ހއ. ހޯރަފުށީގައި ހުރި ޖޭމު ގަހެއްގެ ދޮށުގައި ބަހައްޓާފައި ހުރި ޖޯލިފައްޗެއްގައި ދެ މީހަކު އޮށޯވެލައިގެން އަދި ކުޑަކުދިންތަކެއް ކުޅެނީ. -- ފޮޓޯ: އަބްދުﷲ އައުރާފް/މިހާރު
28 އޮކްޓޯބަރ 2020 - 14:40
7 comments
ހއ. ހޯރަފުށީގައި ދެމަފިރިއެއް ދެމެދު ހިނގި ހަމަނުޖެހުމެއްގައި އަނބިމީހާ އަށް އަނިޔާކުރި މައްސަލައެއް، ކަމާބެހޭ އިދާރާތަކާއެކު ބަލަން ފަށައިފި އެވެ.
ޖެންޑާ މިނިސްޓްރީން ބުނީ ހޯރަފުށީގައި ރޭ ހިނގި ގެވެށި އަނިޔާގެ މައްސަލައިގައި ގުޅުންހުރި ހުރި މުއައްސަސާތަކާއެކު މިނިސްޓްރީން މަސައްކަތް ކުރަމުނ އަންނަ ކަމަށެވެ. އެ މައްސަލައިގައި، އަނިޔާ ލިބިފައިވާ މީހާގެ ސިއްހީ ފަރުވާގެ ކަންކަން ބަލަމުން އަންނަކަމަށް ވެސް ބުންޏެވެ.
"އަނިޔާ ލިބުނު ފަރާތުގެ ކުދިންގެ ރައްކާތެރިކަން ކަށަވަރުކޮށްފައިވާ ކަމުގައި ދަންނަވަމެވެ،" ޓްވީޓުގައި ބުންޏެވެ.
އަދި އަނިޔާ ލިބުނު ފަރާތުގެ ކުދިންގެ ރައްކާތެރިކަން ކަށަވަރު ކޮށްފައިވާ ކަމުގައި ދަންނަވަމެވެ.
— Ministry of Gender, Family and Social Services (@MoGFSSmv) October 28, 2020
ފުލުހުންގެ މީޑިއާ އޮފިޝަލަކު ވިދާޅުވީ ހޯރަފުށީގެ ދެމަފިރިއެއްގެ ދެމެދުގައި ހިނގި ހަމަނުޖެހުމެއްގެ މައްސަލަ ރޭ 9:35 ހާއިރު ރިޕޯޓުކޮށްފައިވާ ކަމަށެވެ.
"މި ގެވެށި އަނިޔާގެ މައްސަލަ ފުލުހުންނާއި ޖެންޑާ މިނިސްޓްރީ ގުޅިގެން ދަނީ ތަހުގީގުކުރަމުން،" އޮފިޝަލް ވިދާޅުވި އެވެ.
ހޯރަފުށީ ސިއްހީ މަރުކަޒުން ފަރުވާ ދިނުމަށް ފަހު އެ އަންހެން މީހާ ވަނީ ރޭ އެ އަތޮޅު ދިއްދޫ ހޮސްޕިޓަލަށް ފޮނުވާލައިފަ އެވެ. އެ ހޮސްޕިޓަލްގެ އޮފިޝަލަކު ވިދާޅުވީ އެކްސްރޭ ނަގައި އެ މީހާ އަށް ފަރުވާ ދެމުން އަންނަކަމަށެވެ. ނަމަވެސް ހާލު އެހާ ސީރިއަސް ނޫން ކަމަށް ވިދާޅުވި އެވެ.
"މިކޮޅުން ނުނެގޭ އެކްސްރޭ ނަގަން ކުޅުދުއްފުއްޓަށް ރެފަ ކުރާނީ،" އޭނާ ވިދާޅުވި އެވެ.
ފިރިހެން މީހާއަށް ވެސް މި ހަމަނުޖެހުމުގައި އަނިޔާވެ ހޯރަފުށީ ހެލްތު ސެންޓަރުން ފަރުވާ ދީފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒުވާނާ.
29 October 2020
ފިރިމީހާގެ މައްޗަކައް އަނބިމީހާޔަކައް ނޭރޭނެ އެހެންނަމަ އުޑާބިމާނުވީސް އަނބިންވެސް ޗާޓުން ބޭރައްދަންޏާ އަދަބުދިނުމުގެ ބާރު އިލާހީ ގާނޫނުގަ އޮންނާނެ
ސަލީމް
28 October 2020
ހުރިހާ ހިތާމަ އެއ ދަރިންނަށް ގިނަ އިން ތަޅާ ފިރިންކަ އިރިން އަބިންނަށް ދުރަ އްނުދެވެނީ ކީ އްވެތޯ؟
ވައިސޫރި
28 October 2020
އަނބިންނައް ފިރިން އަނިޔާ ކުރާވާހަކަ ދައްކާއިރު ފިރިންނައް އަނބިން އަނިޔާ ކުރާވާހަކަވެސް ދައްކަންޖެހޭނެ އެއީ ފިރިންގެ ހައްގުތަކެއްވެސް އޮންނާތީ ދެކޮޅައްވެސް ވިސްނަވާ ރޯނުފޯލީގާވެސް ދެކޮޅު އޮވޭނޫންތޯ
ޚަންދު
28 October 2020
ދެމީހުން ދެމީހުންނަށް ތެޅިވަރު އެގޭނީ އެދެމީހުންނަށް. ބާކީ އޮވެއްޖެނަމަ އެކޮޅު ކުށްވެރިވާނީ. ގެވެށިއަނިޔާއަކީ ވަކި ޖިންސަކަށް ޚާއްޞަ އއއެއްޗެއްނޫން.
ފިރިމީހާ
28 October 2020
ފިރިމީހާއަށް އަނިޔާވި ވާހަކަ އެބައިން ޚަބަރު ނިމޭ ތާގައި ވަރަށް ކުޑަ ފޮންޓަކުން ޖަހާލާފައި. އެހެންވީމައި އަނިޔާ ލިބުނު ‘ފަރާތް’ ބުނީމައި ޖެންޑަރ އިން މި މައްސަލައިގައި ކުށްވެރިވީ މީހާ މިހާރު ކަނޑައަޅައި ނިންމީ ކަމަށް ބެލިދާނެ؟ ދެމީހުން ތެރޭ ހިނގި މާރާމާރީއަކަށް ނުވާނެ؟ މާރާމާރީއެއްގައިވެސް ކޮންމެސް އެކަކަށް ބޮޑަށް އަނިޔާ ވާނެ އެންނު؟ ކުށްވެރިވާނީ އެންމެ މީހެއް؟
1235
28 October 2020
ފިރިހެން މީހާއަށް ވެސް މި ހަމަނުޖެހުމުގައި އަނިޔާވެ ހޯރަފުށީ ހެލްތު ސެންޓަރުން ފަރުވާ ދީފައިވެ އެވެ. ހަނގުރާމައެއްނު މިއޮތި ކޮށްފަ
ސާދާސީދާ
28 October 2020
ފިލްމް ކުޅެން ފޮނުވަންވީ!