ގާސިމް އޭނާގެ އަންހެނުން އާއިޝާ އާއި ބައެއް ކުދިންނާ އެކު.
11 ފެބުރުއަރީ 2025 - 10:28
34 comments
ރާއްޖޭގެ އެންމެ ބޮޑު އެއްމަހުޖަނު ގާސިމް އިބްރާހީމް ރޭ އެ ވަނީ އޭނާގެ ބަޔޯގްރަފީ ނެރުއްވައި، ފަގީރު ހާލަތުން އޭނާ އެ ހިސާބަށް ކުރެއްވި ދަތުރުގެ ތަފްސީލުތައް ވިދާޅުވެދެއްވައިފަ އެވެ. ތަޖުރިބާކާރު ނޫސްވެރިޔާ މުހައްމަދު ޖަމީލް ލިޔުއްވި މި ފޮތުގައި ގާސިމުގެ ހަޔާތުން ވަރަށް ގިނަ އިބުރަތްތަކާއި ފިލާވަޅުތައް ހިމެނެ އެވެ. އެކަމަކު މި ފޮތުގެ ސަފުހާތަކުގެ ތެރެއިން އެންމެ ހާއްސަވީ ގާސިމް އަމިއްލަ އަށް ލިޔުއްވި އޭނާގެ ބޭފުޅުންނަށް ކުރެއްވި ވަސިއްޔަތެވެ.
ފޮތުގެ އެންމެ ފަހު ބާބުގައި ހިމަނުއްވާފައިވާ އެ ވަސިއްޔަތުގައި ގާސިމް ލިޔުއްވި ގޮތުގައި ކުދިންގެ އަތްމައްޗަށް އޭނާ ދޫކޮށް ލައްވަނީ އެ ކުދިންނާއި ކުދިންގެ މައިންނަށް ވަގުތު ނުދެވި ކުރެއްވި މަސައްކަތުގައި ގުރުބާނީގެ ސަބަބުން ހޯއްދެއްވުނު އެއްޗެއް ކަމަށެވެ.
"އެހެންވީމާ، މި އިންވެސްޓްމަންޓްތައް ތިޔަ ކުދިންގެ މެދުގައި ތެދުވެރިކަމާއި، އިންސާފުވެރި ގޮތުގައި ކުރިއަށް ގެންދިއުމަކީ ވަރަށް މުހިއްމު ކަމެކެވެ،" ގާސިމްގެ ވަސިއްޔަތުގައި ވެ އެވެ.
ގާސިމް ކުދިން ގާތު އެދިވަޑައިގަތީ މިއީ އެ ކުދިންގެ މިލްކެއް ކަމަށް ވިޔަސް އެ މުދަލާއި ފައިސާ ހޯދުމަށް އޭނާ ވެވަޑައިގެންނެވި ގުރުބާނީ ހިތުގައި ބާއްވައިގެން ގައުމަށް ފައިދާކުރާނެ ގޮތަކަށް އެ މަސައްކަތްތައް ކުރިއަށް ގެންދެވުމަށެވެ.
"(އަޅުގަނޑުގެ) ވަސިއްޔަތަކީ، ކުދީން ބައިބައިވެގެން ނުދިއުމެވެ. އެއް ކުއްޖަކު އަނެއް ކުއްޖަކަށް އަޅާލުމެވެ. އެކީގައި އުޅޭއިރު ހިތްހަމަނުޖެހޭ ކަންތަކާ ދިމާވިޔަސް ކެތްތެރިވުމެވެ. ވިސްނުންތެރިވުމެވެ،" ގާސިމް ލިޔުއްވާފައިވެ އެވެ.
"ހިތްހަމަނުޖެހޭ ކަންކަމާ ދިމާވުމުން ވަކިވެގެން ލިބޭ އެއްޗެއް ހިފައިގެން ގޮސް އުޅޭއިރު، ވަރަށް ގިނަ ފަހަރަށް ކާމިޔާބު މަސައްކަތަކާ ހަމަށް ނުދެވިދާނެ އެވެ."
ގާސިމް އޭނާގެ އަންހެނުން ރާބިއާ (ކ) އާއި ބައެއް ކުދިންނާ އެކު އުފަން ދުވަހު ކޭކެއް ފަޅަނީ.
