އެޓާނީ ޖެނެރަލް އިބްރާހީމް ރިފްއަތު ރައްޔިތުންގެ މަޖިލީހުގެ ކޮމިޓީއެއްގައި ވާހަކަދައްކަވަނީ. މަޖިލީހުގެ މިދައުރަށް 19 ބިލެއް ފޮނުވާނެ-- ފޮޓޯ: ނިޝާން އަލީ/ މިހާރު
16 ޖޫން 2021 - 18:04
19 comments
އާއްމު ގަވައިދުތަކުގެ ގާނޫނުގައިވާ އަބުރުގެ ބަދަލު ނަަގައިދިނުމުގެ ގަވައިދު، ގާނޫނަކަށް ހަދަން ސަރުކާރުން ރައްޔިތުންގެ މަޖިލީހަށް ފޮނުވަން ނިންމައިފި އެވެ.
ރައްޔިތުންގެ މަޖިލީހުގެ މި އަހަރުގެ ދެވަނަ ދައުރަށް ފޮނުވާ 19 ބިލުގެ ލިސްޓް އެޓާނީ ޖެނެރަލްގެ އޮފީހުން މިއަދު އާއްމުކުރި އިރު އޭގެ ތެރެއިން ހަ ބިލަކީ އާއްމު ގަވައިދުތަކުގެ ގާނޫނުން ބާރު ދީފައިވާ ގަވައިދުތައް ގާނޫނަށް ހެދުމަށް ފޮނުވާ ބިލުތަކެވެ. އެއީ އަބުރާ ބެހުމުގެ ސަބަބުން ލިބޭ ގެއްލުމުގެ ބަދަލު ނަގައިދިނުމުގެ ބިލާއި އުފަންވުމާއި މަރުވުން ރަޖިސްޓަރީކުރުމާ ބެހޭ ބިލު އަދި ޖަނަވާރުގެ ސިއްހަތާ ބެހޭ ބިލެވެ. އޭޖީ އޮފީހުން މިއަދު ބުނީ އެއީ އާއްމު ގަވައިދުތަކުގެ ގާނޫނުގެ ދަށުން އެކުލަވައިލަން ޖެހޭ ބިލުތަކެއް ކަމަށެވެ.
އޭޖީ އޮފީހުން މިއަދު ފޮނުވި ލިސްޓްގައިވާ އަށް ބިލެއް މިހާރު ވަނީ މަޖިލީހަށް ފޮނުވައިފަ އެވެ.
ނުފޮނުވާ ހުރި ބިލްތައް
- ހެއްކާ ބެހޭ ބިލް
- އަބުރާ ބެހުމުގެ ސަބަބުން ލިބޭ ގެއްލުމުގެ ބަދަލު ނަގައިދިނުމުގެ ބިލް
- ގިންތި ކަނޑައެޅުމާއި ދަރަޖަކުރުމުގެ ބިލް
- އިލެކްޓްރޯނިކް މުއާމަލާތްތަކާ ބެހޭ ބިލް
- ނެތި ދިއުމުގެ ބިރުު ހީވެފައިވާ ދިރޭތަކެތީގެ ވިޔަފާރިކުރުމާ ބެހޭ ބިލް
- ޖަނަވާރުގެ ސިއްހަތާ ބެހޭ ބިލް
- އުފަންވުމާއި މަރުވުން ރަޖިސްޓްރީ ކުރުމާއި އުފަންދުވަހުގެ ސެޓްފިކެޓް އަދި އައިޑީކާޑު ހެދުމާ ބެހޭ ބިލް
މިހާރުގެ ގާނޫނު އަސާސީ އަށް 2008 ވަނަ އަހަރު އަމަލުކުރަން ފެށުމާ އެކު ގާނޫނަކުން ބާރު ނުލިބޭ ގަވައިދުތައް ހިންގުން މަނާވި އެވެ. އެހެންވެ، އޭރު ހުރި ގަވައިދުތަކަށް ގާނޫނީ ބާރު ދިނުމަށް ހެދި އާއްމު ގަވައިދުތަކުގެ ގާނޫނުގައިވާ ގޮތުން އެ ގާނޫނުގެ ދަށުން ގަވައިދުތައް ހިންގަން ފުރަތަމަ ދިނީ އެއް އަހަރު ދުވަހެވެ. އެއަށް ފަހު މުއްދަތު އިތުކުރާނެ ދެގޮތެއް އެ ގާނޫނުގައި ބަޔާންކޮށްފައިވެ އެވެ. އެއް ގޮތަކީ ރައްޔިތުންގެ މަޖިލީހަށް ފޮނުވައިގެން ގަވައިދު އެއޮތް ގޮތަށް މުއްދަތު އިތުރުކުރުމެވެ. އަނެއް ގޮތަކީ އެ ގަވައިދުގައި ބުނާ ކަންތައް ގާނޫނެއްގެ ގޮތުގައި ފާސްކުރުމެވެ.
އެ ގާނޫނުގައިވާ ގޮތުން، އެ ގާނޫނުގެ ޖަދުވަލުތަކުގައިވާ ހުރިހާ ގަވައިދެއް ގާނޫނަކަށް ހެދުމަކަށް ނުވަތަ މުއްދަތު އިތުރުކުރާކަށް ލާޒިމެއް ނުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަސީ
17 June 2021
ޔާމިން ކަންކުރިގޮތައް ކަންކުރަން އުޅެން ދަސްކުރަނީ ދެއްތޯ
ސަރަނގު
17 June 2021
ހުއްޓުވާބަލަ ރިބާގެ މުއާމަލާތްތައް.ސަރުކާރުން ތިޔަކުރިއަށް ގެންދަވާ.
