06 ނޮވެމްބަރ 2023 - 10:21
57 comments
ސަރުކާރުން މި އަހަރުގެ ތެރޭ ދޫކުރާ 4000 ފްލެޓުގެ ތެރެއިން 100 ފްލެޓެއް މޯލްޑިވްސް ކަސްޓަމްސް ސާވިސްގެ މުއައްޒަފުންނަށް ހާއްސަ ކޮށްފައިވާ ކަން އެނގިއްޖެ އެވެ.
ގެދޮރުވެރިޔާ ސްކީމްގެ ދަށުން 13،000 މީހުން ފްލެޓަށް ޝަރުތު ހަމަވި ނަމަވެސް މި އަހަރުގެ ތެރޭގައި ފްލެޓު ލިބެނީ ހުޅުމާލެ ދެވަނަ ފިޔަވަހީގައި މިހާރު މަސައްކަތް ފަށާފައިވާ 4000 ފްލެޓަށް ޝަރުތު ހަމަވާ މީހުންނަށެވެ.
އެއީ ތިން ކޮޓަރީގެ ފްލެޓަށް ކުރިމަތިލި މީހުންގެ ތެރެއިން 76 ޕޮއިންޓަށް ވުރެ މަތިން ލިބިފައިވާ މީހުންނާއި ދެ ކޮޓަރީގެ ފްލެޓަށް ކުރިމަތިލި މީހުންގެ ތެރެއިން 73 ޕޮއިންޓަށް ވުރެ މަތިން ލިބިފައިވާ މީހުންނެވެ.
އޭގެ އިތުރުން، އެނގިފައިވާ ގޮތުގައި ހައުސިން މިނިސްޓްރީން ވަނީ 100 ފްލެޓެއް ކަސްޓަމްސް އަށް ހާއްސަ ކުރުމަށް ވެސް ނިންމައިފަ އެވެ.
ކަސްޓަމްސްގެ ކޮމިޝަނާ ޖެނަރަލް އަބްދުﷲ ޝަރީފް "މިހާރު" އަށް ވިދާޅުވީ އެ މުއައްސަސާ އިން އެތެރޭގެ އިވެލުއޭޝަން އެއް ހެދުމަށް ފަހު ހައުސިން މިނިސްޓްރީގެ އެދުނު ގޮތަށް މީގެ ދެ ހަފްތާ ކުރިން 100 މީހުންގެ ލިސްޓެއް އެ މިނިސްޓްރީ އަށް ފޮނުވާފައިވާ ކަމަށެވެ.
"އަޅުގަނޑުމެންގެ ތެރޭގައި ލިޔެކިޔުންތައް ވާނީ ބަދަލު ކޮށްފައި. ޝޯޓް ލިސްޓު ކޮށްފައިވާ ފައިނަލް ލިސްޓު އަޅުގަނޑުމެން ވަނީ ފޮނުވާފައި. އެކޮޅުން [ހައުސިން މިނިސްޓްރީ] އިން މިއަދު ޖަވާބެއް ލިބޭނެ ކަމަށް ބެލެވެނީ،" ޝަރީފް ވިދާޅުވި އެވެ.
އެކަމާ ގުޅޭ ގޮތުން ސުވާލު ކުރުމުން ހައުސިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން ވެސް ވަނީ އެކަން ކަށަވަރު ކޮށްދީފަ އެވެ. އޭނާ ވިދާޅުވި ގޮތުގައި ކަސްޓަމްސް އަށް ޖަވާބެއް ދީ ހަވާލު ކުރުުމުގެ މަސައްކަތް ކުރާނެ އެވެ.
އެނގިފައިވާ ގޮތުގައި މިދިޔަ ހޮނިހިރު ފްލެޓު ލިބޭ މީހުންގެ ދާއިމީ ލިސްޓު އިއުލާން ކުރި އިރު ކަސްޓަމްސްގެ ލިސްޓުގައި ހިމެނޭ ފަރާތްތަކުގެ ނަންތައް ވަނީ އުނިކޮށްފަ އެވެ. އެ ފަރާތްތަކަށް ދޭން ނިންމާފައި ވަނީ ކަސްޓަމްސް އިން ކަނޑައެޅި މިންގަނޑުތަކަށް ބަލައި ފޮނުވާފައިވާ ލިސްޓުންނެވެ.
ގެދޮރުވެދިޔާ ސްކީމްގެ ދަށުން ދޫކުރާ ފްލެޓުތައް ޕޮއިންޓުތަކާ އެކު ދާއިމީ ލިސްޓު އާންމު ކުރި ނަމަވެސް އެ ލިސްޓަށް ވެސް ޝަކުވާ ހުށަހެޅުމުގެ ފުރުސަތު ދޭން ސަރުކާރުން ވަނީ ނިންމައިފަ އެވެ.
