ޚަބަރު / ރައީސް އަބްދުﷲ ޔާމީން

މުއިއްޒުގެ އެދިވަޑައިގަތުމާ ދެކޮޅަށް ސަޕޯޓަރުން ޔާމީންގެ ގެކޮޅު ކައިރިއަށް އެއްވެއްޖެ

ޔާމީން ގެއަށް ބަދަލުކުރި ދުވަހު އަރިހުގައި އިންތިހާބީ ރައީސް މުއިއްޒު: ގިނަ އަދަދެއްގެ ސަޕޯޓަރުން އެ ދުވަހު ވެސް އެ ސަރަހައްދަށް އެއްވި -- ފޮޓޯ: ނިޝާން އަލީ/ މިހާރު

ކުރީގެ ރައީސް އަބްދުﷲ ޔާމީންގެ މައްޗަށް ކޮށްފައިވާ ހުކުމުން މިނިވަންކުރުމުގެ މަސައްކަތް ރީތިކޮށް ގެންދިއުމުގެ ފުރުސަތަކަށް އިންތިހާބީ ރައީސް ޑރ. މުހައްމަދު މުއިއްޒު ރޭ އެދިވަޑައިގެންފައިވަނިކޮށް، ޔާމީން މިނިވަން ކުރުމަށް ގޮވާލައި، އެމަނިކުފާނުގެ ގެކޮޅު ކައިރިއަށް ސަޕޯޓަރުން އެއްވެއްޖެ އެވެ.

އިންތިހާބުގެ ބޮޑު ކާމިޔާބީ ފާހަގަކުރަން ސޯޝަލް ސެންޓަރުގައި ބޭއްވި ބައްދަލުވުމުގައި އެމަނިކުފާނު ވަނީ، ޔާމީން މިނިވަން ކުރުމުގެ މަސައްކަތް ރީތިކޮށް ކުރިއަށް ގެންދިއުމުގެ ފުރުސަތު ދިނުމަށާއި އެ އިން ބޭރުން މަގުމައްޗަށް ނުކުމެ އަޑުގަދަކޮށް، އެކި ކަހަލަ ޖަލްސާތަކާއި ހިނގާލުންތައް ނުބޭއްވުމަށް މުއިއްޒު އެދިވަޑައިގަތެވެ.

އެހެން ވިދާޅުވިތާ ކުޑައިރުކޮޅެއް ފަހުން، ކާމީޔާބީ ފާހަގަކުރުމަށް ބޭއްވި އިވެންޓުގައި ބައިވެރިވި ގިނަ އަދަދެއްގެ ސަޕޯޓަރުން ވަނީ ޔާމީންގެ ގެކޮޅު، ހ. ދޫވެހި ކައިރިއަށް އެއްވެފަ އެވެ.

ވެހެމުން ދިޔަ ވާރޭގައި ސަޕޯޓަރުން އެތަނަށް އެއްވެ، ޔާމީން މިނިވަން ކުރުމަށާއި އިންސާފު ގާއިމް ކުރުމަށް ގޮވާލައި އަޑުގަދަ ކުރި އެވެ. އަދި، މިހާރު އޮތީ ޕީޕީއެމްގެ ސަރުކާރެއް ކަމަށް ބުނެ، މިހާރުން މިހާރަށް ޔާމީނަށް މި ސަރުކާރުން ދެމުންގެންދާ އަނިޔާ ހުއްޓާލުމަށް ވެސް ގޮވާލި އެވެ.

ސަޕޯޓަރުންގެ އިހުތިޖާޖަށް ބައި ގަޑިއިރެއްހާ އިރު ފަހުން، ގޭބަންދުގައި މިވަގުތު ހުންނެވި ޔާމީން ވަނީ ކުޑަދޮރުން ސަޕޯޓަރުންނަށް ހަނާ އަޅުއްވައިފަ އެވެ. އެވަގުތު އަރިހުގައި އަނބިކަނބަލުން ފާތިމަތު އިބްރާހިމް ވެސް ހުންނެވި އެވެ.

ޔާމީން ގެއަށް ބަދަލުކުރީ މުއިއްޒު އިންތިހާބުވެވަޑައިގަތުމަށް ފަހު ހޮނިހިރު ދުވަހުގެ ރޭ ބޭއްވި ފުރަތަމަ ނޫސްވެރިންގެ ބައްދަލުވުމުގައި އެކަމަށް ގޮވާލައްވާފައި ވަނިކޮށް ޖެހިގެން އައި ދުވަހުގެ މެންދުރު ފަހު އެވެ.

