ޚަބަރު / އަބްދުﷲ ޝާހިދު (ކުރީގެ ފޮރިން މިނިސްޓަރު)

ރާއްޖެ އަށް ތާރީހީ ކާމިޔާބުގެ ވަގުތުކޮޅު: ޝާހިދު މިރޭ ރިޔާސަތުގައި

ޝާހިދު އާއްމު މަޖިލީހުގައި: ރިޔާސަތާ މިރޭ ހަވާލުވެވަޑައިގަތުމަކީ ރާއްޖެ ތާރީހީ ކާމިޔާބުގެ ވަގުތުކޮޅެއް.

ފަޒީނާ އަހުމަދު، މިހާރު

14 ސެޕްޓެމްބަރ 2021 - 12:02

ބޮޑެތި ބާރާއި ނުފޫޒު ގަދަ ގައުމުތަކުގެ މައްޗަށް ފަހުރުވެރި ކާމިޔާބެއް ދިވެހި ރާއްޖެ އިން ހޯދާފައިވާ އދ.ގެ އާއްމު މަޖިލީހުގެ ރިޔާސަތާ ފޮރިން މިނިސްޓަރު އަބްދުﷲ ޝާހިދު މިރޭ ހަވާލުވެވަޑައިގަންނަވާނެ އެވެ.

ޖުމްލަ 193 ގައުމުގެ މައްޗަށް އެކުލެވޭ އދ.ގެ ރިޔާސަތަށް ރާއްޖެ ހޮވުމަކީ ބައިނަލްއަގުވާމީ ދުނިޔޭގައި ރާއްޖެ އިން މިހާތަނަށް ހޯދި އެންމެ ބޮޑު ކާމިޔާބީ އެވެ. ތާރީހީ މި ވަގުތުކޮޅަށް ފަހު ޝާހިދު ތަގުރީރު ކުރައްވާނެ އެވެ.

އެއީ ރާއްޖެ ގަޑިން މިރޭ ދަންވަރު 12 ޖަހާއިރެވެ. އާއްމު މަޖިލީހުގެ 76 ވަނަ ސެޝަން ރަސްމީކޮށް ހުޅުވޭނީ މާދަމާ އެވެ.

އާއްމު މަޖިލީހުގައި ތަގުރީރު ކުރައްވަން ރައީސް އިބްރާހިމް މުހައްމަދު ސޯލިހް އަންނަ ހަފުތާގައި އެމެރިކާއަށް ފުރާވަޑައިގަންނަވާނެ އެވެ.

ޝާހިދު އާއްމު މަޖިލީހުގައި ތަގުރީރު ކުރައްވަނީ.

މިނިސްޓަރު ޝާހިދު ކުރިން ވިދާޅުވެފައިވާ ގޮތުގައި ގިނަ ގައުމުތަކެއްގެ ތާއީދާ އެކު އޭނާ އެ މަގާމަށް ހޮވިވަޑައިގަތުމަކީ ރާއްޖެ ބަލައިގެންފައިވާ މިންވަރެވެ. ޝާހިދަށް 143 ގައުމުގެ ތާއީދު ލިބިވަޑައިގަތެވެ.

ޝާހިދާ ވާދަކުރެއްވީ އަފްޣާނިސްތާނުގެ ކުރީގެ ފޮރިން މިނިސްޓަރު ޑރ.ރަލްމައި ރަސޫލް އެވެ. އޭނާ އަށް ލިބިވަޑައިގަތީ 48 ވޯޓެވެ.

ޝާހިދު ސިފަކުރައްވާ ގޮތުގައި، މިއީ ހުރިހާ ދިވެހިންނަށް ލިބުނު ކާމިޔާބެކެވެ.

