އިމިގްރޭޝަން އޮފިސަރުންގެ ވަޒީފާއަށް ކުރިމަތިލާން އިމިގްރޭޝަނުން ހުޅުވާލި ވޯކް-އިން އިންޓަވިއުއަށް ބޮޑު ތަރުހީބެއް ލިބިއްޖެ އެވެ.
އިމިގްރޭޝަނުން އިއުލާން ކޮށްފައިވަނީ 50 އޮފިސަރުން ހޯދުމަށެވެ. އެ މަގާމުތަކަށް މީހުން ހޮވަން މިއަދު ވޯކް-އިން އިންޓަވިއު ހެނދުނު 9:00 ން ހަވީރު 5:00 އާ ހަމައަށް ގަލޮޅު ސްކޫލްގައި ކުރިއަށް އެބަ ގެންދެ އެވެ.
ހަ ކްލާސްރޫމެއްގައި ހަ އިންޓަވިއު ފެނަލަކުން ވަޒީފާއަށް އެދި ކުރިމަތިލީ މީހުންނާ އިންޓަވިއު ދަނީ ކުރަމުންނެވެ.
ވޯކް-އިން އިންޓަވިއުއަށް ދާއިރު، ލިޔެކިޔުންތައް ހަމަކޮށްގެން ދިޔުމަށް އިމިގްރޭޝަނުން ވަނީ އިލްތިމާސްކޮށްފަ އެވެ.
އިންޓަވިއުގެ ކަންކަން ކުރިއަށްދާ ގޮތް ބައްލަވައިލައްވަން އިމިގްރޭޝަން ކޮންޓްރޯލަރު އަހުމަދު ފަސީހް ވަނީ ގަލޮޅު ސްކޫލަށް ވަޑައިގެންފަ އެވެ.