ބައިނަލްއަގްވާމީ އަންހެނުންގެ ދުވަސް: މާޗް 8، 2018- މުޒާހަރާއެއް ކޮންޓްރޯލް ކުރުމަށްޓަކައި އެސްއޯގެ އަންހެން ފުލުހަކު ހަރަކާތްތެރިވަނީ: ފުލުހުންގެ ތެރޭގައި ހުރިހާ ޑިޕާޓްމެންޓެއްގައި ވެސް އަންހެނުންގެ ހިއްސާ ބޮޑު.---ފޮޓޯ: ހުސެއިން ވަހީދު/މިހާރު

ބައިނަލްއަގްވާމީ އަންހެނުންގެ ދުވަސް: މާޗް 8، 2018- ތުއްތު ކުއްޖަކާއެކު އަންހެނަކު މަޖާކޮށްލަނީ: އާއިލާ އަށް އުފާވެރިކަން ގެނެސް ދިނުމުގައި އަންހެނުން އިސް ދައުރެއް ކުޅޭއިރު މިއަދު އަންހެނުންނަކީ ވަޒީފާގެ ބާޒާރުގައި ވެސް މުހިންމު ބައެެއް.---ފޮޓޯ: ހުސެއިން ވަހީދު/މިހާރު

ބައިނަލްއަގްވާމީ އަންހެނުންގެ ދުވަސް: މާޗް 8، 2018- ޑްރައިވިން ސުކޫލަކުން ސައިކަލް ދުއްވަން ދަސްކުރާ އަންހެނަކަށް އެހެން އަންހެން އިންސްޓްރަކްޓަރަކު އެހީތެރިވާއިރު، ލައިސަންސް ނެގުމަށްޓަކައި ސައިކަލް ދުއްވަން ދަސްކުރާ އެހެން އަންހެނަކު ވެސް ކައިރިން ދުއަވާފައި ދަނީ: އަންހެނުންނަށް ވެހިކަލް ދުއްވަން ދަސްކޮށްދޭ ޑްރައިވިން ސްކޫލެއް ވެސް މިހާރު މާލޭގައި ވަނީ ހުޅުވާފައި.---ފޮޓޯ: ހުސެއިން ވަހީދު/މިހާރު

ބައިނަލްއަގްވާމީ އަންހެނުންގެ ދުވަސް: މާޗް 8، 2018- ތުއްތު ކުއްޖަކު ގޮވައިގެން ދެމަފިރިއަކު ހިނގާފައި ދަނީ: އާއިލާގެ ތަފާތު ކަންކަމުގައި އަންހެނުންގެ ހިއްސާ އަބަދުވެސް ވަރަށް ބޮޑު.---ފޮޓޯ: ހުސެއިން ވަހީދު/މިހާރު

ބައިނަލްއަގުވާމީ އަންހެނުންގެ ދުވަސް: މާޗް 8، 2018- ވޮލީބޯޅަ މުބާރާތެއްގެ ފައިނަލުން މޮޅުވުމަށް ފަހު ޓީމެއްގެ ކުޅުންތެރިން އުފާ ފާޅުކުރަނީ: ކުޅިވަރުގެ މައިދާނުގައި ވެސް ދިވެހި އަންހެނުންނަކީ ފަހަށް ޖެހޭ ބައެއް ނޫން.---ފޮޓޯ: ނިޝާން އަލީ/މިހާރު

ބައިނަލްއަގްވާމީ އަންހެނުންގެ ދުވަސް: މާޗް 8، 2018- އިދިކޮޅު އެމްޑީޕީން ބޭއްވި އަންހެނުންގެ އެއްވުމެއްގެ ބައިވެރިން ނިޝާންތަކެއް ހިފައިގެން އަޑު އުފުލަނީ: އިދިކޮޅު ހަރަކާތުގެ ތަފާތު ކަންކަމުގައި އަންހެނުންގެ ދައުރު ވަރަށް ބޮޑުކަން ފާހަގަކުރެވޭ. ފެށުނީއްސުރެ އެމްޑީޕީގެ ތަފާތު ހަރަކާތްތަކުން އަންހެނުންނަށް ދޭ ސަމާލުކަން ބޮޑު.---ފޮޓޯ: ހުސެއިން ވަހީދު/މިހާރު

ބައިނަލްއަގްވާމީ އަންހެނުންގެ ދުވަސް: މާޗް 8، 2018- ރަށެއްގެ އަތިރިމަތީގައި ވާހަކަ ދައްކާލަން އިށީނދެލައިގެން ތިބި އަންހެނުންތަކެއް: ރަށްރަށުގެ އިޖުތިމާއީ ކަންކަމުގައި އަބަދުވެސް ނަގާކިޔައި އުޅެނީ އަންހެނުން.---ފޮޓޯ: ހުސެއިން ވަހީދު/މިހާރު

