ޑރ. މުހައްމަދު އިޔާޒު
05 އެޕްރީލް 2021 - 16:17
14 comments
ސޯޝަލް މީޑިއާގައި ކުރާ ޕޯސްޓުތަކާއި ގުޅިގެން މޯލްޑިވްސް ނޭޝަނަލް ޔުނިވާސިޓީ (އެމްއެންޔޫ) ގެ އެސިސްޓެންޓް ޕްރޮފެސަރުގެ މަގާމުން ސަސްޕެންޑްކުރި މައްސަލަ ދީނީ އިލްމުވެރިޔާ، ޑރ. މުހައްމަދު އިޔާޒު، ވަޒީފާއާ ބެހޭ ޓްރައިބިއުނަލަށް ހުށަހަޅުއްވައިފި އެވެ.
އޭނާ ސޯޝަލް މީޑިއާގައި ކުރައްވާ ޕޯސްޓްތަކުގެ ސަބަބުންް އެކަމުގެ ނުރަނގަޅު އަސަރު މުޖުތަމައަށް ކުރާ ކަމަށް ބުނެ އެމްއެންޔޫގެ އެސިސްޓެންޓް ޕްރޮފެސަރުގެ މަގާމުން ސަސްޕެންޑްކުރީ މިދިޔަ މަހުގެ ފަސް ވަނަ ދުވަހުންް ފެށިގެން 14 ދުވަހުގެ މުއްދަތަކަށެވެ.
އެ މައްސަލައާ ގުޅިގެން އިޔާޒު "މިހާރު" އަށް މިއަދު ވިދާޅުވީ މިދިޔަ މާޗު 28 ގައި ވަޒީފާއާ ބެހޭ ޓްރައިބިއުނަލަށް ހުށަހެޅުއްވި އެ މައްސަލައިގެ އަޑުއެހުމެއް އިއްޔެއަށް ތާވަލުކުރި ކަމަށެވެ. އެކަމަކު މި މަހުގެ އެއް ވަނަ ދުވަހު ވަނީ އަޑުއެހުން ކެންސަލްކުރިކަން އެތަނުން އޭނާއަށް އަންގާފައި ކަމަށް ވިދާޅުވި އެވެ.
ޑރ. އިޔާޒު ސަސްޕެންޑްކުރީ ކޮވިޑް-19 ގެ ހާލަތު ގޯސްވެފައިވާތީ މިސްކިތްތަކުގައި ގައިދުރުކަމާއެކު ޖަމާއަތް ހަދަން އެންގި ދުވަސްވަރު އެވެ. ފަތުވާ މަޖިލީހާއި ދީނީ އިލްމުވެރިންގެ މަޝްވަރާގެ މަތިން އެ ނިންމުން ނިންމި ނަމަވެސް ޑރ. އިޔާޒު ހިމެނޭ ގޮތަށް ބައެއް އިލްމުވެރިން ވަނީ އެއީ ދީނުގައި އެކަން އޮންނަ ގޮތް ނޫންް ކަަމަށް ވިދާޅުވެ ވަރަށް ބޮޑަށް ފާޑުވިދާޅުވެފަ އެވެ.
ސަރުކާރު ކޯލިޝަންގައި ހިމެނޭ އަދާލާތު ޕާޓީގެ ޑރ. އިޔާޒު ގެންދަވަނީ ރައީސް އިބްރާހީމް މުހައްމަދު ސޯލިހަށް ކުރައްވާ ތާއީދު ވެސް ސޯޝަލް މީޑިއާގައި ދައްކަވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލައިލާ
07 April 2021
ދެއްކުންތެރިކަމުގެ ރަސްގެފާނު. ޔަކް ޔަކް.
ވިސްނަ
06 April 2021
ޔުނިވަސިޓީއަކީ ތައުލީމީ ދަރިންތަކެއް ބިނާކުރާ މަރުކަޒެއް. އެތަނުން ތައުލީމުގެ އިތުރުން އަދަބު އަޚްލާގާއި ރިވެތިއުޅުން ދަސްވާނެ. އެފަދަތަނެއް ތިބެންޖެހެނީވެސް މުޖުތަމައުގެ އިޚްތިރާމާއި ލޯބިލިބިފައިވާ އުސްތާޛުން. އަދި ޔުނިވަސިޓީގެ ނަމާއި ޝަރަފު މުޖުތަމައުގެ ކުރިމަތީގައި ނެގެހެއްޓުމަކީ ތަނުގެ އިސްވެރިންގެ ޒިންމާއެއް. މިކަން އުސްތާޛުންނާއި ދަރިވަރުންނާއި ރައްޔިތުންވެސް ދަންނަންޖެހޭ. މިއީ ސިޔާސީ ކަމެއް ނޫން. މިއީ މުސްތަޤުބަލުގެ ޖީލެއް ބިނާކުރުން.
