މަޑަވެލި-ހޯޑެއްދޫ ކޯޒްވޭ ނަގަން ހޯޑެއްދޫ ކައުންސިލުން އެދިއްޖެ

މަޑަވެލި-ހޯޑެއްދޫ ކޯޒްވޭ ސަރަހައްދު މިހާރު އޮންނަ ގޮތް.-- ފޮޓޯ: ހޯޑެއްދޫ ކައުންސިލް

އިފްރާޒް އަލީ، މިހާރު

26 އޯގަސްޓް 2021 - 12:56

މަޑަވެލި-ހޯޑެއްދޫ ކޯޒްވޭގެ ސަބަބުން ގދ. ހޯޑެއްދޫ އަށް ބޮޑެތި ގެއްލުންތަކެއް ވަމުން ދާ ކަމަށް ބުނެ، އެ ކޯޒްވޭން ނަގަން ނިންމައި އެ މަސައްކަތް ކޮށްދިނުމަށް ޕްލޭނިން މިނިސްޓްރީގައި އެދިފައިވާ ކަމަށް ހޯޑެއްދޫ ކައުންސިލުން މިއަދު ބުނެފި އެވެ.

ހޯޑެއްދޫ ކައުންސިލްގެ ރައީސް ހުސެއިން ވާރިޝް "މިހާރު" އަށް ވިދާޅުވީ ދިޔަވަރު ބޮޑުވާ ކޮންމެ ދުވަހަކު، މި ކޯޒްވޭގެ ސަބަބުން ހޯޑެއްދޫގެ ބޮޑު ބަޔަކަށް ލޮނު އަރައި، އެ ރަށުގެ ބިމަށް ބޮޑެތި ގެއްލުންތަކެއް ވަމުންދާ ކަމަށެވެ. މި މައްސަލަ ހައްލުވާން އޮތީ ކޯޒްވޭ ކަނޑާލައިގެން ނަގައިގެން ކަމަށް އޭނާ ވިދާޅުވި އެވެ.

"ގާތްގަނޑަށް ހޯޑެއްދޫގެ ބިމުގެ 20 ޕަސެންޓް މިހާރު އެ އޮތީ ހަލާކުވެފައި. އެތަނުގައި ގުދުރަތީ ދިރުންތައް ވެސް ނެތިގެން ހިނގައްޖެ،" ވާރިޝް ވިދާޅުވި އެވެ.

މި މައްސަލަ ހައްލުކުރުމަށް އެކި ފަހަރު މަތިން ކަމާބެހޭ އިދާރާތަކާ އެކު މަޝްވަރާކުރެވުނު ނަމަވެސް، މިހާތަނަށް ހައްލެއް ލިބިފައިނުވާތީ، ކައުންސިލާއި ރަށުގެ ރައްޔިތުންގެ ގިނަ ކަންބޮޑުވުންތަކެއް ހުރި ކަމަށް އޭނާ ވިދާޅުވި އެވެ.

މަޑަވެލި-ހޯޑެއްދޫ ކޯޒްވޭ ސަރަހައްދު މިހާރު އޮންނަ ގޮތް.-- ފޮޓޯ: ހޯޑެއްދޫ ކައުންސިލް

މަޑަވެއްޔާއި ހޯޑެއްދޫ ގުޅަައިލުމަށް ކުރީގެ ރައީސް އަބްދުﷲ ޔާމީންގެ ސަރުކާރުން ހިންގި ޕްރޮޖެކްޓަށް ބޮޑު ހަރަދެއް ކޮށްފައި ވަނިކޮށް، އެ ދެ ރަށުގެ ތިމާވެއްޓަށް އޭގެ ސަބަބުން ބޮޑެތި ގެއްލުންތަކެއްވެ، ކޯޒްވޭ ވެސް ބޭނުން ނުކުރެވޭތީ އެކަމުގައި އިހުމާލުވި ފަރާތްތަކުގެ އަތުން ބަދަލު ހޯދުމަށް ރައްޔިތުންގެ މަޖިލީހުން މިދިޔަ އަހަރު ފާސްކޮށްފައި ވެސް ވެ އެވެ.

މި މައްސަލައާ ގުޅޭ ގޮތުން މަޖިލީހުގެ އެންވަޔަރްމެންޓް އެންޑް ކްލައިމެޓް ޗޭންޖް ކޮމިޓީން އެކުލަވައިލި ރިޕޯޓުގައި ބުނެފައިވާ ގޮތުގައި މި މަޝްރޫއު ކުރިއަށް ގެންގޮސްފައި ވަނީ އީޕީއޭގެ ރިކޮމެންޑޭޝަންތަކާ އެއްގޮތަށް ނޫން ކަމަށާއި މި މަޝްރޫއުގެ ސަބަބުން ލިބޭ ގެއްލުންތަކާ ހެދި ދެ ރަށުގެ ރައްޔިތުންނަށް ބިރުވެރިކަމެއް ކުރިމަތި ވެފައިވާ ކަމަށެވެ.