ގާސިމް އޭނާގެ ކުދިންނަށް ލިޔުއްވި ގޮތުގައި އޭނާގެ ހަޔާތުގެ އެންމެ މުހިއްމު އެއް ބަޔަކީ އިންސާނިއްޔަތަށް އެހީތެރިވުމެވެ. އަދި ކުރިމަތިލައްވަން ޖެހިވަޑައިގެންނެވި އަނިޔާތަކާއި ހުރަސްތަކާ އެކު ވެސް ގައުމާއި ރައްޔިތުންނަށް ހިދުމަތްކުރުމަކީ އޭނާގެ ހަޔާތުގެ މުހިއްމު ބައެއް ކަމަށާއި އެންމެ ފަހު ނޭވާއާ ހަމަޔަށް ވެސް އެކަން ދެމި އޮންނާނީ އެހެން ކަމަށް ވިދާޅުވި އެވެ.
"ދަރިފުޅުމެންގެ ކާފަ ބުރުމާ އިބްރާހީމްގެ ފަރާތުން ބައްޕަ އަށް ލިބުނު އެންމެ މުހިއްމު ފިލާވަޅަކީ ދަތި ހާލުގައި ޖެހިފައިވާ މީހުންނަށް ވެވުނު ވަރަކުން އެހީވުމެވެ. ތިޔަ ކުދިން ވެސް ބައްޕަގެ ވަސިއްޔަތެއްގެ ގޮތުގައި ދެކެންވީ އަބަދުވެސް ދަތި ހާލުގައި ޖެހިފައިވާ މީހުންނާ މެދު ރަހުމުކޮށް އެހީތެރިވުމުގެ އަތްތިލަ ހުޅުވާލައިގެން ތިބުމެވެ. އިސްރާފު ނުކުރުމަށެވެ،" ގާސިމް ވިދާޅުވި އެވެ.
ގާސިމް އޭނާގެ ވަސިއްޔަތުގައި، އާއިލީ ކަންކަމުގެ އިސް މަސްއޫލިއްޔަތު ހަވާލުކުރައްވާފައި އޮތީ 14 ކުދިންގެ ތެރެއިން ދޮށީ ފިރިހެން ދަރިފުޅު އިބްރާހީމް ސިޔާދު ގާސިމްއާ އެވެ. ހުރިހާ ކުދިން އޭނާ އަށް އެހީތެރިވެ އެކަތިގަނޑެއްގެ ގޮތުގައި ކުރިއަށް ވަޑައިގެން، އޭނާ ނެތް ދުނިޔެއެއްގައި ދެން އެންމެ ރަނގަޅަށް ހަރުދަނާކޮށް ކަންތައްކުރާ ކުއްޖަކު އިސްވެ އޭނާގެ ފަހަތުން ދިއުމަށް އެދިވަޑައިގެންފައިވެ އެވެ.
"ގާތް މީހަކު ކަމެއް ގޯސްކުރަން ނަސޭހަތް ދިނަސް އެ ކަހަލަ ކަންތައްތަކުގައި ބައިވެރި ނުވާށެވެ. އަދި ބަޔަކު ނުބައި ރޭވުމެއް ރާވައިގެން ދެރައެއް ދޭން އުޅުނަސް، އެ ބަޔަކަށް ބަދަލުގައި ދެރައެއް ދޭން ނުވިސްނާށެވެ. ވިސްނަންވީ ހަމައެކަނި އެކަމަކުން ސަލާމަތްވެވޭނެ ގޮތެއް ހޯދައިގެން ސަލާމަތްވުމަށެވެ،" ގާސިމްގެ ބޭފުޅުންނަށް ހާއްސަ ކުރެއްވި ނަސޭހަތުގައި ވިދާޅުވި އެވެ.
ގާސިމްގެ ދޮށީ ފިރިހެން ދަރިފުޅު އިބްރާހީމް ސިޔާދު ގާސިމް. -- ފޮޓޯ: ނިޝާން އަލީ/ މިހާރު
ގާސިމް ވަނީ އޭނާގެ ބޭބޭފުޅުންގެ މަންމައިންނަށް ވެސް ޝުކުރު އަދާކުރައްވައިފަ އެވެ. ގާސިމް ލިޔުއްވި ގޮތުގައި އޭނާ މަސައްކަތުގައި އަވަދިނެތި އުޅުއްވިއިރު، ދަރިން ތަރުބިއްޔަތުކުރުމާއި ބޭބޭފުޅުންގެ ކަންކަމުގައި އެންމެ ބޮޑު ގުރުނާބީއެއްވީ މައިން ކަމަށާއި މުޖުތަމައުގެ ނުބައި އޮއިވަރުތަކުގެ ތެރޭގައި ކުދިން ޖެހުނަ ނުދީ ގައުމަށް ހިދުމަތްކުރެވޭ ފަދަ އިލްމީ، ގާބިލް އަދި ހިތްހެޔޮ ދަތިންތަކަށް ހަދައިދިނީ ވެސް މައިން ކަމަށެވެ.
