ވިޔަފާރި / އެމްޕީއެލް އެޕްރެންޓިސްޝިޕް ޕްރޮގްރާމް

ވަޒީފާ އަށް ތަމްރީނުވުމަށް އެމްޕީއެލްގައި 50 ޖާގަ ހުޅުވާލައިފި

އެމްޕީއެލް ސަރަހައްދުގައި ބަޔަކު މަސައްކަތް ކުރަނީ. އެ ކުންފުނިން ވަނީ އިތުރު 50 ވަޒީފާއަށް ހުޅުވާލައިފަ-- މިހާރު ފޮޓޯ: ނިޝާން އަލީ

ފާތިމަތު ޝަނާ މުހައްމަދު، މިހާރު

23 ސެޕްޓެމްބަރ 2021 - 15:03

އެމްޕީއެލް އިން ކުރިއަށްގެންދާ އެޕްރެންޓިސް ޕްރޮގްރާމުގެ ދަށުން އެ ކުންފުނިން 50 ޖާގަ ހުޅުވާލައިފި އެވެ.

އެމްޕީއެލް އިން ގެޒެޓްކޮށްފައިވާ އިއުލާނުގައިވާ ގޮތުން އެކި ދާއިރާތަކުން ވަނީ ޖާގަ ހުޅުވާލައިފަ އެވެ. އޭގެ ތެރޭގައި ހެވީ ވެހިކަލް އޮޕަރޭޓަރުންނާއި ވެލްޑްކުރާ މީހުންނާއި ކާޕެންޓަރުންގެ އިތުރުން އިދާރީ މަސައްކަތް ކުރާ މީހުން ހިމެނެ އެވެ.

މި ޕްރޮގްރާމަށް ހޮވޭ ހުރިހާ އެންމެންނަށް ވެސް މަހަކު 5،000ރ. ގެ އެލަވަންސެއް ލިބޭނެ އެވެ. މި ޖާގަތަކަށް މި މަހުގެ ނިޔަލަށް ކުރިމަތިލެވޭނެ އެވެ. އެ ޖާގަތަކަށް ކުރިމަތިލުމަށް އެމްޕީއެލްގެ ވެބްސައިޓުގައިވާ ފޯމު ޑައުންލޯޑްކޮށް ހުށަހެޅޭނެ އެވެ.

ޔޫތް މިނިސްޓްރީއާ ގުޅިގެން ކުރިއަށްދާ މި ޕްރޮގްރާމުގެ ފުރަތަމަ ބުރަށް ހުޅުވާލީ 2019 ވަނަ އަހަރު އެވެ.