ރާއްޖެއަށް މިހާރު ކުރަމުންދާ ވިއްސާރައާ ގުޅިގެން މާދަމާ އަކީ ސަރުކާރު ބަންދު ދުވަހެއްގެ ގޮތުގައި ކަނޑައެޅި ނަމަވެސް މޯލްޑިވްސް އިސްލާމިކް ބޭންކް (އެމްއައިބީ) ހުޅުވާފައި ހުންނާނެ ކަމަށް އެ ބޭންކުން ބުނެފި އެވެ.
އެމްއައިބީން ބުނި ގޮތުގައި ކަސްޓަމަރުންނަށް މެދުނުކެނޑި ހިދުމަތް ފޯރުކޮށްދިނުމުގެ ގޮތުން ބޭންކުގެ ބްރާންޗްތައް ރަސްމީ ދުވަސްތަކެކޭ އެއްގޮތަށް ހުޅުވާނެ އެވެ.
މިއީ ބެންކުގެ ބިޒްނަސް ކަސްޓަމަރުންނަށާއި ރީޓެއިލް ކަސްޓަމަރުންނަށް އެއްވެސް ދަތިކަމެއް ނެތި ހުރިހާ ހިދުމަތެއް ފަސޭހައިން ފޯރުކޮށްދިނުމުގެ ގޮތުން ނިންމި ނިންމުމެއް ކަމަށް އެމްއައިބީން ބުންޏެވެ.
އެމްއައިބީގެ ގިނަ ހިދުމަތްތަކަކީ އޮންލައިންކޮށް ވެސް ހޯދޭނެ ހިދުމަތްތަކެވެ. އޭގެ ތެރޭގައި އެކައުންޓް ހުޅުވުމާއި، ބިޒްނަސް އެކައުންޓް ހުޅުވުން އަދި ފެސިލިޓީތަކަށް ހުށަހެޅުން ހިމެނެ އެވެ.