ބައިނަލްއަގްވާމީ އަންހެނުންގެ ދުވަސް: މާޗް 8، 2018- މިދިޔަ އަހަރު ހުޅުމާލޭގައި ބޭއްވި ރޯޑް ރޭހުގެ އަންހެން ބައިވެރިއަކު ރޭސް ނިންމަނީ: ދުވާ މީހުންނާއި އެތުލީޓުން އަދި ކުޅިވަރުގެ މައިދާނުގައި ދިވެހި އަންހެނުންގެ ދައުރު ވަރަށް ބޮޑު: އަދި ތަފާތު ކުޅިވަރުތަކުން އަންހެނުން ހޯދާ ކާމިޔާބީ ވެސް ފާހަގަކުރެވޭ.---ފޮޓޯ: ހުސެއިން ވަހީދު/މިހާރު

ބައިނަލްއަގްވާމީ އަންހެނުންގެ ދުވަސް: މާޗް 8، 2018- ސަރުކާރަށް ތާއީދު ކުރާ ބަޔަކު، ވެރިކަން ކުރާ ޕާޓީ ޕީޕީއެމުން ބޭއްވި ބައްދަލުވުމެއްގައި ސަރުކާރާ އެއްކޮޅަށް އަޑު އުފުލަނީ: ރައީސް އަބްދުﷲ ޔާމީންގެ ސަރުކާރުން އަންހެނުންގެ ތަރައްގީ އާއި ސަރުކާރުގައި އަންހެނުންގެ ހިއްސާ ބޮޑުކުރުމަށް ޚާއްސަ ސަމާލުކަމެއް ދޭ.---ފޮޓޯ: ހުސެއިން ވަހީދު/މިހާރު

ބައިނަލްއަގްވާމީ އަންހެނުންގެ ދުވަސް: މާޗް 8، 2018- އަންހެން ސިފައިންގެ މީހަކު، ކުއްޖަކު ގޮވައިގެން ސައިކަލްގައި ސްކޫލަށް ދާއިރު އެހެން އަންހެނަކު ސައިކަލް މަތީގައި މަޑުކޮށްލައިގެން: ސިފައިންގެ އަށް އަންހެނުން ވައްދަން ފެށީ ނޮވެމްބަރު 3، 1988 ގައި ރާއްޖެ އަށް ކުރިމަތިވި އުދުވާނީ ހަމަލައަށް ފަހު. އޭގެ ފަހުން އަންހެން ސިފައިންގެ ބައިވެރިވުން ރާއްޖޭގެ އަސްކަރިއްޔާގައި އަންނަނީ އިތުރުވަމުން.---ފޮޓޯ: ހުސެއިން ވަހީދު/މިހާރު

ބައިނަލްއަގްވާމީ އަންހެނުންގެ ދުވަސް: މާޗު 8، 2018- ބެލެނިވެރިއަކު، ތުއްތު ކުއްޖަކާއި ސްކޫލް ދަރިވަރަކު ގޮވައިގެން މަގު ހިނގާލަނީ: ކުދިން ތަރުބިއްޔަތު ކުރުމާއި އާއިލާގެ ކަންކަން ހަމަޖެއްސުމުގައި އަންހެނުންގެ ހިޔާލާއި މަޝްވަރާ އަށް ވެސް ޖާގަ ދޭންޖެހޭ.---ފޮޓޯ: ހުސެއިން ވަހީދު/މިހާރު

ބައިނަލްއަގްވާމީ އަންހެނުންގެ ދުވަސް: މާޗް 8، 2018- ފޮޓޯ އިން ތިޔަ ފެންނަނީ 500 ނަރުހުން ތަމްރީން ކުރުމަށް ދިވެހި ސަރުކާރުން ކުރިއަށް ގެންދާ ޕްރޮގްރާމްގެ ބައިވެރިން އިތުރު ތަމްރީނަށް އިންޑިއާ އަށް ފުރުމުގެ ކުރިން ބޭއްވި ބައްދަލުވުމެއްގައި ބައިވެރިވި ބައެއް ދަރިވަރުން: ރާއްޖޭގައި ނަރުހުންގެ ދާއިރާގައި ފެށުނީއްސުރެ އެންމެ އިސް ދައުރެއް އަދާކުރަނީ އަންހެނުން. އަދި މިއީ އަންހެނުންނަށް ޚާއްސަ ކަމެއްގެ ގޮތުގައި ފާހަގަކުރެވޭ ވަރަށް އެ ދާއިރާގައި އަންހެނުން ހަރަކާތްތެރިވޭ.---ފޮޓޯ: ހުސެއިން ވަހީދު/މިހާރު