ފިންލެންޑް ސްކޫލުގެ ދަރިވަރުންތަކެއް ސްކޫލުގައި: ގްރޭޑު އެކަކުން ޖާގަ ހޯދަން ވަނީ ހުޅުވާލާފައި.-- ފޮޓޯ: އައިލެންޑާސް އެޑިއުކޭޝަން
28 އެޕްރީލް 2021 - 12:32
9 comments
ފިންލެންޑް އިންޓަނޭޝަނަލް ސްކޫލާއި ބިލަބޮންގް ހައި އިންޓަނޭޝަނަލް ސްކޫލުގެ ގްރޭޑު އެކަކުން ޖާގަ ހޯދަން ހުޅުވާލިތާ 12 ގަޑިއިރުގެ ތެރޭގައި ގިނަ ޖާގަތައް ފުރިއްޖެ އެވެ.
އެ ސްކޫލުތައް ހިންގާ އައިލެންޑާސް އެޑިއުކޭޝަނުން މިއަދު ބުނީ މިދިޔަ އާދިއްތަ ދުވަހު ހުޅުވައިލި 122 ޖާގަ އިން މިހާރު ބާކީ ހުރީ ހަތަރު ޖާގަ ކަމަށެވެ.
އައިލެންޑާސް އިން ބުނީ ޖާގަތައް ފުރޭ މިންވަރާ ގާތަށް އެޕްލިކޭޝަންތައް ލިބުނަސް ސްކޫލަށް ދަރިވަރުން ވެއްދުމުގެ ފުރުސަތު އަދި ވެސް އެބައޮތް ކަމަށެވެ. އެއީ ފޯމުތައް ކަށަވަރުކުރުމުގެ މަރުހަލާގައި ބައެއް ޖާގަތައް ހުސްވާތީ އެވެ. އެހެންވެ، އެ ދެ ސްކޫލުން ޖާގަ ހޯދަން ބޭނުންވާ ބެލެނިވެރިން ވީހާ ވެސް އަވަހަކަށް ފޯމު ހުށަހެޅުމަށް އެދެ އެވެ.
ފިންލެންޑް ސްކޫލުގެ ޕްރިންސިޕަލް ޑރ. އޭޔާ ވެލާންނޭ ވިދާޅުވީ، ކޮވިޑުގެ ބަލިމަޑުކަމުގެ ސަބަބުން އެހެން ފަހަރުތަކާ ހިލާފަށް މި އަހަރު ދިގުލައިގެންދާނެ ކަމަށް ބެލެވުނަސް ބެލެނިވެރިންގެ ފަރާތުން ހޫނު ތަރުހީބެއް ލިބިފައިވާ ކަމަށެވެ.
"...މިއަދާ ޖެހެންދެން ވެސް އަޅުގަނޑުމެންގެ އެންމެ ބޮޑު އަމާޒަކީ ސްކޫލުގެ ނަމާ އެއްގޮތަށް ފިންލެންޑު ސްކޫލަކުން ދަރިވަރުންނަށް ލިބޭނެ ފަދަ ތަޖުރިބާ އާއި ތަރުބިއްޔަތެއް ރާއްޖޭގައި މި ސްކޫލުން ފޯރުކޮށްދިނުން. މީގެ އެންމެ ހާއްސަ ކަމަކީ އަޅުގަނޑުމެން މިކަން ކުރަނީ ރާއްޖޭގެ ދީނާއި ސަގާފަތާއި އާދަކާދަ އަށް ކަރިކިއުލަމް ފައްތައިގެން،" ޑރ. އޭޔާ ވިދާޅުވި އެވެ.
"މި ލިބުނު ހޫނު ތަރުހީބަކީ ސްކޫލުގެ މުދައްރިސުންގެ މަސައްކަތާ މެދު ބެލެނިވެރިން ކުރައްވާ އިތުބާރުގެ ހެއްކެއް."
ފިންލެންޑާއި ބިލަންބޮންގްގެ ގްރޭޑް އެކެއްގެ އެޑްމިޝަނާ ގުޅޭ ހުރިހާ މައުލޫމާތެއް އައިލެންޑާސް އަދި އެ ސްކޫލުތަކުގެ ވެބްސައިޓުން ލިބޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
28 April 2021
ފުރިފަހުރި ޖާގަތަކެއް އިސްތިހާރު ކުރުމުގެ ބޭނުމަކީ ކޮބާބާ!
ާއަނީމާ އަމީނު
28 April 2021
މަރުހަބާ އައިލެންޑާސް! ކޮވިޑުތެރޭގައި އެންމެ ހިތްވަރާއެއްކޮށް މަސެއްކަތް ކުރި ސްކޫލުތަކަށް ވިތީ ބެލެނިވެރިން މިވަރަށް ޑިމާޑު އޮތީ! ގޯސް ހިދުމަތެއްދޭނަމަ މިހެނެއް ނުވީސް! ސަރުކާރުންނާ ބައެއް އެހެން ސްކޫލުތަކުން ކިޔެވުން މެދުކަނޑާލާ ހޭވީ ހަމަ ހުސް ހަޑި!
