ހޮލީވުޑް ތަރި ޑަކޯޓާ ފޭނިންގެ އުމުރުން 11 އަހަރުން ފެށިގެން ކޮންމެ އުފަންދުވަހަކު، ހޮލީވުޑްގެ ސުޕަސްޓާރު ޓޮމް ކްރޫޒް އޭނާ އަށް ބޫޓެއް ހަދިޔާކުރާ ކަމަށް ބުނެފި އެވެ.
މީގެ 19 އަހަރު ކުރިން 2005 ގައި ރިލީޒްކުރި "ވޯ އޮފް ދަ ވޯލްޑް" އަކީ ފޭނިން އާއި ޓޮމް އެކުގައި ކުޅުނު ފުރަތަމަ ފިލްމެވެ. އޭރު ފޭނިންގެ އުމުރުން ވާނީ އެންމެ 11 އަހަރެވެ.
"ކެލީ ކްލާކްސަން ޑޭ ޓައިމް ޝޯ" އަށް މިފަހުން ދިން އިންޓަވިއުގައި ފޭނިން ބުނީ އޭނާގެ 11 ވަނަ އުފަންދުވަހު ޓޮމް އޭނާ އަށް ދިނީ މޮޓޮރޮއްލާ ފޯނެއް ކަމަށެވެ. ނަމަވެސް އޭގެ ފަހުން އައި ކޮންމެ އުފަންދުވަހަކު ބޫޓެއް ހަދިޔާކުރާ ކަމަށް ބުންޏެވެ.
ކޮންމެ އުފަންދުވަހަކަށް ބޫޓެއް ހަދިޔާކުރަން ފެށީ އޭނާ އަކީ ބޫޓަށް ލޯބި ކުރާ މީހެއްކަން ޓޮމް އަށް އެނގުމުން ކަމަށް ފޭނިން ބުންޏެވެ.
ފިލްމް "ވޯލްޑް އޮފް ވޯ"ގައި ޓޮމް ކުޅުނީ ފޭނިންގެ ބައްޕަގެ ރޯލެވެ. އޭގެ ފަހުން ނުކުތް "އައި އޭމް ސޭމް" އާއި "އަޕް ޓައުން ގާލްސް" އަދި "މެން އޮން ފަޔާ"ގައި އެ ދެތެރިން އެކުގައި މަސައްކަތްކޮށްފައިވެ އެވެ.