ގަވައިދާ ހިލާފަށް ރާއްޖެއިން ބޭރުކުރަން އުޅުނު މިޔަރު އުރަހަ--ފޮޓޯ:ކަސްޓަމްސް
20 ޖެނުއަރީ 2021 - 14:59
9 comments
އޮޅުވާލައިގެން މިޔަރު އުރަހަ ބޭރު ކުރަން އުޅުނު މައްސަލާގައި ޝާމިލްވާ ކުންފުނީގެ ނަން ހާމަ ނުކުރަނީ، މިކަހަލަ މައްސަލަތަކުގައި އޮޅުވައިލުންތައް ހުންނާތީ ކަމަށާއި، މައްސަލަ ތަހުގީގު ކުރުމަށް ފަހު އެއީ ކޮން ބައެއްކަން ހާމަ ކުރާނެ ކަމަށް މޯލްޑިވްސް ކަސްޓަމްސް ސާވިސަސްއިން ބުނެފި އެވެ.
ކަސްޓަމްސްއިން ބުނީ، ގަވައިދާ ހިލާފަށް މިޔަރު އުރަހަ ބޭރު ކުރަން އުޅުނު ކުންފުނީގެ ތަފްސީލުތައް އަދި ހާމަ ނުކުރަނީ މައްސަލަ ތަހުގީގު ކުރަމުންދާތީ ކަމަށެވެ. އާންމުގޮތެއްގައި އޮޅުވާލައިގެން މަނާ ތަކެތި އެތެރެ ކުރުމުގައި އެހެން ކުންފުނިތަކުގެ ނަން ބޭނުން ކޮށްގެން އެފަދަ ކަންކަން ކުރާ ކަމަށާއި އެހެންކަމުން މިޔަރު އުރަހަ ބޭރުކުރަން އުޅުނު މީހުން ވެސް އެގޮތަށް ކަންކަން ކޮށްފައިވޭތޯ ބަލަން ޖެހޭ ކަމަށް ކަސްޓަމްސްއިން ބުނެ އެވެ.
މި މައްސަލަ ތަހުގީގު ކުރަމުން އަންނަނީ ކަސްޓަމްސްއިންނެވެ. އެ ކުންފުނިން ބުނީ މައްސަލައިގެ ތަހުގީގަށް އިތުރު އެހީ ބޭނުންވާ ނަމަ ފުލުހުންގެ އެހީތެރިކަން ވެސް ހޯދާނެ ކަމަށެވެ.
މި މަހުގެ ތިން ވަނަ ދުވަހު މިޔަރު އުރަހަ ރާއްޖެއިން ބޭރަށް ފޮނުވާލަން މަސައްކަތް ކުރީ އެންސިސްގެ އެންޒީ ބްރޭންޑްގެ އުފެއްދުންތައް ބަންދުކޮށްފައި ހުންނަ ފޮށިތަކުގަ އެވެ. މި މިޔަރު އުރަހަތަކަކީ އެންސިސްގެ ތަކެތި ނޫން ކަމަށް ކަސްޓަމްސް އިން މީގެ ކުރިން ހާމަކޮށްފައިވެ އެވެ.
ދުނިޔޭގެ ގިނަ ގައުމުތަކުގައި މިޔަރު އުރަހަ ވިއްކުމާއި އިމްޕޯޓް/އެކްސްޕޯޓް މަނާ ކުރި ނަމަވެސް ޗައިނާ ފަދަ ބައެއް ބޮޑެތި ގައުމުތަކުގައި ކެއުމަށް މި ތަކެތި ގަނެ ހަދަ އެވެ. އެހެންކަމުން ދުނިޔޭގެ ބާޒާރުގައި މިޔަރުގެ އުރަހައިގެ އަގު ވަނީ ވަރަށް ބޮޑަށް އުފުލިފަ އެވެ.
