ނަފުސާނީ ފަރުވާ ހޯދި މީހުން އިތުރުވެ 13،000 އިން މައްޗަށް

މެންޓަލް ހެލްތަށް ހޭލުންތެރިކުރުމުގެ ފޮޓޯއެއް: އައިޖީއެމްއެޗުގައި ނަފްސާނީ ބައްޔަށް ފަރުވާ ހޯދަމުން އަންނަ އަދަދު ވަރަށް ބޮޑަށް އިތުރުވެއްޖެ.

މާއިދާ މުހައްމަދު ރަޝާދު، މިހާރު

10 އޮކްޓޯބަރ 2021 - 13:11

5 comments

މީގެ ދެ އަހަރުކުރިން އައިޖީއެމްއެޗުގައި ހުޅުވި ސެންޓާ ފޯ މެންޓަލް ހެލްތުން ފަރުވާ ހޯދަމުން އަންނަ މީހުންގެ އަދަދު މި އަހަރު ވަރަށް ބޮޑަށް އިތުރުވެ މިހާތަނަށް ފަރުވާ ހޯދި އަދަދު 13،000 އިން މަތިވެފައިވާ ކަަމަށް ތަފާސްހިސާބުތަކުން ދައްކައިފި އެވެ.

ނަފުސާނީ ބަލިތަކުގެ ދުވަހާ ގުޅުވައި އައިޖީއެމްއެޗުން މިއަދު އާއްމުކުރި ހިސާބުތަކުގައިވާ ގޮތުގައި 2019 ވަނަ އަހަރު އެ ބައްޔަށް ފަރުވާ ހޯދީ 7،246 މީހެކެވެ. އަދި މިދިޔަ އަހަރުގެ ތެރޭގައި އެކަނިވެސް 17،708 މީހަކު ނަފުސާނީ ބައްޔަށް ފަރުވާ ހޯދާފައިވާއިރު، މި އަހަރުގެ މިހާތަނަށް އެ ބައްޔަށް 13,131 މީހަކު ފަރުވާ ހޯދާފައިވެ އެވެ.

އެއް މަހެއްގެ ތެރޭގައި މިހާތަނަށް އެންމެ ގިނަ ބަޔަކު ނަފްސާނީ ބައްޔަށް ފަރުވާ ހޯދީ މިދިޔަ އަހަރުގެ އޭޕްރީލް-ޖޫން މަހަށެވެ. އެއީ ކޮވިޑާ ގުޅިގެން މާލޭ ސަރަހައްދު ލޮކްޑައުންގައި އޮތް މުއްދަތެވެ.

އޭޕްރީލް މަހުން ފެށިގެން ނަފްސާނީ ބައްޔަށް ފަރުވާ ހޯދާ މީހުން ކުއްލިއަކަށް މައްޗަށް އަރައިގެންދިޔައިރު ޖޫން މަހާ ހިސާބަށް ދިޔައިރު ފަރުވާ ހޯދި މީހުންގެ އަދަދު 2،165 އަށް އަރާފައިވެ އެވެ. ޖޫން މަހުގެ ފަހުން އެ އަދަދު ދަށް ވަމުން ގޮސް އެވްރެޖްކޮށް ކޮންމެ މަހަކު ފަރުވާ ހޯދާ މީހުންގެ އަދަދު އުޅުނީ 1،500 ގަ އެވެ.

އެ ތަފާސްހިސާބުތަކުގައިވާ ގޮތުން މިއަހަރު ނަފްސާނީ ބައްޔަށް ފަރުވާ ހޯދާ މީހުންގެ އަދަދު އަހަރު ފެށުނީއްސުރެ ވެސް އިތުރެވެ. މީގެ ކުރިން ދެ އަހަރުގައި ވެސް އަހަރު ފެށޭކޮޅު 800 އަށް ވުރެ މަދުން މީހުން ފަރުވާ ހޯދި ނަމަވެސް މިއަހަރު ފެށުނުއިރު ވެސް 1،400 އެއްހާ މީހުން ބައްޔަށް ފަރުވާ ހޯދި އެވެ. އަދި މެއި މަހާ ހިސާބަށް ވެސް ހުރީ އެވަރަށެވެ. މެއި މަހު އެ އަދަދު އަނެއްކާ ވެސް ކުޑަކޮށް މައްޗަށް ޖެހިލުމަށް ފަހު ތިރިވި ނަމަވެސް އަނެއްކާ ވެސް ފަރުވާ ހޯދާ މީހުންގެ އަދަދު ހުރީ މައްޗަށްދާ ގޮތަށެވެ.

އައިޖީއެމްއެޗުގެ މެންޓަލް ހެލްތު ސެންޓަރުން ނަފްސާނީ ފަރުވާ ހޯދި އަދަދުތައް--

ނަފްސާނީ އެހީތެރިކަން ހޯދުމަށް އައިޖީއެމްއެޗުގައި ބޮޑު ކިއުއެއް އަބަދުވެސް އޮވެ އެވެ. މިވަގުތު ވެސް ފަރުވާ ހޯދުމަށް ކިއުގައި 2،600 މީހަކު އެބަ ތިއްބެވެ.

ކިއު ދިގުވެގެންދަނީ އެތަނުގައި ވަސީލަތް މަދުވެފައި ނަފްސާނީ ފަރުވާ ދިނުމަށް މަދު ބަޔަކު ތިބޭތީ އެވެ.

