ރީޓެއިލް ވިޔަފާރީގައި ރާއްޖޭގައި ވަރުގަދަ ސޮނީ އިން "ސޮނީ ހޯމް މެއިންޓެނެންސް" ނަމުގައި އާ ފިހާރައެއް ހުޅުވައިފި އެވެ.
މި ފިހާރަ ހުޅުވީ، ޗާންދަނީމަގުގަ އެވެ. ސޮނީން ބުނީ އެ ފިހާރައިގެ އެންމެ ހާއްސަ ކަމަކީ، ގޭތެރޭގެ މެއިންޓަނަންސަށް ބޭނުންވާ ހުރިހާ ސާމާނެއް އެއް ތަނަކުން ލިބުން ކަމަށެވެ. އޭގެ ތެރޭގައި ބަދިގެއަށް ބޭނުންވާ ސާމާނާއި ސާފުކުރުމަށް ބޭނުންވާ ސާމާނު ވެސް ހިމެނެ އެވެ.
ސޮނީން ބުނީ، މި ތަނުގައު ހާޑްވެއާ، ހޯމް އިންޕްރޫވްމަންޓް ޓޫލް އަދި ގޭތެރެއަށް ބޭނުންވާ ސާމާނު ވެސް ހުންނާނެ ކަމަށެވެ. އެ ފިހާރައިން ގަންނަ ތަކެތި ހަރުކުރުމާއި މަރާމާތުކުރުމާއި އިންސްޓޯލް ކުރުމުގެ ހިދުމަތް ވެސް އެފިހާރައިން ލިބޭނެ އެވެ. އެތަނުން ގަންނަ ބޮކި، ފެން އިސްކުރު، ތަޅު، ފަންކާ، ސްވިޗް އަދި ޝަވާ ފަދަ ތަކެތި ވެސް ހިލޭ ބަދަލުކޮށްދޭނެ އެވެ. އެ ހިދުމަތް ލިބޭނީ، އެ ފިހާރަ ހުންނަ ނެއިބަހުޑް ނުވަތަ ސަރަހައްދުގައި ދިރިއުޅޭ ކަސްޓަމަރުންނަށް ކަމަށް އެ ފިހާރައިން ބުންޏެވެ.
ސޮނީ ހޯމް މެއިންޓަނަންސް ފިހާރަ ކޮންމެ ދުވަހެއްގެ 8:00 އިން ރޭގަނޑު 10:00 އަށް ހުޅުވާފައި ހުންނާނެ އެވެ. މިއީ ސޮނީ ހާޑްވެއާގެ އަށް ވަނަ ފިހާރަ އެވެ.