ޖުމްހޫރީ ޕާޓީގެ ލީޑަރު ގާސިމް: އޭނާގެ އަނބިކަނބަލުން ނަހުލާއަށް ޓްރާންސްޕޯޓް މިނިސްޓަރުކަން ލިބިވަޑައިގަތީ ގާބިލް ކަމުން ކަމަށް ވިދާޅުވި -- ފޮޓޯ/މިހާރު
16 ނޮވެމްބަރ 2020 - 21:20
41 comments
ޓްރާންސްޕޯޓް މިނިސްޓަރު އައިޝަތު ނަހުލާ އަށް އެ މަގާމު ލިބިވަޑައިގަތީ ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ އަނބިކަނބަލަކަށްވުމުން ނޫން ކަމަށާއި އެއީ ނަހުލާގެ ގާބިލްކަމުން ލިބިވަޑައިގަތް މަގާމެއް ކަމަށް ގާސިމް ވިދާޅުވެއްޖެ އެވެ.
ނަހުލާ އަށް އެ މަގާމު ލިބިވަޑައިގަތީ ސަރުކާރު ކޯލިޝަންގެ ޖުމްހޫރީ ޕާޓީގެ ލީޑަރު ކަމަށްވާ އަދި ރައްޔިތުންގެ މަޖިލީހުގެ މާމިގިލީ ދާއިރާގެ މެމްބަރު ގާސިމްގެ އަނބިކަނބަލުންނަށް ވުމުން ނޫން ކަމަށް ނަހުލާ ވިދާޅުވުމުން ފާޑު ކިޔުންތަކެއް އޭނާ އަށް ދަނީ އަމާޒުވަމުންނެވެ.
އެކަމާ ގުޅިގެން ގާސިމް މީޑިއާތަކަށް ފޮނުއްވި މެސެޖެއްގައިވަނީ ޖުމްހޫރީ ޕާޓީގެ ލީޑަރުގެ އަނބިކަނބަލުންނަށް ވީތީ މަގާމެއް ދޭންޖެހޭ އެއްވެސް ގާނޫނެއް ނުވަތަ ގަވާއިދެއް ނޯންނާނެ ކަމަށެވެ. އަދި ނަހުލާއަށް އެ މަގާމު ދެއްވަން ރައީސް އިބްރާހިމް މުހައްމަދު ސޯލިހަށް ގާސިމް ހުށަހެޅުއްވީ ނަހުލާގެ ތެދުވެރި އަދި ގާބިިލް ބޭފުޅެއް ކަން ޔަގީންވާތީ ކަމަށާއި ނަހުލާއަށް ރައީސް އެ މަގާމު ދެއްވީ ވެސް ރިޔާސީ އިންތިިޚާބުގެ ކެމްޕެއިން ތެރޭގައި ނަހުލާ ކުރެއްވި މަސައްކަތް ރައީސަށް ގާތުން ފެނިވަޑައިގެންފައިވާތީ ކަމަށް ވެސް ގާސިމްގެ މެސެޖްގައިވެ އެވެ.
ގާސިމްގެ މެސެޖްގައިވަނީ ނަހުލާއަށް މަގާމު ލިބިވަޑައިގަތީ ގާސިމްގެ އަނބިކަނބަލަކަށް ވުމުން ނޫން ކަމަށް ނަހުލާ ވިދާޅުވުމުން އެ ވާހަކަ އެކި ކޮޅުކޮޅަށް ދަމަނީ ހަޖަމު ނުކުރެވިގެންތޯ ސުވާލު އުފެދޭ ކަމަށެވެ. އަދި އެގޮތަށް މީހުންނާ ދިމާކުރުން ހުއްޓާލަން އެ މެސެޖްގައި ގާސިމް އެދިވަޑައިގެންފައިވެ އެވެ.
ގާސިމް އެގޮތަށް ވިދާޅުވިއިރު، ނަހުލާއަށް އަމާޒުވާ ފާޑުކިޔުންތަކާ ދެކޮޅަށް ޑިފެންސް މިނިސްޓަރު މާރިޔާ އަހުމަދު ދީދީ ވެސް ވަނީ ނުކުމެވަޑައިގެންފަ އެވެ. މާރިޔާ ކުރެއްވި ޓްވީޓެއްގައިވަނީ ޓްރާންސްޕޯޓް މިނިސްޓްރީ ހިންގާ ގޮތާ މެދު ރައްޔިތުންގެ ޝަކުވާއެއް ނެތް ކަމަށާއި ނަހުލާއާ މެދު ކޮރަޕްޝަންގެ އެއްވެސް ތުހުމަތެއް ވެސް ނެތް ކަމަށެވެ. އެހެންވެ، ބަލަންވީ ކުރާ މަސައްކަތަށް ކަމަށާއި މީހާއަށް ނޫން ކަމަށް ވެސް މާރިޔާގެ ޓްވީޓްގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަމީރު
17 November 2020
ވަޒީރުކަންދިނީ ވެރިކަން ހޯދަދޭން ގާސިމު ފައިސާ ޚަރަދުކުރީމާ ރައްޔިތުންގެ ފައިސާއިން އަގުއަދާކުރަން ނޫންތޯ.
