ކުރިޔަށް އޮތް ރިޔާސީ އިންތިހާބުގައި ވާދަކުރައްވާ ކެންޑިޑޭޓުންގެ މެދުގައި ގުރުއަތު ނަގައި ނަންތައް މިއަދު ތަރުތީބު ކޮށްފި އެވެ.

މި އަހަރުގެ ރިޔާސީ އިންތިހާބުގައި އަށް ކެންޑިޑޭޓުން ބައިވެރިވި އެވެ. އޭގެ ތެރޭގައި ހިމެނެނީ ސިޔާސީ ޕާޓީތަކުން ފަސް ކެންޑިޑޭޓަކާއި އަމިއްލަ ގޮތުން ވާދަ ކުރައްވާ ތިން ކެންޑިޑޭޓެކެވެ.

އެ ކެންޑިޑޭޓުންގެ ނަން ތަރުތީބު ކުރުމަށް މިއަދު ދަރުބާރުގޭގައި ބޭއްވި ރަސްމިއްޔާތުގައި އެމްޑީޕީގެ ކެންޑިޑޭޓު ރައީސް އިބްރާހިމް މުހައްމަދު ސޯލިހާއި އެމްއެންޕީގެ ކެންޑިޑޭޓު މުހައްމަދު ނާޒިމާއި ޑިމޮކްރެޓްސްގެ ކެންޑިޑޭޓް އިލްޔާސް ލަބީބް ފިޔަވައި އެހެން ހުރިހާ ކެންޑިޑޭޓުން ބައިވެރިވެވަޑައިގަތެވެ. އެ ތިން ބޭފުޅުން އުޅުއްވަނީ ކެމްޕެއިނަށް އެކި ރަށްރަށުގަ އެވެ.

އެ ތިން ކެންޑިޑޭޓުންގެ ފަރާތުން އެ ގުރުއަތުގައި ބައިވެރިވީ ކެންޑިޑޭޓުންގެ އިންތިހާބީ އެޖެންޓުންނެވެ.

ކެންޑިޑޭޓުން ނަމްބަރު ތަރުތީބުން:

1. އުމަރު ނަސީރު - އަމިއްލަ ގޮތުން

2. ހަސަން ޒަމީލް - އަމިއްލަ ގޮތުން

3. ރައީސް އިބްރާހިމް މުހައްމަދު ސޯލިހު - އެމްޑީޕީ

4. ޑރ. މުހައްމަދު މުއިއްޒު - ޕީއެންސީ

5. ގާސިމް އިބްރާހިމް - ޖޭޕީ

6. ފާރިސް މައުމޫން - އަމިއްލަ ގޮތުން

7. އިލްޔާސް ލަބީބް - ދަ ޑިމޮކްރެޓްސް

8. މުހައްމަދު ނާޒިމް - އެމްއެންޕީ

ރިޔާސީ އިންތިހާބުގައި ވާދަ ކުރާ ކެންޑިޑޭޓުން ނަން އަނބުރާ ގެންދިޔުމުގެ ފުރުސަތު މިއަދު ވަނީ ބަންދުވެފަ އެވެ.

ރިޔާސީ އިންތިހާބު ބާއްވަން ހަމަޖެހިފައި ވަނީ އަންނަ މަހު 9 ގަ އެވެ.