ރަޔަން ޓޯއި ރިވިއު ކުރަނީ
15 ޑިސެމްބަރ 2017 - 07:29
4 comments
ރަޔަން އަކީ އުުމުރުން އެންމެ ހަ އަހަރުގެ ކުއްޖެކެވެ. އެކަމަކު އޭނާ އެ އަންނަނީ "ރަޔަން ޓޯއީޒް ރިވިއު" ކިޔާ އަމިއްލަ ޔޫޓިއުބު ޗެނަލެއް ހޯސްޓްކުރަމުންނެވެ. ކުޑަކުދިން ކުޅޭ އެއްޗެތި ރިވިއުކޮށްގެން އިންޓަނެޓުން މި ކުއްޖާ މިހާރު އެތައް މިލިއަން ޑޮލަރެއް ހޯދަ އެވެ.
ރަޔަން މިހާރު ބެލެވެނީ މިލިއަނަރެއްގެ ގޮތުގަ އެވެ. އޭނާގެ ޗެނަލްއަށް 2017 ގައި 11 މިލިއަން ޑޮލަރު ލިބުނެވެ. އެއާ އެކު ފޯބްސް އިން މި އަހަރު ނެރުނު އެންމެ ގިނަ އާމްދަނީ ލިބޭ ޔޫޓިއުބު ސެލެބްރިޓީންގެ ތެރޭގައި ރަޔަން ހިމެނެ އެވެ.
ރަޔަންގެ މަޝްހޫރު ޗެނަލްގެ ބިންގަލަކީ އޭނާގެ މަންމަ އާއި ބައްޕަ އެވެ. މި ކުއްޖާގެ އަޖައިބެއް ފަދަ ހުނަރު ޝޫޓްކޮށް ޕްރޮޑިއުސްކުރަނީ އެމީހުންނެވެ. ރަޔަން ޓޯއީޒް ރިވިއު ފެށީ މާޗް 2015 ގަ އެވެ. އޭރު ރަޔަންގެ އުމުރުން އެންމެ ތިން އަހަރެވެ.
ފުރަތަމަކޮޅު ރަޔަންގެ ޗެނަލް އަށް މާ ބޮޑު ތަރުހީބެއް ނުލިބެ އެވެ. ނަމަވެސް ޖުލައި 2015ގައި ކުއްލިއަކަށް އެ ޗެނަލްގެ މަގްބޫލުކަން ބޮޑުވެގެން ދިޔަ އެވެ. އެއީ ކުޑަ ފިރިހެންކުއްޖާގެ ވީޑީއޯއެއް ވައިރަލްވެ އެންމެން އެޔާ ހެދި މޮޔަވުމުންނެވެ. އެ ވީޑިއޯއިން ފެންނަނީ "ޖަޔަންޓް އެގް ސަޕްރައިޒް" ފޮށި ހުޅުވައިގެން އޭގައިވާ އެނިމޭޓެޑް ފިލްމު "ކާޒް" ސީރީޒްގެ 100 ޓޯއީ ރިިވިއުކުރާ ތަނެވެ.
މި ވީޑިއޯ ބެލީ ކިތައް މީހުންކަން އެނގޭ ހެއްޔެވެ؟ މިހާތަނަށް 800 މިލިއަން ފަހަރު އެ ވީޑިއޯ ބަލާފައިވެ އެވެ.
ޗެނެލް ފެށުނު ގޮތް
ޓޯއީޒް ރިވިއުކުރާ ޗެނަލްތައް ރަޔަން ވަރަށް ގިނައިން ބަލަ އެވެ. އެގޮތުން އީވާންޓިއުބުއެޗްޑީ އާއި ހުލްޔާން މާޔާ އަކީ އޭނާގެ ފޭވަރިޓް ޗެނަލްތަކެވެ. ސަބަބަކީ އެ ޗެނަލްތަކުން 'ތޯމަސް ދަ ޓޭންކް އިންޖީން'ގެ ވަރަށް ގިނަ ވީޑިއޯތައް ތައްޔާރުކުރާތީ އެވެ. ރަަޔަން އަކީ ތޯމަސްގެ ވަރަށް ބޮޑު ފޭނެކެވެ.
"އެއް ދުވަހަކު ރަޔަން އެހި އެހެން ހުރިހާ ކުދިން ޔޫޓިއުބުގައި އުޅޭއިރު އޭނާ ޔޫޓިއުބުގައި ނޫޅެނީ ކީއްވެހޭ؟ އެހެންވެ އަހަރެމެން އޭނައަށް ވެސް ޔޫޓިއުބު ޗެނަލެއް ހަދައިދޭން ގަސްދުކުރީ،" ރަޔަންގެ މަންމަ ލޯއެން ބުންޏެވެ.
