އިނގިރޭސި ކޯޗު ގެރެތުސައުތުގޭޓް --- ފޮޓޯ: އޭއެފްޕީ
13 ޖުލައި 2021 - 10:57
8 comments
ލަންޑަން (ޖުލައި 13) - އަންނަ އަހަރު ގަތަރުގައި ބާއްވާ ވޯލްޑް ކަޕުގެ ޗެމްޕިއަންކަން ހޯދުމުގެ ވާހަކަ ދައްކަން މި ވަގުތު މިއީ އެންމެ ރަނގަޅު ވަގުތު ނޫން ކަމަށް، ޔޫރޯ ފައިނަލުގައި ނާކާމިޔާބުވި އިންގްލެންޑުގެ ކޯޗު ގެރެތު ސައުޓްގޭޓް ބުނެފި އެވެ.
އިންގްލެންޑުގެ ފުޓްބޯލް އެސޯސިއޭޝަނުން، މާ ކުރިން ވެސް ޓާގެޓްކޮށްފައި އޮތީ 2022 ގެ ވޯލްޑް ކަޕް ކާމިޔާބު ކުރުމަށެވެ. ޕެނަލްޓީ ޖަހައިން އިޓަލީ އަތުން ބަލިވި ޓީމުގެ ކޯޗު ހުރީ މި ވަގުތު އެ ވާހަކަ ދައްކަން ތައްޔާރު ވެގެނެއް ނޫނެވެ.
ވޯލްޑް ކަޕު 2018 ގެ ހަތަރު ވަނަ ހޯދައި، 2019 ގެ ނޭޝަން ލީގުގެ ތިން ވަނަ ހޯދައި އަދި މި އަހަރުގެ ޔޫރޯގެ ފައިނަލަށް ދަތުރު ކުރުމުން އިންގްލެންޑުން ހޯދި ކުރިއެރުން ރަނގަޅު ކަމަށް ސައުތުގޭޓް ބުންޏެވެ.
"ދެން އަހަރެމެން ގޮސް ވޯލްޑް ކަޕް ހޯދާނަމޭ ބުނަން އެއީ ފަސޭހަ ކަމެއް. އެކަމަކު އަހަންނަށް ހިއެއް ނުވޭ އެއީ އެންމެ ރަނގަޅު ވާހަކައެއްހެން މި ވަގުތު ދައްކަން،" ސައުތުގޭޓް ބުންޏެވެ. "އަދި އެއީ ވަރަށް ދިގު ދަތުރެއް. އަދި އަހަރެމެން ޖެހޭނެ ކޮލިފައިވާން."
ވޯލްޑް ކަޕް ކޮލިފައިގައިން މިހާތަނަށް ތިން މެޗު ކުޅުނު އިރު އިންގްލެންޑް އޮތީ ގުރޫޕުގެ އެއް ވަނައިގަ އެވެ.
ޔޫރޯގައި ނާކާމިޔާބު ވިއަސް، އިންގްލެންޑް އެފްއޭގެ ޗީފް އެގެޒެކެޓިވް މާކު ބުލިންހަމް ދައްކަވަނީ، ސައުތުގޭޓްގެ ކޮންޓްރެކްޓް އާކުރުމުގެ ވާހަކަތަކެވެ. ސައުތުގޭޓްއާ އެކު މިހާރު ހަދާފައިވާ ކޮންޓްރެކްޓް ހަމަވާނީ އަންނަ އަހަރު ނޮވެމްބަރު ޑިސެމްބަރުގައި ބާއްވާ ވޯލްޑް ކަޕަށް ފަހު އެވެ. އިނގިރޭސި އެފްއޭގެ ވިސްނުން ހުރީ ޖަރުމަންގައި 2024 ގައި ބާއްވާ ޔޫރޯގެ ނިޔަލަށް ސައުތުގޭޓްގެ ކޮންޓްރެކްޓް އާ ކުރުމަށެވެ.
"އަހަންނަކަށް ހިއެއް ނުވޭ މިއީ އެހެން އެއްވެސް ކަމަކާ ވިސްނަން އެންމެ ރަނގަޅު ވަގުތު ހެނެއް،" ސައުތުގޭޓް ބުންޏެވެ. "އަހަރެމެން ޖެހޭނެ ގަތަރު ވޯލްޑް ކަޕަށް ކޮލިފައިވާން."
