޭޑިންއާ ހަވާލުކުރުމުގައި ބޮޑެތި އޮޅުވައިލުންތަކާއި ޖަރީމާތަކެއް ހިންގާފައިވާ ކަމަށް ތުހުމަތު ކުރެވޭ މައްސަލަ އެވެ. އެ ކުންފުންޏާ އެކަން ހަވާލުކުރީ ދުނިޔޭގެ ސިއްހަތު ޖަމިއްޔާ، ޑަބްލިއުއެޗްއޯ މެދުވެރިކޮށް ކަމަށް ހެލްތު މިނިސްޓްރީން އެންމެ ކުރިއްސުރެ ބުނަމުން އައި ވާހަކަތައް ވެސް އޮޑިޓަ ޖެނެރަލް ހަސަން ޒިޔަތު ނެރުއްވި ރިޕޯޓުގައި ވަނީ ދޮގުކޮށްފަ އެވެ.
ދުބާއީގެ އެގްޒެކިއުޓާސް ޖެނެރަލް ޓްރޭޑިންއަކީ، ވެންޓިލޭޓަރު ގެންނަން ހަވާލުކުރި ތިން ކުންފުނީގެ ތެރެއިން ސަރުކާރުން އެޑްވާންސްކޮށް ފައިސާ ދޫކުރި ހަމައެކަނި ކުންފުނި ވެސް މެ އެވެ. އެ މީހުން ވެންޓިލޭޓަރެއް ގެނެސްދެނީ 32،500 ޑޮލަރަށެވެ. އެ ކުންފުންޏާ މަސައްކަތް ހަވާލުކުރީ 34 މިލިއަން ރުފިޔާ އަށް ކަމަށް ވާއިރު އަގުގެ 90 ޕަސެންޓަށްވާ 30.9 މިލިއަން ރުފިޔާ ސަރުކާރުން ވަނީ ދައްކައިފަ އެވެ. މި ވެސް އޮޑިޓުގައި ފާޅުކޮށްފައި އޮތް ކަންބޮޑުވުމެކެވެ.
ދުބާއީގެ ކުންފުނީގެ އިތުރުން، ވެންޓިލޭޓަރު ގެންނަން ރާއްޖޭގެ ކުންފުނިތަކާ ހަވާލުކުރުމުގައި ވެސް ގޯސްތަކެއް ހިނގާފައިވާ ކަމަށް އޮޑިޓު ރިޕޯޓުގައި ފާހަގަކޮށްފައި ވެ އެވެ.
ހެލްތު މިނިސްޓްރީގެ އިތުރުން ޓޫރިޒަމް މިނިސްޓްރީގެ އޮޑިޓު ރިޕޯޓުގައިވާ ގޮތުން ވެސް އެ މިނިސްޓްރީން ވަނީ ކޮވިޑާ ގުޅުވައިގެން އުސޫލުތަކުގެ ބޭރުން ބޮޑެތި ހޭދަތަކެއް ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސް ތަކުރު
19 August 2020
މިގައުމުގައި ހުރިހާވެސް މައްސަލައަކީ ރައްޔިތުން ކޮރަޕްޝަން ހިންގައިގެން ވެރިން ވެރިކަމަށް މިއަންނަނީ. ދެން އޮންނާނީ ހުސްވަގުން މިގައުމު ކާ ހުސްކުރެމެއް ނޫންތަ. އަލަ ގަހަކުން ކެޔުނިރެއް ނުފަޅާނޭ ބުނާ އުސުލުން ވޯޓަށް ވައްކަން ކޮށްގެން މަޖުލިހަށާއި ވެރިކަމަށް އަންނަބަޔަކު ނަޒާހަތް ތެރިވާނެކަމަށް ދެކުމަކީ އަހަރުމެންގެ މޮޔަކަން. ތިއެންމެންނަކީ ވެސް އެކައްޗެއް. ބޮޑު ގޭމް ޖައްސާ އަކަކަށް ވުރެ ބޮޑައް އަނެކަކު ކާ ގޭމު ކުޅެނީ. ޕަބުޖީ ނޫނަސް މިވެސް ގޭމެއް
ސަބީހާ
18 August 2020
ޝުކުރިއްޔާ ރައީސް. ފުރިހަމަ ތަހުގީގަކަށްފަހު ކަންކަން ސާފުވެގެންދާނެ ކަމަށް މި ބަލަނީ. މިކަމުގައި މުހިންމީ ސިޔާސީ ވަކި ފެކްޝަނަކުން ދައްކަން އުޅޭ މަންޒަރެއް ނޫން. މިކަމުގައި މުހިންމީ ހަގީގަތް. ތެދު. އެއަށް ރައްޔިތުން މި އިންތިޒާރު ކުރަނީ.