"އދ. ގެ އާންމު މަޖިލީހުގައި ދެން ދިވެހިރާއްޖޭގެ ބަރުދަން އިންނާނެ. ރިޔާސަތު ފެންނަ ކޮންމެ ވަގުތެއްގައި ދިވެހިރާއްޖެ ފެންނާނެ. ކުރިން ރާއްޖެ އަށް ނުލިބުނު އެތައް ފުރުސަތެއް ދެން ލިބޭނެ. ރާއްޖެއަކީ ދުނިޔޭގެ އެންމެ މަތީ ފެންވަރުގެ ލީޑަރެއްގެ ގޮތުގައި ދެކިގެން އަޅުގަނޑުމެން އުޅޭނީ. މިއިން ކޮންމެ ފުރުސަތަކީ ރާއްޖެ އިޝްތިހާރު ވުމަށް ލިބުނު ފުރުސަތެއް." އޭނާ ވިދާޅުވެފައިވެ އެވެ.

ޝާހިދު ވިދާޅުވި ގޮތުގައި ފޮރިން މިނިސްޓަރުކަމުގައި ހުރެގެން އިހަށް ނުހުޅުވުނު ކިތަންމެ ދޮރެއް ދެން ރާއްޖެ އަށް ހުޅުވޭނެ އެވެ.

މަގާމުގެ ހުވާ ކުރެއްވުމަށް ފަހު އެންމެ ފުރަތަމަ ކުރައްވާނެ ކަމަކީ ކޮވިޑް-19 ގެ ވެކްސިން އުފައްދާ ފަރާތްތަކާއި އެކަމާ ގުޅޭ އިސް ބޭފުޅުންނާއި ހުރިހާ ގައުމުތައް އެއްތަންކޮށް، ވެކްސިން ފަސޭހައިން ލިބޭނެ އިންތިޒާމެއް ހަމަޖެއްސުން ކަމަށް ޝާހިދު ވަނީ ވިދާޅުވެފަ އެވެ.

އޭނާ ވިދާޅުވެފައި ވަނީ މަޖިލީހުގެ ސެޝަންތައް ފެށުމަށް ފަހު، އެންމެ ބޮޑު އަމާޒަކީ ކޮވިޑް ވެކްސިނާ ބެހޭ ބޮޑު ބައްދަލުވުމެއް ބޭއްވުން ކަމަށެވެ. އޭނާ ވިދާޅުވީ، އެ ފަދަ ބައްދަލުވުމެއް މުހިންމުވާ މައިގަނޑު ސަބަބަކީ ރާއްޖެއާ ހިލާފަށް ދުނިޔޭގެ އެހެން ގައުމުތަކަށް ކޮވިޑް ވެކްސިން ނުލިބިގެން އުޅެން ޖެހޭ ދަތި ހާލު ފެނިވަޑައިގަންނަވާތީ ކަމަށެވެ.

އ.ދ. އަބްދުﷲ ޝާހިދު (ކުރީގެ ފޮރިން މިނިސްޓަރު) ފޮރިން މިނިސްޓްރީ ފޮރިން މިނިސްޓަރު

11 ކޮމެންޓް, 25 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަނބިލި

14 September 2021

އަޅު ކުދިންނަށް މަރުހަބާ؟ މި ފަސްގަނޑުން ފުރުސަތެއް ނެތް. މަގާމުގެ ދަހިވެތިކަމުގައި ގައުމު ވިއްކާ މީހުން ތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުހާބެ

14 September 2021

ގެދޮރަށް ސަލާންޖަހަން. ކުލީގެ އަޅުންގެ ގޮތުގައި ތިބި ދިވެހިންނަށް ނެތް ތީގެން އުފަލެއް. ތިއީ ރޯޔަލް ކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުނީ

14 September 2021

ޝާހިދު އެންއަހަރަށް މިނިސްޓަރކަމުން އެކަހަރި ކުރަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޮނީ

14 September 2021

ތީދެން އެވަރުބޮޑު ކަމެއްތަ، 193 ގެތޭރޭން ކޮންމެވެސް އެއްދުވަހަކު ލައްވާލާނެދޯ. ތިގޮތަށް އުޅުނު ފޮނިކަނޑަމުން ދުނިޔޭގެ ކެރަމް ޗެންޕިއަން ޝިފުން ރާއްޖެއަށް ތިންވަނަ ލިބުނީމަ، އެކަމަކު ބައިވެރިވީ އެންމެ 4 ޓީމޭ!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމިއްޓޭ

