ދިވެހި ކުޅިވަރު އާއިލާއަށް ކޮމަންވެލްތު ގޭމްސް ފެޑެރޭޝަނުން ހިތްވަރުދީފި

ދުނިޔޭގެ އެންމެ ބޮޑު ކުޅިވަރު ހަރަކާތް ކަމަށްވާ އޮލިމްޕިކް ގޭމްސް ހުޅުވުމުގެ ރަސްމިއްޔާތުގައި ރާއްޖޭގެ ކޮންޓިންޖެންޓް ބައިވެރިވަނީ: އޮލިމްޕިކްސް އަށް ފަހު ރާއްޖެ ބައިވެރިވާ އެންމެ ބޮޑު ގޭމްސް އަކީ ކޮމަންވެލްތު ގޭމްސް. --ފޮޓޯ: އޭއެފްޕީ

މުހައްމަދު ހަމްދޫން، މިހާރު

14 ނޮވެމްބަރ 2016 - 15:01

9 comments

ކޮމަންވެލްތުން ދިވެހިރާއްޖެ ވަކިވުމާ ގުޅިގެން ފުުރުސަތުތައް ގެއްލި މާޔޫސްވެފައިވާ ދިވެހި ކުޅިވަރު އާއިލާއަށް ކޮމަންވެލްތު ގޭމްސް ފެޑެރޭޝަން (ސީޖީއެފް) ރައީސް ލޮއިސް މާޓިން ހިތްވަރުދެއްވައިފި އެވެ.

ކޮމަންވެލްތުން ވަކިވާން ދިވެހި ސަރުކާރުން މިދިޔަ މަހު ނިންމުމާ ގުޅިގެން ރާއްޖެ އަށް ވަނީ ކޮމަންވެލްތު ގޭމްސް އާއި ކޮމަންވެލްތު ޔޫތު ގޭމްސްގެ އިތުރުން ވަކިވަކި ގިނަ މުބާރާތްތަކުގައި ބައިވެރިވުމުގެ ފުރުސަތު ގެއްލިފަ އެވެ. މީގެ އިތުރުން ކޮމަންވެލްތުން ދޭ ކުޅިވަރުގެ ގިނަ ތަމްރީން ފުރުސަތުތައް ވެސް ވަނީ ގެއްލިފަ އެވެ.

މޯލްޑިވްސް އޮލިމްޕިކް ކޮމިޓީގެ ސެކްރެޓަރީ ޖެނެރަލް އަހުމަދު މަރޫޒޫގަށް ފޮނުއްވި ސިޓީއެއްގައި ސީޖީއެފްގެ ރައީސް މާޓިން ލިޔުއްވާފައިވާ ގޮތުގައި ސަރުކާރުގެ އެ ނިންމުމަކީ ސިޔާސީ ނިންމުމެއް ކަމަށާއި އެކަމުގައި ސީޖީއެފް އަދި ރާއްޖޭގެ އޮލިމްޕިކް ކޮމިޓީއަށް ކުރެވޭނެ ކަމެއް ނެތް ކަމަށެވެ.

އެކަމަކު އެކަމަނާ ވަނީ ސަރުކާރުގެ ނިންމުން ކޮންމެވެސް ދުވަހަކުން ބަދަލުވާނެ ކަމަށް އުއްމީދުކުރައްވާ ކަމަށާއި އަދި އެކަމަށް އުއްމީދުކޮށް ތިބުމަށް ކުޅިވަރު އާއިލާ އަށް ގޮވާލައްވައިފަ އެވެ.

މާޓިން ވިދާޅުވީ އެ އުއްމީދުގައި ތިބި ނަމަވެސް މަސައްކަތް ހުއްޓާލައިގެން ނުވާނެ ކަމަށާއި "ފުރުސަތު ލިބުނު ނަމައޭ" ނުވަތަ "ފުރުސަތު ލިބިއްޖެ ނަމައޭ" ނުބުނެ، ތަމްރީން ހަދައި ފުރިހަމަ ސިއްހަތެއްގައި ފިޓްކޮށް ތިބުމަށް އެދޭ ކަމަށެވެ.