މި މަޝްރޫއު ކުރިއަށް ގެންދިއުމުގައި ކުރީ ސަރުކާރުގެ ހައުސިން މިނިސްޓްރީން ބޮޑެތި އިހުމާލުތަކެއް ވެފައިވާ ކަމަށް ވެސް އެ ރިޕޯޓުގައި ބުނެފައިވެ އެވެ.

Madaveli - Hoadehdhoo course way project ge gellumuge badhalu hoadhan edhevidhaane kamah faaskoffi

The most trusted news source in the Maldives

Mihaaru

ދައުލަތުގެ ބަޖެޓުން 29 މިލިއަން ރުފިޔާ ހަރަދު ކޮށްގެން، 2016 ގައި ހަދަން ފެށި މި ކޯޒްވޭގެ ދިގުމިނުގައި 440 މީޓަރު އަދި ފުޅާމިނުގައި ހަތް މީޓަރު ހުރެ އެވެ. މަޑަވެއްޔާއި ހޯޑެއްދޫ ގުޅައިލާފައި ވަނީ، އެ ދެމެދުގައި އޮންނަ ހާދޫ ކިޔާ ފަޅުރަށެއް ހިމަނައިގެން، އެ ރަށާ އެކު އެވެ.

މި ކޯޒްވޭގެ ސަބަބުން ދެ ރަށް ގިރާތީ ރައްޔިތުން ނުކުމެ އެއްފަހަރު ކޯޒްވޭ އިން ބައެއް ކަނޑައި ވެސް ލި އެވެ. މަޖިލީހުން ފާސްކުރި ރިޕޯޓްގައި ބުނެފައިވާ ގޮތުން، ކޯޒްވޭ އަށް ފަހުން ކުރަން ޖެހުނު ހަރަދުތަކާ އެކު، އެ ޕްރޮޖެކްޓްގެ އަގު 31 މިލިޔަން ރުފިޔާ އަށް ވުރެ މަތިވެފައިވެ އެވެ.

ގދ. ހޯނޑެއްދޫ ގދ. މަޑަވެލި މަޑަވެލި ކޯޒްވޭ މަޝްރޫއު ނޭޝަނަލް ޕްލޭނިން މިނިސްޓްރީ

14 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކިޔު

28 August 2021

ތިމާވެއްޓަށް ގެއްލުން ލިބޭ ގޮތަށް މިފަދަ މަސައްކަތްކުރުމަކީ ހިތާމަހުރި ކަމެއް. ރަށްތައް ފަނާވެ، ހަޑިވެ، ނެތިދަނީ..މިފަދަ ކަންކަން ބައެއްފަހަރު ކުރަނީ އެކަމުގެ ތެރެއިން ކޮންމެވެސް ބަޔަކު މަންފާ ގަނޑެއް ހޯދަން ވެގެން. ކޮންމެހެން ރައްޔިތުންނަށް ރަނގަޅަކަށް ނޫންކަމަށް ބައެއްމީހުން ބުނާ އަޑު އަހަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެޓް

26 August 2021

ތީ ހިނގާލާފަ ދެވޭހާވެސް ކައިރި ރަށް ތަކެއް، މީ ދެން ކޮން ކަމެއް؟ . ފަރުތަކާމެދު ވިސްނާލައްވާ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފުޅުދެވަނަ

27 August 2021

ރާއްޖެތެރޭގެ ރަށެއްގަ ކަމެއްކުރަން ވެއްޖެއިޔާ ދުނިޔޭގެ ތިމާވެށި ހަލާކުވެ އިންސާނިއްޔަތު ނެތިދިއުމުގެ ބިރާ ކުރިމަތިވޭ. މާލޭގެ ފަރުމަތީގަ ތޮށިލީމަ ވީކަމެއްނެތް، ބަހެއްބުނި މީހަކުވެސް ނެތް. ހުޅުލޭފަރު ހިއްކީމަ ވީކަމެއްނެތް. ގުޅިފަޅު ހިއްކީމަ ވީކަމެނެތް. ތިލަފަޅު ހިއްކީމަ ވީކަމެއްނެތް. އެނބޫދޫ ފިނޮޅު ހިއްކީމަ ވީކަމެއްނެތް! މީ އަޅެ އަރަތެއްނޫންތަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފުތާ

26 August 2021

ހުސް ސިޔާސީ ޑްރާމާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފުރާސިޔާބު

26 August 2021

މި މައްސަލައަކީ ބީޖޭޕީ އަކާ އިންޑިއާ އަކާ ނުވަތަ ޗައިނާ އަކާ ގުޅޭ މައްސަލައެއްނޫން. މިމައްސަލަ ކުރިމަތިމިވީ ރާއްޖެތެރޭގެ ރަށްރަށާ މެދު ސަރުކާރުތަކުން ގެންގުޅޭ ތަފާތު ކުރުންތަކުގެ ނަތިޖާއެއްގެ ގޮތުން ނުކުތް މައްސަލައެއް. މާލެ ވެއްޖެއްޔާ ދިވެހި ރައްޔިތުން (ރާއްޖެތެރޭގެ މީހުންވެސް ހިމެނޭ ގޮތުން) ދަރުވާ ލާފައި ނަގާ ލޯނުނަގައި ކަންކުރާނެ. ރާއްޖެތެރެވިއްޔާ ޚަރަދު ކުރެވެންނެތިގެން ކުކުޅުހާވާގޮތަށް ހާވާލުމުގެ ނަތީޖާ މިހާރު ތިފެނުނީ. ތަފާތުކުން ވަރަށްބޮޑު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފުޅުދެވަނަ

26 August 2021

"ރާއްޖެތެރެ" ރަށެއްނޫން. އެރައްރަށުގަ ޚަރަދުކޮށްގެން ކަމެއްކުރިޔަސް ކުރަންވާނީ ފާޅުންވެލިނަގައިގެން ވެލިފުނިޖަހަިގެން. ސަހަނރޯހީވެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިކަމެތިރައްޔިތުމީހާ

26 August 2021

ތި ތަނަށް 31 މިލިއަން ދިޔައީ ރަނާއި ރިހިން ހަދައިގެންތަ؟ ހެޔޮ ނުވާނެ ތިއީ އަހަރަމެން ރެޔާއި ދުވާލު ދާ އޮހޮރައިގެން ހޯދާ ފައިސާއޭ! ހިތަށް އެރި ގޮތަކަށް ތަޅާ ނުބުރުވަ ބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަނިކެ

26 August 2021

ސިޔާސީނު... އެކޯޒްވޭ ދަށުން އޮއިދެމޭ ގޮތަށް ހިއްލާލުމުން ތިމައްސަލ ހައްލު ނުކުރެވޭނެ ބާ؟ ހެދިބަޔަކު ގޯސް ހެދުމުގެ ސަބަބުލް ލިބުނު ގެއްލުން ކުޑަކުރެވޭތޯ ބަލަން ޖެހެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަވާސާހަބޭސް

26 August 2021

ބުރިޖަކުން ގުޅާލަން ޖެހޭނީ މިމަސައްކަތް ކުރެވޭނީ ހމައެކަނި އިންޑިޔާގެ ބީޖޭޕީގެ ވެރިންނަށް ފައިސާދޭ އިންޑިޔާ އަދި ދިވެހި ކުންފުންޏަކުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޑަހަންޖާ

26 August 2021

ނަސްލީ އިމްތިޔާޒު ހިމެނޭ މިކަހަލަ ކަންކަމާ ދެކޮޅަށް ރަށްރަށު ރައްޔިތުން ނިކުންނަންއެބަޖެހޭ. ކ.ހުޅުމާލޭ އަލަށް ހިއްކިތަނުގަ ތިމާވެއްޓެއް އެބައޮތޭކިޔާފަ ހިއްކާފައޮތްތަނެއް ކޮނެގެން 1،300 މިލިއަން ރުފިޔާއަށް 4 ބުރިޖުއަޅާފަ އެއޮތީ. އެހެންރަށްރަށުގަ ތިމާވެށި ނެތިގެން ދެތިންލައްކަ ރުފިޔާއަށް ފަސްފުންޏެއްޖަހާ ގުޅުވާލަނީ. ހަމައެގޮތަށް ކ.ވިލިނގިލީގަ ތިމާވެއްޓެއް އޮވެގެން ފަޅުހިއްކައިގެންނުވޭ، އެހެންރަށްރަށުގަ ފަޅެއް އޮތިއްޔާ ފަރުމައްޗާއެކީ ހިއްކާލަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު1

26 August 2021

"ނަސްލީ އިމްތިޔާޒު"؟؟ އަހަރެން ހީކުރީ ހުރިހާ ދެވިހިންނަކީވެސް އެއް ނަސްލެއްކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝިއަލް

26 August 2021

ނިމިދިޔަ ސަރުކާރުން ކުރިކަމަކަށްވީމަ ކަމުނުދަނީ ދޯ.ހެހެހެހެހެ.ހަގީގަތަށް ވާހަކަ ދައްކަން ހިނގަފެލެ ދީ.ހޯޑެއްދޫ އަކީ 1980ގެ އަހަރަތަކި އަހަރެންގެ މާމައާއި އެކީ ކަނޑުދަތުކުރި (އައްޑޫ-މާލެ-އައްޑޫ) އިރު ވިއްސާރަވެ ގަދަވެގެން މަޑުކުރި ރަށެއް.ވ.ވެދުން