ރާއްޖެ އަށް ކޮކެއިން އެތެރެކުރާ މިންވަރު އިތުރުވެއްޖެ

ރައްޔިތުންގެ މަޖިލީހުގެ ޕެޓިޝަން ކޮމިޓީން މިއަދު ބޭއްވި ބައްދަލުވުމުގައި އެސިސްޓެންޓް ކޮމިޝަނާ އޮފް ޕޮލިސް ރިޔާޒު ބައިވެރިވެވަޑައިގަންނަވަނީ.-- ފޮޓޯ: އަހުމަދު އަވްޝަން/ މިހާރު

އާސިމާ ނިޒާރު، މިހާރު

07 ސެޕްޓެމްބަރ 2021 - 20:51

11 comments

މަސްތުވާތަކެތީގެ އަގުބޮޑު ބާވަތެއް ކަމަށްވާ ކޮކެއިން ރާއްޖެ އެތެރުކުރާ މިންވަރު އިތުރުވެފައިވާ ކަމަށް ފުލުހުން މިއަދު ބުނެފި އެވެ.

ނޭޝަނަލް ޑްރަގް އެޖެންސީ (އެންޑީއޭ) ބަދަލުކުރުމަށް ގޮވާލައި "ހޭންޑްސް ޓުގެދާ" އިން ހުށަހެޅި ޕެޓިޝަނާ ގުޅޭގޮތުން މަޝްވަރާކުރުމަށް ރައްޔިތުންގެ މަޖިލީހުގެ ޕެޓިޝަން ކޮމިޓީން ބޭއްވި ބައްދަލުވުމުގައި އެސިސްޓެންޓް ކޮމިޝަނާ އޮފް ޕޮލިސް މުހައްމަދު ރިޔާޒު ވިދާޅުވީ ސިންތެޓިކް ޑްރަގްސް ނުވަތަ ކެމިކަލް ބޭނުންކޮށްގެން އުފައްދާ މަސްތުވާތަކެތި ރާއްޖެ އެތެރެކުރާ މިންވަރު ފާއިތުވި ދެ އަހަރު ކަންބޮޑުވާ މިންވަރަކަށް އިތުރުވެފައިވާ ކަމަށެވެ. އޭގެ ތެރޭގައި ކޮކެއިން ހިމެނޭކަމަށް އޭނާ ވިދާޅުވި އެވެ.

ރިޔާޒު ވިދާޅުވީ މީގެ ދުވަސްތަކެއް ކުރިއާ އަޅާބަލާއިރު ކޮކެއިން އަކީ ރާއްޖޭގައި އެހާ އާއްމުކޮށް ބޭނުންކުރާ އެއްޗެއް ނޫން ކަމަށެވެ. ނަމަވެސް، މިހާރު ވަރަށް ކައިރި ކައިރީގައި ކިލޯއަށްވުރެ ގިނައިން ކޮކެއިން އެތެރެކުރާ ކަމަށް، ކަމާގުޅުން ހުރި ހުރިހާ އިދާރާއަކުން ބައިވެރިވި ބައްދަލުވުމުގައި އޭސީޕީ ވިދާޅުވި އެވެ.

އޭނާ ވިދާޅުވި ގޮތުގައި އެގޮތަށް ކޮކެއިން ގެނެސްފައި ވަނީ ޓްރާންސިޓް ޕޮއިންޓެއްގެ ގޮތުގައި ރާއްޖެ ބޭނުންކޮށްގެންނެވެ.

އެންޑީއޭ ބަދަލުކުރުމަށް ގޮވާލައި ހުށަހެޅި ޕެޓިޝަނާ ގުޅޭގޮތުން މަޝްވަރާކުރުމަށް ރައްޔިތުންގެ މަޖިލީހުގެ ޕެޓިޝަން ކޮމިޓީން ބޭއްވި ބައްދަލުވުމުގައި ބައިވެރިވެވަޑައިގެންނެވި ބައެއް ބޭފުޅުން.-- ފޮޓޯ: އަހުމަދު އަވްޝަން/ މިހާރު

ފާއިތުވި ދޮޅު އަހަރުގެ ތެރޭގައި ރާއްޖެ އަށް އެތެރެކުރަން އުޅުނު 1،000 ކިލޯގެ މަސްތުވާތަކެތި އަތުލައިގެންފައިވާ ކަމަށް ފުލުހުން ބުންޏެވެ. އޭގެ ތެރޭގައި ބޮޑެތި އޮޕަރޭޝަންތަކުން އަތުލައިގަތް މަސްތުވާތަކެތި ހިމެނުނަސް މާކެޓުގައި މަސްތުވާތަކެތީގެ އަގަށް ބަދަލެއް ނާންނަ ކަމަށް ރިޔާޒު ވިދާޅުވި އެވެ.

