މުފްތީ މެންކަށް ހުތުބާ ދެއްވަން ހުއްދައެއް ނުދިން

ރާއްޖެއަށް އެންމެ ފަހުން ކުރެއްވި ދަތުރުގައި މުފްތީ މެންކް ވާހަކަ ދައްކަވަނީ -- ފޮޓޯ: އިބްރާހިމް އަޝްވާގް

އާމިނަތު ޝިފްލީން، މިހާރު

13 ނޮވެމްބަރ 2016 - 14:35

ދުނިޔޭގެ މަޝްހޫރު ދީނީ އިލްމުވެރިޔާ މުފްތީ އިސްމާއިލް ބިން މޫސާ (މުފްތީ މެންކް) އަންނަ ހުކުރު ދުވަހު އިސްލާމީ މަރުކަޒުގައި އިނގިރޭސި ބަހުން ހުތުބާ ދެއްވުމުގެ ހުއްދަ ދޭން އިސްލާމިކް މިނިސްޓްރީން ދެކޮޅުހަދައިފި އެވެ.

މުފްތީ މެންކާއި ދުނިޔޭގެ ގިނަ އިލްމުވެރިންތަކެއް ރާއްޖެ ގެނެސް ބާއްވާ "އިލްމް ޓޯކް" އިންތިޒާމު ކުރާ ޖަމިއްޔަތު ރަހުމާއިން ބުނިގޮތުގައި އިސްލާމީ މަރުކަޒުގައި މުފްތީ ހުކުރު ހުތުބާ ދެއްވަން މިނިސްޓްރީން ހުއްދަ ނުދިން ސަބަބެއް ނުބުނެ އެވެ.

އެކަމަކު އިސްލާމީ މަރުކަޒުގައި ހުތުބާ ދެއްވަން މިނިސްޓްރީން ދެކޮޅުހެދި ނަމަވެސް، ފުރުގާން މިސްކިތުގައި އެކަން ކުރެވޭނެ ކަމަށް، ސިޓީއަކުން އެ ޖަމިއްޔާއަށް އިސްލާމިކް މިނިސްޓްރީން ވަނީ އަންގާފަ އެވެ. ނަމަވެސް ރާއްޖޭގެ ގައުމީ ބަހަށް އިސްކަން ދިނުމުގެ ގާނޫނުގެ ދަށުން، އަންނަ އަންގާރަ ދުވަހުގެ ކުރިން، ހުުތުބާގެ ދިވެހި ތަރުޖަމާ މިނިސްޓްރީ އަށް ފޮނުވަން ޖެހެ އެވެ.

މުފްތީ ހުތުބާ ދެއްވަން އޮތީ އިނގިރޭސި ބަހުންނެވެ.

މުއްދަތު ކައިރިވެފައި ވަނިކޮށް އިސްލާމިކް މިނިސްޓްރީން މިގޮތަށް އެންގުމުން ޖަމިއްޔަތު ރަހުމާއިން ވަނީ ކަންބޮޑުވުން ފާޅުކޮށްފަ އެވެ.

އެ ޖަމިއްޔާގެ އޮޕަރޭޝަން މެނޭޖަރު އަލީ އަހުސަން ބުނީ ހުތުބާގެ އިތުރުން އާއްމުންނާ މުހާތަބު ކުރައްވައި މުފްތީ، ދަރުސް ވެސް ދެއްވާނެ ކަމަށެވެ. އަދި އިސްލާމީ މަރުކަޒުގައި އެ ތަގުރީރު ދެއްވަން މިނިސްޓްރީން ހުއްދަ ދީފައިވާ ކަމަށް ވެސް އޭނާ ބުންޏެވެ.

ގައުމީ ޔުނިވަސިޓީގެ ދަރިވަރުންގެ ޖަމިއްޔާ އާއި އިސްލާމިކް ޔުނިވަސިޓީ ގުޅިގެން، އިސްލާމީ މަރުކަޒުގައި ބާއްވާ މި ދަރުސްގައި މެންކް ވާހަކަދައްކަވާނީ އެއް މުސްލިމެއްގެ މައްޗަށް އަނެއް މުސްލިމަކަށް ލިބިގެންވާ ހައްގުތަކާ ގުޅޭ ގޮތުންނެވެ.

ދުނިޔޭގެ އެކި ގައުމުތަކަށް ދަތުރުކުރައްވައި، އިސްލާމް ދީނާއި ދީނީ ކަންކަމާ ގުޅޭ ގޮތުން ދަރުސް ދެއްވަމުން އަންނަ މުފްތީ އަކީ އޭނާ އުފަން، ޒިންބާބުވޭގެ ފަތުވާ ޑިޕާޓްމެންޓްގެ އިސް ވެރިޔާ އެވެ. އަދި އޭނާ ވަނީ މި ރޮނގުން ދުނިޔޭގައި ބޮޑު މަޝްހޫރު ކަމެއް ހޯއްދަވާފަ އެވެ.

މިދިޔަ އަހަރު މުފްތީ މެންކް ރާއްޖޭގައި ދެއްވި ދަރުސަށް ބޮޑު ތަރުހީބެއް ލިބުނު އިރު މުޖުތަމައުގައި ހުރި ތަފާތު މައްސަލަތަކާ ގުޅޭ ގޮތުން އޭނާ ވާހަކަ ދެއްކެވި އެވެ.