އެކަން ފާހަގަކުރައްވައި މުއިއްޒު ރޭ ވިދާޅުވީ، ނޮވެމްބަރު 17 އާ ހަމައަށް ދާއިރު މި ސަރުކާރުގެ ނުފޫޒު ނިމުމަކަށް އައިސް، އުސޫލުގެ ތެރެއިން ޔާމީން މިނިވަން ވާނެ ކަމަށެވެ.

"އަޅުގަނޑު މި ދަންނަވަނީ [ނޮވެމްބަރު] 17 ވަނަ ދުވަހާ ހަމައަށް ދާއިރު މިހާރު އޮތް ޕްރޮސެސް އިން އެ މަނިކުފާނު މިނިވަން ނުވާ ކަމުގައި ވާ ނަމަ މިނިވަން ނުވާނީ ސަރުކާރުން ނުފޫޒު ފޯރުވާތީ. ރައީސުލްޖުމްހޫރިއްޔާގެ އޮފީހުން ކޯޓުތަކަށް ނުފޫޒު ފޯރުވާތީ،" މުއިއްޒު ވިދާޅުވި އެވެ.

އެމަނިކުފާނު ވިދާޅުވީ، އެހާތަނަށް އެ މަރުހަލާ ރީތި ގޮތުގައި ކުރިއަށް ގެންދިއުމުގެ ފުރުސަތަކަށް އެދިވަޑައިގަންނަވާ ކަމަށާއި އެހެން ނޫން ނަމަ ގައުމަށް ހަމަޖެހުން ނުލިބޭނެ ކަމަށެވެ.

107 ކޮމެންޓް, 66 ރިއެކްޝަންސް

icon happy icon happy 33%
icon sad icon sad 21%
icon angry icon angry 41%
icon wow icon wow 2%
icon inlove icon inlove 3%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

ކުޑަހުއްތު

04 October 2023

ސަރުކާރުން ރައީސް ޔާމީނު ގެޔަށް ބަދަލުކުރެއްވުން ރަނގަޅު. ނިޔަތަކީ ރައީސް ޔާމީނާއި އިންތިޚާބީ ރައީސް ޑރ. މުޢިއްޒުއާ ޖައްސުވައި ރުޅިވެރިކަން އުފައްދަން ކަމަށްވާނަމަ، އެކަމުގެ ހިތިނަތީޖާ މުޅި ގައުމަށް ފެންނާނެ

The name is already taken The name is available. Register?

އަލީ

04 October 2023

ރައީސް ނަޝީދު ,... ރައީސް ޔާމީން , މުއިއްޒުއަށް ވެރިކަން ކުރެވޭނެބާ, ކުރިޔަދޭނެބާ

The name is already taken The name is available. Register?

ސައިޚް

04 October 2023

ކޯރޓުން ކޮއްފައޮތް ވައްކަމުގެ ހުކުމެއް، ދައުލަތުން ވަގައްނަގާފައޮތް ހުރިހާ ފައިސާއެއް، ދެން ހަމަ އެއްވެސް ލާރިއެއް ދައުލަތަށް ނުލިބި، ހުދުކާފޫރައްވެ ނިމުނީމަ މިކުރެވުނީ ކީއް.؟ބޮޑެތި އަދަދުން ރައްޔިތުންގެ ފައިސާ ހެސްކިއާފަ ކާންވީތަ.؟ ވާކަމެއް ހަރާމް، ކުއްވެރިން، ވަގުން ހިމާޔަތް ލިބިގެން ނިމޭނަމަ އަދުލުގެ ނިޒާމްގެ ބޭނުމެއްކޮބާ.؟

The name is already taken The name is available. Register?

ޑރ މުއިޒް ފޭން

04 October 2023

ހަމަ އަސްލުވެސް އެރޭގެ ކަންތައް ވަރަށް ގޯސް ޔާމިންއަށް ތާއީދު ކުރިޔަސް މިވަގުތު ޑރ މުއިޒްގެ ސަރުކާރެއް ޤާއިމް ވެފައިވަނިކޮއްދެން ކޮންސަކަރާތެއްޖަހާކަށްތަ.

The name is already taken The name is available. Register?

Gold

03 October 2023

ތިސަކަރާތްޖަހާނެތީއޭ ގެޔަށްބަދަލުނުކޮށްހުރީ!

The name is already taken The name is available. Register?