އަހުމަދުއަލޯ
06 April 2021
އިޔާޒު މިއީ މާ އެނގިގަނެގެން އުޅޭ މީހެއް. މައްކާ ތަންތަނުގަ ތިބޭ އިލްމުވެރިންނަށްވުރެ މީނާ މޮޅު...
ގާސިމް ލަލީގާ
06 April 2021
އިޔާސްވެސް ކަންތައް ކުރާގޮތް ރަނގަޅެއްނޫން އެކަމު އަދި އެމްއެންޔޫ އިން ހަދާގޯސް މާބޮޑު. ޝަރީފް،ހަސަން ،ހުސެން މެނަށް ހަޖަމެއްނުވާނެ، ސިޔާސީ ފިކުގަ 24 ގަޑިރު ހަރުގެއިން އަންނަ ކޮމާންޑަށް އެލާޓްގަ. އެމްއެންޔޫ ގެ އަގުވެއްޓި ހައިބަތު ގެއްލިއްޖެ މިފަދަ ސިޔާސީ މީހުން ތަނުގެ އެންމެ އިސްމަގާމްތަކައް ލުމުގެ ސަބަބުން.
ކަޑަ
05 April 2021
އަދާލަތު ޕާޓީ ދެކެ ފޫހިވެއްޖެ
ބަލްޕަތީ
05 April 2021
ތިޔަކަން ރަނގަޅަށް އިންސާފުވެރިކޮށް ނުބެލޭނެ! ސަބަބު: އެމްއެންޔޫގެ ވައިސް ޗާންސިލާރ ޝަރީފުގެ ދަންވަރު ކޮފީ ބަޑީ ހަސަނު އަކީ ތިޔަ ތަނުގެ ނުފޫޒްގަދަ މެންބަރެއް. ދެން އެވަރުންވެސް ބަލަން އުޅެފިއްޔާ މެންބަރުންތަށް އިވާ އާއި ނަޝީދު ވެގެން މަޖިލީހުން ވަކިކުރާނެ! އެއީ މިގައުމުގެ ކަންކަން ރޭވި ހިނގާގޮތް!
މުހައްމަދު ހަސަން
06 April 2021
މީވަރައްބޮޑުތެދެއް، ޝަރީފް މެން ތީ ސިޔާސީ އެކްޓިވިސްޓުން އަދި ހަމަގަބޫލް ކުރާބައެއްނޫން ދެން ތަންތަނުގަ އެމީހުންގެ ބަޑީސް އާ ބޯއީސް....ސަދޫމުންވެސް މިޔައްވުރެ ރަނގަޅު އިންސާފްލިބޭނެ....
ކަންނެލި ހަސަނު
05 April 2021
ޓްރައިބިޔުނަލްއަށް ނުގޮސް ދާންވީ ޓްރެކަށް ދުވަން. މީހާ ހީވަނީ ލޭނު ބޮތްކެއް ހެން.
ނަޝީދު.
05 April 2021
ހުސް އާޓު! 2023 ގަ ގޮޑިއެއް ލިބޭތޯ ލައިމްލައިޓުގަ އުޅުމުގެ ނިޔަތުގަ! ނިޔަތް މުޅިން ގޯސް!
މަޒް
06 April 2021
ކަލެއަށް ދޯ ނިޔަތް އިނގެނީ.. ކަލޭވެސް ތި އުޅެނީ ރައީސްކަން ލިބޭތޯ.. ވަރަށް ސިއްރުން ދޯ ތިޔަ އުޅެނީ.. އަހަރެންނަށް އިނގިއްޖެ.. ފަޅާއަރައިފި
ޜަދުން
05 April 2021
އިލްމު ހުރިނަމަވެސް ހިލްމް ނެތްނަމަ އެބަޖެހޭ އެކަހެރި ކުރަން ނޫނީ އެކަހެރި ވާން
މަގޭ ވާހަކަ އެކީ
05 April 2021
ދީނީ ޢިލއމުވެރިންގެ ކިބާގައި ކެއްޔެރިކަމާއި ރިވެތި އަޙްލާ ޤާއި ރިވެތި ނަމޫނާ ކެއްތެރިވުމުން ދަންކުވައިދޭންވާނެއެވެ. އެކަމަކު ތިއަފެންނަނީ ފަރިހަށް ހާ ނުގޮވަނީސް މަދިރީގެ އުނދަގުލަށް ކާޅު ގޮވީމަ ފަތިހަށް ބަންގި ގޮވާ މައްޒަރެވެ.