ކުރީގެ ނައިބު ރައީސް ޖަމީލް: އޭނާ މަގާމުން ދުރުކުރި މައްސަލާގެ ހުކުމް އަންނަ ބުރާސްފަތި ދުވަހު އިއްވަން ސުޕްރީމް ކޯޓުން ވަނީ ހަމަޖައްސާފައި --- ފޮޓޯ/މިހާރު
10 އޯގަސްޓް 2021 - 16:41
8 comments
ކުރީގެ ނައިބު ރައީސް ޑރ. މުހައްމަދު ޖަމީލް އަހުމަދު އެ މަގާމުން ވަކިކުރި މައްސަލާގެ ހުކުމް އަންނަ ބުރާސްފަތި ދުވަހު އިއްވަން ސުޕްރީމް ކޯޓުން ހަމަޖައްސައިފި އެވެ.
ކުރީގެ ރައީސް އަބްދުﷲ ޔާމީންގެ ވެރިކަމުގައި ނައިބު ރައީސަކަށް ޖަމީލް ހުންނަވަނިކޮށް އޭނާ މަގާމުން ވަކިކުރީ ރައްޔިތުންގެ މަޖިލީހުން ނެގި އިތުބާރު ނެތްކަމުގެ ވޯޓަކުންނެވެ. އޭރު ޕީޕީއެމްގެ އަޣުލަބިއްޔަތު އޮތް މަޖިލީހުން އެގޮތަށް ފާސް ކުރީ އޭރުގެ އިދިކޮޮޅު ފަރާތްތަކާ ގުޅިގެން ޖަމީލް މަސައްކަތް ކުރެއްވި ކަމަށް ތުހުމަތުކޮށެވެ. އެ މައްސަލާގައި ދައުލަތާ ދެކޮޅަށް ޖަމީލްގެ ފަރާތުން ސުޕްރީމް ކޯޓަށް މައްސަލަ ހުށަހެޅީ 2019 ވަނަ އަހަރު އެވެ. މިއީ ރާއްޖޭގެ ނައިބު ރައީސަކު މަގާމުން ދުރުކުރި މައްސަލައެއް ކޯޓަކުން ބަލާ ފުރަތަމަ ފަހަރެވެ.
ސުޕްރީމް ކޯޓުގެ ފަސް ފަނޑިޔާރުންގެ ބެންޗަކުން ބައްލަވާ އެ މައްސަލާގެ އަޑުއެހުންތައް އެ ކޯޓުން ނިންމާލީ މިދިޔަ ފެބްރުއަރީ މަހު އެވެ. އެ މައްސަލާގެ ހުކުމް އިއްވަން ހަމަޖައްސާފައިވަނީ އަންނަ ބުރާސްފަތި ދުވަހު ހެނދުނު އެވެ.
އެ މައްސަލަ ބައްލަވަނީ އުއްތަމަ ފަނޑިޔާރު އަހުމަދު މުއުތަސިމް އަދުނާނާއި ފަނޑިޔާރު އަޒްމިރަލްދާ ޒާހިރާއި ފަނޑިޔާރު އަލީ ރަޝީދު ހުސައިނާއި ފަނޑިޔާރު ޑރ. މުހައްމަދު އިބްރާހިމްގެ އިތުރުން ފަނޑިޔާރު އައިޝާ ޝުޖޫން މުހައްމަދެވެ.