އެހެން ނަމަވެސް މައްސަލަތައް ބޮޑުވެ، އެންޓި ކޮރަޕްޝަން ކޮމިޝަން (އޭސީސީ) އިން ވަނީ ޝަކުވާތައް ނުބަލާ ފްލެޓު ހަވާލު ނުކުރަން އަންގައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮންމެސް މީހެއް ދެން
15 November 2023
އެތައް ބައިވަރު މީހުނެއް ފޯމު ލާ ޝަރުތު ހަމަވިޔަސް 4000 ފުލެޓު 13000 މީހުނަށް ދޭއިރު އެންމެނަށް ނުލިބޭނެކަންވެސް މީހުން ދަންނަންޖެހެ. އަޅުގަނޑު މާލޭގަ އުޅޭތާ 30 އަހަރުވެސް ވެދާނެ. އުޅޭ ތަން ބަލަން އައި ދިރިއުޅުމުގެ ހާލަތުވެސް ފެންނާނެ. ދިވެހިންނަކީ އަބަދުވެސް އަމިއްލައަށް ނުލިބޭ އެއްޗެއް އަނެކާއަށްވެސް ލިބެން ނޭދޭ ބައެއް. އިރާދަކުރެއްވިއްޔާ އުއްމީދު ކަނޑައެއް ނުލާނަން އަޅުގަނޑެއް ދެން ފަހަރަކުންވެސް މަސައްކަތް ކުރާނީ.
ޢޮފިސަރ
07 November 2023
މިތަންވެސް ދީފަ ހުރީ ހަމަ ގޯތި ހުރިމީހުންނަށް.
ޢައްސި
06 November 2023
ފުރަތަމަ ފެށުންވެސް ގޯސް. ޢެންމެ ފަހުން ބޯހިޔާވަހިކަމުގެ ސްކީމްގެ ދަށުން ގެދޮރުވެރިކަންލިބުނު މީހުނަށް މިފަހަރު ފުރުސަތު ލިބެންޖެހޭނީ ގެދޮރުވެރިކަން ނެތް މީހުނަށް ލިބި ބާކީވާނަމަ. ލިބޭ އެއްބަޔަކަށް ލިބުން ބޭއިންސާފް. ޢަސްލަންޓެމެންގެ ތި އަނިޔާވެރިކަން ފިލާނުދާނެ ހިތަކުން.
ސައި
06 November 2023
ކަސްޓަމު މީހުންނަށް 100 ފުލެޓުލިބުނީ ކިހެނެތްތޯ އަސްލު 50 ޕޮއިންޓުން މަތިލިބޭ ކޮއްމެ މީހަކަށް ފުލެޓު ދޭންވީ އުއްމީދުކުރަން އިންތިހާބީރައީސް މިގޮތަށް އަމަލު ކުރައްވާނެކަމައް
ރައްޔިތުސޮރު
06 November 2023
ކަސްޓަމުސްއަށް 100 ރައީސް އޮފީހަށް 50 މުލިއާގެއަށް 50 މިނިސްޓަރަކަށް 20 ކޮންމެ މަޖިލިސް މެންބަރަކަށް 85 ފުލެޓު ދިނީމަ ހައްޤުން ލިބެންޖެހޭ ރަައްޔިތަކަށް ފުލެޓުގެ ބަދަލުގަ ލިބޭނީ ރައީސްދެއްވާ "އަދި ލިބޭނެކަމުގެ ފޮނިއުއްމީދު"ގެ ލިޔުމެއް!
ސޭޑްރިއަލިޓީއޮފްއަގަވަރމެންޓް
06 November 2023
ދިވެހިންނަކީ އާބާދީގެ ގޮތުން މަދުބައެއް، އެއްބަޔަކު އަނެއްބަޔަކު ދަންނަ ބައެއް. ދޮގުހަދާފަ ހުއްޓޭ އެބުނަނީ އެކަން އެނގޭތީ. ސަރުކާރުން ޕޮއިންޓްދިނީ ފޯމުގަ ހުރިމައުލޫމާތަށޭ ބުނާއިރު ދެމަފިރިން ނިދާކޮޓަރީގަ ދިހަ ބާރަމީހުން ނިންދަވަމޭ ފަންސާހަކަށްމީހުންނަށް ފާހާނަ ބޭނުން ކުރަންދެމޭ ބުނީމަ ސަރުކާރުން މި ހެދިގޮތަކީ އެއީ ތެދުކަމަށްބަލާފަ ތެދުދޮގުވެސް ބެލުމެއްނެތި ފްލެޓްބަހާލީ. ބުނެދިނީ ދޮގުހަދާށޭ، ނިޒާމަށްއޮޅުވާލާށޭ އެއްޗެއްދެވެންއޮތީ އޭރުންނޭ!