ޒަކިއްޓެ
17 November 2020
ޤާބިލުކަމުންދޯ ނާއިބު ރައީސުކަމައްވެސް ފޫގެޅީ!
ސަންފައިދިޔެ
17 November 2020
އަބަދުވެސް މުދަލާ އަންހެނުންގެ ކަންތަކުގައި ބަގުޑި ބައްދަން ޖެހިފަ
ބުރު މާ
17 November 2020
މަށަށް ވުރެ ވެސް ޤާބިލު ކަނބަލެއް!
ސަލީ މް
17 November 2020
ގާސި މް އެވިދާޅުވީ ސޭޓް ބޮލަށް ޗިޕް ޖެހު މުގެ ގާބިލްކަ މުގެ ވާހަކަ.
މުރޭ
17 November 2020
އެ ނޫނީ ޤާބިލް ދިވެހި ރައްޔިތެއް ނެތް. ދެން މިތިބަ އުޅޭ މީހުން އުމުރު ހުސްވަންދެން ކިޔަވައިގެން އައިމަވެސް ޤާބިލެއް ނުވޭ.
އަލްޖިބްރާ
17 November 2020
ގާސިމޫ ! ނަހުލާގެ ޤާބިލްކަން ހުރިވަރު އެތިބީ ފެންނަން ! ދެން އެހެންކަމެއްގަ ޤާބިލުކަން ހުރިވަރު ދެއްކިފައެއްނެތް !
ސިކުނޑި
17 November 2020
ނަހުލާގެ ގާބިލުކަން އެންމެ ރަނގަޅަށް އެނގޭނީ ހަމަސޭޓަށް! އަހަރުން އަޑެއްނާހަން ދުވަހަކުވެސް ސިޔާސީ ވަޒީފާއެއް ނުވަތަ ސަރުކާރު ވަޒީފާއެއްގަ އުޅުނު ނަހުލާއެއް ނުވަތަ އިޝާއެއްގެ ވާހަކައެއް!!
ގޯސް
17 November 2020
ގާސިމޫ ދުވާލުގެ އިރު ރޭގަނޑޭ ބުނަންޖެހޭ ހާލަތުގައި ބުންޏަސް ހަމަބުއްދިހުރި މީހުން އެކަން ގަބޫލެއްނުކުރާނެ. އެހެން އެންމެންތިބީ އަނބިދަށުވެ ހަމައެކަނި ވިޔަފާރީގެ މަސްލަހަތު ދަށުވެފައެއްނޫން.
މުލޭ
17 November 2020
ގާސިމުގެ އަނބިކަނބަލަކަށް ވެގެން މިނިސްޓަރުކަން ލިބޭނަމަ ގާސިމުގެ އަނެއް ތިން އަނބިން ވެސް ތިބޭނީ މިނިސްޓަރު ކަމުގައި. ނަމަވެސް ނަހުލާއަށް މަގާމު ލިބުމުގައި ގާސިމުގެ ދައުރެއް ވެސް އޮތް. ރައީސް ޔާމީނުގެ ދައުރެއް ވެސް އޮތް. އެއީ ގާސިމު ޖަލަށް ލުމުގެ ސަބަބުން ގާސިމުގެ ދިފާޢުގައި ނަހުލާ ސިޔާސީ ކަންކަމުގައި ސީދާ ޙަރަކާތްތެރިވުން. މި ނިޒާމުގައި މިނިސްޓަރު ކަމަކީ ގާބިލުކަމަށްވުރެ ބޮޑަށް ޕާޓީވެގެން ލިބޭ މަގާމެއް. އެއަކު ނަހުލާގެ މައްސަލައެއް ނެތް.
ޖުލޭ
17 November 2020
ޕާޓީވެގެން ލިބޭ މަގާމެއްނަމަ ޖޭޕީގައި ތިބޭނެ ނަހުލާއަށްވުރެ އެ މަގާމަށް މާ ގާބިލް މީހުން. އެކަމު މަގާމުދިނީ ކިހިނެތްކަން އެޕާޓީ އެންމެންނަށްވެސް ސާފުވާނެ.