ސިވިލް ސާވިސްގެ ގިނަ އޮފީސްތަކެއް ހިންގާ ވެލާނާގެއަށް މުވައްޒަފަކު ވަންނަނީ-- ފޮޓޯ: އަހުމަދު އަވްޝަން/މިހާރު
13 ޖޫން 2021 - 12:21
28 comments
މިނިމަމް ވޭޖުގެ ތެރޭގައި މުވައްޒަފުންނަށް ދޭ ބައެއް އެލަވަންސްތައް ހިމަނަން ސަރުކާރުން މަސައްކަތްކުރާ ކަމަށް ބުނެ މޯލްޑިވްސް ޓްރޭޑް ޔޫނިއަން ކޮންގްރެސް އިން ކަންބޮޑުވުން ފާޅުކޮށްފި އެވެ.
އެ ޔޫނިއަނުން އިއްޔެ ބޭއްވި ބައްދަލުވުމެއްގައި އެ ޖަމިއްޔާގެ ޖެނެރަލް ސެކްރެޓަރީ އަދި މިނިމަމް ވޭޖު ބޯޑުގައި އެ ޖަމިއްޔާ ތަމްސީލް ކުރައްވާ މެމްބަރު ފާތިމަތު ޒިމްނާ ވިދާޅުވީ، މިހާތަނަށް ކުރި މަޝްވަރާތަކުގައި ސަރުކާރުގެ ވިސްނުން ހުރީ އެލަވަންސްތައް ހިމަނައިގެން މިނިމަމް ވޭޖް ކަނޑައަޅަން ކަމަށެވެ. އެގޮތަށް މަސައްކަތް ކުރަނީ ސިވިލް ސާވިސްގެ މުވައްޒަފުންނަށް މިނިމަމް ވޭޖު ކަނޑައަޅައިފި ނަމަ ކުރަން ޖެހޭ ހަރަދުތައް އިތުރުވާނެތީ ކަމަށް އޭނާ ވިދާޅުވި އެވެ.
ޒިމްނާ ވިދާޅުވި ގޮތުގައި މިގޮތަށް މިނިމަމް ވޭޖް ކަނޑައަޅައިފި ނަމަ މުވައްޒަފުންގެ ސޯޝަލް ސެކިއުރިޓީ ދަށްވާނެ އެވެ.
"ދައުލަތުން ބުނަމުން ދަނީ ރިކަރަންޓް ހަރަދުގެ ގޮތުގައި ސިވިލް ސާވިސް މުވައްޒަފުންނަށް ފުދޭވަރެއްގެ ބޮޑު ހަރަދެއް ކުރަމުންދާ ކަމަށް. މިހާރު ބޮޑަށް ދައުލަތުގެ ފަރާތުން ވަކާލާތު ކުރަމުން ދަނީ މުސާރައިގެ އިތުރަށް ސިވިލް ސާވަންޓުންނަށް ދޭ ތަފާތު އެލަވެންސްތައް ހިމަނައިގެން މިނިމަމް ވޭޖް އަދަދުތައް ކަނޑައަޅަން. މިގޮތަށް ކަނޑައެޅުމުން މުވައްޒަފުންނަށް ވަރަށް ބޮޑު ނިކަމެތި ކަމެއް ލިބޭނެ،" ޒިމްނާ ވިދާޅުވި އެވެ.
މި މަޝްވަރާތަކާ ގުޅިގެން ކަންބޮޑުވުން ފާޅުކޮށް، ޓްރޭޑް ޔޫނިއަނުން ނެރުނު އިއުލާނެއްގައި ބުނީ އެލަވަންސްތައް ހިމަނައިގެން މިނިމަމް ވޭޖް ކަނޑައަޅައިފި ނަމަ، މިނިމަމް ވޭޖު ކަނޑައެޅުމުގެ ހަގީގީ މަގުސަދު ގެއްލިގެން ހިނގައިދާނެ ކަމަށެވެ. އަދި ސަރުކާރުން އެކި ބަހަނާތައް ދައްކައިގެން މިނިމަމް ވޭޖު ކަނޑައެޅުން ފަސް ކުރަމުން ދިއުމަކީ މަސައްކަތްތެރިނާ މެދު ވެވޭ ބޭއިންސާފެއް ކަމަށް ވެސް އެ ޖަމިއްޔާއިން ބުންޏެވެ.
