27 ޖުލައި 2021 - 17:43
45 comments
މޯލްޑިވްސް ޕޯޓްސް ލިމިޓެޑް (އެމްޕީއެލް) އަށް ބޭނުންވާ ތެޔޮ ހޯދުމުގައި ފިއުލް ސަޕްލައި މޯލްޑިވްސް (އެފްއެސްްއެމް)ގެ ބަޔަކާ ވެސް ގުޅިގެން ހިންގާފައިވާ ކަމަށް ތުހުމަތުކުރާ ވައްކަމުގެ މައްސަލައިގެ ބޮޑު ތުހުމަތެއް ބިދޭސީއަކަށް ކުރެވޭ ކަމަށް އެ ކުންފުނިން ބުނެފި އެވެ.
ކޮވިޑް-19 އާ ގުޅިގެން އެމްޕީއެލްގައި ވެސް އޮޕަރޭޝަންތައް މަދުވެ، ހަރަދުތައް ކުޑަކޮށްފައި އޮތް ނަމަވެސް ހިސާބުތަކުން ފެންނަ ގޮތުގައި މިދިޔަ އަހަރުގެ ޖުލައި މަހުން ފެށިގެން އޮކްޓޯބަރު މަހާ ހަމައަށް ތެލަށް ބޮޑު ޚަރަދެއް ވަނީ ހިނގައިފަ އެވެ.
އެކަން ފަޅާ އަރައިގެން ހެދި އޮޑިޓުން ދައްކާ ގޮތުގައި އެމްޕީއެލް-އެފްއެސްއެމް ތެލުގެ ވައްކަމުގެ އަދަދު އަށް މިލިއަން ރުފިޔާއަށް އަރަ އެވެ.
އެ މައްސަލައާ ގުޅޭ ގޮތުން އެ އެފްއެސްއެމްގެ މެނޭޖިން ޑިރެކްޓަރު މުހައްމަދު ގަސަމް "މިހާރު" އަށް ވިދާޅުވީ އެ މައްސަލާގައި މިހާތަނަށް އެންމެ ބޮޑު ތުހުމަތެއް ކުރެވެނީ އެ ކުންފުނީގައި ވަރަށް ގިނަ ދުވަހު މަސައްކަތް ކޮށްފައިވާ ބަންގްލަދޭޝް މީހަކަށް ކަމަށެވެ.
އޭނާއަކީ އެމްޕީއެލް އަށް ކޮށްފައިވާ ގިނަ ތެޔޮ ޑެލިވަރީތަކުގައި ސޮއިކޮށްފައިވާ މީހާ ކަމަށާއި އޭނާގެ އެކައުންޓަށް އާދަޔާ ހިލާފަށް ފައިސާ ވަދެފައި ހުރި ކަމަށް ގަސަމް ވިދާޅުވި އެވެ.
"އަޅުގަނޑުމެން ސުވާލު ކުރުމުން އޭނާ ބުނަނީ ޑޮލަރު މުއާމަލާތްތަކެއްގެ ވާހަކަ. އެކަމަކު މި މަސައްކަތުގައި ސީދާ އުޅުމާއި މުސާރައިގެ އިތުރުން އެކައުންޓުގައި ފައިސާ ދައުރުވެފައިވާ ގޮތަށް ބަލާއިރު އޭނާއަށް ވަރަށް ބޮޑަށް ތުހުމަތު ކުރެވޭ،" ގަސަމް ވިދާޅުވި އެވެ.
އެ މައުލޫމާތުތައް ފުލުހުންނާ ހިއްސާ ކުރުމުން އޭނާ ފުރުވައި ނުލާ ބަހައްޓަން އިރުޝާދު ދީފައިވާ ކަމަށް ގަސަމް ވިދާޅުވި އެވެ. އަދި އެ މީހާއާއެކީ އެއް ޑިއުޓީގައި ތިބޭ އެހެން މީހުން ވެސް އެހެން ޑިޕާޓްމަންޓުތަކަށް ބަދަލުކޮށްފައިވާ ކަމަށް ގަސަމް ވިދާޅުވި އެވެ.
