ލަންޑަން (ޖޫން 23) ޗެކް ރިޕަބްލިކްގެ މައްޗަށް 1-0 ގެ ނަތީޖާ އަކުން ކާމިޔާބު ހޯދައި އިންގްލެންޑުން ގްރޫޕް ޑީ ގެ އެއް ވަނަ ހޯދައިފި އެވެ.
ރޭ ގްރޫޕް ބީ އާއި ސީގެ ތިން ވަނަ ހޯދި ޓީމުތަކުގެ ނަތީޖާތަކުގެ ސަބަބުން، މެޗަށް ނުކުތް އިރު ވެސް އިންގްލެންޑާއި ޗެކް ރިޕަބްލިކް އޮތީ ދެ ވަނަ ބުރުގެ ޖާގަ ޔަގީން ކޮށްފަ އެވެ. އެއީ ގްރޫޕް ބީގެ ތިން ވަނަ ހޯދި ފިންލެންޑާއި ގްރޫޕް ސީ ގެ ތިން ވަނަ ހޯދި ޔޫކްރޭންއަށް ވުރެ ގިނައިން އިންގްލެންޑާއި ޗެކް ރިޕަބްލިކުން ވެސް ޕޮއިންޓް ހޯދާފައި ވުމުންނެވެ.
މެޗުގައި އިންގްލެންޑްގެ ލަނޑު ރަހީމް ސްޓާލިން ކާމިޔާބު ކުރީ މެޗު ފެށިގެން 12 ވަނަ މިނެޓްގަ އެވެ.
މެޗުން ބަލިވުމުގެ އިތުރަށް ސްކޮޓްލެންޑްގެ މައްޗަށް ކްރޮއޭޝިއާ 3-1 އިން މޮޅު ވުމާ އެކު، ކްރޮއޭޝިއާ ދެ ވަނައަށް ޖެހިލައި ޗެކް ރިޕަބްލިކް ވަނީ ތިން ވަނައަށް ވެއްޓިފަ އެވެ.