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތަކައިފީލު
13 July 2021
ސައުތުގޭޓް ކޯޗަކަށް ހުރެގެން އިނގިރޭސީންނަށް ދުވަހަކުވެސް ތަށްޓެއް ލިބުމަކީ ދުރުކަމެކެވެ. ވަރުގަދަ ސްކޮޑެއް އެކަމަކު ބަލިކަށި ކޯޗެއް.
ހިރިހިތިލީބެއްޔާގެ މާމަ
13 July 2021
މިގައުމަށްއަންނަ ކޯޗުން ފުރަތަމައިނުންވެސް ވާހަކަ ފަށާނީ ވޯލްޑްކަޕުން.
ފާހި
13 July 2021
ރަދީފްއޮފިޝަލް........ އަޅުގަނޑުވެސް މިހާރު ބޭނުމެއް ނޫން އިނގިރޭސިން ވޯލްޑްކަޕަށް ކޮލިފައިވާކަށެއް، އެއީ ވަރަށް ގޮތެއް ފޮތެއް ނެތްބަޔެއް، ކުރިން ދުވަހުވެސް ފައިނަލުގައި ބަލިވުމުން، ބަލި ޤަބޫލް ނުކުރެވިގެން އިޓަލީގެ ސަޕޯރޓަރުންނަށްވަނީ ވެމްބްލީ ސްޓޭޑިއަމްގެ ބޭރުގައި ތިބެގެން ނިކުންނަ މީހުންނަށް ވަރަށް ބޮޑެތި ހަމަލާތަކެއް ދީ އެމީހުންނަށް އަނިޔާވެރިވެފައި، އަޅުގަނޑުގެ ދުޢާއަކީ އިނގިރޭސިން ވޯލްޑްކަޕަށް ކޮލިފައި ނުވުން
ރަދީފްއޮފިޝިއަލް
13 July 2021
ތަމެން ވޯލްޑްކަޕަށް ކޮލިފައި ނުވުން އެއީ މަމެންގެ ގައުމުގެ (މޯލްޑިވްސް) ގިނަ ރައްޔަތުން އެދޭނެ ގޮތްކަން ކަށަވަރުވެ ޔަގީންވޭ.ހެހެހެހެހެހެ
ރޫމީ
13 July 2021
ރަދީފުވެސް ދެންދައްކާ ވާހަކަ.
އޮނަރަބްލް އަފީފު ދީދީ
13 July 2021
އިޤިރޭސިންނަކީ ބަށި މުބާރާތުގައި ބައިވެރިވާ ބައެއްނޫން އިގޭތޯ؟ ކުޑަކޮށް ވިސްނާލާފައި ކޮމެންޓް ކޮށްބަލަ.
ޑިކްޝަނަރީ އަންއޮފިޝިއަލް
14 July 2021
ކަލެއަށް ތަ ޤައުމުގެ ގިނަ ރައްޔިތުން ދެކޭ ގޮތް އިނގެނީ؟ @އަފީފު ހަމަ ރަނގަޅަށް ތިބުނީ.. މިއީ ތަނެއް ދޮރެއް ބަލާފަ ކޮމެންޓު ކުރާ ސޮރެއް ނޫން
ރަދީފްއޮފިޝިއަލް
14 July 2021
ދޭހަނުވާ މީހަކަށް ދޭހަނުވާނެ ދުވަހަކުވެސް.މި އާޓިކަލްގަ އޮތީ ފީފާ ވޯލްޑްކަޕްގެ ވާހަކަ.އެހެންވީމަ ރާއްޖެއާއި ގުޅުވައިގެން ބަށި މުބާރާތެކޭ ބުނަން ޖެހޭ އެއްވެސް ސަބަބެއް ނެތް.ކަލޭމެން ޖެހޭނެ ދޭހަނުވިޔަސް އަނގަ ކޮއްޕަން.އެސްއެސްސީ އިމްތިހާނުގެ ދިވެހި ޕޭޕަރުގެ ދޭހަ ސެކްޝަނުން ކަލޭމެން 2 މީހުންނަށް ލިބުނީ ކިތައް މާކްސް ތޯ އަހާލަން ބޭނުން.ރާއްޖޭގެ ގިނަ ރައްޔަތުން އިންގްލެންޑް ފުޓްބޯޅަ ޓީމަށް ތާއީދެއް ނުކުރޭ.އެކަން އޮތީ ސާބިތުވެފަ.ވ.ވެދުން