ބޮޑުމީހާ
18 August 2020
ސްޓީލިނގ ޕެރަޑައިސް އިން ޕެންޑަމިކް
ނައީމް ަ
18 August 2020
މިކަން ހަމަ އިބޫ އަށް ނޭގޭނެ؟ އަންތަރީސް! އަދީބު ވައްކަން ކުރީމަ ކޮރަޕްޝަން ހިންގީމާ ގޯސްވީ ޔާމީނު. ޔާމީނު ވެރިކަމުގައި ހިންގި ހުރިހާ ކޮރަޕްޝަނަކަށް ރައީސްގެ ހައިސިއްޔަތުން އޭނާ ޒިންމާވާން ޖެހޭ ނަމަ، އިބޫ ގެ ރައީސް ކަމުގައި އޭނާގެ ކެބިނެޓް މިނިސްޓަރުން މިހިރަ ހިންގާ ކޮރަޕްޝަނަށް އޭނަ ޒިންމާ ވާން ނުޖެހޭތަ؟ އަޖައިބެއް. ކުރީގައި ބުނަނީ މައުމޫން ރަނގަޅޭ އޭނާ ކައިރި އުޅުން މީހުންނޭ ގޯހީ. އެހެން ދޯ މިހާރު މިވަނީ.
އިބްރާ1
17 August 2020
ނަޝީދު ދެކެ ރުޅި އަންނަބަޔަކު ގަބޫލު ނުކުރިޔަސް ބުނަން. އެދުވަހު ގަދަހަދާފަ މަޖުލިސް ނުބޭއްވިނަމަ ދައުލަތް ކައި ހުސްކުރީސް. ޢެދުވަހު މަޖުލިސް ހުޅުވައިގެން ކޮވިޑް ބަޖެޓާއި ގުޅިގެން ނިންމި ނިންމުން ތަކުގެ ސަބަބުން މިކަން މިހާއަވަހަށް މިފަޅާލެވުނީ. ދެން ކާންތައްޔާރު ކޮށްފަ ހުރި ކެއުން ތައް ކާނުލެވުނީ ވެސް އެހެންވެ.
ކޮރަންޓީން
17 August 2020
ސިޔާސީ މީހުންނަށް ބިޑް ކޮމެޓީގައެއް ނުތިބެވޭނެ، ނަމަވެސް ހެލްތު މިނިސްޓްރީގައި އެވަރު އެނގިވަޑައިގަންނަވާ ސިޔާސީ ބޭފުޅަކުވެސް ކޮމިޓީގައި ނެތީމަ ނޫންތޯ މިހެންމިވީ. ދެން އެކަން ހަމަ މިނިސްޓަރ އަށްވެސް އެނގިފައި ނުވާނަމަ ވަރަށް ރަނގަޅު. މިސަރުކާރުގެ ހާލަތަކީ މިއީ. ކަމެއް އިނގޭ މީހެއްވެސް ނެތް.
