ޚަބަރު / ރައީސް އަބްދުﷲ ޔާމީން

އިންތިޚާބު ބޮއިކޮޓު ނުކުރަން ނިންމި ނިންމުން ޔާމީން ބަލައެއްނުގެންނެވި

ސެނެޓުގެ ނިންމުން ބަލައިނުގަންނަވާ ކަން އެންގެވުމާ އެކު، ޕީޕީއެމް/ޕީއެންސީ ކޯލިޝަނުގެ ލީޑަޝިޕްގެ ބައްދަލުވުމެއް ބާއްވަން އަންނަނީ ތައްޔާރުވަމުންނެވެ.

މުހައްމަދު ވިޝާމް، މިހާރު

06 އޯގަސްޓް 2023 - 21:20

56 comments

އަންނަ ރިޔާސީ އިންތިޚާބު އިދިކޮޅު ޕީޕީއެމް/ޕީއެންސީން ބޮއިކޮޓު ކުރަން ކުރީގެ ރައީސް އަބްދުﷲ ޔާމީން ބޭނުންފުޅުވި ނަމަވެސް، އެކަން އެ ގޮތަށް ނުކުރަން ދެ ޕާޓީގެ ޖޮއިންޓް ސެނެޓުން ނިންމި ނިންމުން ބަލައިނުގަންނަވާ ކަން އެމަނިކުފާނު އަންގަވައިފި އެވެ.

އިންތިހާބު ބޮއިކޮޓް ކުރަން ފެނޭތޯ ބަލަން ވޯޓަށް އަހަން ޖެހުނީ ޔާމީނަށް ރިޔާސީ އިންތިހާބުގައި ވާދަނުކުރެވޭނެ ކަމަށް އިލެކްޝަންސް ކޮމިޝަނުން ނިންމީ ރަނގަޅަށް ކަމަށް ސުޕްރީމް ކޯޓުން މިއަދު ހުކުމް ކުރުމާ ގުޅިގެން، އިންތިހާބު ބޮއިކޮޓް ކުރަން އެ މަނިކުފާނު އެދިވަޑައިގަތުމުންނެވެ.

ސުޕްރީމް ކޯޓުގެ ހުކުމަށް ފަހު، ޕީޕީއެމް/ޕީއެންސީގެ ލީޑަޝިޕަށް ޔާމީން ހަވާލުކުރެއްވި ނޯޓިސްގައި ވަނީ އެ ހުކުމާ އެކު، އެ މަނިކުފާނުގެ ހައްގު ނިގުޅައިގެންފައިވާ ކަމަށް ސެނެޓުން ގަބޫލުކުރާ ނަމަ ރިޔާސީ އިންތިހާބު ބޮއިކޮޓް ކުރުމަށެވެ. އެހެންވެ، ސެނެޓްގައި ވޯޓަށް އެހީ އެވެ.

BREAKING: Yameen beynunfulhuvi gothah riyaasee inthihaabu boycott kuran faaheh nuvi!

The most trusted news source in the Maldives

Mihaaru

އެ ބައްދަލުވުމުގައި ބައިވެރިވެވަޑައިގަތީ 126 މެމްބަރުންނެވެ. އަންނަ މަހުގެ 9 ގައި ބާއްވާ ރިޔާސީ އިންތިހާބު ބޮއިކޮޓް ކުރަން ނުފެންނަ ކަމަށް ވޯޓު ދެއްވީ 67 މެމްބަރެކެވެ. ޔާމީން އެދިވަޑައިގެންނެވި ގޮތަށް އިންތިހާބު ބޮއިކޮޓް ކުރަން ވޯޓު ދެއްވީ 46 މެމްބަރެކެވެ.

އެކަމަކު ސެނެޓުގެ ނިންމުން ބަލައިނުގަންނަވާކަން، ޔާމީން އެމަނިކުފާނުގެ އަނބިކަނބަލުން ފާތިމަތު އިބްރާހިމަށް ފޮނުއްވި ނޯޓިސްއެއްގައި ވިދާޅުވެފައިވާ ކަން އެނގިފައި ވެ އެވެ.

އިންތިހާބު ބޮއިކޮޓް ކުރަން ޔާމީން ބޭނުންފުޅުވި ނަމަވެސް އެ މަނިކުފާނަށް ފުރުސަތު ގެއްލޭ ހާލަތުގައި ޕީޕީއެމް/ޕީއެންސީން ނެރޭނީ މާލޭގެ މޭޔަރު ޑރ. މުހައްމަދު މުއިއްޒު ކަމަށް ޕީއެންސީގެ ސެނެޓުން އޮތީ ފާސްކޮށްފަ އެވެ. މުއިއްޒު ވަނީ އޭނާގެ ރަނިންމޭޓަކަށް ފަރެސްމާތޮޑާ ދާއިރާގެ މެމްބަރު ހުސައިން މުހައްމަދު ލަތީފް ކަނޑައަޅަން ނިންމަވައިފަ އެވެ. ރިޔާސީ އިންތިހާބަށް ކެންޑިޑެސީ ފޯމު ހުށަހެޅުމުގެ ސުންގަނޑިއަކީ މާދަމާގެ މެންދުރު 2 ޖަހާއިރެވެ.

ޕީޕީއެމް/ޕީއެންސީގެ އެންޑޯޒްމަންޓު ނުލިބުނަސް، މާދަމާ މުއިއްޒު ފޯމު ހުށަހަޅުއްވާނެ ކަމުގެ އަޑުތަކެއް ވެސް ދަނީ އިވެމުންނެވެ. އެކަމަކު އެކަމާ ގުޅޭގޮތުން މުއިއްޒު އަދި ރަސްމީކޮށް އެއްޗެއް ވިދާޅެއް ނުވެ އެވެ.