ދުނިޔޭގެ ބާޒާރުގައި މިޔަރު އުރަހަ ކިލޯއެއް އާއްމުކޮށް އުޅެނީ 400 ޑޮލަރު (6،168ރ.) ގަ އެވެ. މި ރޭޓުން ބަލާނަމަ އިއްޔެ އެއާޕޯޓުން އަތުލައިގަތް 429 ކިލޯގެ މިޔަރު އުރަހައަށް ދުނިޔޭގެ ބާޒާރުގައި ގާތްގަނޑަކަށް 2.6 މިލިއަން ރުފިޔާ ލިބޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަސްޓަމްސް
20 January 2021
ކަސްޓަމްސް އަކީ ކުންފުންޏެއް ނޫން.
އާރީ
20 January 2021
އެންޒީން ބުނީ އެމީހުންގެ ފޮށިތައް ކުނިގޮޑަށް އުކާލާފަ ހުއްޓަ ބަޔަކު ފެކު ކުރިއްޔޯ. އެންޒީންވެސް މަންސަލަ ތަހުގީގް ކުރަނި ކޮންބައެއް ކުރި ކަމެއްތޯ. ދިވެހި ރަށްއިތުން ނަށް ޖެހިފަ މިއޮތީ މި އަރަތް ދިމާކުރަން
މޯޑް
20 January 2021
ތިއޮތީ އަތަށް ގޮވާފަ. ވެރިން ގޯސް ހަދާފަ. ދެން މަތި މަށްޗަށް ދޮގު ބަޔާން ނެރެ ނެރޭ ތިބޭ..
ރަދީފުލް ކުމާރު
20 January 2021
ދެތިންހަފްތާފަހުން ރައްޔިތުން ހަނދާނުން ތިކަން ދިޔައީމާ ތިޔަތަހުގީގުވެސް އޮންނާނީ ނިމިފާ. ދެން އެކަން އެހިސާބުން އެނިމުނީ.
އޮނަރަބްލް އަފީފު ދީދީ
20 January 2021
ދައުލަތުގެބާރުތަކާއި މުއައްސަސާގެމައްޗަށް މަހުޖަނުންނާއި ފައިސާގެނުފޫޒުގަދަވެ ވެރިވެގެންފައިވާނަމަ މިފަދަމަންޒަރާއި އަޑުތައް އާންމުވެދާނެ. # ބައިނަލްއަޤުވާމީ ޤާނޫނުތަކާއިޙިލާފަށް މިޔަރުއުރަހައިގެ ސްމަގުލިން މުއާމަލާތްހިންގާންއުޅުނު ކުންފުނީގެނަން އާންމުކުރާންޖެހޭ. # އަދި ސަރުކާރުން މިކަންނުކުރިކަމުގައިވިޔަސް މިކަންކުރިކުންފުނީގެ މައުލޫމާތު ސޯޝަލްމީޑިއާގައިޙިއްސާކޮށް އެމީހުން ޔޯރޮޕަށް މަސްއެތެރެކުރުމުގައި މިފަދައަމަލެއްހިންގަފާނެކަން އަންގާންޖެހޭ.
ޢާދަނުބެ
20 January 2021
މިޔަރު އުރަހަވެސް އެންދެރިވެސް ކަނހަނބު ފަތްވެސް ބޭރުކުރަންވީ މިއޮށްބޮޑުކަނޑުން މަންފާހޯދަންވީ ހުރިހާ އެތްޗެއް ހިމާޔަށްކޮށް ގެން ހަމަ ނުއްސަނދި މީހާ މުއްސަންދި ކޮށްކޮށް ތިބެވޭކަށްނެތް
1828
20 January 2021
ތި ޖޯކް ސަޅިއޭ. ދެން އަނެއް ޖޯކް ކިޔާދީބަލަ
ހިރުސާން
20 January 2021
އެހެން ބައެއްގެ ބޮލަށް ކަނޑާލަން ތިއުޅެނީ..ނަންބުނެގެން ތަހްގީގަށް އެޅޭނެ ހުރަހެއްނެތް..ހެއްކާ ގަރީނާ ކޮބާ؟
ނޫސަންގު
20 January 2021
ފޭކް ވާހަކަ. މުދާ އެކްސްޕޯޓް ކުރަން ބޭނުންކުރި ކުންފުނީގެ ނަން ހާމަ ނުކުރެވެންވީ ކީއްވެ. އެއީ ދައުލަތުގެ ސިއްރެއް ތޯ