"މައްސަލާގައި ކިރިޔާ ވެސް ޝައްކު ކުރެވޭ އެންމެން ވާނީ އެހެން ޑިޕާޓްމަންޓުތަކަށް ބަދަލުކޮށްފައި. ބިދޭސީ މީހާ މިހާރު ހުރީ ސަސްޕެންޑުކޮށްފައި،" އޭނާ ވިދާޅުވި އެވެ.
ތެލުގެ ވައްކަމުގެ މައްސަލަ ރައްޔިތުންގެ މަޖިލީހުން ވެސް ބަލަމުން އަންނައިރު އޮޑިޓާ ޖެނަރަލް އޮފީހުން ވެސް އަންނަނީ ހާއްސަ އޮޑިޓެއް ހެދުމުގެ މަސައްކަތް ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަސަމް
29 July 2021
ލަދެއްހުރިއްޔާ ގަސަމް އާ ޝާހިދު އިސްތިއުފާ ދޭންޖެހޭވަރުގެ ކަމެއްމީ….އެކަމަކު މީ ރާއްޖެވީމަ މިދެމީހުންނަށް ވާނެކަމެއްނޯންނާނެ…ހަމަ ދެ ފެއިލިއަރުން… ބައުޒަރު ދުއްވާމީހާ އާ ތެޔޮހޮޅީގެ ކޮޅުގަ ހިފަހައްޓައިގެން ހުރި މީހާ އަށް ފިޔަވަޅު އެޅީމަ ނިމުނީ….ކޮބާ ތިދެކުންފުނީގެ ފައިނޭންސް ޑިޕާޓްމަންޓް ގެ ވެރިން؟…ހަމަ އެއްވެސް ޒިންމާއެއްނެތް؟
ވާނުވާގައި
28 July 2021
މީ އަޖާއިބެއްފަދަ ތަނެއް. ތެޔޮ ވިއްކީ ބިދޭސީއެއް. ތެޔޮ ގަތީ ކާކު؟ ބައުޒަރު ދުއްވަން އިންނަ ބިދޭސީމީހާ އަތުން ތެޔޮ ގަންނައިރު މީ ތެޔޮ ނުވިއްކޭނެ މީހެއްކަން ނޭނގޭތަ! ފެންކުންފުނިންވެސް ތިކަންކުރާ ވާހަކަ މީހުން ދައްކާ. ހަވާލުވެގެން ތިބޭ ބަޔަކު ބުނާ ތަނަކަށް ބައުޒަރު ދުއްވާ ކަލޭގެ ދާނެ. ރަށްރަށުގެ އިންޖީނުގެއަށް ތެޔޮ އަޅަން ދާ މީހުންނާ ގުޅިގެންވެސް ތިޔަ ސަކަރާތް ގަންނަ ވާހަކަ މީހުން ދައްކާ. ވައްކަމާއި ކޮރަޕްޝަން މުޅި ގައުމުގައި އަށަގަތީމާ ހުއްޓޭނެތަ!