14 September 2021

ތިހާ ވަރުގަދަ މަޤާމެއްވިއްޔާ ކީއްވެގެންބާ ނުފޫޒުގަދަ ޤައުމުތައް ކުރިމަތިނުލީ. މިހާރުން އަހަރެމެން ވާވައްދަން މޮޅެތި ޚަބަރު ލިޔާނެކަމެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިދުވަރު ދޯނީގެ އަލިގަދަ ދުރުމިން

14 September 2021

ބޭރު މީހުން ޤަވަޢިދާ ޚިލާފަށް އުޅެން ފުރުޞަތު ހުޅުވާލާ ގައުމުގެ ކޮންމެ ކަމެއް ދާނެ ގޮތަކަށް ދާން ވަރިހަމަކޮށް ދޫކޮށްލެވިފައިވާ ގައުމެއްގައި އަދި މަސްތުވާ ތަކެތި ބޭނުން ކުރުމާއި ރާބުއިން އާއްމުވެފައިވާ ޤައުމެއްގައި ތިޔަހެން ދަމަކުން ޖަހާ ބަޑިއަކުން ދިވެއްސަކަށް ވީތީ ފަޚްރުވެރި ވެވޭކަށް ނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަމްޒު

14 September 2021

ބޭސްފަރުވާއަށް ސަލަން ޖެހުމާ ވިސާ ހޯދަން ސަލާން ޖެހުމާ ބޯހިޔާވަހިކަން ހޯދަން އާދޭސްކުރުމާ އިންސާނީ ވަގުފާރި ހިންގުންއިތުރުވެ މަސައްކަތްތެރިންގެ ހައްގުތައް ރާއްޖޭގަ ދަނީ ދަށަށް. ޝާހިދިމެން ލަދެއް ނުގަނޭތަ ރާއްޖެގެ ބޭރުތޮށިގަނޑު ކިތަންމެ ރީތި ކުރިޔަސް ރާއްޖެ އޮތީ ފުން އަނދަވަޅަކަށް ވެއްޓިފަ ކަލޭމެން ދުވާލު ދެ ދަޅައަށް އެކި ގައުމުތަކަށް ފަސްޓްކްލާހުގަ ދަތުރު ކުރިޔަސް ރައްޔިތުންތިބީ ބަންދުބެ ބިކަވެފަ. ދިވެހިން ދިވެހިންގެ ބިމުވަ ބާކީވެފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަމީލާ

14 September 2021

ތާރީހޫ ވަގުތެއެއް ނޫން! އިންޑިޔާއަށް ދިވެހިރާއްޖޭގެ އިސްތިގްލާލް ވިއްކާލާގެން ޝާހިދުގެ ހުވެފެނީ ދުނިޔެ އާރާސްތުކުރަނީ! އަމިއްލަ އެދުން ބޮޑު ކަރަޕްޓު ސިޔާސީ މީހެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު ބިން

14 September 2021

އިންޑިއާ އަށް ލިބުނު ކާމިޔާބިއެކޭ ބުނުން އައުލާކަންބޮޑީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަންނަމުއެ

14 September 2021

ތިހާ ބާރުގަދަ މަގާމެއް ނަމަ ދުނިޔޭގެ ބޮޑެތި ބާރުތައް އަބަދު ވެސް ތިމަގާމަށް ދަހިވެތިވެ އިންތިހާބުވިސް އަދި އިންޑިޔާ ވެސް.ތި މަގާމަކީ އެއްްވެސް އާރެއް ބާރެއް ނެތް މަގާމަކަށް ވީމާ ށާހިދު އިދިކޮޅު އެންމެ ގައުމަކާ ވާދަކޮށް ކާމިޔާބު ލިބުނީ.ހުސް އެކަނި ސްރިލާންކާ އާ ތި އިންތިހާބަށް ނިކުތް ނަމަ ލަންކާ ކާމިޔާބޔ ކުރީސް.