"އަހަރެމެން އޭނާ ކައިރި ބުނިން އެކަން ކުރެވިދާނޭ. އެހިސާބުން އަހަރެމެން އޭނާ ގޮވައިގެން ކުޅޭއެއްޗެތި ވިއްކާ ފިހާރައަކަށް ގޮސް އޭނާ އެންމެ ބޭނުންވާ ކުޅޭ އެތި ގަނެދިނިން. އެއީ އޭނާއަށް ލިބުނު ފުރަތަމަ ޓޯއީ. އަހަންނަށް ހީވަނީ އެއީ ލެގޯ ޓްރެއިން ސެޓެއް ހެން. ހުރިހާ ކަމެއް ފެށުނީ އެހިސާބުން."
ރަޔަންގެ ކާމިޔާބީގެ ފަހަތުގައި އޭނާގެ މަންމަގެ ވަރަށް ބުރަ މަސައްކަތް ހިމެނެ އެވެ. ރަޔަންގެ ޗެނަލްގައި ފުލްޓައިމްކޮށް މަސައްކަތް ކުރަން ފެށީ އޭނާގެ މަންމަ އަދާކުރަމުން އައި ހައި ސްކޫލްގެ ސައިންސް ޓީޗަރުގެ ވަޒީފާ ވެސް ދޫކޮށްލާފަ އެވެ. އޭގެ ފަހުން ހުރިހާ ވަގުތެއް ހުސްކުރަމުން އަންނަނީ ރަޔަންގެ ޗެނަލްގެ މަސައްކަތަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޖުވަދު
25 December 2017
ރާއްޖޭގެ ބޭންކަތަކަކުން ނޫން ޕޭޕަލްގެ ވިޔާފަރާރި އެކައުންޓްގެ ޚިދުމަތް ނުދެނީ. އެއީ ޕޭޕަލް އިން ނިންމާ ނިންމުމެއް. އެކަމަކު މިހާރު ޕޭޕަލްއިން ދަނީ ދިވެހިރާއްޖެއަށް ޕޭޕަލްގެ ވިޔަފާރި އެކައުންޓްގެ ޚިދުމަތްދިނުމަށް ވިސްނަމުންކަމަށް އެފަރާތުން ބުނޭ.
އަޙްމަދު ޙަސަން
15 December 2017
ރާއްޖޭގައި ޔޫޓިއުބް ޗެނަލްތައް މަނިޓައިޒް ނުކުރެވެއެވެ. ހަމަ އެހެންމެ، މިއުޒިކް އާޓިސްޓުންނަކަށް ވީވޯ ޗެނަލެއް ވެސް ނުލިބެއެވެ. ރާއްޖޭގެ ބޭންކް އެކައުންޓްތަކަށް އެންމެ ކުޑަމިނުން ޕޭޕާލް އިން ފައިސާ ޖަމާކުރެވޭނެ ގޮތެއް ވެސް ނެތެވެ. ކުރުކޮށް ބުނާނަމަ އިންޓަނެޓުން ފައިސާ ލިބޭނެ އެއްވެސް މަގެއް ރާއްޖެއަކަށް ނެތެވެ. އެހެން ޤައުމުތަކުގައި ތިމާގެ ޢިލްމު ޙިއްސާކޮށްގެން، އަމިއްލަ ޕްރޮގްރާމްތައް ހަދައިގެން ޔޫޓިއުބުން ފައިސާ ލިބެއެވެ. ހަޤީޤަތަކީ ޔޫޓިއުބަކީ ގިނަ ދިވެހިިން އަދި އެހާ ފަރިތަ ނުވަތަ ބަލައިގަންނަ ތަނެއް ނޫނެވެ. އެއަށްވުރެ ވެސް ބޮޑަށް، ދިވެހިންނަކީ "ހުނަރު" އަދި މީހާގެ "ވިސްނުން / ބުއްދި" އަގުވަޒަންކުރާ ބައެއް ނޫނެވެ. އުއްމީދު ކުރަނީ ކުރިއަށް އޮތް 1 އަހަރު ތެރޭ ޕޭޕާލް އާއި ޔޫޓިއުބުން ފައިސާ ލިބޭނެ މަގު ދިވެހިންނަށް ތަނަވަސް ވެގެން ދާނެ ކަމަށެވެ.
ވަހީދު
15 December 2017
އަހްމަދު އަށް ޝުކުރު ދަންނަވަމެވެ. މައުލޫމާތު ހިއްސާކުރީތީވެއެވެ. ނަމަވެސް ހިތާމަޔާ އެކީ ދަންނަވަމެވެ. މިރާއްޖޭގައި ރައްޔިތަކަށް ތަނަވަސްކަން ލިބޭނެ އެއްވެސް މަގެއް ހުޅުވައިދޭނެ ކަމަކަށް ނުބެލެވެއެވެ. ބިކަކުރަންވެއްޖެއްޔާމުން އެކަމެއް އެބަ ކުރެއެވެ. ސަލާމެވެ.
ބުރަދަން
16 December 2017
އެމެރިކާ ސިންގަޕޫރު ހިސާބު ބަޔަކު ކުރާ މޮޅުކަމެއްގެވާހަކަ ނޫހުގަ ޖަހާލާއިރަށް އިތިއޯޕިއާ ސޯމާލިއާ ދިވެހިރާއްޖެފަދަ ގައުމުތަކުގެ މީހުނަށް މިހިރަ ވާގޮތެއްދޯ.