ބިކަވެފައިވާ އެފްއޭއެމްގެ ފުޓްބޯޅަ ފެސިލިޓީ ވެސް ވީރާނާވެ، ކުނޑިއަށް
ފުނޑުފުނޑުވެ، ބިކަވެގެން ދިޔައީ އެފްއޭއެމް އެކަންޏެއް ނޫނެވެ. ރާއްޖޭގެ އެންމެ މަގުބޫލު ކުޅިވަރުގެ އިދާރާގެ ބެލުމުގެ ދަށުގައި ހުރި ފުޓްބޯޅައިގެ ވަސީލަތްތައް ވެސް ވަނީ ވީރާނާވެ، ކުނޑިއަށް ވެފަ އެވެ. މާފަންނު ސްޓޭޑިއަމްގައި އެފްއޭއެމުން ބަލަހައްޓާ ދެ ޓާފް ދަނޑާއި އެ ތަނުގައި ހުރި އެހެން ވަސީލަތްތައް ވެސް ހުރީ ދެން އަލުން ބޭނުން ނުކުރެވޭ ދަރަޖައަށް ގޮސްފަ އެވެ. އޭއެފްސީގެ އެހީތެރިކަމާ އެކު ހެދި މިނީ ޓާފް ދަނޑު ވެސް ވީރާނާވެފައިވުމުން އޮތީ ކާރު ޕާކްކުރާ ޒޯނަކަށް ބަދަލުވެފަ އެވެ. ބޮޑު ދެ ޓާފް ދަނޑަކީ އެއްވަނަ ޑިވިޝަންގެ ކުޅުންތެރިންނާއި ފުޓްބޯޅައިގައި އަރަމުން އަންނަ ޒުވާން ޖީލުގެ ތަމްރީނުތަކަށް ބޭނުންކުރާ ދެ ދަނޑެވެ. ބައެއް ވަސީލަތްތައް ބޭނުންކުރަން ވެސް ނުލިބި ވަނީ ވީރާނާ ވެފަ އެވެ. އިޔާދަ ނުކުރެވޭ ވަރުގެ މި ބޮޑު ގެއްލުންތަކާ އެކު، ރާއްޖޭގެ ފުޓްބޯޅައިގެ ކުރިމަގާ މެދު ވަނީ ސުވާލު އުފެދިފަ އެވެ.--- ފޮޓޯތައް: ނިޝާން އަލީ
އެފްއޭއެމް ޓާފް ދަނޑުގައި ހުރި ގޮންޑިބަރިއެއް ވީރާނާވާން ދޫކޮށްލާފަ --- ފޮޓޯ: ނިޝާން އަލީ | މިހާރު
ޓާފް ދަނޑުގައި ހަލާކުވެފައިވާ ބޫޓެއް: ކުނި އުކުމުގެ ފީ ވެސް އެފްއޭއެމުން ވެމްކޯ އަށް ދައްކާފައި ނުވާ މައްސަލަގައި އެ އެސޯސިއޭޝަނާ ދެކޮޅަށް ކޯޓުން ހުކުމް ވެސް ކުރި --- ފޮޓޯ: ނިޝާން އަލީ | މިހާރު
އޭއެފްސީގެ އެހީގައި އެފްއޭއެމުން ހެދި ޓާފް ދަނޑު މިހާރު ބޭނުން ކުރަނީ ފުލުހުން ޓޯ ކުރާ ހަތަރު ފުރޮޅުލީ ވެހިކަލް ޕާކްކުރުމަށް --- ފޮޓޯ: ނިޝާން އަލީ | މިހާރު
ޓާފް ދަނޑުގައި ކުޅިބަލާ މީހުން ތިބެން ހާއްސަކޮށްފައިވާ ބެންޗުގައި މީހަކު މަޑުކޮށްލައިގެން: އެ ތަން ވެސް ވަނީ ވީރާނާ ވެފަ --- ފޮޓޯ: ނިޝާން އަލީ | މިހާރު
އޭއެފްސީގެ އެހީގައި އެފްއޭއެމުން ހެދި ޓާފް ދަނޑު މިހާރު ބޭނުން ކުރަނީ ފުލުހުން ޓޯ ކުރާ ހަތަރު ފުރޮޅުލީ ވެހިކަލް ޕާކްކުރުމަށް --- ފޮޓޯ: ނިޝާން އަލީ | މިހާރު