ޓްރޭޑް ޔޫނިއަނުން ބުނިގޮތުގައި، އެލަވެންސް ހިމަނައިގެން މިނިމަމް ވޭޖު ކަނޑައަޅަން ވާހަކަ ދައްކަމުންދާއިރު ހުށަހަޅާފައިވާ އަދަދުތަކަށް ވުރެ ކުޑަ އުޖޫރައެއް ކަނޑައެޅުމުގެ ވިސްނުން ގެންގުޅޭކަން ވެސް ފާހަގަ ކުރެވިފައި ވެ އެވެ. އެހެންކަމުން އެލަވެންސް އިތުރުނުކޮށް، މަސައްކަތްތެރިންނަށް ފައިދާވާ ގޮތަށް މިނިމަމް ވޭޖު ވީހާ ވެސް އަވަހަށް ކަނޑައެޅުމަށް އެ ޖަމިއްޔާ އިން ސަރުކާރަށް ގޮވައިލި އެވެ.
ޓްރޭޑް ޔޫނިއަންގެ ކަންބޮޑުވުންތަކާ ގުޅިގެން އިކޮނޮމިކް މިނިސްޓްރީން އަދި އެއްވެސް ޖަވާބެއް ނުދެ އެވެ.
މިނިމަމް ވޭޖުގެ ގޮތުގައި ތިން ކެޓަގަރީއަކަށް ބަހާލައިގެން 4،000ރ. އާއި 8،500ރ. އާ ދެމެދުގެ އަދަދުތަކެއް ސަރުކާރުން ވަނީ ހުށަހަޅައިފަ އެވެ. ފުރަތަމަ ކެޓަގަރީއަށް 8،000ރ އާއި 8،500ރ އާ ދެމެދުގެ އަދަދެއް ހުށަހަޅާފައިވާއިރު، ދެވަނަ ކެޓަގަރީ އަށް 6،000ރ އާއި 6،500ރ އާ ދެމެދުގެ އަދަދެއް އަދި ތިން ވަނަ ކެޓަގަރީއަށް 4،000ރ އާއި 4،500ރ އާ ދެެމެދުގެ އަދަދެއް ވަނީ ހުށަހަޅައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިނިމަމް
13 June 2021
ރަނގަޅު. މިނިމަމްވޭޖް މާ ބޮޑުވެއްޖެޔާ ޖެހޭނީ މުވައްޒަފުން މަދުކޮށްފަ ކުރަންޖެހޭ މަސައްކަތް ގިނަކުރަން. ނޫނީ އާންމުންނަށް ޚިދުމަތްދޭ އަގު ބޮޑުކުރަން. ނަގާފަ ހުންނަ ލޯނުތަކަށް ބަރާބަރަށް ފައިސާ ދައްކަންޖެހޭ. ދެން މާ މޮޅު މިނިމަމް ވޭޖެއް ހަދައިގެން ވިޔަފާރިތައް ހުއްޓި އިގުތިސޯދު އިނދަޖެހުނީމަ ހުންނާނީ ޖީއެސްޓީއާ ބީޕީޓީއާ އިންފުލޭޝަލާ ޑޮލަރާ ލިބިފަ
އެލަވަންސް
13 June 2021
މިނިމަމް ވޭޖްގެ އަދަދު ބޮޑުކުރޭ. ބޮޑުކޮށްފައި އެލަވަންސް އެއްވެސް ތަނެއްގައި ނުދޭ ގޮތަށް ހަދާ. އެލަވަންސްތަކަކީ މަކަރާ ހީލަތާ އޮޅުވާލުމަށް މުސާރައަށް އިތުރުކުރާ ބައެއް. ކޮން ކޮމެޓީ އެލަވަންސެއް މަޖިލިސް މެމްބަރުންނަށް ވެސް. މަޖިލީހުގައި ކުރަންއޮންނަ މަސައްކަތެއް ކޮމެޓީއަށް ހާޒިރުވުމަކީ. އޮޅުވާލައިގެންް އެކަމަށްް އެލަވަންސް ނަގަނީ. ވައްކަމުގެ ވައްތަރު ތި ވެސް.