"ބުރަކޮށް މަސައްކަތްކޮށް، ކުޅިވަރުން ހިތްހަމަޖެހުން ހޯދައި ބޮޑެތި އުއްމީދުތަައް ކުރުމުގައި ދެމި ތިބެންވީ،" މާޓިންސް ލިޔުއްވާފައިވެ އެވެ. "ތަމްރީންތަކުގައި ފުރިހަމަ ސަމާލުކަންދީ، ސްޕޯޓްސް ކެރިއަރު ޕްލޭންކޮށް، ބުރަ މަސައްކަތާއި އަޒުމެއް އޮތިއްޔާ ކޮންމެ ކަމެއް ވެސް ހާސިލްވާނެކަން ގަބޫލުކުރަންވީ."

އޮލިމްޕިކް ކޮމިޓީން ވަނީ މާޓިންގެ ހިތްވަރުގެ މެސެޖް ބަލައިގަނެ ކުޅިވަރުގެ އާއިލާގެ ނަމުގައި އެކަމަނާ އަށް ޝުކުރުއަދާކޮށްފަ އެވެ. އަދި މިދިޔަ އަހަރުތަކުގައި ރާއްޖޭގެ ކުޅިވަރު ތަރައްގީކުރުމަށް ކޮމަންވެލްތު ގޭމްސް ފެޑެރޭޝަނުން ރާއްޖެ އަށް ދިން އެހީ އާއި ސަޕޯޓް ފާހަގަކޮށް އެކަމަށް ވެސް ޝުކުރުއަދާކޮށްފައިވެ އެވެ.

ތިރީސް ހަތަރު އަހަރު މެމްބަރެއްގެ ގޮތުގައި އޮތުމަށް ފަހު ކޮމަންވެލްތުން ވަކިވާން ނިންމީ، ރާއްޖެ ނިންމީ ކޮމަންވެލްތު މިނިސްޓީރިއަލް އެކްޝަން ގުރޫޕް (ސީމެގް) ގެ ރަސްމީ އެޖެންޑާގައި ރާއްޖެ ހިމަނައި، ދެން އިސްލާހު ނުވެއްޖެ ނަމަ ކޮމަންވެލްތުން ރާއްޖެ ސަސްޕެންޑް ކުރުމަށް ވިސްނާނެ ކަމުގެ އިންޒާރު ދީފައި ވަނިކޮށެވެ. ސީމެގުން ރާއްޖެއަށް ހުށަހެޅި ކަންކަން އިސްލާހު ނުކޮށްފި ނަމަ، ކޮމަންވެލްތުން ރާއްޖެ ވަކިކުރުމާ މެދު ވިސްނަން ނިންމާފައި ވަނީ މާޗް 2017 ގައި ބާއްވާ ސީމެގްގެ ބައްދަލުވުމުގަ އެވެ.

މޯލްޑިވްސް އޮލިމްޕިކް ކޮމިޓީ ކޮމަންވެލްތު ގޭމްސް

9 ކޮމެންޓް, 37 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލަރޭ

15 November 2016

މަރޭ މިތުރާމިދުޔޭން ވަކިކުރީ މިއަސަރުހިނގާނީ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފް

15 November 2016

މަރޭ.ހިތްވަރުކޮށްލާ. ކާމިޔާބް ލިބޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޙުމަދު

14 November 2016

އިނގިރޭސީންގެ އަޅުވެތިކަމުން މިންޖު ވެގެންތިބުން މާ ބޮޑަށްވެސް ހިތަށް ފަސޭހަ. ތިޔަ ގޭމުގައި ބައިވެރި ވުމަކީވެސް އަޅުވެތިކަން ދެއްކުވުމަށް އިނގިރޭސީން ޖަހާ މަޅި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްޕުޅު

14 November 2016

އޮލިމްޕިކްސް ކުޅިވަރުގައި ބައިވެރިވަނީ ކޮންބައެއްގެ އަޅުވެތި ކަމެއްގަބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަލަ

14 November 2016

ކޮމަންވެލްތު ގެ ތަސައްރަފް ނުފުދޭ ކަމުން މިހެންވީ ދެންވެސް އިސްލާހުވެ ގައުމުތަކުގެ ދާޚިލީ ކަންކަމުގެ ތެރެއަށް ވަނުން ހުއްޓާލައި ގައުމުތަކުގެ ސަރުކާރުތަކަށާއި ޖުޑިޝަރީއަށް އިހްތިރާމް ކުރުމަށް ކޮމަންވެލްތަށް އިލްތިމާސް ކުރަމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލިއަލީ

14 November 2016

ޕުއަރ މޭންސް ކްލަބުން ވަކިވުމުން މިހާރު އެއުޅެނީ ކުޅިވަރކުޅޭ މީހުންގެ ބޮލަށް ހުތްފިތައިގެން އަނެއްކާވެސް ޤައުމު ހަލާކުކުރަން. ޔާމީނު ކިތަންމެ ކަޑަޔަސް ތި ކޮމަންވެލްތްގެ ކޯޓް ޓެއިލްސްގައި ހިފައިގެންނުވާނެ. އެމެރިކާގެވެސް ސިޔާސަތަކީ ވީހާވެސް މަދު ޖަމްއިއްޔާތަކުގައި ބައިވެރިވުން. ކުރީގައި ރާއްޖެއޮތް ޙާލަތުން އޭރުގެ ރައީސް ދުނިޔޭގައި އޮތްހާ ޖަމްއިއްޔާއެއްގައި ބައިވެރިވެ ނެރުނިއްޔާ ނެރުނު މުއާހަދާއެއްގައި ސޮއިކުރިޔަސް މިއަދު ނުޖެހޭ އެކަން އެގޮތަށް ކުރާކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާއުފާ

14 November 2016

ތިޔަ ޖަމާޢަތުން އަހަރެމެން ދިވެހި ޤައުމު ވަކިވީ އެކަންނުކޮށް ވޭތޯ އެތައްގޮތަކުން މަސައްކަތް ކުރުމަށްފަހު އެނޫން އަލިމަގެއް ފެންނަން ނެތުމުންނެވެ. އަވައްޓެރިންނާއި، އެކުވެރިންނާއި، ހެޔޮއެދޭ އެންމެންނާއެކުގައިވެސް ތިޔަޖަމާޢަތާ ގުޅިގެން ކުރިޔަށް ދިޔުމަށް އެއްވެސް ފުރުޞަތެއް އޮތްތޯ އެހީތެރިވެ ދިނުމަށްއެދި އެދި އާދޭސްކުރެވުނެވެ. ނަމަވެސް ތިޔަޖަމާޢަތުން އަހަރެމެންނާދިމާއަށް ބެލީ ތިޔަޖަމާޢަތުގެ ކުރިމަތީ އަހަރެމެން ކުޑަކަކޫ ޖެހުން ނޫންގޮތެއް ނެތްކަމަށެވެ. ހަމަހިލާ އެވަރުވެގެން ތިބުމަކަށް އަހަރެމެންގެ ޒަމީރު ޤަބޫލެއް ނުކުރެއެވެ. އަހަރެމެންނަކީ މިނިވަންކަމަށް ލޯބިކުރާ މިނިވަން ޤައުމެކެވެ. ބައެއްގެ އަޅުވެތިކަން ޤަބޫލުކުރާކަށް ނެތީމެވެ. ﷲ އިރާދަކުރެއްވިނަމަ އަހަރެމެން އަބަދުވެސް ތިބޭނީ މިނިވަންކަން މަތީގައެވެ.