އިސްލާމިކް މިނިސްޓްރީ ދީނީ ދަރުސް ފުރުގާން މިސްކިތް

61 ކޮމެންޓް, 243 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވާލުސޮރު

12 July 2018

އަހަނ!! އިސްލާމީ ނަންބޯޑު އަޅުވައިގެން އުޅެނިކޮށް މިވީ ކިހިނެތް!!! މިހެންވެޔޭ އަރަބި މުހާވިރާ އެއްގަ އެ އޮންނަނީ "އެކަންވާރަކުން ތިކިޖަހާނީ އެކަންވާރެއްގެ ހުރި އެއްޗަކުން"ނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިޝްފާން

16 November 2016

ކީއްވެޡޯ ބޭސްސިޓީ ތަކުގައި އިގިރޭސި ބަހުން ލިޔެފައި ހުންނަނީ އެވެސް ދިވެޙި ބަޙައް ބަދަލު ކުރަންވީ ނޫންތޯ އޭގަ ވާ އެއްޗެއް އެއްމެނައް ދޭޙަ ވާނެބާ. ޙުތުބާ ދިނުމަށް ހުއްދަ ނުދެވުނު ސަބަބު އެގެން ބޭނުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެކެކެކެކެ

14 November 2016

ކޮބާ އަހަރުމެންގެ ފައިސާޔަށް އިސްކަންދިނުމުގެ ގޮތުން ދިވެހި ރުފިޔާ ނޫނީ ނުގެންގުޅެން އަންގަންވީތާ. ބޭރުންމިއަންނަ ގެސްޓުންކިޔާމީހުންވެސް ދިވެހި ލާރި ލިބުނުގޮތަކަށް ހިފައިގެން އަންނަންބުނަންވީ. ތައުލީމަކީވެސް އަގުބޮޑުއެއްޗެއް. ބޭރުބަހުން ހުއްޓަސް ލިބިގަންނަންޖެހޭ. ނަމާދުގައި ކިޔާތަކެތި ދިވެހިބަހުން ބާ މިހުންނަނީ. ފަހުޒަމާނުގެ އަލާމާތްތަކުގެ ތެރޭގައިވޭ ނާގާބިލު ވިސްނުން ކޮށި މީހުން ޒިންމާދާރު މަގާމުތަކަށް ތިލަވުން އަދި އޭގެ ސަބަބުން މުޖުތަމައުތައް ފަސާދަވެގެން ދިއުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1234

14 November 2016

ދިވެހި ބަސްފޮތް މިއަދު ހުޅުވާލިއިރު ކަމަކުދާކަށް ނެތް. ސަހަރޯޭ ހިތަށް އެރި. އެއީ އެފޮތުގައި ހުރި 80 ޕަސެންޓް ބަސްތަކަކީ ސީދާ އަރަބި ބަސްތައް، ދެން ހުރީ އުރުދޫ ބަހާއި ސިނަގަލަ ބަހާއި ބައެއް އިނގިރޭސި ބަސް މަސްހުނި މޮޑެފަ އަމިއްލަ ބަސް ހަދާފަ. ދެން ކިހިނެއް ދިވެހި ބަހަކީ އަމިއްލަ ބަހެކޭ ކިޔޭނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންސާފް

14 November 2016

އަޖައިބެއްނު! ބޭނުންވީމާ މިތަނަށް މިޔުޒިކް ޝޯވ ދޭން އަންނަ މީހުން އިނގިރޭސީންނާއި ހިންދީ ބަހުން ޝޯވ ދިނުން އޯކޭ ދޯ؟ އެމީހުން ޝޯވ ދިނުމުގެ ކުރިން ކީއްވެތަ ލަވަތަކުގެ ދިވެހި ތަރުޖަމާ ދޭން ނާންގަނީ؟ ދީނީ ކަންކަމަށް ހުރަސް އެޅުން ނޫން ދެން ކޮންކަމެއް؟ ދިވެހި ބަހުގެ ޤާނޫނާއި ދިވެހި ބަހުގެ އެކަޑަމީގެ އުޅޭ މީހުން ކަންބޮޑުވަނީ އިނގިރޭސިން ޚުޠުބާ ދީގެން ޒުވާނުން ހިތް ޖެހިދާނެތީ ނުވަތަ ޒުވާނުންނަށް ކަމުގޮސްފާނެތީ! މިޤައުމުގަ އިސްލާމިކް މިނިސްޓްރީވެސް އުޅެނީ ދީން ހުއްޓުވަން. ކަނޑުކޮސް ބައެއް. ދީނަށް ލޯބިކުރާ ބައެއް ނަމަ (މިނިސްޓަރު ޚާއްޞަކޮށް) މިޔުޒިކު ޝޯވ ތަކަށް ދޯ ދަތިކުރަންވީ ބޭރުން މީހުން ގެނެސްގެން ބާއްވާ. ދީނީ ދަރުސްތަކަށް ނޫންދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަމެން

14 November 2016

މުފުތިކައިރީގަ ބުނޭ އަރަބި ބަހުން ދޭށޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ އުމަރު

14 November 2016

ކޮބާ ސަލަފު ޖަމްއިޔާ އިސްލާމް ދީނާ ގައުމައްޓަކާ؟؟؟ ސައިލެންޓް މޯޑުގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުރައިދޫ

14 November 2016

މިފަހަރު މެންކް ގެ ނަންވެސް ބަދަލު ކުރަން ޖެހިދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރު

14 November 2016

ތިޔަ މުފްތީ މެންކު ޔޫޓިއުބުގަވެސް އުޅޭ ބޭނުމިއްޔާ ބަލާ. އޭނަ މިރާއްޖޭގަ އިސްލާމީ މަރުކަޒުގަ ވަކި އާ އެއްޗެކޭ ނުކިޔާނެ. ބޭރުން ކަންކަމަށް މީހުން މިގެންނަނީ ކީއްވެގެންބާއޭ މަގޭ ހިތައް އަރާ.