ރިޔަލިޓީ
06 November 2023
ދޮގު މައުލޫމާތުދިން މީހަ ރަގަޅު، ސަރުކާރު ގޯސް.
ކުޑަމިނުން
07 November 2023
50 މީހުން ފާހާނާ ބޭނުންކުރެއޭ ބުނީމަ އެ އެންމެންގެ ދަތް އުނގުޅާ ބުރުސްތައް ދައްކާށޭ ބުނިނަމަދޯ..
ރަމްޒު
08 November 2023
ދޮގު ހަދައިގެން ގޯތި އަދި ފްލެޓް ލިބޭ މީހުން ވިސްނަން ޖެހޭ ޤިޔާމަތް ދުވަހު ތިމާ އެކަމުގެ ސަބަބުން ނަރަކަޔަށް ދާން ޖެހިދާނެކަން ވެސް ގިނަ ބަޔެއްގެ ހައްގުތަކަށްކަން ތިމާޔަށް މިއަރައިގަނެވުނީ، ދުނިޔެމަތީގައިވެސް ގިނަ ފަހަރަށް އުފަލުގަ ނުއުޅެވޭނެ ކަން ވީމާ ނުހައްގު އެއްޗެއް ހޯދަން ނުއުޅެ ހައްގު ގޮތުގައި މަސައްކަތް ކޮށްގެން ތިމާޔަށް ލިބޭ މިންވަރަށް ޝުކުރު ވެރިވުން ބުއްދިވެރި ކާމިޔާ ބަކީ އެއީ މިތަނުގަވެސް އަސްލުގައި .....
ސިލްމާ ޒާހިރު
06 November 2023
ބޭއިންސާފުވެރި. ޓެކްސް ފައިސާއިން އަޅާ ތަންތަނަށް މިހެނެއް ނުހެދޭނެ. މިއީ ކަސްޓަމްސްއިން ބިން ގަނެގެން ކުރި ކަމެއް ނޫން!
ހަމައެއް ނެތް ބޯހިޔާ
06 November 2023
މާ ރަނގަޅު ނޫންތޯ ފާހަގަޖެހި ވަކި ބަޔަކަށް ވެދުންކުރާ ބޯހިޔާވަހި ކަމޭ ކިއިއްޔާ! ވަކި އޮފީހެއް/ކުންފުންޏެެއްގައި އުޅޭތީ ދައުުލަތުގެ އާއްމު ހައުސިން ސްކީމަކުން ފްލެޓް ހާއްސަ ވުމަކީ އިންތިހާ ބޭއިންސާފު. އަނެއްކޮޅުން ރަށްރަށުގައި ގޯއްޗާއި ގެދޮރުހުރި މީހުންނަށްވެސް މާލެއިން ފްލެޓް. ދެމަފިރިންނަށްވެސް ފްލެޓް. އަރަތެއްނު މީ! ދެން ރަށްރަށް ފަޅުކޮށް މާލެއަށް ބަދަލުވަނީ. ދުވަހަކުވެސް ކިހިނެއް މިފާޑަށް ކަންކޮށްގެން ބޯހިޔާވަހިކަމަށް ހައްްލެއް ގެނެވޭނީ؟
މީކައިލު
06 November 2023
ކީކުރާ ކަސްޓަމެއް
ލުތުފީ
06 November 2023
މިއީ ވަރަށް ނާއިންސާފު ކަމެއް. ސަރުކާރުގެ ސޯޝަލް ހައިސިންގ ސްކީމް ގައި ގެދޮރުގެ ދަތިކަންހުރި މީހުނަށް އިސްކަންދޭން ޖެހޭނީ. ވަކި ކަސްޓަމްސް ގެ މުވައްޒަފުންނަށް އިސްކަން ދީގެންނުވާނެ. ކަސްޓަމްސް ގެ މުވައްޒަފުން ދައުލަތަށް މަސައްކަތް ކޮށްދެނީ ހިލޭސާބަހަށްތޯ! ކަންޓަމްސްއަކީ މުސާރައިގެ ގޮތުން އެންމެ ގިނަފައިސާ ލިބޭ އެއްތަން. މިހާ ބޭއިންސާފުވާކަށް ނުވާނެ.