ކުޅިވަރު / ސާފް ޗެމްޕިއަންޝިޕް 2021

ދިވެހިންނަށް ވިއްކާނީ 3,000 ޓިކެޓް، މީހަކަށް ދެ ޓިކެޓް

ސްރީ ލަންކާއާ ދެކޮޅަށް ރާއްޖެ ކުޅުނު މެޗުގައި އަލީ އަަޝްފާގް ލަނޑު ޖަހައި އުފާފާޅު ކުރިއިރު ދިވެހިން އޭނާ އަށް ސަޕޮޓް ދިނީ --- ފޮޓޯ: ފަޔާޒު މޫސާ | މިހާރު

ހުސެއިން ހަބީބް، މިހާރު

11 އޮކްޓޯބަރ 2021 - 17:35

26 comments

އުރީދޫ ސާފް ޗެމްޕިއަންޝިޕްގައި ބުދަ ދުވަހުގެ ރޭ އިންޑިއާއާ ދެކޮޅަށް ރާއްޖެ ކުޅޭ މެޗުގައި ދިވެހިންނަށް 3،000 ޓިކެޓް ވިއްކަން ހަމަޖައްސައިފި އެވެ.

މީހަކަށް ވިއްކާނީ ދެ ޓިކެޓެވެ. އެފްއޭއެމުން އެންމެ ފުރަތަމަ ޓިކެޓް ވިއްކަމުން ދިޔައީ މީހަކަށް ފަސް ޓިކެޓެވެ. އެ އުސޫލަށް ޓިކެޓް ވިއްކަމުން ގޮސް، ލަންކާއާ ދެކޮޅަށް ރާއްޖެ ކުޅުނު މެޗުގެ ޓިކެޓް ގިނަ ބަޔަކަށް ނުލިބި ހުސްވުމުން އާންމުން ދަނޑުކައިރީ މުޒާހަރާ ކުރަން ފެށުމުން މައްސަލަ ހޫނުވި އެވެ. މިދިޔަ ހޮނިހިރު ދުވަހު ދަނޑުން ވިއްކަމުން ދިޔަ ޓިކެޓް ހުސްވުމުން އެއްވެ ތިބި ބައެއް މީހުން ވަނީ ހިތްހަމަނުޖެހުން ފާޅުކުރުމުގެ ގޮތުން ދަނޑަށް ވަދެގެންފަ އެވެ. އެފްއޭއެމްގެ ރައީސް ބައްސާމް އަދީލް ޖަލީލްގެ އިސްތިއުފާ އަށް ވެސް ބައެއް މީހުން ގޮވި އެވެ.

އާންމުންގެ ހިތްހަމަނުޖެހުން އުތުރި އެރުމުން އެފްއޭމުން ވަނީ ކުޅުންތެރިންގެ އާއިލާތަކަށާއި ކްލަބުތަކަށް އަދި މުބާރާތުގެ ސްޕޮންސަރުންނަށް ހާއްސަ ކުރި 2،500 ޓިކެޓްގެ ތެރެއިން 1،000 ޓިކެޓް ހޮނިހިރު ދުވަހުގެ ރޭ ސޯޝަލް ސެންޓަރުން މީހަކަށް ޓިކެޓެއްގެ މަގުން ވިިއްކައިފަ އެވެ.

ކުރިން ކުޅުނު މެޗެއްގައި ޓިކެޓް ގަތް މީހަކު އުފުލުން. މިފަހަރު މީހަކަށް ވިއްކާނީ ދެ ޓިކެޓް --- ފޮޓޯ: ނިޝާން އަލީ | މިހާރު

އިންޑިއާ އާއި ރާއްޖެ ކުޅޭ މެޗަށް، އިންޑިއާގެ ސަޕޯޓަރުންނަށް ވިއްކާ 200 ޓިކެޓް ވިއްކާނީ ގައުމީ ފުޓްބޯޅަ ދަނޑުންނެވެ. ދިވެހިންނަށް ވިއްކާ 3،000 ޓިކެޓް ވިއްކާނީ ސޯޝަލް ސެންޓަރުންނެވެ. ޓިކެޓް ވިއްކަން ފަށާ ގަޑިއަކީ ހެނދުނު 10 ޖަހާއިރު އެވެ. ކޮންމެ ޓިކެޓްއް ވެސް ވިއްކާނީ އައިޑީކާޑާއި ވެކްސިން ކާޑު ދެއްކުމުންނެވެ.