ހައިމް
18 August 2020
ސަރުކާރުގެ ބައެއް މިނިސްޓްރީތަކުގަ ނުތިބޭ ސިޔާސީ މީހުން މިސާލަކަށް އެންވަޔަރަމެންޓް މިނިސްޓްރީ، އެތަނުގެ ބިޑް ކޮމެޓީގައި އަބަދުވެސް ތިބެނީ ސިލިލްސްޓާފުން މިކަމުގެ ސަބަބުން މިކަހަލަ ކަންތައް ވަރަށް ދިމާނުވޭ
ގަންޖިފަރާސް
19 August 2020
ތިއަށް ކިޔައި އުޅޭ ގޮރޮސް އިންކޮންޕީޓެންސް. މި ސަރުކާރުގައި ގިނައީ އަކަހަލަ މީުން. ފަޔާއަކީ އިގްތިސާދުގެ ވާހަކަ ދެއްކިޔަސް ގެޓުވާ މީހެއްނޫން. ފިނޭންސް މިނިސްޓަރަކީ މިނިސްޓްރީއެއްގެ އޭބީސީވެސް ނޭގޭ ބޭފުޅެއް. އަމީނުއަކީ ޔާމީނުކައިރީގައި އުޅެފައި ހަމަ ލާރިޔާއި ދޯޅު އެހެނަސް ޔާމީނު ގަޔާނުވެގެން ބޭރުކުރި ނާޤާބިލު މީހެއް، ހުރިހާ އެންމެ ބުރޯ ހެދިފައި މިތިބެނީ
ކިހެނެއް
17 August 2020
ކިހެނެއް ދައްކާ ވާހަކަ ގަބޫލުކުރާނީ؟ މާސްކް ނާޅާތިބިއިރު ގައިދުރުކަމެއްވެސް ނެތް ފޮޓޯގައެއް
ރުމާލް 2
17 August 2020
ކަލޯވަކިތަނެއް ވަކިގޮތެއްނޫން. މިސަރުކާރުގެ ހުރިހާއިދާރާތައް ކޮންޓްރޯލްކުރަނީ ޕީ ޕީ އެމްގެ އާއި، ޖޭޕީގެ އެކްޓިވިސްޓުން.
ޖޯން
17 August 2020
މިއޮއް ދަތި އިރު އަމީނު ބުނެގެން ފިނޭންސުން އެޑްވާންސް ދޭނެތަ؟ ކަން އޮތްގޮތް އެނގޭނެ ފައިސާ ބައި އެޅުނު ސަރުކާރު އިސް މީހުން ތިބޭނެ އަމީނު ނޫނަސް. ދެން އެސްޓީއޯގެ 4 ލައްކަ ރުފިޔާއަށް ވެންޓިލޭޓަރެއް ގެންނަން ހުށަހެޅި ބިޑް ޕްރޮސެސް ވިނަމަ މިއަދު މަޖިލީހުގަ މި ވާހަކަ ނުދެއްކީސް. އެންމެނަށްވެސް އެގޭ ކާކަށް އޯޑަރު ނުލިބިގެން ބައިނޭޅިގެން ޖަހާ ސަކަރާތެއްކަން. ސަހަލު އެކަކުވެސް ނެތް. އެމީހަކަށް ޖެހުނު އެއްޗަކުން ޖެހުނު ތަނަކުން ކައި ހުސްކުރަނީ
ޙަލީފާ
17 August 2020
މި ވެރިކަމުގައި ނެރޭ އޮޑިޓް ރިޕޯޓަކާ ގުޅިގެން އޮޑިޓާ ޖެނެރަލް މަގާމުން ދުރު ނުކުރާނެ. އެއާ ހިލާފަށް، ކޮރަޕްޝަނުގެ މައްސަލަ ފެންމަތިވުމުން، އަޅަންޖެހޭ ފިޔަވަޅުތައް އަޅާނެ! މިއީ މި ބުނާ ތަފާތަކީ.