އޭއެފްސީގެ އެހީގައި އެފްއޭއެމުން ހެދި ޓާފް ދަނޑު މިހާރު ބޭނުން ކުރަނީ ފުލުހުން ޓޯ ކުރާ ހަތަރު ފުރޮޅުލީ ވެހިކަލް ޕާކްކުރުމަށް --- ފޮޓޯ: ނިޝާން އަލީ | މިހާރު
އެފްއޭއެމްގެ ޓާފް ދަނޑުގައި ވީރާނާވެފައިވާ ބައެއް ތަކެތި --- ފޮޓޯ: ނިޝާން އަލީ | މިހާރު
އެފްއޭއެމްގެ ޓާފް ދެ ދަނޑުގެ ދެމެދުގައި ހަދާފައިވާ އައިސް ބާތު ފެސިލިޓީ: ކުޅުންތެރިންނަށް މި ފެސިލިޓީ ބޭނުން ކުރަން ވެސް ނުލިބުނު --- ފޮޓޯ: ނިޝާން އަލީ | މިހާރު
އެފްއޭއެމް ޓާފް ދަނޑުގައި ހަރުކޮށްފައިވާ ބިލްބޯޑްތަކުން ފިލާތައް ވެސް ނެއްޓިފައި --- ފޮޓޯ: ނިޝާން އަލީ | މިހާރު
އެފްއޭއެމް ޓާފްދަނޑުގައި ހަރުކޮށްފައިވާ އިލެކްޓްރޯނިކް ސްކޯ ބޯޑް: މި ސް ކޯ ބޯޑް ކުރިން ބޭނުން ކުރީ ސަރުކާރުގެ ބެލުމުގެދަށުގައި އޮންނަ ގައުމީ ފުޓްބޯޅަ ދަނޑުގައި އެފްއޭއެމް ބަލަހައްޓާ ދަނޑުތަކުގައި ހަރުކުރިފަހުން ސްކޯ ބޯޑް މަރަމާތު ނުކުރޭ --- ފޮޓޯ: ނިޝާން އަލީ | މިހާރު
އޭއެފްސީގެ އެހީތެރިކަމާ އެކު އެފްއޭއެމުން ހެދި މިނީ ޓާފް ދަނޑު ވީރާނާވެފައިވާ ދަނޑުގައި ކާރް ޕާކުކޮށްފައި --- ފޮޓޯ: ނިޝާން އަލީ | މިހާރު
އެފްއޭއެމް ޓާފް ދަނޑުގެ ބޭރު ކޮށިގަނޑުގައި ހަރުކޮށްފައި ބިލްބޯޑްތަކުގެ ސަތަރި ނެއްޓި ފިލާތައް ވެސް ފޮޅިފައި: މި ބިލްޑޯޓްތަކުގައި ކުރިން ޖަހާ އިސްތިހާރުތަކުން ވެސް އެފްއޭއެމުން އާމްދަނީ ހޯދާ --- ފޮޓޯ: ނިޝާން އަލީ | މިހާރު
ދެ ޓާފް ދަނޑުގެ ދެމެދުގައި ހަދާފައިވާ އިމާރާތުގައި ހަރުކޮށްފައި ހުރި ބިލްބޯޑްތަކުގެ ކެންވަސްތައް ނެއްޓިފައި: މީގެ ކުރިން މި ބިލްބޯޑްތަކުގައި އެފްއޭއެމްގެ ސްޕޮންސަރުންގެ އިސްތިހާރުތައް ޖަހާފައި ހުރޭ --- ފޮޓޯ: ނިޝާން އަލީ | މިހާރު
ގައުމީ ފުޓްބޯޅަ ޓީމުތަކުގެ ކާމިޔާބު ދައްކުވައިދޭ ބިލްބޯޑްތަކުގައި ހަރުކޮށްފައިވާ ކެންވަސްތައް ވީދިފައި --- ފޮޓޯ: ނިޝާން އަލީ | މިހާރު
އިތުރު ފޮޓޯ ގެލަރީ
