ބެޑްރޫމް ސެޓެއް ލިބޭ ޕްރޮމޯޝަނެއް ރެއިންބޯ އިން މިއަދު ފަށައިފި އެެވެ.
ރެއިންބޯ އިން ބުނީ އެ ކުންފުނީގެ ފޭސްބުކް ޕޭޖުގައި ހިމަނާފައިވާ މި ޕްރޮމޯޝަނުގެ ޕޯސްޓަށް ކޮމެންޓް ކުރުމަށް ފަހު، އެ މީހެއްގެ އަމިއްލަ ޕްރޮފައިލަށް ޝެއާ ކުރުމުން ޕްރޮމޯޝަނުގައި ބައިވެރިވެވޭނެ ކަމަށެވެ. އެކަމަކު، ކޮމެންޓް ކުރާއިރު މަދުވެގެން ފަސް މީހަކު ޓެގް ކުރަން ޖެހޭނެ ކަމަށް އެ ކުންފުނިން ބުންޏެވެ.
އަންނަ މަހުގެ ނިޔަލަށް ކުރިއަށް ގެންދާ މި ޕްރޮމޯޝަން ނިމުމުން ނަގާ ގުރުއަތުން ހޮވޭ ފަރާތަކަށް ދެނީ ކިންގް ސައިޒުގެ ބެޑްރޫމް ސެޓެކެވެ.
ރެއިންބޯ އަކީ އެންމެ ފުޅާދާއިރާއެއްގައި ރާއްޖޭގައި ފަރުނީޗަރުގެ ވިޔަފާރި ކުރާ އެއް ކުންފުންޏެވެ. އެ ކުންފުނިން ކޮންމެ އަހަރެއްގެ ފަހުކޮޅު ބާއްވާ ޕްރޮމޯޝަންގެ އިތުރުން، ރޯދަމަހާއި އެ ނޫން ވެސް ހާއްސަ މުނާސަބަތުތަކާ ގުޅުވައިގެން ވެސް ޕްރޮމޯޝަންތައް ކުރިއަށް ގެންދެ އެވެ.