ފޭކް އެކައުންޓްތައް ވެރިފައިކުރެވޭ މައްސަލަ މި ފަހުން ވަރަށް ބޮޑުވެ، ގިނަ ބައެއްގެ ޝަކުވާތައް އިތުރުވުމާ ގުޅިގެން ޓްވިޓާ އިން ވެރިކޭފިކޭޝަން ޕްރޮސެސް ވަގުތީގޮތުން މަޑުޖައްސާލައިފި އެވެ،
ޖެކް ޑޯޒީގެ ޓްވީޓާ އިން ބުނީ ވެރިފިކޭޝަނަށް އެޕްލައިކުރުމާއި ރިވިއު ޕްރޮސެސް މިހާރު ކުރިއަށް ގެންދާތީ މި ވަގުތު އެއްވެސް އެކައުންޓަކަށް ވެރިފައި ބެޖް ނުދޭނެ ކަމަށެވެ.
ޓްވިޓާ އިން ބުނީ ވެރިފިކޭޝަން ޕްރޮސެސް ހަރުދަނާކުރަން މަސައްކަތްކުރަމުން އަންނާތީ، ކެތްތެރިކަމާ އެކު ތިބުމަށް އެދޭ ކަމަށެވެ. އަދި މި ވަގުތު ވެރިފައި ނުކޮށްދިނަސް މާޔޫސް ނުވުމަށާއި މިއީ ހެޔޮ ބަދަލުތަކެއް ގެނައުމުގެ މަރުހަލާއެއް ކަމަށް ބުންޏެވެ. ޓްވިޓާ އިން 2017 ގައި ވެސް ވެރިފިކޭޝަން ޕްރޮސެސް މަޑުޖައްސާލި އެވެ..
ޓްވިޓާ އަކީ ސޯޝަލް ޕްލެޓްފޯމްތަކުގެ ތެރެއިން އެންމެ މަގުބޫލު އެކައްޗެކެވެ. އެ ބޭނުންކުރާ މީހުންގެ އަދަދު 199 މިލިއަނަށް އަރަ އެވެ.