"ބައްޕަ އަށް ކޮށްދެވުނު ކަމަކީ ތިޔަ ކުދިންގެ ކަންކަމަށް ކުރަން ޖެހުނު ހަރަދުތަކުގައި ދަތިވިޔަ ނުދިނުމެވެ. ލިބިފައިވާ ތަނަވަސްކަމާއި އެކު ވެސް މަޖާކުރުމާ، ވަގުތު ބޭކާރުކުރުމުގައި، ހައްދު ފަހަނައަޅައި ދިޔަ ނުދީ، ދެއްކުންތެރިކަން އިސް ކުރިޔަނުދީ، ލިބޭ އެއްޗަކުން ދެކޮޅު ޖައްސައި، ސާދާ ދިރިއުޅުމަކަށް ތިޔަ ކުދިން މިސްރާބު ކުރެވޭތޯ ބެލީމެވެ،" ޖުމްލަ 8 ކައިވެންޏެއް ކުރެއްވި ގާސިމް ލިޔުއްވި އެވެ.
ގާސިމް އޭނާގެ ކުދިންގެ މައިންގެ ކިބައިން އެދިވަޑައިގަތީ އެއް ކުއްޖަކު އަނެއް ކުއްޖަކަށް ހަސަދަވެރިކަން އުފެދިދާނެ ފަދަ ކަމަކަށް މަގު ތަނަވަސްވިޔަ ނުދީ، އުފާވެރި، ސުލްހަވެރި ހަޔާތެއްގައި އެ ކުދިން އުޅުމަށް ނަސޭހަތްތެރިވުން މަތީގައި ދެމި ތިބުމަށެވެ.
ގާސިމްގެ ނަސޭހަތަކީ އޭނާ ބިންގާ އެޅުއްވި ކަންކަން ކުދިން ކުރިއަށް ގެންދެވުމެވެ. އިސްލާމް ދީނުގައި އަންގަވާފައި އޮތް ގޮތަށް ދީނާއި މައިންބަފައިންނާއި އަހުންނާއި އުހުތުންނާއި ގާތް ތިމާގެ މީހުންނަށް ރައްޓެހިންނާއި ނިކަމެތިންނަށް ހެޔޮކޮށް ހިތާ ބަޔަކަށް ކުދިން ވުމެވެ.
"ކާމިޔާބީގެ ތަޅުދަނޑިއަކީ އެއީ އެވެ،"
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިލަރީ
16 February 2025
ކޮންގޮތަކަށް ކަމެއް އަހަންނަކަށް ނޭގުނު ގާސިމް މީހުންނަށް އެހީ ވަނީ އެންމެ ފަހަރަކު އަހަރެންގެ ދަރިއަކު އެހީއަކައް އެދުމުން ނުކޮއްދިން
އިސްމާކުބެ، މާމިގިލި
15 February 2025
8 ކައިވެނިތޯ ނޫނީ 8 މީހަކާއި 50 ވަރަކަށް ކައިވެނިތޯ؟ ކޮބައިތޯ ރަނގަޅު ގޮތަކީ؟؟؟
ރާއްޖެ
12 February 2025
ހަގީގަތުގައި ގާސީމަށް ވުރެ މާ މުއްސަނދި މީހުން ރާއްޖޭގައި އެބަ ތިބި. ޢެކަމަކު ގާސިމް ވަރު ދީލަތި މީހެއް ނެތް.
ނައީމް123
12 February 2025
ގާސިމަކީ ދިވެހިން ފަހުރުވެރިވާ ލާމަސީލު ދަރިއެއް. ވަކި މީހަކަށް ވީތީވެ މަނިކުފާނު ތަފާތު ނުކުރައްވަވާ އެހީތެރިވެދެއްވާ. އާދައިގެ ނިކަމެތިންގެ ހާލު އެންމެ ރަނގަޅަށް ދެނެވަޑައިގަންނަވާ މަހުޖަނަކީ އަބަދުވެސް ތިއީ. އަޅުގަނޑުގެ ދުޢާއަކީ މަނިކުފާނުގެ ދަރީންނަކީވެސް މަނިކުފާނު ނެތް ދުނިޔޭގައިވެސް ދިވެހީންނަށް އިހުސާންތެރި އޯގާތެރި އަޅާލާ ދަރީންކަމުގައި ލެއްވުން. މަނިކުފާނާއި މަނިކުފާނުގެ އާއިލާއަށް ވެސް މާތްﷲ ބަރަކާތްލައްވަވާނދޭވެ. އާމީން.