ފޮނިޓައްޕު ހަސަނު

03 October 2023

ޔާމީނު ގެއަށް ބަދަލު ކުރީ މުއިޒުގެ ހިތްނުތަނަވަސް ކުރަން، އަދި ޔާމީނު ލައްވައި ދުއްތުރާ ކުރަން. މުއިޒު އެބަޖެހޭ މުއިޒަކީ ފިސަރި ކެރޭ ފިރިހެނެއްކަން ދައްކާލަން. ޔާމީނުގެ ވިސްނުން ހުންނާނީ އަނެއްކާވެސް އަދީބެއް ގެނެސްގެން ހަލާލެއް ހަރާމެއް ނުބަލައި ފައިސާ ހޯދައިގެން 2024ގެ މަޖްލިސް އިލެކްޝަން ކާމިޔާބު ކުރުން. އެއިރުން ޔާމީނުގެ ކޮންޓްރޯލް ދަށުގައި މަޖިލިސް އޮވެ މުއިޒަށް ހުންނާނީ ނޯކޮންފިޑެންސް ވޯޓުގެ ބިރު ދައްކާފައި.

The name is already taken The name is available. Register?

ދަތިކުރާނެ

03 October 2023

ކަންތަކާއިޖެހެނީ. މިފެންނަގިނަފެނުމުން ޑރ. މުޢިއްޒުއަށް ނަމުގައިވެސް ހުރެވޭނެކަމަކަށް ލަފައެއްނުކުރެވޭ. ގަބޫލުކުރެވޭގޮތުގައި ދެންފެންނާނީ ރައީސް ޞާލިޙްގެ ދައުރުގައި ޙަރަކާތްތެރިވިޔަނުދީފައިތިބި ގޭންގުތަކުގެ ޙަރަކާތް ތިފަދަ އެއްވުންތަކުގެތެރެއިން ގިނަވެގަންނަތަން.

The name is already taken The name is available. Register?

ގެއައް ބަދަލު ކުރުން

03 October 2023

އިބޫގެ ރޭވުންގަޑު ކާމިޔާބު ކަމަށް މިފެންނަނީ.

The name is already taken The name is available. Register?

ފާބް

03 October 2023

ބްރޯ އެކަމް ޕްރެޒިޑެންޓް އިލެކްޓް ރިކުއެސްޓް ކުރީމަ ދޯ ދޫކޮށްލީ. ދެން މިހާރު ތިކިޔަނީ ކީކޭ

The name is already taken The name is available. Register?

އަފްރާސިޔާބު

04 October 2023

އެއީ އިބޫގެ ރޭވުމެއްނޫން. ކޮންމެ ގޯސްކަމެއް ހިނގާއިރަށް އެއީ އެމްޑީޕީގެ ރޭވުމެއްކަމަށް ތިފެންނަނީ ކީއްވެބާ؟ ޑރ. މުއިއްޒު ވިދާޅުވުމާއި އަދި ޔާމީނުގެ އެދި ވަޑައިގަތުމާއެކު އެ ބަދަލު ގެންނެވީ ކުރިއަށް އޮތް 5 އަހަރުގެ ދައުރުގައި ރައީސުލްޖުމުހޫރިއްޔާ އަކަށް ހުންނަވާ ބޭފުޅަކަށް، އެކަމަކީ ކުރެއްވޭނެ ކަމެއް ކޮށްދިނުމަކީ އެންމެ ރަނގަޅު ގޮތް. މިވީ ގޮތުން ޕީޕީއެމުން ކުރާ ކޮންމެ ގޯސްކަމެއް ތިއަޅުވަނީ އެމްޑީޕީގެ ބޮލުގައި.

The name is already taken The name is available. Register?

ބޮޑުމީހާ

03 October 2023

ރޭގަ މުއިއްޒުގެ ސްޕީޗްގައި ވަރަށް ސަރީހަކޮށް ބުނެފި އެއްވެސް މީހެއްގެ ނޫފޫޒެއްގައި ނުޖެހޭނެކަން. ޔާމިނަށްވެސް އެންމެ ރަގަޅުވާނެ ގޮތަކީ މުއިއްޒުއަށް ހަމަޖެހިލައިގެން ވެރިކަން ކުރުމުގެ ފުރުސަތު ފަހިކުރުން.

The name is already taken The name is available. Register?

ބަޑިއަލީ

03 October 2023

މުއިއްޒުގެ އިސްކޮޅަސްވުރެ ބޮޑު ޔާންބެގެ ފޮޓޮއެއްގެ ނަވަލުގަ ހުރެގެން ކޭމްޕޭނުކުރީ.

The name is already taken The name is available. Register?

ޅިންޑި

03 October 2023

މަގޭ ގާތައް ހިނިއަންނަނީ. އިންތިހާބީ ރައިސް އަކީ މުއީޒް، މީހުން ދުވަނީ ޔާމިން ފަހަތުން.

The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454