އިންޑިއާ - ރާއްޖެ މެޗުގެ ޓިކެޓް ވިއްކާ ގޮތް

- ދިވެހިންނަށް 3،000 ޓިކެޓް

- ވިއްކާނީ މީހަކަށް 2 ޓިކެޓް

- ޓިކެޓް ވިއްކާނީ ސޯޝަލް ސެންޓަރުން

- ޓިކެޓް ވިއްކަން ފަށާނީ ހެނދުނު 10 ޖަހާއިރު

- ކޮންމެ ޓިކެޓެއް ވެސް ވިއްކާނީ އައިޑީ ކާޑާއި ވެކްސިން ކާޑު ދެއްކުމުން

- އަވޭ ސަޕޯޓަރުންނަށް ޓިކެޓް ވިއްކާނީ ގައުމީ ފުޓްބޯޅަ ދަނޑުން.

ދިވެހިންނަށް ހާއްސަ ކޮށްފައިވާ ޓިކެޓްގެ ތެރެއިން ބާކީ 1،800 އެއްހާ ޓިކެޓަކީ ކުޅުންތެރިންގެ އާއިލާތަކަށާއި ކްލަބުތަކަށާއި މުބާރާތުގެ ސްޕޮންސަރުންނަނަށް ހާއްސަކޮށްފައިވާ ޓިކެޓްތަކެއް ކަމަށް އެފްއޭއެމުން ބުނެ އެވެ

ގައުމީ ޓީމާއެކު ދެގޮތެއް ނުވެ ތިބެ 12 ވަނަ ކުޅުންތެރިޔާގެ ދައުރު އަދާކުރާ ދިވެހި ސަޕޯޓަރުން މެޗުގައި ޓީމަށް ސަޕޯޓްކުރަނީ--. ފޮޓޯ: ނިޝާން އަލީ | މިހާރު

އިންޑިއާއާ ދެކޮޅަށް ރާއްޖެ ކުޅޭ މެޗު ފަށާނީ ބުދަ ދުވަހުގެ ރޭ 9 ޖަހާއިރު އެވެ. އެ މެޗު އެއްވަރުކޮށްލައިގެން ވެސް ރާއްޖެ އަށް ފައިނަލަށް ދެވޭނެ އެވެ. ތިން މެޗު ކުޅެ ރާއްޖެ އަށް ހޯދިފައި ވަނީ ހަ ޕޮއިންޓެވެ. ނޭޕާލް ވެސް ވަނީ އެ އަދަދަށް ޕޮއިންޓް ހޯދައިފަ އެވެ. ނޭޕާލް އެއް ވަނައިގައި އޮތީ ރާއްޖެ އަތުން މޮޅުވެވެފައިވުމުން ހެޑް-ޓު-ހެޑް އުސޫލުން ކުރި ލިބޭތީ އެވެ.

ބުދަ ދުވަހުގެ ހަވީރު ނުކުންނާނީ ނޭޕާލް އާއި ބަންގްލަދޭޝް އެވެ. މެޗު އެއްވަރު ކޮށްލައިގެން ނޭޕާލަށް ވެސް ފައިނަލަށް ދެވޭނެ އެވެ. ފައިނަލް މެޗު އޮންނާނީ އަންނަ ހޮނިހިރު ދުވަހުގެ ރެ އެވެ.

ގައުމީ ފުޓްބޯޅަ ޓީމް ސާފް ޗެމްޕިއަންޝިޕް އިންޑިއާ ފުޓްބޯޅަ ޓީމް

26 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮރެންޖްބެރީ

12 October 2021

ދިވެހިންނަށް 3000 ޓިކެޓް. އިންޑިއާ މީހުންނަށް 200 ޓިކެޓް. ބަންގްލަދޭޝް މެޗުގަ އެމީހުންނަށް ވިއްކީ 4 % ޓިކެޓް. މިއީ ދުނިޔޭގެ މުބާރަތްތައް ބާއްވާ އުސޫލުބާހަމަ؟ މިގޮތަށް ގަތަރުގަ އޮންނަ ވޯލްޑް ކަޕްގަ އާބާދީ މަދު ގަތަރު މީހުންނަށް 96% ޓިކެޓް ވިއްކާފަ ދެން ކުޅޭ ގައުމެއްގެ މީހުންނަށް 4% ވިއްކާފަ، ވޯލްޑްކަޕުގައި ކޮލިފައިނުވާ ގައުމެއްގަ މީހަކަށް ޓިކެޓް ނުވިއްކުންބާ ފީފާގަ އޮންނަނީ. އަހަރެންނަކަށް ގަބޫލެއް ނުކުރެވޭ ރާއްޖެއިން މިހަދާ ގޮތެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައުމީޓީމާ އެކު