މިވަގުތު މެންޓަލް ހެލްތު ސެންޓަރުގައި ތިބީ ހަތަރު ސައިކޭޓްރިސްޓުންނާއި ތިން ސައިކޮލޮޖިސްޓުން އަދި ދެ ސައިކޯތެރަޕިސްޓުންނެވެ. އަދި ދެ ސޯޝަލް ވޯކަރުންނާއި ދެ ކައުންސެލަރުންގެ އިތުރުން އޮކިއުޕޭޝަނަލް ތެރަޕިސްޓެއް ވެސް އެ ސެންޓަރުގައި ފަރުވާދެމުން އެބަދެ އެވެ.

އައިޖީއެމްއެޗު

5 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސީޒަން ޖެކުހަން

10 October 2021

ވެރިން ހިސާބަށްވުރެ ނުބައިވީމާވެސް ރައްޔިތުން ބޯގޮވާނެ. ރައްޔިތުންދެކެނީ ވެރިންނަކީ އެމީހުންގެ ބަލަދުވެރިންކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަންޑޭލާ

10 October 2021

ނަފްސާނީ ބައްޔަކީ ވެސް އެހެން ފަރުވާދޭގޮތަށް ފަރުވާދިނުމުން ރަގަޅުވާ ބައްޔަކެވެ. މިބަލީގައި ޖެހިފައިވާ ވަރަށް ގިނަ މެދުއުމުރުގެ މީހުންތިބެވެ. އޭގެތެރޭގައި އަހަރެންވެސް ހިމެނޭ. ކުރީދުވަހު ޑޮކްޓަރަށް ދައްކަން ދިއުމުން ޑޮކްޓަރު ކުރި ސުވާލަށް ބަރާބަރަށް ޖަވާބް ދިނުމުން ބުނީ އެއްވެސް މައްސަލައެއް ނެތްކަމަށް. އެކަމަކު އަހަރެން ގެ ޒަމީރު އެބަބުނޭ ރަގަޅުނޫންކަމަށް. ދެން ހަދާނީ ކިހިނެއްތޯ ބުނެބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިނީ މަންޑޭލާ

10 October 2021

ދެން ހަދަންވީ، މަ މިބުނާ ގޮތެވެ! ތިބާއަކީ ނަފްސާނީ ބަލީގެ މީހެއް ނޫން ކަމަށް ޤަބޫލު ކުރާށެވެ! އެއްވެސް މީހަކަށް ބޭނުން ހުރިހައި ކަމެއް މިދުނިޔޭގައި ނުފުއްދޭނެ ކަން އަމިއްލަ ނަފްސަށް ޤަބޫލު ކުރާށެވެ. ވާންނެތް ކަންކަމާއި މެދު ނުވިސްނާށެވެ. އެކަންކަން ވޭތޯ މަސައްކަތް ކުރާނީ، ފުރިހަމަ ނުވިޔަސް އޯކޭ ކަމަށް ހިތުގައި ބާއްވައިގެންނެވެ. ބަރާބަރަށް ފަރުޟު ނަމާދުތައް ކުރާށެވެ. ހެނދުނާއި، ހަވީރުގެ ޒިކުރުތައް ކިޔާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިނީ މަންމަންޑޭލާ

10 October 2021

އެހެންވީމާ ރާއްޖޭގެ ހުރިހާ ހޮސްޕިޓަލްތަކެއް މިހާރުން މިހާރަށް ބަންދުކުރުމަށް ގޮވާލަން. ރޯގާ ޖެހުމުން ނޫނީ ހުންއައުމުން ނޫނީ ފީޓް ޖެހުމުން ނޫނީ ހަކުރުބަލިޖެހުމުން ނޫނީ ކަށްޓެއް ބިންދައިގެން ދިއުމުން މަޑުން ހުރޭ. ބައްޔެއްނެތް ކަމަށް ހިތުގެ އަޑީން ގަބޫލުކުރޭ. ތަދުވުމުން އެކަމަށް ކެތްކުރޭ. ކޮޅަށް ހުރެ ނަމާދު ނުކުރެވޭނަމަ އިށީދެގެންވެސް އޮށޯވެގެންވެސް އިޝާރާތުންވެސް ނަމާދުކުރެވޭ. ﷲ ވޮޑިގެންވަނީ ކެތްތެރީންނާއެކުކަން ހަދާންކުރޭ. ???

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިނީ އިސްތިއުފާ

10 October 2021

ވިނީއާއި ވިނީގެ ހިޔާލުގެ މީހުންނަށް ހެޔޮ ވިސްނުން ދެއްވަވާންދޭވެ. މިހިޔާލުގެ ސަބަބުން މަ ރާއްޖޭގައި އުޅޭ ހިތެއްވެސް ނުވޭ. އެކަމުގެ ތަނަވަސްކަން ލިބުނު ދުވަހަކުން ރާއްޖެއިން ބޭރަށް ދާނަން. ނަފްސާނީ ބައްޔަށް އިހްމާލުވުމަކީ ވެވޭ ވަރަށް ބޮޑު އަނިޔާއެއް. ސްޓްރޯކް / ހާޓްއެޓޭކް ޖެހޭ މީހުން އަޅާ ނުލާ ދޫކޮށްލުން ފަދަ ކަމެއް މިއީ. ގިޔާމަތްދުވަހުން މިކަމުގެ އިންސާފު މަހޯދާނަން. އެންމެނަށް ދަންނަވަން އޮތީ ބުނެވޭ ބަހެއްގެ ސަބަބުންވެސް ތިވެވެނީ އަނިޔާއެކޭ.