ހުސް
12 February 2025
ގާސިމަކީ ދީލެލި ކަމުގެ ނަމޫނާއެއް
އިހްސާސް
11 February 2025
ދީލަތި އެހީ ދީފައި އެވާހަކަތައް ތިމާ އަމިއްލައަށް ދެއްކީމާ އެކަމުން ލިބެންވާ ޙަޤީގީ ނަފާ ލިބޭނެބާ؟
ރާއްޖެ
12 February 2025
ކަލޭތަ ނަފާ ދެނީ؟
ގާރާރު
12 February 2025
ކަލޭ ދައްކަނީ މީހެއްގެވިއްޔާ ކޮންމެވެސް ގޯސްވާހަކައެއް. މީހަކަށް ހެޔޮބަހެއް ބުނާކަށް ދަސްވެފައެއްނެތްވިއްޔަދޯ. ގާސިމް ކަލެއަށް ވުރެ ކޮންމެގޮތަކުން ބެލިޔަސް ހުރީމާކުރީގަ.
ރަނގަޅު11
11 February 2025
ޤާސިމްއަކީ ދީލަތި ހިތްހެޔޮ، ރަނގަޅު އިންސާނެއް.
ރަންދުން
11 February 2025
ޔާމީނަކީވެސް، އަންނިއަކީވެސް، މައުމޫނަކީވެސް، ވަހީދަކީވެސް، ނާސިރަކީވެސް، އިބޫއަކީވެސް، މުއިއްޒުއަކީވެސް، އަމީނަކީވެސް ދެންއެންމެހާ ރަދުންނާއި ބޮޑެތި މަހުޖަނުންނާ އެންމެހާ ވެރީންނަކީވެސް ވ ރަގަޅު ހިތްހެޔޮ އިންސާނުން. ހަމައެކަނި ކުރާ ބައެއް ކަންކަން ގޯސްވަނީ ދެެއްތޯ؟
މިހެން އިވޭތީ ހައިރާންވެ
12 February 2025
2004 މާޗް މަހު ކޮއްކޮއެއްގެ ބަނޑުގެ ބައްޔެއްގައި އޮޕަރޭޝަނެއް ކުރަންޖެހިގެން ސިޓީ ލިޔެގެން ސަލާމް ޖަހަން ދިއުމުން ހަމަ ކުޑަވެސް އެހީއެއް ނުދެއްވި، ވަރަށް ދެރަވި، މިހާރު ކޮއްކޮވީ ނިޔާވެފަ، އޭރު ރައީސް އޮފީހުން މައުމޫނަށް އަދި ތީމުގޭން މައުމޫނަށް ފޮނުވިސިޓީ އާއިއެކު ދެއްވި އެއްޗަކާ
ވާވު
11 February 2025
ގާސިމްގެ މަސައްކަތަށް ސުކުރު. ގާސިމްއަކީ ރަނގަޅު ބޭފުޅެއް
ބައިބައި
11 February 2025
ޜަގަލު ވެލިއުސް ތަކެއް ދެއްކި’ އެކަމުން މުއްސަދިވިނަމަ، ބައިބައެއްނުވާނެ.. ނަމަވެސް ފެނަނަނީ ގައުމު ފަސާދަ ދަކަކުރިމީހެއް ގޮތައް.
7000
11 February 2025
މީހަކު ކަމަކު ގޮސްފިނަމަ ހުސްއަތާ އެމީހަކު ފޮނުވައި ނުލާނެ. އިހުސާންތެރިކަމާއި އޯގާތެރިކަމުގެ މިސާލެއް. ދެރައީ މިފަދަ ކަންކަން ދިވެހިން ހަނދާންނެތޭލެއް ފަސޭހަކަން.
ޢަހުމަދު.
11 February 2025
އަޅުގަނޑު ފޮނުވާލި ހުސްއަތާ! ކުޑަމިނުން ބައްދަލުކޮށްވެސްނުލި! ނޫޅުއްވަޔޭ ކިޔާފަ ހެދީވެސް ދޮގު! ނެތޭ ބުނީމަ ވިލާ ހައުސް ނިކުމެ ބޭރުގަ މަޑުކޮށްގެން ތިއްބާ ހަމަ އެތަނުން ނުކުމެގެން ދިޔައީވެސް!
އަހުމަދުު
11 February 2025
އަހަރެންގެ ދަރިފުޅަށް ރާއްޖޭން ބޭސްފަރުވާ ހޯދުމަށް 3 ފަހަރު ސިޓީފޮނުވިން ގާސިމްގެ ފައުންޑޭޝަނަށް. 3 ފަހަރުވެސް ލިބުނު ޖަވާބަކީ ވަރަށް ދަތިކޮށް އުޅޭތީ ތިކަން ހަމަޖެހެން ނެތްކަމަށް.