ލިބިފައިވާ މައުލޫމާތަށް ބަލާއިރު، ރާއްޖެ އަށް ކޮކެއިން އެތެރެކުރަން ފެށީ 2013 ހިސާބުގަ އެވެ. މިހާރު އެ ބާވަތުގެ މަސްތުވާތަކެތި އެތެރެކުރާ މިންވަރު އިތުރުވެފައިވާއިރު، ކޮކެއިން ގިނައިން ބޭނުންކުރަނީ ޕާޓީކުރަން ކަމަށް އެނގިފައިވެ އެވެ. ހާއްސަކޮށް ހަފުތާ ބަންދާ ދިމާކޮށް، ބުރާސްފަތި ދުވަހުގެ ރޭ ކޮކެއިން ބޭނުންކުރާ މީހުން ގިނަ އެވެ.

ރާއްޖެއިން އެންމެ ގިނައިން ބޭނުންކުރާ މަސްތުވާތަކެތީގެ ބާވަތަކީ ހެރޮއިން ނުވަތަ ހަކުރެވެ. އައްޑާތަކުން އޭގެ ޕީސްކޮޅެއް 20ރ. އަށް ލިބޭއިރު ބައެއް ތަންތަނުން 50-100ރ. އަށް ވެސް ވިއްކަ އެވެ. ކޮކެއިންގެ އެއް ގްރާމް ވެސް ރާއްޖޭގައި މި ވަގުތު ލިބެން ހުރީ 2000ރ. އަށެވެ.

ކޮކެއިން އެތެރެކުރާ މިންވަރު އިތުރުވަމުންދާއިރު، މަސްތުވާތަކެތީގެ ނުރައްކާތެރި ބާވަތެއް ކަމަށްވާ މެތު ބޭނުންކުރާ މިންވަރު އިތުރުވަމުންދާ ކަމަށް ވެސް ފުލުހުން ބުންޏެވެ.

އެ ކޮމިޓީގައި ޖެންޑާ މިނިސްޓަރު އައިޝަތު މުހައްމަދު ދީދީ ވިދާޅުވީ، މެތު އެތެރެކުރުން ކޮންޓްރޯލްކުރަން 2007 ހިސާބުގައި ފިޔަވަޅުތަކެއް އެޅި ކަމަށެވެ. ނަމަވެސް މިހާރު އެއަށްވުރެ ހަރުކަށި ފިޔަވަޅު އަޅަންޖެހޭ ކަމަށް އޭނާ ވިދާޅުވި އެވެ.

މަސްތުވާތަކެތި އާއިޝަތު މުހައްމަދު ދީދީ (ޖެންޑާ މިނިސްޓަރު)

11 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ތުނިޔަ

09 September 2021

ޢެތެރެ ކުރާނީ ހުއްދަ އޮންނަ މީހުންނެއްނު! އަހަރުންނަކަށް ތިކަމެއްނުވާނެ ގައުމުވެސް.. ހުއްދަ ނެތީމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯނެއްހިމާރު

08 September 2021

މިނިސްޓަރު މެތު ކޮންޓްރޯލް ކުރަން 2007 ގަި ފިޔަވަޅު އެޅިއޭ ބުނުމުން ހީވަނީ މިޑްރަގް ވިޔަފާރިއަކީވެސް ރެގިއުލޭޓް ކުރެވިގެން ހިންގާ ވިޔަފާރިއެއް ގޮތަށް. މިއީ ސަރުކާރުތަކުގެ ވެރީން ލެވެލްގައި ތިއްބަވާ ބޭބޭފުޅުންގެ ބަސްމަގު ހުރިގޮތް ކަމުގައިވާނަމަ މަމެން މިއޮތް ފަރަށް އުރި ނިމެނީ. ވައްކަން ކުރުމާއި މަގުފޭރުން ރެގިއުލޭޓް ކުރަން މަސައްކަތް ކުރަނީއޭވެސް ބުނެފާނެ ތޯއްޗެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަދާލް

08 September 2021

މަ ހީކުރީ އަހަރުން ކޮއްކޮ މިކަމުގެ ތުހުމަތުގަ ހުކުން ނުކޮށް 2 އަހަރު ޖަލުގަ ތަޅުވަނީ މިދޮރު ބަންދުވީކަމަށް.. ސުބްހާނަﷲ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

07 September 2021

އެތެރެ ކުރާ ވަރު އިތުރު ވާނެ އެވެ. އަތުލައިގަތީމަ ދެން ވާނެ ގޮތް ވެސް އެމީހުންނަށް އެނގެ އެވެ. އެހެން ވެ ބިރަކާ ނުލާ އެތެރެ ކުރާ މީހުން އުޅެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެލެކޮސް އޮބި

07 September 2021

ދިވެހިގައުމާއި ދިވެހިވަންތަކަމާއި މާތްވި އިސްލާމީ އުސޫލުތައްވީދި ހަފުސުވެއްޖެއެވެ. ޖެހުނުތާކުން ހަރާމެއް ހަލާލެއްނުބަލާއި ކައިބޯނަގަނީއެވެ. ޅަދަރިންގެ އަހުލާގާއި އުޅުން އިސްލާމްދީނާ ބީރައްޓެހިވެއްޖެއެވެ. ގައުމިއްޔަތާ ދޭތެރޭ ތެދުވެރިކަމާއި އެކު ވިސްނާމީހެއްގެ ހިތްހަލާކުވާހާވެއެވެ. މިވަރުވާއިރުވެސް ގައުމުގެއްލިދާން ދޫކޮށްލައިގެން ޒަމާނީ ކޮފީތަކާއި ގޭމުގެ އަވާގައި ޖެހި ތިބެންވީހެވެ. ގައުމީވަންތަކަން ރައްކާކުރަން ތެދުވަންވީ ވަގުތު ނުޖެހޭހެއްޔެވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރުވާލިބާގިރުގެ ސިޔާސީ ކާސިމު

07 September 2021

ރާއްޖެއަކީ ކުއްވެރިން ރެކޯޑުހަދަން ދޫކޮށްފައިހުންނަ ގައުމެއް. އެކަމަކު ނަމުން %100.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިދަނީ

07 September 2021

ބާރަށް ބާރަށް ކުރިއަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރާނަމޭ

07 September 2021

ފުލުހުން ދައްކާ ވާހަކަ މިހާރު ގަބޫލުކުރަން ޖެހޭނީ ވަރަށް ބޮޑަށް ވެރިފައި ކޮށްފައޭ މިރާއްޖޭގެ ފުލުހުންގެ މުވައްސަސާގެ އަގު ވަނީ ވެއްޓިފައޭ ފުލުހުންގެ މުވައްސަސާ އުވާލާ އެތަން ހިންގަންވީ ޑިފެންސްގެ ބެލުމުގެ ދަށުންނޭ ޔަގީނޭ ހުރިހާ ގޮތަކުން ވެސް މާލެ އަމާން ވާނެ ކަން ޔަގީނޭ ޔަގީނޭ ޔަގީނޭ މަމެން ޕިންކީންގެ ވެރިކަމެއްގައި މަމެން މިކަން ކުރާނަމޭ ކުރާނަމޭ ކުރާނަމޭ ކުރާނަމޭ ކުރާނަމޭ ޑާންސް ޑާންސް ޑާންސް...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަާންނު

08 September 2021

މިހާރު ހުރި ހޯމްމިނިސްޓަތު ބަދަލު ކުރަންފެނޭ ކަމަކުނުދޭ އެމަގާމަކަށް ކުފޫ ހަމަ ނުވޭ ރަގަޅުވާނީ ޤުރުއާނާ ބެހޭ މަރުކަޒު ހަވާކޮށްފައި ބަހައްޓަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑިސްއޮނަރަބަލް ޑީޑީ

07 September 2021

ޑިމާންޑުއޮތިއްޔާ އެތެރެކުރާނެ. ޖީލުމިއޮތީ އެއްކޮށް ހަލާކުވެފާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

07 September 2021

ތިޔައީ ދަކަން ބޭނުންވާ ވާހަކައެއް ނޫން އަދި ތިޔައީ އަހަރެމެން އަޑު އަހަން ބޭނުންވާ ވާހަކައެއްވެސް ނޫން. މަސްތުވާތަކެއްޗަށް އޮތް ޑިމާންޑް ކުޑަ ނުކުރެވޭހާ ހިނދަކު އެތެކުރުން މަދެއް ނުކުރެވޭނެ.