ރައީސް އަބްދުﷲ ޔާމީން ޕީޕީއެމް ރިޔާސީ އިންތިޚާބު 2023

56 ކޮމެންޓް, 45 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަޑިތަކުރު

07 August 2023

އެބުނާ ނޯޓިސްގައި ވަނީ އެ ހުކުމާ އެކު، އޭނާގެ ހައްގު ނިގުޅައިގެންފައިވާ ކަމަށް ސެނެޓުން ގަބޫލުކުރާ ނަމަ ރިޔާސީ އިންތިހާބު ބޮއިކޮޓް ކުރުމަށެވެ. އެކަމަކު ވޯޓުން ދެކޭގޮތް ހާމަކުރީމާ އެކަން ބަލައި ނުގަތުމަކީ ކޮންފަދަ ހުދުމުޚްތާރު ގޮތެއް ހެއްޔެވެ. ހުކުމެއް އަޔަސް ލޫޓުވިހާ ފައިސާ އަތުގައި ހުރީމާވެސް ހިތެއް ނުފުރެއެވެ. އަދިވެސް އިތުރަށް ލޫޓުވައިގެން އަންބޮޑި ބޮޑުކުރަން ބޭނުންވަނީއެވެ. މިވަރުންވެސް މީނާއަކީ ހަމަ މައުސޫމް މީހެއްކަމަށް ދެކޭ ބަޔަކު އުޅެއެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫސާކުއްދާ

07 August 2023

ހުރިހާވެސް މައްސަލައަކީ ޔާމީނަށްވެސް އެނގޭވިއްޔާ ޕީޕީއެމް/ޕީއެންސީ އިން ކޮންމެ ކެންޑިޑޭޓަކު ނެރެ ކާމިޔާބުވިޔަސް އެމީހަކުވެސް 2 ދައުރު ބޭނުންވާނެކަން އަދި ޔާމީނު ވެރިކަމަށް އަންނަން ކުރާ އިންތިޒާރު ދިގުވުން ނޫން ކަމެއް ނުވާނެކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޯއްޗެއްތަ

07 August 2023

ކޯއްޗެއްތަ ދެން ބަލައިގަންނަންވީ؟ ރަސްކަލެއްކަން؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރ‫ަޕެއްލާ އިބުރޭ

07 August 2023

ހ‫ެޔޮ ވެރިކަމެއް ބަގާވާތުން ވައްޓާލުމުގެ ހިތި ރަހަގަޑު ކަރުބުޑުގަ ހެޔޮވަރުކޮށް ލަމުންދަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޒީރުވިންސް

07 August 2023

ރަސްކަމެއްތަ ޕީޕީއެމްގަ އޮތީ. ސެނެޓުން ގޮތެއް ނިންމަން ބުނެފަ ދެން އެނިންމުން ބަލައި ގަންނަންޖެހޭނީ ކޮންމެ މީހަކަށް ވިޔަސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައްޓޭ

07 August 2023

ޔާމީނުގެ ޚަރީފީ ވިސްނުން ބަލައެއް ނުގަނެވޭނެ ޕާރޓީން ވެރިކަމަށް ކުރިމަތިނުލާ ނަމަ އެންމެން ޕާރޓީ ދޫކޮށް ދިޔުން ވަރަށް ކައިރި ތިމާއަށް ކުރިމަތި ނުލެވޭ ނަމަ ޕާރޓީން ކުރިމަތި ނުލުން ކޮންކަހަލަ ކަށި ވިސްނުމެއްތޯ މީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފްރޯ

07 August 2023

މީނައަށް ހުރިހާ ބޮނޑިއެއް ލިބެނީވެސް ހަމަ ބޯހަރުކަމުން.. އަބަދުވެސް މަ މަ މަ.. ޕާޓީއަކަށް، މެމްބަރުންނަކަށް، ރައްޔިތުންނަކަށް ވިސްނާލުމެއް ނެތް. ކޮރަޕްޝަން ލާރިވެސް އަމިއްލައަށް ބައްކުރަން ހަދައިގެން ބޮނޑިބުއީ. ޔާމީނު މިނިވަންވެގެން ކުރިމަތިލިޔަސް ރޭނގަނޑާ ދުވާލުހާ ސާފުކޮށް ފެންނަން އޮތް ވަގަކަށް އަދި 5 އަހަރު ވެރިކަންކުރި ޚުދުމުޚުތާރު ގޮތައްބަލާފައި މިގައުމުގެ މެޖޯރިޓީއެއް ވޯޓެއް ނުދޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަންވާރު އިބްރާހީމް

07 August 2023

ޔާމީނާއި ނުލައި އަދި ޔާމީނުގެ ސަޕޯޓް ނެތި މުއިއްޒު ގަދަފައި ވިއްދައިގެން އިންތިޚާބުގައި ވާދަ ކުރިޔަސް އެކަމުން އެއްވެސް މަންފާއެއް ނުނިކުންނާއެެވެ. ހަމަ ބޮޑު ބައްޔަކުން ބަލިވެ ސިޔާސީ މައިދާން ދޫކޮށް ދާންޖެހުން ފިޔަވައި އިތުރު ކަމެއް ނުވާނެއެވެ. ދެން އޮތީ ޔާމީނު، މުއިއްޒުގެ ފަރާތުން އަދި އިންތިޚާބުގެ ކުރިން ފެނުނު މިޢަމަލަށް ބަލާފައިވެސް އިތުބާރު ނުކުރުން އެއީ އެއްމެ ބުއްދިވެރި ގޮތެވެ. މުއިއްޒުއަކީ އަމިއްލަ އެދުމުން ފުރިގެންވާ މީހެކެވެ.