ދިރާގު އޭޑީއެސްއެލް އިން ފައިބާ ބްރޯޑްބޭންޑަށް ބަދަލު ކުރުމުގެ ފުރުސަތު އިތުރުކޮށްފި

ދިރާގުން އަތޮޅު ތެރޭގައި ހިދުމަތްތަކާ ގުޅޭ ގޮތުން މައުލޫމާތު ދެނީ. ދިރާގުން އޭޑީއެސްއެލް ހިދުމަތް ގެންގުޅޭ ކަސްޓަމަރުންނަށް ހިލޭ ފައިބާ ބްރޯޑްބޭންޑް ހިދުމަތަށް ބަދަލު ކުރުމުގެ ފުރުސަތު ވަނީ ހުޅުވާލާފައި--

ފާތިމަތު ޝަނާ މުހައްމަދު، މިހާރު

02 ނޮވެމްބަރ 2021 - 16:51

1 comments

ދިރާގުގެ އޭޑީއެސްއެލްގެ ހިދުމަތް ހޯދާ ކަސްޓަމަރުންނަށް ހިލޭ ހައިސްޕީޑް ފައިބާ ބްރޯޑްބޭންޑަށް ބަދަލުކުރުމަށް ކުރިއަށް ގެންދިޔަ ޕްރޮމޯޝަން މި އަހަރުގެ ނިޔަލަށް އިތުރުކޮށްފި އެވެ.

އެ ކުންފުނިން ބުނީ މިއީ އެޑީއެސްއެލް ހިދުމަތް ގެންގުޅޭ ކަސްޓަމަރުންނަށް ރާއްޖޭގެ އެންމެ ބޮޑު އަދި އެންމެ ހަލުވި ފައިބާ ނެޓްވޯކާ ހިލޭ ގުޅައިލުމަށް ލިބޭ ރަނުގެ ފުރުސަތެއް ކަމަށެވެ. މި ޕްރޮމޯޝަނުގެ ދަށުން ހިލޭ ފައިބާ ގުޅައި ދިނުމުގެ އިތުރުން ފައިބާ އަށް ބޭނުންވާ ރައުޓާ ނުވަތަ އޯއެންޓީ ވެސް ހިލޭ ލިބޭނެ އެވެ.

އޭޑީއެސްއެލް ކަސްޓަމަރުން ފައިބާ އަށް އަޕްގްރޭޑް ކުރުމުން، ދިރާގު ވެބްސައިޓުގައިވާ މައި އެކައުންޓް މެދުވެރިކޮށް އެކަން ކުރެވޭނެ އެވެ.

ދިރާގު ފައިބާ ބްރޯޑްބޭންޑް ހިދުމަތަކީ ރާއްޖޭގައި މިހާރު ފޯރުކޮށްދެމުންދާ އެންމެ ގިނަ އެލަވަންސާއި އެންމެ ގިނަ އަދި އެންމެ މަތީ ސްޕީޑްގެ ޕެކޭޖްތައް ހިމެނޭ ހިދުމަތެވެ. ދިރާގު ފައިބާ ބްރޯޑްބޭންޑް ނެޓްވޯކަކީ ރާއްޖޭގެ އެންމެ ބޮޑު ފައިބާ ނެޓްވޯކެވެ. ރާއްޖޭގެ ގޭބީސީގެ 80 ޕަސެންޓަށް މިހާރު މި ހިދުމަތް ދިރާގުން ވަނީ ފޯރުކޮށްދީފަ އެވެ.