މިނިކާވަގު
28 July 2021
ތެޔޮ ގަތީ އެމްޕީއެލް އިން. އެމްޕީއެލް ގެ ތެލާހަވާލުވާ މީހުން ބުނާތަނަކަށް އަޅައިދެނީ. މިއީ ދެފަރާތް ގުޅިގެން ކޮށްފައިވާ ވައްކަމެއް. އެފްއެސްއެމް އިން ތެޔޮ ސަޕްލައިކޮށްދީފައިވަނީ އެކަމަށް އޮންނަ އުޞޫލުގެ މަތިން ޕީއޯ ލިބިގެން. ޑެލިވަރީ ކުރާފަރާތާއި، ޙަވާލުވާ ފަރާތުން ގުޅިގެން ކޮށްފައިވާ ކަމެއް މީ. މި ބޭރުމީހާގެ ލައިފްސްޓައިލް ހުންނަގޮތުން އެފްއެސްއެމް ގެ މެނޭޖްމަންޓަށް އެކަން ފާހަގަވެ، ފިޔަވަޅުނޭޅި އޮތްކަމެއް މީ،
ޝީނާ
28 July 2021
ތެޔޮގަންނަނީ ކީ އެއް ނޫން. ތެޔޮ ބާކީކޮށްގެން ގޮސް ބޭރުތެރެއަށް ވިއްކަނީ. އެފްއެސްއެމް ބައުޒަރުތަކުގަ ތިބޭ މީހުން އެހެން ކުންފުނިތަކުގެ ތިބޭ ސަޕްލައި މުވައްޒަފުނާއި ގުޅިގެން ހިންގާ ދުވަސްވީ ވަށްކަމެއް.
އެމްސް
28 July 2021
ތަނުގެ އުޅޭ ޑެލިވެރީ ބޯއި އަކަށް ތިވަރުގެ ކަންކަން ކޮއްލެވެންޏާ ހަރުދަނާ އެއްވެސް ސިސްޓަމެއް ނެތީ ނުން!
ޢިބޫ
28 July 2021
އެއުޅެނީ ބޭރު މީހެއްގެ ބޮލަށް ކަނޑާލާފަ ނިންމާލަން، މިގައުމު ދުވަހަކުވެސް ނުދެކޭހާ ކޮރަޕްޓް ސަރުކާރެއްމީ.
ޢަހުމަދު25
28 July 2021
މިއޮތީވާ ޤައުމެއް، 250 ޑޮލަރު މުސާރައަށް ލިބޭ ބަންގާޅުމީހާ މަހަކު 2000 އިން 30000 ބޭރުކުރާއިރު ބަލާނެ މުއައްސަސާއެއް ނެތް
އިސްމާލު
28 July 2021
އެކަށީގެންވާ ރަނގަޅު ކޮންޓްރޯލްތަކެއް ޤާއިމުކުރެވިފައި ނެތުމުގެ ޒިންމާ އެފް.އެެސް.އެމް އަދި އެމް.ޕީ.އެލް ގެ މެނޭޖްމަންޓުން އަދި ބޯޑުން ނަގަންޖެހޭނެ.
އިޙްސާސް
27 July 2021
ބަންގާޅު ޑެލިވަރީ ސޮރު ބޮލަށް ކަނޑާލާ ނިންމަން ނޫޅޭ. އެސޮރު އެކަނި ސަސްޕެންޑު ކުރީމަ ނިމުނީތަ؟ ކޮބާ ދެންތިބި މީހުން. އެސޮރާ ބައިވެރިވި ހަމަ އެންމެ ދިވެއްސެއްވެސް ނެތްތޯ ޝައްކުކުރެވޭ؟
ވަހީދު
27 July 2021
ބިދޭސި މީހާ ހަދާނަހަދާ ބަލާނެ މީހެއް ނެތީތަ؟
ތަހުގީގު
27 July 2021
މީއަނެއް ވައްކަން. އަޑުހަރުކޮށް ގޮވާލަން މިފައިސާއަށް ވީގޮތް ހޯދަން ފުރިހަމަކޮށް ތަހުގީގުކކުރަން. ކޮންމެހެން އެބަންގާޅަމީހާ ފަހަތުން ހަމައެކަނި ދުވުމުގެ ބަދަލުގައި ފައިނޭންޝަލް މެނޭޖަރުންނާއި ސުވާލުކުރެވެން ޖެހޭނެ.
ކޮރަލް
27 July 2021
250 ޑޮލަރު ލިބޭ ބިދޭސީ މީހާ 1500 ޑޮލަރު މަހަކު ރަށައް ފޮނުވާ އިރު ސުވާލު ކޮށްލާނެ ބޭންކް އެއް މުއަށް ސަސާ އެއްނެތެވެ.