ޙަބީބު.
17 June 2021
ކޮންމެފަދަ ގާނޫނެއް ހެދިޔަސް ލަދީނީ ކިޔާނެ ހާދަލަދަކުން ތިޔައުޅެނީ
ޖީޖީ
17 June 2021
ބަލަ ވެރިކަމާ އި ހަވާލުވި މަގުސަދު މުޅިން ދޫކޮށްލަ އްވާފަ އެހެން ކަމަކާތޯ މިހާރު އުޅު އްވަނީ ސަރުކާރުން؟ އެކުރަން އުޅޭ ކަމެ އް މިގަ އުމަކު ކުރަން މިގަ އުމުގެ ރަ އްޔިތުން ފުރުސަތެ އް ނުދޭނެ. އިސްލާހު ވާންވީ އެބަޔަކު
އިސްމާލު
17 June 2021
ހަދާއެއްޗެއްހަދާ ބާކީދެއަަރު ވޯޓުންތިކަންދައްކާނީ ސެކިއުލާބިލާއި ވައްކަމުގެބިލެއްވެސް އިންޑިޔާމީހުންނަށް ވޯޓްލެވޭބިލެއްވެސް އެއިރު ވެރިކަމުގައިތިބެވިދާނެ ފަހަރެއްގަ
އޮނަރަބްލް އަފީފު ދީދީ
17 June 2021
ކ.އަތޮޅު މާލޭގައި ރައްޔިތުންގެންގުޅުނު ކޮށީގެ ދަނގަނޑު ތޭރިތަކުގެ އަދަދު އިތުރުކުރުމާއި އެބައިމީހުންގެ އަނގަމަތީގައި މައުމޫނުގެ ދުވަސްވަރު އެޅި މަލަންތަކުގެބަދަލުގައި ވެލްޑިންގ އެޅުން ނޫންތޯ އެމްޑީޕީގެ ސަރުކާރާއި މިޕާޓީގެ ސުޕަރ މެޖޯރިޓީ މަޖިލީހުގައި މިއޮތީ. # އިޖްތިމާއީ އަދާލަތާއި، ރައްޔިތުނަށް ދޭންޖެހޭ ޤާނޫނީ ރައްކާތެރިކަމާއި އަސާސީ ޙައްޤުތަކަށްވުރެން "ވެރިންގެ ކަންކަން ފުރިހަމަކުރާންޖެހޭ ޤާނޫނުތައް" ވުޖޫދު ކުރުމުގައި އަވަދިނެތި އުޅޭ ސަރުކާރެއް.
މަދުވެފައި
16 June 2021
ކުރީގައިހުރި މަދުވެފައިވާ ގާނޫނުތައްވެސް މިފަހަރު ހަދާލަންވާނެ އިގޭ. އޭރުން ޑިމޮކްރަސީ ފުރިހަމަވާނީ. އެއީ. 1. ބައިސްކަލް ދުއްވުމުގެ ބިލު. 2. ޓޯޗުބައްތި ދިއްލުމުގެ ބިލު 3. ފާރޮށި އުނދުނުގެ ބިލު 4. މާލޭގެ ފަޅުން އަކިރިނެގުމުގެ ބިލު. 5. ރޭޑިޔޯ ގެންގުޅުމުގެ ބިލު 5. ވީސީއާރއާއި ޓީވީ ގެންގުޅުމުގެ ބިލު. އަލަށް އުފަންކުރަންވީ. 1. ލެޕްޓޮޕް އަދި އައިޕެޑް ގެންގުޅުމުގެ ބިލު. 2. އަތުފޯނު ގެންގުޅުމުގެ ބިލު. އަދި ކޮންމެ ބިލެއްގައި ޖޫރިމަނާ ހިމަނާލަންވާނެ.
ބޮޑުމީހާ
16 June 2021
ވެރިކަމަށް އެރި ދުވަހު އަބުރާބެހޭ ގާނޫނު އުވާލާފަ، 2 އަހަރު ބައިވިފަހުން ރައްޔިތުން އެއްޗެހި ގޮވަން ފެށީމަ އަބުރާބެހުމުގެ ގާނޫނު ގެންނަނީ. ގާނޫނަކުން މިރާއްޖޭގެ ސިޔާސީ މީހެއްގެ އަބުރެއް ހިމާޔަތެއް ނުކުރެވޭނެ. ގާނޫނަކުންވެސް ހިމާޔަތްކުރެވޭނީ އަބަރުހުރި ބައެއް
ބަދުރު
16 June 2021
ކޮބާތޯ ވައްކަމުގެ ބިލު ޥެންޓިލޭޓަރުގެ ބިލް
ބަންޑާރަ ބާލިސް
16 June 2021
މިހާރު އައިޑީކާޑުގަ ޢަރަބިން ނަމެއް ނޯވޭ. އަދި އުފަންދުވަހުގެ ސެޓްފިކެޓްގަވެސް ޢަރަބިން ނަން ލިޔެފައެއް ނޯވޭ. ދެރަކަމެއް
ކަފާ
17 June 2021
އަރަބިން އޮންނަންޖެހޭތަ؟ އެ ކީއްކުރަން؟