ނައިބު ރައީސް ކަމުން ވަކި ކުރެއްވުމުން އަމިއްލައަށް އަރުވާލެއްވިގެން އިނގިރޭސިވިލާތުގައި ހުންނަވައިގެން ޔާމީންގެ ސަރުކާރާ ދެކޮޅަށް ގިނަ މަސައްކަތްތަކެއް ޖަމީލް އޭރު ކުރެއްވި އެވެ. އަދި ރައީސް އިބްރާހިމް މުހައްމަދު ސޯލިހް ވެރިކަމަށް ގެންނަން ވެސް އޭނާ މަސައްކަތް ކުރެއްވި އެވެ. އެކަމަކު މިހާރު އޭނާ ގެންދަވަނީ ޕީޕީއެމްއާ އަލުން ގުޅިވަޑައިގެން، ސަރުކާރާ ދެކޮޅަށް މަސައްކަތް ކުރައްވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފައިސަލާ
11 August 2021
ތިޔަ މައްސަލަ ކޮންމެ ގޮތަކަށް ނިމުނަސް އޭގެ ޒިންމާ ނަގަންޖެހޭނީ އޭރުގައި އޮތް ރައްޔިތުންގެ މަޖުލިހުން! ސަބަބަކީ ރައްޔިތުންގެ މަޖިލީހަކީ ދައުލަތުގެ ތިން ބާރުގެ ތެރެއިން އެއް ބާރަށް ވެ މަޖިލީހުން ނިންމި ނިންމުމަކަށް ވާތީއެވެ. ސ ކޯޓުން ނިންމާ ގޮތަކުން އޭގެ ޒިންމާ ނަގަންޖެހޭނީ އޭރުގެ ރައީސުލްޖުމްހޫރިއްޔާ އޭ ކިޔައިގެން ވަކާލާތުކުރާމީހުން، މިހާރުގެ މަޖިލީހުން ނިންމާ ނިންމުންތަކަށް މިހާރުގެ ރައީސުލްޖުމްހޫރިއްޔާ ޒިންމާ ވާން ޖެހޭނެކަމަށް އެއްބަސް ވާނެބާ؟
އިމްރާން ޢަބުދުﷲ 22
10 August 2021
ޖަމީލަށް އަބަދުވެސް ލިބެނީ ދެމީދާފެހި ބުޅަލަށް ލިބޭ ލަނޑު. ޔާމީން ޖަމީލުގެ ބޭނުންކުރަނީ ވަރަށް ސްމާޓްކޮށް!
ޖަބްރޯލް މޯޑޭ ގެ 10 ވަނަ ފުލޯ
10 August 2021
ނައިބް ކަން ރުޖޫ ކުރަން ޖެހޭނީ.
ސަކީނާއްތަ
10 August 2021
ޖަމީލް ސިޔާސީދާއިރާގައި މަސައްކަތްކުރެއްވި 18 އަހަރުތެރޭ ޖަމީލްއަށް އެއްމެ ސަޕޯރޓް ގިނަވީީ ހަސަން ސައީދާއެއްކޮށް ނިއު މޯލްޑިވްސް މަސައްކަތްކުރެއްވި ދުވަސްވަރު. އެކަމަކު މިހާރު ފެއްްނަނީ ރައްޔިތުން ގެ ތާއީދް ގެއްލިފައިވާ މީހެއްގެ ގޮތުގައި.
ޢަލި ޒަމީރު
10 August 2021
ވީޕީ ޖަމީލަށް އިންސާފު ލިބޭނެ ކަމަށް އުންމީދު ކުރަން. ބެސްޓް އޮފް ލަ ކް
ގަދަހަސަނު
10 August 2021
މަގަބޫލުކުރާގޮތުގާ ޖަމީލަކީ ބޯގޯސްބޭފުޅެއް. އޭނާ ކަނޑާއެއްލާލިމީހުންނަށް ބައިތުހިފައިގެންހުރެ މިހާރު އެއުޅެނީ ދައުލަތް ލޫޓުވާލަން. މީ އެއްގޮތަކަށްވެސް ބަލައިގަނެވޭނެކަމެއްނޫން. އެކަމަކު ބަލައިގަންނަމީހެއް ހަމަ ބަލައިގަންނަންވީ. އެއަކު މަގޭ މައްސަލައެއްނެތް.
ލީލާ ބަންސާލީ
10 August 2021
ބަލަ ޔާމީނުއަތުން ތިހޯދާއެއްޗެއް ހޯދަބަލަ. ޔާމީނޭ ކަލެެއަށް ހެދިއެއްޗެއް ހެދީ.
ހައިރާން
10 August 2021
ސުޕްރީމް ކޯޓުން ޖަމީލުއާ އެއްކޮޅަށް މައްސަލަ ނިމިއްޖެނަމަ އެއީ މިހާރު އެމީހެއްގެ ދިފާއީ ވަކީލެއްގެ ގޮތުގަ ޖަމީލު މަސައްކަތް ކުރަމުންދާ ޔާމީނާ ދެކޮޅަށް ނިންމާނެ ނިންމުމެއް. އޭރުން ކޯންޗަކަށް އެވީ؟ ޖަމީލުއާ ދެކޮޅަށް މައްސަލަ ނިމިއްޖެނަމަ ޖަމީލު ޔާމީނުގެ ދިފާއީ ވަކީލެއްގެ ގޮތުގަ މަސައްކަތް ކުރާނެބާ؟؟