ޏަޓޯ
28 April 2021
މަގޭ ހުރިހާ ދަރިންވެސް ދަނީ ތިތަނަށް، ވަރަަށް ރަގަޅު ތިތާގެ ކިޔަވާދިނުމުގެ ފެންވަރު. ހަމަ ހުރިހާ ހަރަދެށް ވޯތް އިޓް..
ސަލީމް
28 April 2021
މިދިޔަ އަހަރު މިގޮތަށް ހުޅުވާލި އިރު ދަރިފުޅު ތިތަނަށް ސްކޫލަށް ވައްދަން ޕޯޓަލް ހުޅުވި ގަޑިއަށް ރެޑީވެގެން ހުރީ. ގޭގެ ނެޓް ސްލޯކަމުން ރިފްރެޝްކޮގެން އެންމެ އަވަހަށް ސަބމިޓް ކޮއްލެވުނީ ހުޅުވިތާ ގާތްގަނޑަކަށް 5މިނިޓް ތެރޭ. އެވަރުންވެސް ސިކުންތުކޮޅެއއގެ ތަފާތުން އަހަރެންލީ ފޯމު ދިޔައީ ވެއިޓްލިސްޓައް. ނަސީބަކުން ރިޕީޓްފޯމް އުނިކޮޢް ލިބުނު ޗާންސަކުން ޖާގަ ލިބުނީ. އަހަރެންނަށް ލިބުނަސް އަހަރެންގެ ދެ ރައްޓެހިންގެ ދަރިންނަކަށް ޖާގަ ނުލިބުން.
ޕޭރެންޓް
28 April 2021
ޢަސްލު ވަަގޮތަކީ އަހަރުން އެކްސްޕެކްޓް ކުރަނީ ނަގާ ލާރިޔާ އެއްވަރު ވާނެޔޭ ކުއްޖާއަށް ލިބޭ ތައުލީމް. ޢެކަމް އެހެން ގިނަ ޓީޗަރުންގެ ނެތް އެފެންވަރު. ޓޮޕިކް ނަން ބުނެފަ އަޅުވަނީ ވިޑިއޯ އެއް އެނިމުނީ ފިލާވަޅު ނަގައިދިނުން. ނެގޭ ކުއްޖާއަށް ހަމަ ނޭގޭ
މިންގަނޑު
28 April 2021
ނޭނގޭ ކުދިން ޗެލެންޖެއްގެ ގޮތުގައި ނަގައިގެން އެންމެ ނޭނގޭ ކުއްޖާއަށްވެސް އެނގޭވަރު ކުރުމަކީ އަސްލު އެ ސްކޫލެއްގެ ފެންވަރު ދައްކައިދޭނެ ކަމެއް. އެކަމު މޮޅު ކުދިން މޮޅުކުރަން އިތުރު މަސައްކަތްކޮށް ސްކޫލްގެ ނަން ރީތިކުރަން އުޅޭފަދަ ގޮތަކަށް މިގައުމުގައި ކަން ހިނގަނީ.
ދަމީ
28 April 2021
މުޅިން ދޮގު ވާހަކަތަކެއް. 12 ގަޑިއިރު ތެރޭގައި ބާކީ އެންމެ 4 ޖާގަ އޮތް ކަމަށް ވަނީނަމަ ކޮން އިޝްތިހާރެއް ތިކުރަނީ. އޭގެ ފަހުން 3 ދުވަސްވީއިރުވެސް 4 ޖާގަ ނުފުރެނީ. ތި އުޅުނީ އަގުތައް ފަލަކަމުން ވަންނާނެ ކުދިން ނެތިގެން ޖާގަ ފުރުވާލަން. މިދިޔަ އާދީއަތް ދުވަހު އެންމެ 4 ޖާގައޮތް އިރު ކޮން ވާހަކައެއް ތިދައްކަނީ
ނިހާ2
28 April 2021
މިހާތަނަށް ފެނުނު ގޮތުގައި ސްކޫލްގެ މުގައްރަރު ފެންވަރު ރަނގަޅު. އެހެނަސް އެއާއި އެއްގޮތަށް ކުދިންނަށް އެ ފިލާވަޅުތައް ޑެލިވެރި ކޮށްދިނުމުގެ ގާބިލްކަން ޓީޗަރުން ގެ ނެތް! ބޮޑު އަގު ނަގާފަ އިންޓަނޭޝަނަލް ކިޔަސް ހަމަ އުޅެނީ ގަލޮޅު މަދަރުސާ، އަމީރު އަހުމަދު، ނުވަތަ އެހެންވެސް ސްކޫލްތަކުގެ ޕްރީ ސްކޫލް ޓީޗަރުން.
ސިމްބެ
28 April 2021
ތަޢުލީމަކީ ބޮޑު ވިޔަފާރިއަކަށް ހަދައިގެން އުޅުމަކީ ދެރަ ކަމެއް. ފޯރާ މީހުންނަށް މިކަން ކުރެވުނަސް ރަނގަޅު ވާނޭ ހިތާ ފޯރުންތެރި ކަން ނެތް މީހުން މި ސްކޫލްތަކަށް ވައްދައިގެން އުޅެނީ އަނގަޔާ އަތާ ދިމާ ނުވެ