ބޮކިފުރާޅު އައްޔަ
13 June 2021
މަކަރުވެރިކަމުގެ އިންތިހާ!
ލަކީ
13 June 2021
ތިދެނީ މިނިވަން ވޭޖް ކަމަށް ގަބޫލު ނުކުރެވޭނެ މިހާރު ތިޔަވުރެ ރަގަޅު އެޗެއް މިހާރު ލިބޭ
އާދަނު
13 June 2021
މިއީ ކަމުގެ ދެކޮޅު ނުބަލާ ސިޔާސީ ވައުދު ވުމުންނާއި ރައްޔިތުން އެވައުދު ގަބޫލުކުރުމުން ވާގޮތް.
ހިމާރުލްގައުމު
13 June 2021
ކޮބާ ރިސޯޓް ބޯއީސް. ޕަކާސް. ޕަކަޕަކާސް. ސާވިސް ޗާޖާ ޓިޕާ އެހެނިހެން އެލެވެންސް ލައިގެން ކަލޭމެންގެ މިނިމަމް ވޭޖް މި ނިންމާލަނީ. ސަޅިދޯ. ރާކަނިމަސް މީރުތަ؟
ކުޑަ އަލީ
13 June 2021
މިނިވަން ވޭޖެއް ނޫން ކަޑައަޅަން ވީ ސިޔާސީ މަގާމް ތަކާއި ރައްއިތުން މަޖިލީހްގެ މެންބަރުން ގެ މުސާރަތައް ކުޑަ ދިރާސާ ކޮއްލަބަލަ އޭރުން ތިވާނުވާ އެއް އެގިދާނެ
ޙަބީބު
13 June 2021
ރުފިޔާ މޭކު ކޮއްދެނި ރިސޯޓު މުވައްޒަފުން ލޯނެއް ނަގަންދިޔަސް ލޯނެއް ނުލިބެނީ ރިސޯޓު މުވައްޒަފަކައް ފުލެޓުވެސް ރިސޯޓު މުވައްޒަފަކައް ހައްގެއްނުވޭ ހާލުގަ ޖެހުނިމަވެސް ޕެންޝަން ފަންޑުގަ އަތްނުލެވުނީ ރިސޯޓު މުވައްޒަފުންނައ އަޅާލަން ޖެހުނީމަ އެސްޓީއޯއިން ރޯދަޔައް ދެއްވާ ވައުޗަރވެސް ރިސޯޓު މުވައްޒަފަކައް ނުލިބޭ ދެންކީއްކުރާބައެއްމީ މީތޯ ސިނާއީ ދާއިރާގެ މުވައްޒަފުންނައް އޮތްގޮތަކީ މީތޯ ހައްގުވާ މިންވަރު
އެމްވައްޑެ
13 June 2021
ނަމެއްގަ އެކަންކުރީމޭ ބުނަންވެގެން ކުރާކަމެއްދޯ. ތީ މަސައްކަތްތެރިންނަށާއި އާއިލާތަކަށްދޭ ވަރަށް ބިޔަ އަނިޔާއެއް. އެކަމަކު ކުރިން ބުނިންދޯ އަނިޔާވެރިޔެއް ނުވާނަމޭ...
ހަޑިގިއްލާ
13 June 2021
ހަގީގަތަކީ މިހާރުވެސް އެކިއެކި އެލަވަންސް ތަކާއެކު ސިވިލްސާވީސް މުއައްޒިފުން ޓޭކްހޯމް ބޮޑު މުސާރައެއް ގެންްދޭ...ނަމަވެސް އެ އެލަވަންސްތައް ނުހިމަނާ މިނިމަމްވޭޖް ކަނޑައަޅާފިނަމަ، އެކަން ވެގެންދާނީ ދައުލަތައްވެސް ބޮޑު ބުރައަކަށް.... މަސްނިންމާފަ ގެއަށް ގެނދާ އަދަދަކީ މުސާރަ ނޫންތޯ
ޙާމަ
13 June 2021
ސިވިލްސާވެންޓުގެތެރެއިން ކޮންބަޔަކައްތޯ ބޮޑުއެއްޗެއް ގެޔަށްގެންދަން ލިބެނީ،؟