12 October 2021

ނޭޕާލް އެއް ވަނައިގައި އޮތީ ރާއްޖެ އަތުން މޮޅުވެވެފައިވުމުން ހެޑް-ޓު-ހެޑް އުސޫލުން ކުރި ލިބޭތީ އެވެ. ޓޭބަލް ދައްކާގޮތުން އެއްވަނާގަ އޮތީ ރާއްޖެ !!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމިއްޓެ

12 October 2021

ދަނޑުގެ ކެޕޭސިޓީވެސް ޖަހާލަބަލަ. މިކަހަލަ މަޢުލޫމާތުވެސް އެބަޖެހޭ ޚަބަރުގައި ހިމަނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަޒް

12 October 2021

ސްޕޮންސަރުންނާއި ކުޅުންތެރިންނަސް ހާއްސަ ކުރި 2500 ޓިކެޓް ހަމަ އަތް ނުލާ އެ ރެއާ ޖެހެންދެން ތިޖޫރީގައި ބަހައްޓާފައި ހުރީތަ؟ މިދެން ހާދަ ހެއްވާ ވާހަކައެކޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިމާވެށި

12 October 2021

3000 ޓިކެޓް ސަޕޯޓަރުންނަށެވެ. 3000 ޓިކެޓް ސިޔާސީ މީހުންނަށެވެ. މިހެން ޖަހާލީމަފުރިހަމަ ވާނެ އެވެ، އެކަމު ސަޕޯޓް ކުރާނީ ސަޕޯޓަރުންނެވެ. ސިޔާސީމީހުން ކުޅި ބަލާނީ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން ހަސަނު

12 October 2021

1800 އެއީ ލައްކަ ބައިވަރު. އެ ދިމަދިމާލަށް އެޅޭގޮތް ބުނެލަދީ. ކޮންމެ ކުޅުންތެރިއަކަށް ކިހާވަރެއްކަމާ ޓީމްތައް އަދި ސްޕޮންސަރުންނަށް ކިހާ ވަރެއްކަން. ހާމަ ކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަފޯޓަރ

11 October 2021

އިންޑިޔާމެޗް ވަަރަށް ސީރިޔަސް ކޮށްނަގަށްވާނެ. ސީދާ މޮޅުވަން ކުޅެން ޖެހޭނި ހައްފް ސެންޓޭ ދަގޭމެން ޗޭންޖްކުރަންވާނި ދެންވާ ގޮތެއް ނެތުނީމަ. ލައްކާ މެޗްގަ ވެސް ހައްފް އާއި ދަގޭ ބޭލީމަ ކުރީގަ ބޯޅަ ނުހިފެހެންޓި ފަހަތަށް އެހާ ފްރަސަރވީ. ސުޒޭނު ކޯޗް ތި ހޯދާ ކާމިޔާބަށް ފަށްފަށުން މަރުހަބާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާރީ

11 October 2021

ކިއުފަޅާ ބަޔަކުވެސް އުޅޭ. ފުލުހުން ބައިތިންބާތި ޓިކެޓް ވިއްކާގަޑީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯޑް

11 October 2021

މީހަކަށް ޓިކެޓެއް ވިއްކަންވި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަންގު ޔައުގޫބު

11 October 2021

މަބުނީ މާލެ މިހާ ތޮއްޖެހިފަ އޮންނަ އިރު ކޮންމެ ދުވަހަކު މަޖީދީ މަގު ބަންދުކޮށްގެން މި ސަކަރާތް ނުޖަހައި ހުޅުމާލޭގަ ސްޓޭޑިއަމެއް ތަރައްގީކޮށްގެން ބައިނަލްއަގުވާމީ މެޗުތައް ބޭއްވިއްޔާ މާރަނގަޅެއްނު.